ರಣಬೀರ್ ಕಪೂರ್ ಒಟ್ಟೂ ಆಸ್ತಿ ಎಷ್ಟು? ಎಲ್ಲಿಂದ ಬಂತು ಇಷ್ಟೊಂದು ಹಣ?
ರಿಷಿ ಕಪೂರ್ ಹಾಗೂ ನೀತು ದಂಪತಿಯ ಪುತ್ರನಾಗಿ ರಣಬೀರ್ ಜನಿಸಿದರು. 2007ರಲ್ಲಿ ಅವರು ಚಿತ್ರರಂಗಕ್ಕೆ ಕಾಲಿಟ್ಟರು. ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನ ಮಾಡಿದ ‘ಸಾವರಿಯಾ’ ರಣಬೀರ್ ಕಪೂರ್ ನಟನೆಯ ಮೊದಲ ಸಿನಿಮಾ. ಹೀರೋ ಆಗುವುದಕ್ಕೂ ಮೊದಲು ಸಹಾಯಕ ನಿರ್ದೇಶಕರಾಗಿ ರಣಬೀರ್ ಕೆಲಸ ಮಾಡಿದ್ದರು.
Updated on:Sep 28, 2023 | 1:41 PM
ನಟ ರಣಬೀರ್ ಕಪೂರ್ (Ranbir Kapoor) ಅವರು ಇಂದು (ಸೆಪ್ಟೆಂಬರ್ 28) 41ನೇ ವರ್ಷದ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ. ಅವರಿಗೆ ಎಲ್ಲ ಕಡೆಗಳಿಂದ ಶುಭಾಶಯ ಬರುತ್ತಿದೆ. ರಣಬೀರ್ ಕಪೂರ್ ಅವರು ಹಲವು ವರ್ಷಗಳಿಂದ ಬಾಲಿವುಡ್ನಲ್ಲಿ ಆ್ಯಕ್ಟೀವ್ ಆಗಿದ್ದಾರೆ. ರಣಬೀರ್ ಕಪೂರ್ ಅವರು ನೂರಾರು ಕೋಟಿ ರೂಪಾಯಿ ಆಸ್ತಿ ಹೊಂದಿದ್ದಾರೆ. ಹಲವು ಕಡೆಗಳಲ್ಲಿ ಅವರ ಹೆಸರಲ್ಲಿ ಪ್ರಾಪರ್ಟಿ ಇದೆ. ಹಲವು ಕಾರ್ಗಳು ಕೂಡ ಅವರ ಬಳಿ ಇದೆ. ಆ ಬಗ್ಗೆ ಇಲ್ಲಿದೆ ವಿವರ.
ರಿಷಿ ಕಪೂರ್ ಹಾಗೂ ನೀತು ದಂಪತಿಯ ಪುತ್ರನಾಗಿ ರಣಬೀರ್ ಜನಿಸಿದರು. 2007ರಲ್ಲಿ ಅವರು ಚಿತ್ರರಂಗಕ್ಕೆ ಕಾಲಿಟ್ಟರು. ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನ ಮಾಡಿದ ‘ಸಾವರಿಯಾ’ ರಣಬೀರ್ ಕಪೂರ್ ನಟನೆಯ ಮೊದಲ ಸಿನಿಮಾ. ಹೀರೋ ಆಗುವುದಕ್ಕೂ ಮೊದಲು ಸಹಾಯಕ ನಿರ್ದೇಶಕರಾಗಿ ರಣಬೀರ್ ಕೆಲಸ ಮಾಡಿದ್ದರು. ‘ಸಾವರಿಯಾ’ ಬಳಿಕ ‘ಅಜಬ್ ಪ್ರೇಮ್ ಕಿ ಗಜಬ್ ಕಹಾನಿ’, ‘ಯೇ ಜವಾನಿ ಹೇ ದಿವಾನಿ’, ‘ಸಂಜು’ ಮೊದಲಾದ ಹಿಟ್ ಸಿನಿಮಾಗಳಲ್ಲಿ ರಣಬೀರ್ ಕಪೂರ್ ನಟಿಸಿದರು. ಸದ್ಯ ‘ಅನಿಮಲ್’ ಸಿನಿಮಾ ಪ್ರಚಾರದಲ್ಲಿ ಬ್ಯುಸಿ ಆಗಿದ್ದಾರೆ. ಈ ಚಿತ್ರದ ಟೀಸರ್ ಗಮನ ಸೆಳೆಯುತ್ತಿದೆ.
