Kareena Kapoor: ಕೊವಿಡ್ನಿಂದ ಚೇತರಿಸಿಕೊಂಡ ಬಳಿಕ ಯೋಗಾಭ್ಯಾಸ ಮತ್ತೆ ಆರಂಭಿಸಿದ ಕರೀನಾ; ಇಲ್ಲಿವೆ ಚಿತ್ರಗಳು
Kareena Kapoor Yoga: ಬಾಲಿವುಡ್ ನಟಿ ಕರೀನಾ ಕಪೂರ್ ಇತ್ತೀಚೆಗೆ ಕೊವಿಡ್ ಸೋಂಕಿಗೆ ತುತ್ತಾಗಿದ್ದರು. ಇದೀಗ ನಟಿ ಸಂಪೂರ್ಣ ಚೇತರಿಸಿಕೊಂಡಿದ್ದು, ತಮ್ಮ ದೈನಂದಿನ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡಿದ್ದಾರೆ.
Updated on: Jan 13, 2022 | 4:46 PM
ಕೊವಿಡ್ನಿಂದ ಚೇತರಿಸಿಕೊಂಡಿರುವ ನಟಿ ಕರೀನಾ ಕಪೂರ್ ಮತ್ತೆ ತಮ್ಮ ದೈನಂದಿನ ಚಟುವಟಿಕೆಗಳಿಗೆ ಮರಳಿದ್ದಾರೆ. ನಟಿ ಇಂದು ಯೋಗ ಮ್ಯಾಟ್ ಮೇಲೆ ಕುಳಿತಿರುವ ಚಿತ್ರವನ್ನು ಹಂಚಿಕೊಂಡಿದ್ದು, ಬಹಳ ದಿನಗಳ ಮತ್ತೆ ನೆಚ್ಚಿನ ಸ್ಥಳಕ್ಕೆ ಮರಳಿದ್ದೇನೆ ಎಂದು ಬರೆದುಕೊಂಡಿದ್ದಾರೆ. ಕರೀನಾ ಹಾಗೂ ಅವರ ಗೆಳತಿ ಅಮೃತಾ ಅರೋರಾಗೆ ಡಿಸೆಂಬರ್ನಲ್ಲಿ ಕೊವಿಡ್ ಪಾಸಿಟಿವ್ ಆಗಿತ್ತು.ಪಾರ್ಟಿಯಲ್ಲಿ ಭಾಗವಹಿಸಿದ್ದ ಕರೀನಾ ಅವರ ಇತರ ಸ್ನೇಹಿತರಾದ ಸೀಮಾ ಖಾನ್ ಹಾಗೂ ಮಹೀಪ್ ಕಪೂರ್ಗೂ ಸೋಂಕು ತಗುಲಿತ್ತು. ಬೃಹತ್ ಮುಂಬೈ ಮಹಾನಗರ ಪಾಲಿಕೆ ಕರೀನಾ ಅವರ ನಡತೆಗೆ ವಿರುದ್ಧ ಕಿಡಿಕಾರಿತ್ತು. ಕೊವಿಡ್ ನಿಯಮಗಳನ್ನು ಗಾಳಿಗೆ ತೂರಿ ಹಲವಾರು ಪಾರ್ಟಿಗಳಲ್ಲಿ ಅವರು ಭಾಗಿಯಾಗಿದ್ದಾರೆ ಎಂದು ಆರೋಪಿಸಿತ್ತು. ಇದನ್ನು ನಿರಾಕರಿಸಿದ್ದ ಕರೀನಾ ತಾವು ಜವಾಬ್ದಾರಿಯುತವಾಗಿ ನಡೆದುಕೊಂಡಿದ್ದೆ ಎಂದು ಹೇಳಿದ್ದರು. ಇದೀಗ ಕೊವಿಡ್ನಿಂದ ಸಂಪೂರ್ಣ ಚೇತರಿಸಿಕೊಂಡಿರುವ ನಟಿ ಮತ್ತೆ ಹಳೆಯ ಚಟುವಟಿಕೆಗಳಿಗೆ ಮರಳಿದ್ದಾರೆ.
