ನಿಮ್ಮ ಪರ್ಸನಲ್​ ಮೆಸೇಜ್​ ಬೇರೆ ಯಾರೂ ಓದಬಾರದು ಎಂದರೆ ಏನು ಮಾಡ್ಬೇಕು? ಇಲ್ಲಿದೆ ಸನ್ನಿ ಲಿಯೋನ್​ ಉಪಾಯ

ಇದು ಸ್ಮಾರ್ಟ್​ಫೋನ್​ ಯುಗ. ಮೊಬೈಲ್​​ ಒಳಗೆ ಎಲ್ಲರೂ ಮುಳುಗಿರುತ್ತಾರೆ. ಸದಾ ಕಾಲ ಮೆಸೇಜ್​ ಮಾಡುತ್ತ ಕುಳಿತುಕೊಳ್ಳುವವರೇ ಹೆಚ್ಚು. ತಮ್ಮ ಆಪ್ತರಿಗೆ ಕಳಿಸಿದ ಸೀಕ್ರೆಟ್​​ ಸಂದೇಶಗಳು ಯಾರ ಕಣ್ಣಿಗೂ ಕಾಣದಿರಲಿ ಎಂದು ನಾನಾ ಬಗೆಯ ಸೆಕ್ಯೂರಿಟಿ ಪಾಸ್​ವರ್ಡ್​ಗಳನ್ನು ಬಳಸಲಾಗುತ್ತದೆ. ಆದರೂ ಕೂಡ ಕೆಲವೊಮ್ಮೆ ನಮ್ಮ ಖಾಸಗಿ ಮೆಸೇಜ್​ಗಳನ್ನು ಬೇರೆಯವರು ಎಲ್ಲಿ ಕದ್ದು ಓದುತ್ತಾರೋ ಎಂಬ ಭಯ ಇದ್ದೇ ಇರುತ್ತದೆ. ಅಂಥವರಿಗಾಗಿ ನಟಿ ಸನ್ನಿ ಲಿಯೋನ್​ ಒಂದು ಉಪಾಯ ಹೇಳಿದ್ದಾರೆ.

ಬಾಲಿವುಡ್​ ಮಾತ್ರವಲ್ಲದೆ ಭಾರತದ ಇತರೆ ಭಾಷೆಗಳ ಚಿತ್ರರಂಗದಿಂದಲೂ ಸನ್ನಿ ಲಿಯೋನ್​ಗೆ ಅವಕಾಶಗಳಿಗೆ. ಈ ಮಾಜಿ ನೀಲಿ ತಾರೆ ಸೋಶಿಯಲ್​ ಮೀಡಿಯಾದಲ್ಲೂ ಸಿಕ್ಕಾಪಟ್ಟೆ ಆ್ಯಕ್ಟೀವ್​ ಆಗಿರುತ್ತಾರೆ. ಪ್ರತಿ ದಿನ ಏನಾದರೊಂದು ಪೋಸ್ಟ್​ ಮಾಡುವ ಮೂಲಕ ಅಭಿಮಾನಿಗಳ ಜೊತೆ ಅವರು ಸಂಪರ್ಕದಲ್ಲಿ ಇರಲು ಬಯಸುತ್ತಾರೆ. ಇತ್ತೀಚೆಗೆ ಅವರು ಪರ್ಸನಲ್​​ ಮೆಸೇಜ್​ಗಳ ಪ್ರೈವೆಸಿ ಬಗ್ಗೆ ಒಂದು ವಿಚಾರ ಹಂಚಿಕೊಂಡಿದ್ದಾರೆ.

