ಒಂದೇ ಸಿನಿಮಾದಲ್ಲಿ ಶಾರುಖ್​, ಆಮಿರ್​, ಸಲ್ಮಾನ್​; ‘ರಾಜಮೌಳಿ ನಿರ್ದೇಶನ ಮಾಡ್ಬೇಕು’ ಎಂದ ನೆಟ್ಟಿಗರು

ಕಪಿಲ್​ ಶರ್ಮಾ ನಡೆಸಿಕೊಡುವ ‘ದಿ ಗ್ರೇಟ್​ ಇಂಡಿಯನ್​ ಕಪಿಲ್​ ಶೋ’ ಕಾರ್ಯಕ್ರಮ ನೆಟ್​ಫ್ಲಿಕ್ಸ್​ನಲ್ಲಿ ಪ್ರಸಾರ ಆಗುತ್ತಿದೆ. ಈ ಕಾರ್ಯಕ್ರಮದ ಇತ್ತೀಚಿನ ಎಪಿಸೋಡ್​ನಲ್ಲಿ ಆಮಿರ್​ ಖಾನ್​ (Aamir Khan) ಅವರು ಭಾಗವಹಿಸಿದ್ದರು. ಇದರಲ್ಲಿ ಅನೇಕ ಇಂಟರೆಸ್ಟಿಂಗ್​ ವಿಚಾರಗಳನ್ನು ಆಮಿರ್​ ಖಾನ್​ ಹಂಚಿಕೊಂಡಿದ್ದಾರೆ. ಕೆಲವು ವಿಶೇಷವಾದ ಮಾತುಕಥೆಯ ವಿಡಿಯೋವನ್ನು ಕಪಿಲ್​ ಶರ್ಮಾ (Kapil Sharma) ಅವರು ಸೋಶಿಯಲ್​ ಮೀಡಿಯಾದಲ್ಲಿ ಶೇರ್​ ಮಾಡಿಕೊಂಡಿದ್ದಾರೆ. ಆ ಪೈಕಿ ಹೆಚ್ಚು ಗಮನ ಸೆಳೆದಿರುವುದು ಸಲ್ಮಾನ್​ ಖಾನ್​, ಆಮಿರ್​ ಖಾನ್​ ಹಾಗೂ ಶಾರುಖ್​ ಖಾನ್ (Shah Rukh Khan)​ ಜೊತೆಯಾಗಿ ನಟಿಸುವ ಸಿನಿಮಾದ ವಿಚಾರ.

ಈ ಮೂವರು ಸ್ಟಾರ್​ ಕಲಾವಿದರು ಒಂದು ಸಿನಿಮಾದಲ್ಲಿ ಜೊತೆಯಾಗಿ ನಟಿಸಬೇಕು ಎಂಬುದು ಅಭಿಮಾನಿಗಳ ಆಸೆ. ಅದರ ಬಗ್ಗೆ ‘ದಿ ಗ್ರೇಟ್​ ಇಂಡಿಯನ್​ ಕಪಿಲ್​ ಶೋ’ ಕಾರ್ಯಕ್ರಮದಲ್ಲಿ ಪ್ರಸ್ತಾಪ ಆಗಿದೆ. ಆಗ ಆಮಿರ್​ ಖಾನ್​ ಅವರು ಅಚ್ಚರಿಯ ವಿಚಾರ ಹಂಚಿಕೊಂಡಿದ್ದಾರೆ. ಈ ಹೈವೋಲ್ಟೇಜ್​ ಸಿನಿಮಾ ಪ್ಲ್ಯಾನ್​ ಬಗ್ಗೆ ಆಮಿರ್​ ಖಾನ್​ ಅವರು ಈಗಾಗಲೇ ಮಾತುಕಥೆ ಶುರು ಮಾಡಿದ್ದಾರೆ ಎಂಬುದು ವಿಶೇಷ.

