ಏಕಕಾಲಕ್ಕೆ ಅನೇಕ ಸ್ತ್ರೀಯರ ಜೊತೆ ಲೈಂಗಿಕ ಕ್ರಿಯೆ, ಪತ್ನಿಗೆ ಥಳಿತ; ಹನಿ ಸಿಂಗ್ ಕರ್ಮಕಾಂಡದ ಪೂರ್ತಿ ಲಿಸ್ಟ್ ಇಲ್ಲಿದೆ
Yo Yo Honey Singh | Shalini Talwar: ಈ ಎಲ್ಲ ಆರೋಪಗಳ ಕುರಿತು ಸ್ಪಷ್ಟನೆ ನೀಡುವಂತೆ ಹನಿ ಸಿಂಗ್ಗೆ ನ್ಯಾಯಾಲಯ ನೋಟಿಸ್ ಜಾರಿ ಮಾಡಿದೆ. ಪತ್ನಿ ಶಾಲಿನಿ ತಲ್ವಾರ್ ಪರವಾಗಿ ಕೋರ್ಟ್ ಮಧ್ಯಂತರ ಅದೇಶ ನೀಡಿದೆ.
Updated on: Aug 04, 2021 | 11:05 AM
ಬಾಲಿವುಡ್ನ ಖ್ಯಾತ ರ‍್ಯಾಪ್ ಸಿಂಗರ್ ಯೋ ಯೋ ಹನಿ ಸಿಂಗ್ (Yo Yo Honey Singh) ಸಂಸಾರದ ಗಲಾಟೆ ಈಗ ಬೀದಿಗೆ ಬಂದಿದೆ. ಹನಿ ಸಿಂಗ್ ಪತ್ನಿ ಶಾಲಿನ ತಲ್ವಾರ್ (Shalini Talwar) ಅವರು ಹನಿ ಸಿಂಗ್ ವಿರುದ್ಧ ಹಲವು ಗಂಭೀರ ಆರೋಪಗಳನ್ನು ಹೊರಿಸಿದ್ದಾರೆ. ಒಂದು ಕಾಲದಲ್ಲಿ ಬಹುಬೇಡಿಕೆಯ ಗಾಯಕನಾಗಿದ್ದ ಹನಿ ಸಿಂಗ್ಗೆ ವಿವಾದಗಳು ಹೊಸದೇನಲ್ಲ. ಆದರೆ ಈ ಬಾರಿ ಅವರ ಪತ್ನಿ ಕೋರ್ಟ್ ಮೆಟ್ಟಿಲು ಏರಿರುವುದರಿಂದ ಅದು ಗಂಭೀರ ಸ್ವರೂಪ ಪಡೆದುಕೊಂಡಿದೆ. ಇಷ್ಟು ದಿನಗಳ ಕಾಲ ಗೌಪ್ಯವಾಗಿದ್ದ ತಮ್ಮ ಸಂಸಾರದ ಕಹಿ ಸತ್ಯಗಳನ್ನೆಲ್ಲ ಶಾಲಿನಿ ತಲ್ವಾರ್ ಬಹಿರಂಗಪಡಿಸಿದ್ದಾರೆ. ಹನಿ ಸಿಂಗ್ ಅವರ ಕರಾಳ ಮುಖವನ್ನು ಅವರು ಬಯಲು ಮಾಡಿದ್ದಾರೆ.
2011ರಲ್ಲಿ ಹನಿ ಸಿಂಗ್ ಮತ್ತು ಶಾಲಿನಿ ತಲ್ವಾರ್ ಮದುವೆ ನೆರವೇರಿತ್ತು. ಹತ್ತು ವರ್ಷಗಳ ಕಾಲ ಹನಿ ಸಿಂಗ್ ಜೊತೆ ದಾಂಪತ್ಯ ಜೀವನ ನಡೆಸಿರುವ ಶಾಲಿನಿ ಅನೇಕ ಹಿಂಸೆ ಅನುಭವಿಸಿದ್ದಾರೆ. ಕೋರ್ಟ್ಗೆ ಸಲ್ಲಿಸಿದ ದೂರಿನಲ್ಲಿ ಅವರು ಎಲ್ಲವನ್ನೂ ವಿವರಿಸಿದ್ದಾರೆ. ಶಾಲಿನ ಮಾಡಿರುವ ಪ್ರಮುಖ ಆರೋಪಗಳ ಪಟ್ಟಿ ಇಲ್ಲಿದೆ.
1. ಅನೇಕ ಬಾರಿ ದೈಹಿಕವಾಗಿ, ಮಾನಸಿಕವಾಗಿ ಮತ್ತು ಮೌಖಿಕವಾಗಿ ನನ್ನ ಮೇಲೆ ಹನಿ ಸಿಂಗ್ ಹಲ್ಲೆ ಮಾಡಿದ್ದಾರೆ.
