ಬಾಲಿವುಡ್​ನ ಅತಿ ಶ್ರೀಮಂತ ಕುಟುಂಬ ಇದು; ಒಟ್ಟು ಆಸ್ತಿ 10 ಸಾವಿರ ಕೋಟಿ ರೂಪಾಯಿ

ಬಾಲಿವುಡ್​ನಲ್ಲಿ ಸ್ಟಾರ್​ ಕಲಾವಿದರು ಕೋಟ್ಯಂತರ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಶಾರುಖ್ ಖಾನ್, ಸಲ್ಮಾನ್ ಖಾನ್, ಅಕ್ಷಯ್​ ಕುಮಾರ್​, ಆಮಿರ್ ಖಾನ್ ಮುಂತಾದವರು ಸಿಕ್ಕಾಪಟ್ಟೆ ಆಸ್ತಿ ಹೊಂದಿದ್ದಾರೆ. ಹಾಗಿದ್ದರೂ ಕೂಡ ಶ್ರೀಮಂತಿಕೆ ವಿಚಾರದಲ್ಲಿ ಅವರು ಯಾರೂ ನಂಬರ್​ ಒನ್ ಆಗಿಲ್ಲ. ಹಿಂದಿ ಚಿತ್ರರಂಗದ ಅತಿ ಶ್ರೀಮಂತ ಕುಟುಂಬ ಯಾವುದು ಎಂದರೆ ಅದಕ್ಕೆ ಉತ್ತರ ನಿರ್ಮಾಪಕ ಗುಲ್ಷನ್ ಕುಮಾರ್​ ಫ್ಯಾಮಿಲಿ. ಹೌದು, ಈ ಕುಟುಂಬದ ಒಟ್ಟು ಆಸ್ತಿ ಮೌಲ್ಯ ಬರೋಬ್ಬರಿ 10 ಸಾವಿರ ಕೋಟಿ ರೂಪಾಯಿ. ಇತ್ತೀಚಿನ ವರದಿಯಲ್ಲಿ ಈ ವಿಚಾರ ತಿಳಿದುಕೊಂಡಿದೆ.

ಸಿನಿಮಾ ರಂಗದಲ್ಲಿ ಟೀ-ಸಿರೀಸ್​ ಸಂಸ್ಥೆ ಹೆಮ್ಮರವಾಗಿ ಬೆಳೆದಿದೆ. ಕ್ಯಾಸೆಟ್ ಕಾಲದಿಂದ ಯೂಟ್ಯೂಬ್ ಜಮಾನಾದ ತನಕ ಹಿಂದಿ ಸಿನಿಮಾಗಳ ಸೂಪರ್​ ಹಿಟ್​ ಹಾಡುಗಳ ಪ್ರಸಾರ ಹಕ್ಕುಗಳನ್ನು ಖರೀದಿಸಿದ ಸಂಸ್ಥೆ ಇದು. ಈ ಸಂಸ್ಥೆಯನ್ನು ಕಟ್ಟಿ ಬೆಳೆಸಿದವರೇ ಗುಲ್ಷನ್ ಕುಮಾರ್. 1997ರಲ್ಲಿ ಅವರು ನಿಧನ ಹೊಂದಿದರು. ಬಳಿಕ ಅವರ ಸಹೋದರ ಕ್ರಿಷನ್ ಕುಮಾರ್​ ಮತ್ತು ಪುತ್ರ ಭೂಷಣ್ ಕುಮಾರ್ ಅವರು ಈ ಸಂಸ್ಥೆಯನ್ನು ಮುನ್ನಡೆಸುತ್ತಿದ್ದಾರೆ. ಸಿನಿಮಾಗಳ ನಿರ್ಮಾಣದಲ್ಲೂ ಈ ಕುಟುಂಬ ತೊಡಗಿಕೊಂಡಿದೆ.

10 ಸಾವಿರ ಕೋಟಿ ರೂಪಾಯಿಗಳಲ್ಲಿ ಬಹುಪಾಲು ಆಸ್ತಿ ಭೂಷಣ್ ಕುಮಾರ್ ಅವರಿಗೆ ಸೇರಿದೆ. ಅವರ ಸಹೋದರಿಯರಾದ ತುಳಸಿ ಕುಮಾರ್ (250 ಕೋಟಿ ರೂಪಾಯಿ) ಹಾಗೂ ಕುಶಾಲಿ ಕುಮಾರ್ (100 ಕೋಟಿ ರೂಪಾಯಿ) ಆಸ್ತಿ ಹೊಂದಿದ್ದಾರೆ. ಇನ್ನುಳಿದ ಪಾಲು ಕ್ರಿಷನ್ ಕುಮಾರ್​ ಅವರಿಗೆ ಸಲ್ಲುತ್ತದೆ. ಗುಲ್ಷನ್ ಕುಮಾರ್ ಅವರ ಬಯೋಪಿಕ್ ಬಗ್ಗೆ ಚರ್ಚೆ ನಡೆಯುತ್ತಿದೆ. ಕಾರಣಾಂತರಗಳಿಂದ ಈ ಸಿನಿಮಾ ಸೆಟ್ಟೇರುವುದು ತಡವಾಗುತ್ತಿದೆ.

ಇದನ್ನೂ ಓದಿ: ಜೂಹಿ ಚಾವ್ಲಾ ಆಸ್ತಿ 4600 ಕೋಟಿ ರೂಪಾಯಿ; ಇಷ್ಟೆಲ್ಲ ಹಣ ಬಂದಿದ್ದು ಎಲ್ಲಿಂದ?

ಇನ್ನುಳಿದ ಕುಟುಂಬಗಳ ಬಗ್ಗೆ ಹೇಳುವುದಾದರೆ, ಯಶ್​ ರಾಜ್​ ಫ್ಯಾಮಿಯ ಒಟ್ಟು ಆಸ್ತಿ 8 ಸಾವಿರ ಕೋಟಿ ರೂಪಾಯಿ. ಶಾರುಖ್ ಖಾನ್ ಕುಟುಂಬದ ಆಸ್ತಿ ಅಂದಾಜು 7500 ಕೋಟಿ ರೂಪಾಯಿ ಎನ್ನಲಾಗಿದೆ. ಸಲ್ಮಾನ್ ಖಾನ್ ಮತ್ತು ಸಹೋದರರ ಒಟ್ಟು ಆಸ್ತಿ ಮೌಲ್ಯ 3500 ಕೋಟಿ ರೂಪಾಯಿ ಎಂದು ವರದಿ ಆಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.