ಕೊರೊನಾ ನೆಗೆಟಿವ್ ಆಗುತ್ತಿದ್ದಂತೆಯೇ ಪಾರ್ಟಿ ಶುರು ಮಾಡಿಕೊಂಡ ಕರೀನಾ; ನೆಟ್ಟಿಗರಿಂದ ಹಿಗ್ಗಾಮುಗ್ಗಾ ಟ್ರೋಲ್
Kareena Kapoor Khan: ಕರೀಷ್ಮಾ ಕಪೂರ್ ಮನೆಯಲ್ಲಿ ಪಾರ್ಟಿ ನಡೆದಿದೆ. ಅರ್ಜುನ್ ಕಪೂರ್, ಮಲೈಕಾ ಅರೋರಾ, ಸೈಫ್ ಅಲಿ ಖಾನ್, ಕರೀನಾ ಕಪೂರ್ ಖಾನ್, ಅಮೃತಾ ಅರೋರಾ ಸೇರಿದಂತೆ ಬಾಲಿವುಡ್ನ ಅನೇಕ ಸೆಲೆಬ್ರಿಟಿಗಳು ಈ ಪಾರ್ಟಿಯಲ್ಲಿ ಭಾಗಿ ಆಗಿದ್ದಾರೆ.
Updated on: Dec 29, 2021 | 8:03 AM
ಕೆಲವೇ ದಿನಗಳ ಹಿಂದೆ ನಟಿ ಕರೀನಾ ಕಪೂರ್ ಖಾನ್ (Kareena Kapoor Khan) ಅವರಿಗೆ ಕೊರೊನಾ (Covid 19) ಸೋಂಕು ತಗುಲಿತ್ತು. ಅನೇಕ ಪಾರ್ಟಿಗಳಲ್ಲಿ ಭಾಗವಹಿಸಿದ್ದ ಅವರಿಗೆ ಕೊವಿಡ್ ಪಾಸಿಟಿವ್ ಆಗಿತ್ತು. ಆ ಸುದ್ದಿ ಕೇಳಿ ಅವರ ಅಭಿಮಾನಿಗಳು ಆತಂಕಪಟ್ಟುಕೊಂಡಿದ್ದರು. ಅದೃಷ್ಟವಶಾತ್ ಕರೀನಾಗೆ ಯಾವುದೇ ತೊಂದರೆ ಆಗಲಿಲ್ಲ. ಒಂದಷ್ಟು ದಿನ ಐಸೊಲೇಟ್ ಆಗಿ ಚಿಕಿತ್ಸೆ ಪಡೆದ ಅವರು ಸಂಪೂರ್ಣ ಗುಣಮುಖರಾದರು. ಆದರೆ ಈಗ ಕರೀನಾ ಕಪೂರ್ ಖಾನ್ ಅವರ ವರ್ತನೆ ಕಂಡು ನೆಟ್ಟಿಗರು ಅಸಮಾಧಾನ ವ್ಯಕ್ತಪಡಿಸುತ್ತಿದ್ದಾರೆ. ಕರೀನಾ ಮತ್ತೆ ಹಳೇ ಚಾಳಿ ಮುಂದುವರಿಸಿದ್ದಾರೆ. ಕೊರೊನಾ ನೆಗೆಟಿವ್ ಆಗುತ್ತಿದ್ದಂತೆಯೇ ಅವರು ಪಾರ್ಟಿ ಮಾಡಲು ಆರಂಭಿಸಿದ್ದಾರೆ. ಇದಕ್ಕೆ ಎಲ್ಲರಿಂದ ಟೀಕೆ ವ್ಯಕ್ತವಾಗುತ್ತಿದೆ.
ವಿಶ್ವಾದ್ಯಂತ ಒಮಿಕ್ರಾನ್ ಹಾವಳಿ ಹೆಚ್ಚುತ್ತಿದೆ. ಭಾರತದಲ್ಲೂ ಈ ಪ್ರಕರಣಗಳ ಹೆಚ್ಚಾಗುತ್ತಿವೆ. ಈ ಹಿನ್ನೆಲೆಯಲ್ಲಿ ಅನೇಕ ಕಡೆಗಳಲ್ಲಿ ಕಠಿಣ ನಿಯಮ ಜಾರಿ ಮಾಡಲಾಗುತ್ತಿದೆ. ನೈಟ್ ಕರ್ಫ್ಯೂ ಆರಂಭ ಆಗಿದೆ. ಇಂಥ ಸಂದರ್ಭದಲ್ಲಿ ಎಲ್ಲರೂ ಹೆಚ್ಚು ಎಚ್ಚರಿಕೆ ವಹಿಸಬೇಕಾದ್ದು ಅಗತ್ಯ. ಆದರೆ ಕರೀನಾ ಕಪೂರ್ ಅವರು ಮುಲಾಜಿಲ್ಲದೇ ಪಾರ್ಟಿ ಮಾಡುತ್ತಿರುವುದು ನೆಟ್ಟಿಗರ ಟೀಕೆಗೆ ಕಾರಣ ಆಗಿದೆ.
