Sunny Leone Birthday: ಮಾದಕ ತಾರೆ ಸನ್ನಿ ಲಿಯೋನ್​ ಜನ್ಮದಿನ: ಪಡ್ಡೆಗಳ ಫೇವರಿಟ್​ ನಟಿ ಬಗ್ಗೆ ಇಲ್ಲಿದೆ ಕೆಲವು ಇಂಟರೆಸ್ಟಿಂಗ್​ ವಿಷಯ

ಒಂದು ಕಾಲದಲ್ಲಿ ಅಶ್ಲೀಲ ಸಿನಿಮಾ ಜಗತ್ತಿನಲ್ಲಿ ಬಹುಬೇಡಿಕೆಯ ನಟಿಯಾಗಿದ್ದವರು ಸನ್ನಿ ಲಿಯೋನ್ (Sunny Leone)​. ನಂತರ ಅವರು ಬಾಲಿವುಡ್​ಗೆ ಕಾಲಿಟ್ಟು ಬೇರೆ ಇಮೇಜ್​ ಪಡೆದುಕೊಂಡರು. ಸ್ಟಾರ್​ ಹೀರೋಗಳ ಸಿನಿಮಾಗಳಲ್ಲಿ ಐಟಂ ಡ್ಯಾನ್ಸ್​ ಮಾಡಿ ಫೇಮಸ್​ ಆದರು. ಅನೇಕ ಚಿತ್ರಗಳಿಗೆ (Sunny Leone Movies) ಅವರು ಹೀರೋಯಿನ್​ ಆಗಿಯೂ ನಟಿಸಿದರು. ನೀಲಿ ಚಿತ್ರಗಳಿಗೆ ಸಂಪೂರ್ಣ ವಿದಾಯ ಹೇಳಿದ ಅವರು ಮತ್ತೆ ಆ ಕಡೆ ತಲೆ ಹಾಕಿಲ್ಲ. ಮಾಜಿ ನೀಲಿ ತಾರೆ ಎಂಬ ಕಾರಣಕ್ಕೆ ಅವರನ್ನು ಆಗಾಗ ಜನರು ಟೀಕಿಸುತ್ತಾರೆ. ಅವರ ಜೊತೆ ಸಿನಿಮಾ ಮಾಡಲು ಕೆಲವು ಕಲಾವಿದರು ಹಿಂದೇಟು ಹಾಕುತ್ತಾರೆ. ಆ ಎಲ್ಲ ಸವಾಲುಗಳನ್ನು ಎದುರಿಸಿ ಸನ್ನಿ ಲಿಯೋನ್​ ಅವರು ಈಗ ಬಾಲಿವುಡ್​ನಲ್ಲಿ ಯಶಸ್ವಿ ನಟಿ ಆಗಿದ್ದಾರೆ. ಇಂದು (ಮೇ 13) ಅವರಿಗೆ ಜನ್ಮದಿನದ (Sunny Leone Birthday) ಸಂಭ್ರಮ. ಆ ಪ್ರಯುಕ್ತ ಎಲ್ಲರೂ ಅವರಿಗೆ ಶುಭ ಕೋರುತ್ತಿದ್ದಾರೆ. ಸನ್ನಿ ಲಿಯೋನ್​ ಜೀವನದ ಕುರಿತು ಇಂಟರೆಸ್ಟಿಂಗ್​ ಮಾಹಿತಿಗಳನ್ನು ಫ್ಯಾನ್ಸ್​ ಮೆಲುಕು ಹಾಕುತ್ತಿದ್ದಾರೆ.

