‘ನಿಮ್ಮ ಮಕ್ಕಳು ಉಗ್ರಗಾಮಿಗಳಾಗುತ್ತಾರೆ’: ಖ್ಯಾತ ನಟಿಗೆ ಬಂದಿತ್ತು ಬೆದರಿಕೆ
ನಟಿ ಪ್ರಿಯಾಮಣಿ ಮೂಲತಃ ಕನ್ನಡತಿ. ಅವರು ಮುಸ್ಲಿಂ ಉದ್ಯಮಿಯೊಬ್ಬರನ್ನು ಮದುವೆಯಾಗಿ ಕೆಲ ವರ್ಷಗಳಿಂದ ದಾಂಪತ್ಯ ನಡೆಸುತ್ತಿದ್ದಾರೆ. ಆದರೆ ಅವರು ಮುಸ್ಲಿಂ ವ್ಯಕ್ತಿಯನ್ನು ಮದುವೆಯಾದಾಗ ಎದುರಿಸಿದ್ದ ಟೀಕೆ, ಬೆದರಿಕೆಗಳ ಬಗ್ಗೆ ಸಂದರ್ಶನದಲ್ಲಿ ಮಾತನಾಡಿದ್ದಾರೆ.
Updated on: Oct 13, 2024 | 3:59 PM
ಕೆಲವು ತಿಂಗಳ ಹಿಂದೆ, ನಟಿ ಸೋನಾಕ್ಷಿ ಸಿನ್ಹಾ ಅವರು ಅನ್ಯ ಧರ್ಮದಲ್ಲಿ ಮದುವೆಯಾಗಿದ್ದಕ್ಕಾಗಿ ಸಾಮಾಜಿಕ ಮಾಧ್ಯಮದಲ್ಲಿ ಭಾರೀ ಟ್ರೋಲ್ ಎದುರಿಸಬೇಕಾಯಿತು. ಆದರೆ ಸೋನಾಕ್ಷಿಗಿಂತ ಮೊದಲು, ಬೇರೆ ಧರ್ಮವನ್ನು ಮದುವೆಯಾಗಿದ್ದಕ್ಕಾಗಿ ಟೀಕೆಗಳನ್ನು ಎದುರಿಸಿದ ಇತರ ಕೆಲವು ನಟರಿದ್ದಾರೆ. ಅಜಯ್ ದೇವಗನ್ ಮತ್ತು ಶಾರುಖ್ ಖಾನ್ ಅವರೊಂದಿಗೆ ಕೆಲಸ ಮಾಡಿದ ಸೌತ್ ನಟಿ ಪ್ರಿಯಾಮಣಿ ಕೂಡ ಇದರಲ್ಲಿ ಇದ್ದಾರೆ. ಅವರು ಶಾರುಖ್ ಖಾನ್ ಜೊತೆ ‘ಜವಾನ್’ ಚಿತ್ರದಲ್ಲಿ ನಟಿಸಿದ್ದಾರೆ, ಅವರು ಅಜಯ್ ದೇವಗನ್ ಜೊತೆ ‘ಮೈದಾನ’ದಲ್ಲಿ ಬಣ್ಣ ಹಚ್ಚಿದ್ದಾರೆ. ‘ದಿ ಫ್ಯಾಮಿಲಿ ಮ್ಯಾನ್’ ಹೆಸರಿನ ವೆಬ್ ಸೀರೀಸ್‌ನಿಂದ ಅವರು ಹೆಚ್ಚು ಜನಪ್ರಿಯತೆ ಗಳಿಸಿದರು. ಕನ್ನಡದ ಮಂದಿಗೂ ಅವರು ಪರಿಚಿತ. ಆದರೆ ಖಾಸಗಿ ಬದುಕಿನಿಂದಾಗಿ ಪ್ರಿಯಾಮಣಿ ಜನಮನದಲ್ಲಿ ಉಳಿದಿದ್ದರು. 2016ರಲ್ಲಿ ಅವರು ಮುಸ್ತಫಾ ರಾಜ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಎಂದು ಘೋಷಿಸಿದರು. ಆಗ ಅವರು ಸಾಕಷ್ಟು ಟ್ರೋಲ್ ಎದುರಿಸಬೇಕಾಯಿತು. ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಪ್ರಿಯಾಮಣಿ ಈ ಬಗ್ಗೆ ಮುಕ್ತವಾಗಿ ಹೇಳಿಕೊಂಡಿದ್ದಾರೆ.