ಕರೀನಾ ಕಪೂರ್ ಖಾನ್ ಜೊತೆಗೆ ನಟಿ ಅಮೃತಾ ಅರೋರಾ ಅವರಿಗೂ ಕೊರೊನಾ ಪಾಸಿಟಿವ್ ಆಗಿತ್ತು. ಅದಕ್ಕೂ ಮುನ್ನ ನಡೆದ ಪಾರ್ಟಿಯಲ್ಲಿ ಅವರು ಸಹ ಕರೀನಾ ಜೊತೆ ಇದ್ದರು. ಈಗ ಅಮೃತಾ ಕೂಡ ಪಾರ್ಟಿಯಲ್ಲಿ ಮೋಜು-ಮಸ್ತಿ ಮಾಡುತ್ತಿದ್ದಾರೆ. ಅವರನ್ನು ಸಹ ನೆಟ್ಟಿಗರು ಟ್ರೋಲ್ ಮಾಡುತ್ತಿದ್ದಾರೆ.
ಕರೀಷ್ಮಾ ಕಪೂರ್ ಮನೆಯಲ್ಲಿ ಪಾರ್ಟಿ ನಡೆದಿದೆ. ಅರ್ಜುನ್ ಕಪೂರ್, ಮಲೈಕಾ ಅರೋರಾ, ಸೈಫ್ ಅಲಿ ಖಾನ್ ಸೇರಿದಂತೆ ಬಾಲಿವುಡ್ನ ಅನೇಕ ಸೆಲೆಬ್ರಿಟಿಗಳು ಈ ಪಾರ್ಟಿಯಲ್ಲಿ ಭಾಗಿ ಆಗಿದ್ದಾರೆ. ಪಾರ್ಟಿಯ ಫೋಟೋಗಳನ್ನು ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಹಂಚಿಕೊಂಡಿದ್ದ ಕರೀನಾ ಅವರು, ‘ನಾವು ಮತ್ತೆ ಬಂದಿದ್ದೇವೆ’ ಎಂದು ಕ್ಯಾಪ್ಷನ್ ನೀಡಿದ್ದರು. ಬೇರೆ ಬೇರೆ ಖಾತೆಗಳಲ್ಲಿ ಆ ಫೋಟೋ ವೈರಲ್ ಆಗಿದೆ. ಅದಕ್ಕೆ ಜನರು ಕಟುವಾಗಿ ಕಮೆಂಟ್ ಮಾಡಿದ್ದಾರೆ.
‘ಮತ್ತೆ ಪಾರ್ಟಿ ಶುರು ಮಾಡಿಕೊಂಡ್ರಾ? ನಿಮಗೆ ಇಂಥ ಪಾರ್ಟಿಯಿಂದಲೇ ಕೊರೊನಾ ಬಂದಿದ್ದು. ಎರಡು ಮಕ್ಕಳ ತಾಯಿ ಆದ್ರೂ ನಿಮ್ಮ ಹುಡುಗಾಟ ಕಮ್ಮಿ ಆಗಿಲ್ಲ. ಕೊರೊನಾ ನೆಗೆಟಿವ್ ಆಗುತ್ತಿದ್ದಂತೆಯೇ ಪಾರ್ಟಿ ಮಾಡಿರುವುದು ನಿಜಕ್ಕೂ ಬೇಜವಾಬ್ದಾರಿಯುತ ಕೆಲಸ. ಇವರಿಗೆ ನಾಚಿಕೆ ಆಗಬೇಕು’ ಎಂಬಿತ್ಯಾದಿ ಕಮೆಂಟ್ಗಳು ಬಂದಿವೆ.
ಸಿನಿಮಾ ವಿಚಾರಕ್ಕೆ ಬರುವುದಾದರೆ ಕರೀನಾ ಕಪೂರ್ ಖಾನ್ ನಟಿಸಿರುವ ‘ಲಾಲ್ ಸಿಂಗ್ ಚಡ್ಡಾ’ ಚಿತ್ರ ಬಿಡುಗಡೆಗೆ ಸಿದ್ಧವಾಗುತ್ತಿದೆ. ಆ ಚಿತ್ರಕ್ಕೆ ಆಮಿರ್ ಖಾನ್ ಹೀರೋ.
ಇದನ್ನೂ ಓದಿ:
ಕತ್ರಿನಾ ಕೈಫ್ಗೆ ವಿಶ್ ಮಾಡಿ ಟ್ರೋಲ್ ಆದ ಕರೀನಾ ಕಪೂರ್; ಇದಕ್ಕಿದೆ ರಣಬೀರ್ ಲಿಂಕ್
6ನೇ ಕ್ಲಾಸ್ ಪರೀಕ್ಷೆಯಲ್ಲಿ ಸೈಫ್-ಕರೀನಾ ಪುತ್ರನ ಬಗ್ಗೆ ಪ್ರಶ್ನೆ! ಇಲ್ಲಿದೆ ಪ್ರಶ್ನೆ ಪತ್ರಿಕೆಯ ವೈರಲ್ ಫೋಟೋ