ಪಡ್ಡೆ ಹುಡುಗರಿಗೆ ಸನ್ನಿ ಲಿಯೋನ್​ ಅಚ್ಚುಮೆಚ್ಚು. ಸನ್ನಿಯ ಮಾದಕ ನೋಟಕ್ಕೆ ಫಿದಾ ಆದ ಎಷ್ಟೋ ಹುಡುಗರು ತಮ್ಮ ಊರುಗಳಲ್ಲಿ ಬ್ಯಾನರ್​, ಫ್ಲೆಕ್ಸ್​ ಹಾಕಿ ಅವರ ಹುಟ್ಟುಹಬ್ಬ ಆಚರಿಸಿದ ಉದಾಹರಣೆ ಕೂಡ ಇದೆ. ಈ ಹಿಂದೆ ಸನ್ನಿ ಲಿಯೋನ್​ ಅವರು ಕೇರಳಕ್ಕೆ ಭೇಟಿ ನೀಡಿದಾಗ ಅವರನ್ನು ನೋಡಲು ಜನಸಾಗರವೇ ಸೇರಿದ್ದು ಸುದ್ದಿ ಆಗಿತ್ತು. ಈ ಪರಿ ಸ್ಟಾರ್​ ಮೆರುಗು ಹೊಂದಿರುವ ಸನ್ನಿ ಬಗ್ಗೆ ಇಲ್ಲಿದೆ ಕೆಲವು ಮಾಹಿತಿ..

1. ಸನ್ನಿ ಲಿಯೋನ್​ ಜನಿಸಿದ್ದು ಕೆನಡಾದಲ್ಲಿ. ಅವರದ್ದು ಮೂಲತಃ ಪಂಜಾಬಿ ಕುಟುಂಬ. ಸನ್ನಿ ಲಿಯೋನ್​ ಮೊದಲ ಹೆಸರು ಕರೆಂಜಿತ್​ ಕೌರ್​ ವೋಹ್ರಾ.
2. ಚಿಕ್ಕ ವಯಸ್ಸಿನಲ್ಲೇ ಸನ್ನಿ ಲಿಯೋನ್​ ಕೆಲಸ ಮಾಡಲು ಆರಂಭಿಸಿದರು. 15ರ ಪ್ರಾಯದಲ್ಲಿ ಅವರು ಜರ್ಮನ್​ ಬೇಕರಿಯಲ್ಲಿ ಕೆಲಸ ಮಾಡುತ್ತಿದ್ದರು.
ಇದನ್ನೂ ಓದಿ



‘ನೀವು ಮಗಳನ್ನು ದತ್ತು ಪಡೆದಿದ್ದು ಪಬ್ಲಿಸಿಟಿ ಗಿಮಿಕ್​’; ಅಭಿಮಾನಿ ಮಾತಿಗೆ ಸನ್ನಿ ಲಿಯೋನ್​ ಉತ್ತರ ಏನು?



‘ದಯವಿಟ್ಟು ತಪ್ಪು ತಿಳಿಯಬೇಡಿ’; ಮಧ್ಯರಾತ್ರಿ ಆದ ಬಳಿಕ ಸನ್ನಿ ಲಿಯೋನ್​ ಮನೆಗೆ ಹೋಗಿದ್ದ ಖ್ಯಾತ ಗಾಯಕ



ನಿಮ್ಮ ಪರ್ಸನಲ್​ ಮೆಸೇಜ್​ ಬೇರೆ ಯಾರೂ ಓದಬಾರದು ಎಂದರೆ ಏನು ಮಾಡ್ಬೇಕು? ಇಲ್ಲಿದೆ ಸನ್ನಿ ಲಿಯೋನ್​ ಉಪಾಯ