‘ಇತ್ತೀಚಿಗೆ ನಾನು ಶಾರುಖ್​ ಖಾನ್​ ಮತ್ತು ಸಲ್ಮಾನ್​ ಖಾನ್​ ಅವರನ್ನು ಭೇಟಿ ಆದೆ. ನಾವು ಮೂವರೂ ಜೊತೆಯಲ್ಲಿ ಇದ್ದೆವು. ಚಿತ್ರರಂಗದಲ್ಲಿ ನಾವು ಎಷ್ಟೋ ವರ್ಷಗಳಿಂದ ಇದ್ದೇವೆ. ಈ ನಮ್ಮ ವೃತ್ತಿಜೀವನದಲ್ಲಿ ಮೂವರೂ ಸೇರಿ ಒಂದು ಸಿನಿಮಾದಲ್ಲಿ ನಟಿಸಲಿಲ್ಲ ಎಂದರೆ ಅಭಿಮಾನಿಗಳ ಪಾಲಿಗೆ ತಪ್ಪಾಗಿ ಬಿಡುತ್ತದೆ. ಒಂದು ಸಿನಿಮಾ ಆದರೂ ಮಾಡಲೇಬೇಕು ಅಂತ ನಾನು ಅವರಿಗೆ ಹೇಳಿದ್ದೇನೆ’ ಎಂದಿದ್ದಾರೆ ಆಮಿರ್​ ಖಾನ್​.

Aamir Khan talking about working with Salman Khan and Shahrukh Khan together in a film. Hope it turns out to be true someday 🤞 pic.twitter.com/ViJhQaKhAN

— FilmoHolic FarHan (@filmy_farhan) April 30, 2024

‘ಜೊತೆಯಾಗಿ ಸಿನಿಮಾ ಮಾಡಲು ಶಾರುಖ್​ ಖಾನ್​ ಮತ್ತು ಸಲ್ಮಾನ್​ ಖಾನ್​ ಒಪ್ಪಿಕೊಂಡಿದ್ದಾರೆ. ಕಥೆ ಹುಡುಕೋಣ ಎಂದು ಕೂಡ ಹೇಳಿದ್ದಾರೆ. ಎರಡು ದಿನ ಮುಂಚೆ ಸಲ್ಮಾನ್​ ಖಾನ್ ನನ್ನ ಮನೆಗೆ ಬಂದಿದ್ದರು. ಆಗಲೂ ಇದೇ ಮಾತುಕಥೆ ನಡೆಯಿತು. ಮೂವರೂ ಒಂದೇ ಸಿನಿಮಾದಲ್ಲಿ ನಟಿಸಲು ನಾವು ಖಂಡಿತಾ ಪ್ರಯತ್ನ ಮಾಡುತ್ತೇವೆ. ಒಳ್ಳೆಯ ನಿರ್ದೇಶಕರು ಬಂದು ನಮಗೆ ಕಥೆ ಹೇಳಲಿ’ ಎಂದು ಆಮಿರ್​ ಖಾನ್​ ಹೇಳಿದ್ದಾರೆ.

ಇದನ್ನೂ ಓದಿ: ಸಲ್ಮಾನ್​ ಖಾನ್ ಮನೆ ಎದುರು ಗುಂಡಿನ ದಾಳಿ, ಪೊಲೀಸ್​ಕಸ್ಟಡಿಯಲ್ಲೇ ಆತ್ಮಹತ್ಯೆ ಮಾಡಿಕೊಂಡ ಆರೋಪಿ

ಈ ವಿಷಯ ಕೇಳಿ ಅಭಿಮಾನಿಗಳಿಗೆ ತುಂಬ ಖುಷಿ ಆಗಿದೆ. ಹೇಗೆಲ್ಲ ಕಥೆ ಮಾಡಬಹುದು ಎಂದು ಈಗಾಗಲೇ ನೆಟ್ಟಿಗರು ಸಲಹೆ ನೀಡುತ್ತಿದ್ದಾರೆ. ‘ಆಮಿರ್​ ಖಾನ್​, ಸಲ್ಮಾನ್​ ಖಾನ್​, ಶಾರುಖ್​ ಖಾನ್​ ಜೊತೆಯಾಗಿ ಸಿನಿಮಾ ಮಾಡುತ್ತಾರೆ ಎಂದರೆ ಆ ಚಿತ್ರವನ್ನು ಹ್ಯಾಂಡಲ್​ ಮಾಡಲು ರಾಜಮೌಳಿ ಅವರಿಗೆ ಮಾತ್ರ ಸಾಧ್ಯ’ ಎಂದು ನೆಟ್ಟಿಗರು ಕಮೆಂಟ್​ ಮಾಡುತ್ತಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.