Hrithik Roshan: ಮತ್ತೆ ಸಬಾ ಜತೆ ಕಾಣಿಸಿಕೊಂಡ ಹೃತಿಕ್; ಅಭಿಮಾನಿಗಳಿಗೆ ಹೆಚ್ಚಿತು ಅನುಮಾನ

ಹೃತಿಕ್ ರೋಷನ್ (Hrithik Roshan)  ಸದ್ಯ ಸಿನಿಮಾ ಸಂಬಂಧವಲ್ಲದ ಕಾರಣಗಳಿಗಾಗಿ ಸುದ್ದಿಯಾಗುತ್ತಿದ್ದಾರೆ. ಇತ್ತೀಚೆಗಷ್ಟೇ ನಟಿ ಸಬಾ ಆಜಾದ್ (Saba Azad) ಜತೆ ಅವರು ಕಾಣಿಸಿಕೊಂಡು ಅಚ್ಚರಿಗೆ ಕಾರಣವಾಗಿದ್ದರು. ಇದೀಗ ಮತ್ತೊಮ್ಮೆ ಈರ್ವರೂ ಜತೆಯಾಗಿ ಕಾಣಿಸಿಕೊಂಡಿದ್ದಾರೆ. ಈ ವೇಳೆ ಪಾಪರಾಜಿಗಳ ಕಣ್ಣಿಗೆ ಕಾಣಿಸಿಕೊಳ್ಳಬಾರದೆಂದು ಸಬಾ ಕೂದಲಿನಿಂದ ತಮ್ಮ ಮುಖವನ್ನು ಮುಚ್ಚಿಕೊಂಡಿದ್ದಾರೆ. ಈ ವೇಳೆ ಹೃತಿಕ್ ಸಬಾ ಅವರ ಕೈಹಿಡಿದು ಕರೆದೊಯ್ದಿದ್ದಾರೆ. ಈ ಎಲ್ಲಾ ಚಿತ್ರಗಳು ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿವೆ. ಅಲ್ಲದೇ ಸಬಾ ಹಾಗೂ ಹೃತಿಕ್ ಜತೆಯಾಗಿ ಸುತ್ತುತ್ತಿದ್ದಾರೆ ಎಂಬ ಮಾತುಗಳಿಗೆ ಈ ಘಟನೆಗಳು ಪುರಾವೆ ನೀಡಿವೆ. ಆದರೆ ಸಬಾ ಕುರಿತು ಹೃತಿಕಾ ಆಗಲಿ ಅಥವಾ ತಮ್ಮ ಸಂಬಂಧದ ಕುರಿತು ಸಬಾ ಆಗಲಿ ಈವರೆಗೂ ಅಧಿಕೃತ ಸ್ಪಷ್ಟನೆ ನೀಡಿಲ್ಲ. ಈರ್ವರೂ ಈ ವಿಚಾರದ ಬಗ್ಗೆ ಮೌನ ತಾಳಿದ್ದಾರೆ. ಆದರೆ ಆಪ್ತ ಬಾಲಿವುಡ್ ವರದಿಗಳ ಪ್ರಕಾರ, ಕಳೆದ ಕೆಲ ಸಮಯದಿಂದ ಈ ಜೋಡಿ ಜತೆಯಾಗಿ ಸುತ್ತುತ್ತಿದ್ದಾರೆ ಎನ್ನಲಾಗಿದೆ.

ನಿನ್ನೆ (ಶುಕ್ರವಾರ) ರಾತ್ರಿ ಸಬಾ ಹಾಗೂ ಹೃತಿಕ್ ಮುಂಬೈನ ಕೆಫೆಯೊಂದಕ್ಕೆ ಡಿನ್ನರ್ ಡೇಟ್​ಗೆ ತೆರಳಿದ್ದರು. ಕೆಫೆಯಿಂದ ಹೊರಬರುವಾಗ ಈರ್ವರೂ ಪಾಪರಾಜಿಗಳ ಕ್ಯಾಮೆರಾಕ್ಕೆ ಸೆರೆಯಾಗಿದ್ದಾರೆ. ಇದರಿಂದ ಸಬಾ ಕಸಿವಿಸಿ ಅನುಭವಿಸಿದ್ದಾರೆ. ಆದ್ದರಿಂದ ತಲೆತಗ್ಗಿಸಿ ಕೂದಲಿನಿಂದ ಮುಖವನ್ನು ಮರೆಮಾಚಿದ್ದಾರೆ.

ಹೃತಿಕ್- ಸಬಾ ಆಜಾದ್ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು ಹೀಗೆ:

View this post on Instagram

A post shared by Viral Bhayani (@viralbhayani)

ಹೃತಿಕ್ 2014ರಲ್ಲಿ ತಮ್ಮ ಪತ್ನಿ ಸುಸಾನೆ ಖಾನ್ ಅವರಿಂದ ವಿಚ್ಛೇದನ ಪಡೆದಿದ್ದರು. ಇದೀಗ ಅವರು ಸಬಾ ಜತೆ ಸುತ್ತಾಡುತ್ತಿದ್ದಾರೆ ಎನ್ನಲಾಗಿದೆ. ಪರಸ್ಪರ ಪರಿಚಯವಿರುವ ಗೆಳೆಯರೊಬ್ಬರ ಮೂಲಕ ಸಬಾ ಅವರ ಪರಿಚಯವಾಗಿದೆ. ಇಬ್ಬರ ಟೇಸ್ಟ್​ ಒಂದೇ ರೀತಿ ಇದ್ದಿದ್ದರಿಂದ ಬೇಗ ಹತ್ತಿರವಾಗಿದ್ದಾರೆ. ಆ ಬಳಿಕ ಅನೇಕ ಬಾರಿ ಇವರು ಭೇಟಿ ಆಗಿದ್ದಾರೆ. ಹೃತಿಕ್ ಹಾಗೂ ಸಬಾ ಡೇಟಿಂಗ್ ಕೂಡ ನಡೆಸುತ್ತಿದ್ದಾರೆ. ಆದರೆ ಇದು ಬಹಿರಂಗವಾಗಿರುವುದು ತುಸು ತಡವಾಗಿ ಎನ್ನುವುದು ಎಲ್ಲೆಡೆ ಕೇಳಿಬರುತ್ತಿರುವ ಸಮಾಚಾರ.

ಇದನ್ನೂ ಓದಿ:

ಹೃತಿಕ್​​-ಸಬಾ ಬಗ್ಗೆ ಹೊರಬಿತ್ತು ಮತ್ತೊಂದು ರಹಸ್ಯ​; ಇವರ ಸಂಬಂಧ ಇಷ್ಟೊಂದು ಮುಂದುವರಿದಿದೆಯಾ?

‘ಹೃತಿಕ್​ ರೋಷನ್​ ಜತೆ ನೀವು ಡೇಟಿಂಗ್​ ಮಾಡ್ತಾ ಇದ್ದೀರಾ?’; ನೇರ ಪ್ರಶ್ನೆಗೆ ಸಬಾ ಉತ್ತರ ಏನಿತ್ತು?

Published On - 9:50 am, Sat, 5 February 22