ಬಗೆಬಗೆಯ ಲಾಕ್​ ಹಾಕಿರುವಾಗ ಯಾರೂ ಕೂಡ ನಿಮ್ಮ ಮೊಬೈಲ್​ನಲ್ಲಿ ಇರುವ ಖಾಸಗಿ ಮೆಸೇಜ್​ಗಳನ್ನು ಓದುಲು ಸಾಧ್ಯವಿಲ್ಲ. ಆದರೆ, ಮೆಸೇಜ್​ ಟೈಪ್​ ಮಾಡುತ್ತಿರುವಾಗಲೇ ಯಾರಾದರೂ ನಿಮ್ಮ ಪಕ್ಕದಲ್ಲಿ ಕುಳಿತಿದ್ದರೆ ಅವರು ಇಣುಕಿ ನೋಡಿದಾಗ ಖಂಡಿತವಾಗಿಯೂ ನೀವು ಮಾಡುತ್ತಿರುವ ಮೆಸೇಜ್​ ಏನು ಮತ್ತು ಯಾರಿಗೆ ಎಂಬುದು ಗೊತ್ತಾಗುತ್ತದೆ. ಇಂಥ ಸಂದರ್ಭದಲ್ಲಿ ಏನು ಮಾಡಬೇಕು. ಮರ ಹತ್ತಿ ಕುಳಿತುಕೊಳ್ಳಬೇಕು! ಹೌದು, ಸದ್ಯಕ್ಕೆ ಸನ್ನಿ ಲಿಯೋನ್​ ಕಂಡುಕೊಂಡಿರುವ ಉಪಾಯ ಇದು.

ಸನ್ನಿ ಲಿಯೋನ್​ ಸುತ್ತಮುತ್ತ ಸದಾ ಕಾಲ ಜನರು ಇದ್ದೇ ಇರುತ್ತಾರೆ. ಸಹಾಯಕರು, ಮೇಕಪ್​​ ಕಲಾವಿರು, ಕೇಶವಿನ್ಯಾಸರು ಪಕ್ಕದಲ್ಲೇ ಇರುತ್ತಾರೆ. ಪತಿ ಡೇನಿಯಲ್ ವೆಬರ್​ ಕೂಡ ಇರುತ್ತಾರೆ. ಇಂಥ ಸಂದರ್ಭದಲ್ಲಿ ಮೊಬೈಲ್​ನಲ್ಲಿ ಗುಟ್ಟಾದ ಮೆಸೇಜ್​ ಟೈಪ್​ ಮಾಡುತ್ತಿದರೆ ಖಂಡಿತವಾಗಿಯೂ ಪಕ್ಕದಲ್ಲಿ ಇರುವವರಿಗೆ ಕಾಣುತ್ತದೆ. ಅದಕ್ಕಾಗಿ ಸನ್ನಿ ಲಿಯೋನ್​ ಮರವೇರಿ ಕುಳಿತು ಮೆಸೇಜ್​ ಮಾಡುತ್ತಾರಂತೆ!

View this post on Instagram

A post shared by Sunny Leone (@sunnyleone)

ಆ ಫೋಟೋವನ್ನು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳಿಗೆ ಸನ್ನಿ ಲಿಯೋನ್​ ಟಿಪ್ಸ್​ ನೀಡಿದ್ದಾರೆ. ‘ಮೆಸೇಜ್​ನಲ್ಲಿ ನೀವು ಮಾಡುವ ಮಾತುಕತೆ ಬೇರೆಯವರಿಗೆ ಗೊತ್ತಾಗಬಾರದು ಎಂದು ಎಲ್ಲ ಪ್ರಯತ್ನಗಳನ್ನು ಮಾಡಿದಾಗ ಹೀಗಾಗುತ್ತದೆ’ ಎಂದು ಅವರು ಈ ಫೋಟೋಗೆ ಕ್ಯಾಪ್ಷನ್​ ನೀಡಿದ್ದಾರೆ. ಸನ್ನಿ ಕೊಟ್ಟ ಐಡಿಯಾವನ್ನು ಬಳಸಿಕೊಳ್ಳುವುದು ಬಿಡುವುದು ಅವರ ಅಭಿಮಾನಿಗಳ ಆಯ್ಕೆಗೆ ಬಿಟ್ಟ ವಿಚಾರ.

ಇದನ್ನೂ ಓದಿ:

Sunny Leone: ಸನ್ನಿ ಲಿಯೋನ್​ಗೆ ಬಟ್ಟೆ ತೊಡಿಸಲು ಕಷ್ಟಪಟ್ಟ ಆರ್ಮಿ; ವಿಡಿಯೋ ವೈರಲ್​

ಸನ್ನಿ ಲಿಯೋನ್​ ಸಂಸಾರಕ್ಕೆ 10 ವರ್ಷ; ದಾಂಪತ್ಯದ 5 ಸೀಕ್ರೆಟ್​ ತೆರೆದಿಟ್ಟ ಮಾದಕ ನಟಿ