66ನೇ ವಯಸ್ಸಿನಲ್ಲೂ ‘ಶಕ್ತಿಮಾನ್’ ಪಾತ್ರ ಮಾಡುವ ಆಸೆ; ಟ್ರೋಲ್ ಆದ ನಟ

1997ರಿಂದ 2005ನೇ ಇಸವಿ ತನಕ ‘ಶಕ್ತಿಮಾನ್’ ಸೀರಿಯಲ್ ಪ್ರಸಾರ ಆಗಿತ್ತು. ಆ ಪಾತ್ರವನ್ನು ಮಾಡುವ ಮೂಲಕ ಮುಖೇಶ್ ಖನ್ನಾ ಅವರು ಅಪಾರ ಖ್ಯಾತಿ ಗಳಿಸಿದ್ದರು. ಭಾರತದ ಸೂಪರ್​ ಹೀರೋ ‘ಶಕ್ತಿಮಾನ್’ ಪಾತ್ರವನ್ನು ಇಟ್ಟುಕೊಂಡು ಈಗ ಹೊಸ ಸಿನಿಮಾ ಮಾಡಲಾಗುತ್ತಿದೆ. ಎಲ್ಲವೂ ಅಂದುಕೊಂಡಂತೆ ಆಗಿದ್ದರೆ ಈ ಮೊದಲೇ ‘ಶಕ್ತಿಮಾನ್’ ಸಿನಿಮಾ ಸಿದ್ಧವಾಗಿರಬೇಕಿತ್ತು. ಆದರೆ ಕಾರಣಾಂತರಗಳಿಂದ ತಡ ಆಗುತ್ತಿದೆ. ಈಗ ಯಾರು ಶಕ್ತಿಮಾನ್ ಪಾತ್ರವನ್ನು ಮಾಡುತ್ತಾರೆ ಎಂಬ ಕುತೂಹಲ ಎಲ್ಲರಿಗೂ ಇತ್ತು. ಅಚ್ಚರಿ ಏನೆಂದರೆ, ಮತ್ತೆ ತಾವೇ ಆ ಪಾತ್ರವನ್ನು ಮಾಡಲು ಮುಖೇಶ್​ ಖನ್ನಾ ಮುಂದಾಗಿದ್ದಾರೆ. ಇತ್ತೀಚೆಗೆ ಅವರು ಈ ಬಗ್ಗೆ ಅನೌನ್ಸ್ ಮಾಡಿದರು.

ಈ ಮೊದಲು ರಣವೀರ್​ ಸಿಂಗ್​, ಟೈಗರ್​ ಶ್ರಾಫ್ ಮುಂತಾದ ಕಲಾವಿದರ ಹೆಸರುಗಳನ್ನು ಪರಿಗಣಿಸಲಾಗಿತ್ತು. ಆದರೆ ಆ ನಟರ ಇಮೇಜ್​ನಿಂದ ‘ಶಕ್ತಿಮಾನ್’ ಪಾತ್ರಕ್ಕೆ ಅಗೌರವ ತೋರಿದಂತೆ ಆಗುತ್ತದೆ ಎಂದು ಮುಖೇಶ್ ಖನ್ನಾ ಅವರು ಅಡ್ಡಗಾಲು ಹಾಕಿದರು. ಅವರಿಂದಾಗಿ ಈ ಸಿನಿಮಾ ವಿಳಂಬ ಆಗುತ್ತಿದೆ. ಹಾಗಾಗಿ ಪ್ರೇಕ್ಷಕರು ಮುಖೇಶ್ ಖನ್ನಾ ಮೇಲೆ ಮುನಿಸು ತೋರಿಸುತ್ತಿದ್ದಾರೆ.

I have come to clarify a misconception which a section of my viewers are started having that through this song and press conference i had come to declare to the world that i will be the next Shaktimaan.

Totally wrong. Let me explain.

1- Firstly why should i say i will be the… pic.twitter.com/oJ0CQmKSsj

— Mukesh Khanna (@actmukeshkhanna) November 13, 2024

ಇನ್ನು, ಸೂಪರ್​ ಹೀರೋ ಪಾತ್ರವನ್ನು ಮಾಡುವ ನಟ ಯಂಗ್ ಆಗಿದ್ದರೆ ಉತ್ತಮ. ಆಗ ತೆರೆ ಮೇಲೆ ಆ ಪಾತ್ರ ರಿಯಲಿಸ್ಟಿಕ್ ಆಗಿ ಮೂಡಿಬರುತ್ತದೆ. ಆದರೆ ಮುಖೇಶ್ ಖನ್ನಾ ಅವರು ಬೇರೆ ಎಲ್ಲ ಯುವ ನಟರನ್ನು ಬಿಟ್ಟು, 66ನೇ ವಯಸ್ಸಿನಲ್ಲೇ ತಾನೇ ಶಕ್ತಿಮಾನ್ ಆಗುತ್ತೇನೆ ಎಂದು ಪಟ್ಟು ಹಿಡಿದಿರುವುದರಿಂದ ನೆಟ್ಟಿಗರು ಬೇಸತ್ತಿದ್ದಾರೆ. ‘ಅಯ್ಯೋ ಸಾಕು ಬಿಡು ಮಾರಾಯ’ ಎಂದು ಅನೇಕರು ಕಮೆಂಟ್ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ‘ಬೆತ್ತಲೆಯಾದ ನಟ ಶಕ್ತಿಮಾನ್​ ಆಗೋದು ಬೇಡ’: ಖಡಕ್​ ಆಗಿ ಹೇಳಿದ ಮುಖೇಶ್​ ಖನ್ನಾ

ಎಷ್ಟೇ ಟ್ರೋಲ್ ಆದರೂ ಕೂಡ ಮುಖೇಶ್ ಖನ್ನಾ ಅವರು ಹಿಂಜರಿಯುತ್ತಿಲ್ಲ. ತಮ್ಮ ಹೇಳಿಕೆಗಳಿಗೆ ಅವರು ಸಮರ್ಥನೆ ನೀಡುತ್ತಲೇ ಇದ್ದಾರೆ. ಆ ಸಮರ್ಥನೆಗಳನ್ನು ಇಟ್ಟುಕೊಂಡು ಕೂಡ ಜನರು ಮತ್ತೆ ಟ್ರೋಲ್ ಮಾಡುತ್ತಿದ್ದಾರೆ. ಮುಂದಿನ ದಿನಗಳಲ್ಲಿ ಮುಖೇಶ್ ಖನ್ನಾ ಮನಸ್ಸು ಬದಲಾಯಿಸಿ ಬೇರೆ ನಟರಿಗೆ ಅವಕಾಶ ನೀಡುತ್ತಾರಾ ಎಂಬುದನ್ನು ಕಾದು ನೋಡಬೇಕು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.