ಫಿಲ್ಮ್‌ಫೇರ್‌ಗೆ ನೀಡಿದ ಸಂದರ್ಶನದಲ್ಲಿ, ಜನರು ಜಿಹಾದ್ ಬಗ್ಗೆ ಸಂದೇಶಗಳನ್ನು ಕಳುಹಿಸುತ್ತಿದ್ದರು ಮತ್ತು ತನ್ನ ಮಕ್ಕಳು ಭಯೋತ್ಪಾದಕರಾಗುತ್ತಾರೆ ಎಂದು ಹೇಳುತ್ತಿದ್ದರು ಎಂದು ಪ್ರಿಯಾಮಣಿ ಬಹಿರಂಗಪಡಿಸಿದ್ದಾರೆ. ‘ಜನರು ನನಗೆ ಸಂದೇಶವನ್ನು ಕಳುಹಿಸುತ್ತಿದ್ದರು ಮತ್ತು ನಿಮ್ಮ ಮಕ್ಕಳು ಭಯೋತ್ಪಾದಕರಾಗುತ್ತಾರೆ ಎಂದು ಹೇಳುತ್ತಿದ್ದರು. ಇದು ತುಂಬಾ ನಿರಾಶಾದಾಯಕವಾಗಿದೆ. ಅನ್ಯ ಧರ್ಮದಲ್ಲಿ ಮದುವೆಯಾಗುವವರನ್ನೇ ಟಾರ್ಗೆಟ್ ಮಾಡುವುದೇಕೆ? ತಮ್ಮ ಜಾತಿ, ಧರ್ಮದ ಹೊರತಾಗಿ ಮದುವೆಯಾದ ಹಲವು ನಾಯಕ ನಟರಿದ್ದಾರೆ. ಆದರೆ ಅವರು ತಮ್ಮ ಧರ್ಮವನ್ನು ತೊರೆದರು ಎಂದು ಇದರ ಅರ್ಥವಲ್ಲ. ಇದರ ಮೇಲೆ ಇಷ್ಟೊಂದು ದ್ವೇಷ ಏಕೆ ಎಂದು ನನಗೆ ಅರ್ಥವಾಗುತ್ತಿಲ್ಲ’ ಎಂದಿದ್ದಾರೆ ಅವರು.
ಇದನ್ನೂ ಓದಿ:ದಳಪತಿ ವಿಜಯ್ ಸಿನಿಮಾಕ್ಕೆ ಎಂಟ್ರಿಕೊಟ್ಟ ನಟಿ ಪ್ರಿಯಾಮಣಿ
ಈದ್ ಸಂದರ್ಭದಲ್ಲಿ ಪ್ರಿಯಾಮಣಿ ಸಾಮಾಜಿಕ ಜಾಲತಾಣದಲ್ಲಿ ಫೋಟೋ ಹಂಚಿಕೊಂಡಿದ್ದರು. ಆಗಲೂ ನೆಟ್ಟಿಗರು ಅವರನ್ನು ಟಾರ್ಗೆಟ್ ಮಾಡಿದ್ದರು. “ನವರಾತ್ರಿಯಲ್ಲಿ ನಾನು ಪೋಸ್ಟ್ ಅನ್ನು ಏಕೆ ಹಂಚಿಕೊಳ್ಳಲಿಲ್ಲ ಎಂದು ಜನರು ಪ್ರಶ್ನಿಸಿದ್ದಾರೆ. ಇದಕ್ಕೆ ಹೇಗೆ ಉತ್ತರಿಸಬೇಕೆಂದು ನನಗೆ ತಿಳಿದಿಲ್ಲ. ಆದರೆ ಈ ವಿಷಯಗಳು ಈಗ ನನಗೆ ಹೆಚ್ಚು ಮುಖ್ಯವಲ್ಲ. ಅಂತಹ ಋಣಾತ್ಮಕತೆಗೆ ಹೆಚ್ಚಿನ ಗಮನ ನೀಡದಿರಲು ನಾನು ನಿರ್ಧರಿಸಿದ್ದೇನೆ’ ಎಂದು ಅವರು ವಿವರಿಸಿದರು.
ಹಿಂದಿನ ಸಂದರ್ಶನವೊಂದರಲ್ಲಿ, ಪ್ರಿಯಾಮಣಿ, ‘ನಿಜ ಹೇಳಬೇಕೆಂದರೆ, ಟ್ರೋಲಿಂಗ್ ನನ್ನ ಅಥವಾ ನನ್ನ ಪೋಷಕರ ಮೇಲೆ ಪರಿಣಾಮ ಬೀರುವುದಿಲ್ಲ. ನಾವು ಪರಸ್ಪರ ಡೇಟಿಂಗ್ ಮಾಡುವಾಗಲೂ ನಾನು ಸಾಕಷ್ಟು ಟೀಕೆಗಳನ್ನು ಎದುರಿಸಿದೆ. ನಾವು ನಮ್ಮ ಇಡೀ ಜೀವನವನ್ನು ಪರಸ್ಪರ ಕಳೆಯಲು ನಿರ್ಧರಿಸಿದ್ದೇವೆ. ಹಾಗಾಗಿ ದಾರಿಯುದ್ದಕ್ಕೂ ಏನೇ ಚಂಡಮಾರುತ ಬಂದರೂ ಅದನ್ನು ನಾವೆಲ್ಲ ಒಟ್ಟಾಗಿ ಎದುರಿಸುತ್ತಿದ್ದೆವು. ಅಂತಹ ತಿಳುವಳಿಕೆಯ ಪಾಲುದಾರನನ್ನು ಹೊಂದಲು ನನಗೆ ತುಂಬಾ ಸಂತೋಷವಾಗಿದೆ’ ಎಂದಿದ್ದಾರೆ.
ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