ಕರ್ನಾಟಕದ ಹಳ್ಳಿಗರ ಅಭಿಮಾನಕ್ಕೆ ಸನ್ನಿ ಲಿಯೋನ್​ ಫಿದಾ; ಅನಾಥ ಮಕ್ಕಳ ತಾಯಿ ಎಂದ ಫ್ಯಾನ್ಸ್​

3. ನರ್ಸಿಂಗ್​ ಕಲಿಯಲು ಸನ್ನಿ ಲಿಯೋನ್​ ಆಸಕ್ತಿ ಹೊಂದಿದ್ದರು. ಖಾಸಗಿ ಮ್ಯಾಗಜಿಗ್​ಗಾಗಿ ಕೆಲಸ ಮಾಡುವಾಗ ತಮ್ಮ ಹೆಸರನ್ನು ಸನ್ನಿ ಲಿಯೋನ್​ ಎಂದು ಬದಲಾಯಿಸಿಕೊಂಡರು.
4. ಸನ್ನಿ ಲಿಯೋನ್​ ಶಾಲೆಯಲ್ಲಿ ಓದುತ್ತಿದ್ದಾಗ ಅವರನ್ನು ಎಲ್ಲರೂ ಗೇಲಿ ಮಾಡುತ್ತಿದ್ದರು. ಅವರ ಲುಕ್​ ಚೆನ್ನಾಗಿಲ್ಲ ಎಂದು ಅವಮಾನ ಮಾಡುತ್ತಿದ್ದರು. ಆದರೆ ಸನ್ನಿ ಸ್ಟಾರ್​ ಆಗಿ ಮೆರೆಯುತ್ತಾರೆ ಎಂಬುದು ಯಾರಿಗೂ ತಿಳಿದಿರಲಿಲ್ಲ.
5. 2011ರಲ್ಲಿ ಸನ್ನಿ ಲಿಯೋನ್​ ಅವರು ಬಿಗ್​ ಬಾಸ್​ ರಿಯಾಲಿಟಿ ಶೋನಲ್ಲಿ ಸ್ಪರ್ಧಿ ಖ್ಯಾತಿ ಗಿಟ್ಟಿಸಿದರು. ನಂತರ ಅವರಿಗೆ ಹಲವು ಅವಕಾಶಗಳು ಬರಲು ಆರಂಭಿಸಿದವು.
6. ಸನ್ನಿ ಲಿಯೋನ್​ ನಟಿಸಿದ ಮೊದಲ ಬಾಲಿವುಡ್​ ಸಿನಿಮಾ ‘ಜಿಸ್ಮ್​ 2’ 2012ರಲ್ಲಿ ತೆರೆಕಂಡಿತು. ನಂತರ ಅವರು ಅನೇಕ ಸಿನಿಮಾಗಳಲ್ಲಿ ಹೀರೋಯಿನ್​ ಆಗಿ ನಟಿಸಿ ಜನಪ್ರಿಯತೆ ಪಡೆದುಕೊಂಡರು.
7. ಬಿಬಿಸಿ ಬಿಡುಗಡೆ ಮಾಡಿದ 100 ಪ್ರಭಾವಿ ಮಹಿಳೆಯರ ಪಟ್ಟಿಯಲ್ಲಿ ಸನ್ನಿ ಲಿಯೋನ್​ ಕೂಡ ಸ್ಥಾನ ಪಡೆದುಕೊಂಡಿದ್ದರು. ಸಿನಿಮಾ ಜೊತೆಗೆ ಅನೇಕ ಜಾಹೀರಾತುಗಳಲ್ಲಿ ನಟಿಸಿ ಅವರು ಫೇಮಸ್​ ಆಗಿದ್ದಾರೆ.
8. ಸನ್ನಿ ಲಿಯೋನ್​ ಮತ್ತು ಅವರ ಪತಿ ಡೇನಿಯಲ್​ ವೆಬರ್​ ಅವರು ಹೆಣ್ಣು ಮಗುವನ್ನು ದತ್ತು ಪಡೆದುಕೊಂಡಿದ್ದಾರೆ. ಆ ಮಗುವಿಗೆ ನಿಶಾ ಕೌರ್ ಎಂದು ಹೆಸರು ಇಟ್ಟಿದ್ದಾರೆ. ಈ ಜೋಡಿಗೆ ಇಬ್ಬರು ಗಂಡು ಮಕ್ಕಳು ಕೂಡ ಇದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.