ರಣಬೀರ್ ಅವರು ಪ್ರತಿ ಚಿತ್ರಕ್ಕೆ 50 ಕೋಟಿ ರೂಪಾಯಿ ಚಾರ್ಜ್ ಮಾಡುತ್ತಾರೆ. ಇವರು ಅನೇಕ ಬ್ರ್ಯಾಂಡ್ಗಳಿಗೆ ಪ್ರಚಾರ ರಾಯಭಾರಿ ಆಗಿದ್ದಾರೆ. ವರ್ಷಕ್ಕೆ ಬ್ರ್ಯಾಂ ಡ್ ಪ್ರಚಾರಕ್ಕೆ 6 ಕೋಟಿ ರೂಪಾಯಿ ಪಡೆಯುತ್ತಾರೆ. ರಣಬೀರ್ ಕಪೂರ್ ಅವರ ಒಟ್ಟೂ ಆಸ್ತಿ 345 ಕೋಟಿ ರೂಪಾಯಿ ಇದೆ. ಸಿನಿಮಾ ಹಾಗೂ ರಣಬೀರ್ ಕಪೂರ್ ಅವರಿಗೆ ಫುಟ್ಬಾಲ್ ಬಗ್ಗೆ ಅಪಾರ ಆಸಕ್ತಿ ಇದೆ. ಅವರು ಮುಂಬೈ ಎಫ್ಸಿ ತಂಡದಲ್ಲಿ ಶೇ. 18 ಮಾಲೀಕತ್ವ ಹೊಂದಿದ್ದಾರೆ. ರಣಬೀರ್ ಕಪೂರ್ಗೆ ತಂದೆಯೇ ಎಲ್ಲವೂ ಆಗಿತ್ತು. ಅವರನ್ನು ಕಳೆದುಕೊಂಡ ಬಳಿಕ ರಣಬೀರ್ ಸಾಕಷ್ಟು ಸಮಯ ದುಃಖದಲ್ಲಿದ್ದರು.
ಇದನ್ನೂ ಓದಿ: ಸಾಮಾನ್ಯ ವ್ಯಕ್ತಿ ಅನಿಮಲ್ ಆಗುವ ಕಥೆ; ರಣಬೀರ್ ಬರ್ತ್ಡೇಗೆ ಟೀಸರ್ ಗಿಫ್ಟ್
ರಣಬೀರ್ ಕಪೂರ್ ಅವರು ವಿವಾದಗಳ ಮೂಲಕವೂ ಸುದ್ದಿ ಆಗಿದ್ದಾರೆ. ಅವರನ್ನು ಅನೇಕರು ಪ್ಲೇ ಬಾಯ್ ಎಂದು ಕೂಡ ಕರೆದಿದ್ದಿದೆ. ಕತ್ರಿನಾ ಕೈಫ್, ದೀಪಿಕಾ ಪಡುಕೋಣೆ ಮೊದಲಾದವರ ಜೊತೆ ಅವರು ರಿಲೇಶನ್ಶಿಪ್ ಹೊಂದಿದ್ದರು. ಆ ಬಳಿಕ ಬ್ರೇಕಪ್ ಆಯಿತು. ಸದ್ಯ ಆಲಿಯಾ ಭಟ್ ಅವರನ್ನು ಮದುವೆ ಆಗಿ ಹಾಯಾಗಿ ಸಂಸಾರ ನಡೆಸುತ್ತಿದ್ದಾರೆ. ಈ ದಂಪತಿಗೆ ರಹಾ ಹೆಸರಿನ ಮಗಳಿದ್ದಾಳೆ.
‘ಅನಿಮಲ್’ ಸಿನಿಮಾ ಬಗ್ಗೆ
‘ಅನಿಮಲ್’ ಸಿನಿಮಾದಲ್ಲಿ ರಣಬೀರ್ ಕಪೂರ್ ಅವರು ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ರಶ್ಮಿಕಾ ಮಂದಣ್ಣ ಚಿತ್ರದ ನಾಯಕಿ. ಈ ಸಿನಿಮಾದಲ್ಲಿ ರಣಬೀರ್ ಕಪೂರ್ ಅವರು ಎರಡು ಶೇಡ್ನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇಂದು (ಸೆಪ್ಟೆಂಬರ್ 28) ರಿಲೀಸ್ ಆಗಿರುವ ಟೀಸರ್ ಎಲ್ಲರ ಗಮನ ಸೆಳೆಯುತ್ತಿದೆ. ಈ ಟೀಸರ್ ಬಗ್ಗೆ ಅಭಿಮಾನಿಗಳಿಗೆ ಸಾಕಷ್ಟು ನಿರೀಕ್ಷೆ ಸೃಷ್ಟಿ ಆಗಿದೆ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 1:08 pm, Thu, 28 September 23