2. ಎಲ್ಲ ಸಂಭಾವನೆಯನ್ನು ನಗದು ರೂಪದಲ್ಲೇ ಹನಿ ಸಿಂಗ್ ಪಡೆಯುತ್ತಾರೆ. ಹಣದ ವ್ಯವಹಾರವನ್ನು ನನ್ನಿಂದ ಮುಚ್ಚಿಟ್ಟಿದ್ದಾರೆ.
3. ತಿಂಗಳಿಗೆ ನಾಲ್ಕು ಕೋಟಿ ರೂ. ಸಂಪಾದಿಸುತ್ತಿದ್ದ ಹನಿ ಸಿಂಗ್ ಮದ್ಯವ್ಯಸನಿ ಆಗಿದ್ದಾರೆ. ಆಗಲೇ ಅವರು ಡ್ರಗ್ ಅಡಿಕ್ಟ್ ಕೂಡ ಆದರು.
4. ಅನೇಕ ಮಹಿಳೆಯರ ಜೊತೆ ಹನಿ ಸಿಂಗ್ ಸಹಜ ಎಂಬಂತೆ ಲೈಂಗಿಕ ಕ್ರಿಯೆ ನಡೆಸುತ್ತಾರೆ.
5. ಪಂಜಾಬಿ ನಟಿಯೊಬ್ಬರ ಜೊತೆ ಹನಿ ಸಿಂಗ್ ಅಕ್ರಮ ಸಂಬಂಧ ಹೊಂದಿದ್ದಾರೆ.
6. ನನ್ನ ಜೊತೆ ಮದುವೆ ಆಗಿದೆ ಎಂಬ ಸತ್ಯವನ್ನು ಜನರಿಂದ ಹಲವು ವರ್ಷಗಳವರೆಗೆ ಹನಿ ಸಿಂಗ್ ಮುಚ್ಚಿಟ್ಟಿದ್ದರು.
7. ನಮ್ಮ ಮದುವೆಯ ಫೋಟೋಗಳು ಇಂಟರ್ನೆಟ್ನಲ್ಲಿ ಲೀಕ್ ಆಗಿದ್ದಕ್ಕೆ ನಾನೇ ಕಾರಣ ಎಂದು ಅವರು ಅನುಮಾನಪಟ್ಟಿದ್ದರು ಹಾಗೂ ಕೋಪಗೊಂಡು ನನ್ನನ್ನು ಮನಬಂದಂತೆ ಥಳಿಸಿದ್ದರು.
8. ನಮ್ಮ ಮದುವೆ ಉಂಗುರವನ್ನು ಹನಿ ಸಿಂಗ್ ಧರಿಸುತ್ತಿರಲಿಲ್ಲ. ಅದು ತನಗೆ ದುರದೃಷ್ಟ ಎಂದು ಅವರು ಹೇಳುತ್ತಿದ್ದರು.
9. ಮಹಿಳಾ ಸಹೋದ್ಯೋಗಿಗಳ ಜೊತೆ ಹನಿ ಸಿಂಗ್ ಅಕ್ರಮ ಸಂಬಂಧ ಹೊಂದಿದ್ದರು. ಅದು ನನಗೆ ಗೊತ್ತಾಗಿ ಪ್ರಶ್ನೆ ಮಾಡಿದ್ದಕ್ಕೆ ನನ್ನ ಮೇಲೆ ಬಿಯರ್ ಬಾಟಲಿ ಒಡೆದಿದ್ದರು.
ಈ ಎಲ್ಲ ಆರೋಪಗಳ ಕುರಿತು ಸ್ಪಷ್ಟನೆ ನೀಡುವಂತೆ ಹನಿ ಸಿಂಗ್ಗೆ ನ್ಯಾಯಾಲಯ ನೋಟಿಸ್ ಜಾರಿ ಮಾಡಿದೆ. ಶಾಲಿನಿ ಪರವಾಗಿ ಕೋರ್ಟ್ ಮಧ್ಯಂತರ ಆದೇಶ ನೀಡಿದೆ. ಪತ್ನಿಯ ಜೊತೆ ಜಂಟಿ ಒಡೆತನದಲ್ಲಿ ಇರುವ ಯಾವುದೇ ಆಸ್ತಿಯನ್ನೂ ಮಾರಾಟ ಮಾಡದಂತೆ ಹನಿ ಸಿಂಗ್ಗೆ ನ್ಯಾಯಾಲಯ ಸೂಚಿಸಿದೆ.
ಇದನ್ನೂ ಓದಿ:
ಪೋಷಕರೇ ಹುಷಾರ್! ಬೆತ್ತಲಾಗ್ತಾರೆ ಬಿಗ್ ಬಾಸ್ ಸ್ಪರ್ಧಿಗಳು; ವೀಕ್ಷಕರೇ ಶಿಕ್ಷೆ ಕೊಡಬಹುದು
ನಗ್ನವಾಗಿ ಲೈವ್ ಬಂದ ನಟಿ ಗೆಹನಾ; ಜನರಿಗೆ ಸವಾಲು ಹಾಕಿದ ಅಶ್ಲೀಲ ಸಿನಿಮಾ ಆರೋಪಿ