ಇನ್ಸ್ಟಾಗ್ರಾಂನಲ್ಲಿ ಚಿತ್ರಗಳನ್ನು ಹಂಚಿಕೊಂಡಿರುವ ನಟಿ ಯೋಗಭ್ಯಾಸ ತಯಾರಿ ನಡೆಸುತ್ತಿರುವ ಸಂದರ್ಭದ ಚಿತ್ರ ಹಂಚಿಕೊಂಡಿದ್ದಾರೆ. ಅದು ತಮ್ಮ ನೆಚ್ಚಿನ ಸ್ಥಳ ಎಂದು ಹೇಳಿಕೊಂಡಿರುವ ಕರೀನಾ ತಮ್ಮ ಯೋಗ ಶಿಕ್ಷಕಿ ಅನುಷ್ಕಾ ಪರ್ವಾನಿಯವರನ್ನು ಹೊಗಳಿದ್ದಾರೆ. ಇವಿಷ್ಟು ವಿಚಾರಗಳಲ್ಲದೇ ಕರೀನಾ ಮತ್ತೊಂದು ಅಂಶವನ್ನೂ ಪ್ರಸ್ತಾಪಿಸಿದ್ದಾರೆ. ಚಿತ್ರದಲ್ಲಿ ಆಟಿಕೆ ಕಾರೊಂದಿದೆ. ಬೆಬೊ ತಮಾಷೆಯಾಗಿ ‘ಓಹ್ ಅದು ನನ್ನ ಕಾರೇ?’ ಎಂದು ಬರೆದುಕೊಂಡಿದ್ದಾರೆ.
ಕರೀನಾ ಹಂಚಿಕೊಂಡಿರುವ ಪೋಸ್ಟ್ ಇಲ್ಲಿದೆ:
View this post on Instagram
ಕರೀನಾ ಪೋಸ್ಟ್ಗೆ ಅಭಿಮಾನಿಗಳು ನಾನಾ ವಿಧವಾಗಿ ಪ್ರತಿಕ್ರಿಯಿಸಿದ್ದಾರೆ. ಹಲವರು ನಟಿ ಮತ್ತೆ ಯೋಗ ಮಾಡಲು ಪ್ರಾರಂಭಿಸಿದ್ದಕ್ಕೆ ಹೊಗಳಿದ್ದಾರೆ. ಹೆಚ್ಚಿನವರಿಗೆ ತೈಮೂರ್ನ ಕಾರು ಆಕರ್ಷಕವಾಗಿ ಕಂಡಿದೆ. ಅದು ಅದ್ಭುತವಾಗಿದೆ ಎಂದು ಹಲವರು ಪ್ರತಿಕ್ರಿಯಿಸಿದ್ದಾರೆ. ಕರೀನಾ ಈ ಹಿಂದೆಯೂ ಯೋಗ ಮಾಡುತ್ತಿರುವ ಚಿತ್ರಗಳನ್ನು, ವಿಡಿಯೋಗಳನ್ನು ಹಂಚಿಕೊಂಡಿದ್ದರು. ಅಲ್ಲದೇ ಯೋಗದ ಕುರಿತು ಅವರು ಹಲವು ಬಾರಿ ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಬರೆದುಕೊಂಡಿದ್ದರು.
View this post on Instagram
ಚಿತ್ರಗಳ ವಿಚಾರಕ್ಕೆ ಬಂದರೆ ಕರೀನಾ ಕೊನೆಯದಾಗಿ ಬಣ್ಣ ಹಚ್ಚಿದ್ದು 2020ರಲ್ಲಿ ತೆರೆಕಂಡ ‘ಅಂಗ್ರೇಜಿ ಮೀಡಿಯಂ’ನಲ್ಲಿ. ಇದೀಗ ಅವರು ಅಮೀರ್ ಖಾನ್ ನಟನೆಯ ಬಹುನಿರೀಕ್ಷಿತ ‘ಲಾಲ್ ಸಿಂಗ್ ಛಡ್ಡಾ’ದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಏಪ್ರಿಲ್ 14ರಂದು ಚಿತ್ರ ತೆರೆಕಾಣಲಿದೆ.
ಇದನ್ನೂ ಓದಿ:
Arjun Sarja: ಶ್ರುತಿ ಹರಿಹರನ್ ಮೀಟೂ ಪ್ರಕರಣ: ಅರ್ಜುನ್ ಸರ್ಜಾಗೆ ಜಯ
Lata Mangeshkar: ಲತಾ ಮಂಗೇಶ್ಕರ್ ಆರೋಗ್ಯದಲ್ಲಿ ಸುಧಾರಣೆ; ವೈದ್ಯರು ಹೇಳಿದ್ದೇನು?
