Ramyug Trailer: ಲಾಕ್​ಡೌನ್​ನಲ್ಲಿ ಮತ್ತೆ ರಾಮಾಯಣ; ಆದ್ರೆ ಈ ಬಾರಿ ರಾಮನಾಗಿ ಕನ್ನಡದ ದಿಗಂತ್​

Ramyug Trailer Released: ಹೊಸ ತಲೆಮಾರಿನ ಪ್ರೇಕ್ಷಕರಿಗೆ ಮತ್ತೆ ರಾಮಾಯಣವನ್ನು ತೋರಿಸುವ ಉದ್ದೇಶದಿಂದ ರಾಮ್​ ಯುಗ್​ ವೆಬ್​ ಸಿರೀಸ್​ ಮಾಡಲಾಗಿದೆ. ಈ ಜನರೇಷನ್​ಗೆ ತಕ್ಕಂತೆ ಅತ್ಯಾಧುನಿಕ ತಂತ್ರಜ್ಞಾನವನ್ನು ಬಳಸಿಕೊಂಡು ರಾಮಾಯಣದ ಕಾಲವನ್ನು ಚಿತ್ರಿಸಲಾಗಿದೆ.

Ramyug Trailer: ಲಾಕ್​ಡೌನ್​ನಲ್ಲಿ ಮತ್ತೆ ರಾಮಾಯಣ; ಆದ್ರೆ ಈ ಬಾರಿ ರಾಮನಾಗಿ ಕನ್ನಡದ ದಿಗಂತ್​
ರಾಮ್​ ಯುಗ್​ ವೆಬ್​ ಸಿರೀಸ್​ನಲ್ಲಿ ನಟ ದಿಗಂತ್​
Madan Kumar

| Edited By: Apurva Kumar Balegere

Apr 30, 2021 | 4:02 PM


ರಾಮಾಯಣದ ಕಥೆ ಯಾರಿಗೆ ಗೊತ್ತಿಲ್ಲ ಹೇಳಿ? ಈಗಾಗಲೇ ಅನೇಕ ಸಿನಿಮಾ ಮತ್ತು ಧಾರಾವಾಹಿಗಳ ಮೂಲಕ ರಾಮಾಯಣವನ್ನು ನಾವೆಲ್ಲ ನೋಡಿದ್ದೇವೆ. ಕಳೆದ ವರ್ಷ ಲಾಕ್​ಡೌನ್​ನಲ್ಲಿ 1987ರ ‘ರಾಮಾಯಣ’ ಸೀರಿಯಲ್​ ಮರುಪ್ರಸಾರ ಆಗಿತ್ತು. ಈಗ ಮತ್ತೆ ಲಾಕ್​ಡೌನ್​ ಆಗಿದೆ. ಈಗಲೂ ಸಹ ಜನರನ್ನು ರಂಜಿಸಲು ರಾಮಾಯಣ ಬರುತ್ತಿದೆ. ಆದರೆ ಇದು ಹೊಸ ರಾಮಾಯಣ. ಇಲ್ಲಿ ರಾಮನಾಗಿ ಕಾಣಿಸಿಕೊಳ್ಳುತ್ತಿರುವುದು ಕನ್ನಡದ ನಟ ದಿಗಂತ್​ ಮಂಚಾಲೆ.

ಹೌದು, ಹಿಂದಿಯಲ್ಲಿ ‘ರಾಮ್​ ಯುಗ್​’ ಶೀರ್ಷಿಕೆಯಲ್ಲಿ ವೆಬ್​ ಸಿರೀಸ್​ ನಿರ್ಮಾಣ ಆಗಿದೆ. ಅದರಲ್ಲಿ ನಟ ದಿಗಂತ್​ ರಾಮನ ಪಾತ್ರ ನಿಭಾಯಿಸಿದ್ದಾರೆ. ಕುನಾಲ್​ ಕೊಯ್ಲಿ ನಿರ್ದೇಶನ ಮಾಡಿದ್ದಾರೆ. ಅಕ್ಷಯ್​ ಡೋಗ್ರಾ, ಕಬೀರ್​ ದುಹಾನ್​ ಸಿಂಗ್​ ಮುಂತಾದವರು ಪ್ರಮುಖ ಪಾತ್ರಗಳಿಗೆ ಬಣ್ಣ ಹಚ್ಚಿದ್ದಾರೆ.

ಇತ್ತೀಚೆಗೆ ಹನುಮ ಜಯಂತಿ ಪ್ರಯುಕ್ತ ಈ ವೆಬ್​ ಸಿರೀಸ್​ನ ಒಂದು ಮ್ಯೂಸಿಕ್​ ವಿಡಿಯೋ ಬಿಡುಗಡೆ ಮಾಡಲಾಗಿತ್ತು. ಈಗ ಟ್ರೇಲರ್​ ರಿಲೀಸ್​ ಆಗಿದ್ದು, ಉತ್ತಮ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ. ಎಂಎಕ್ಸ್ ಪ್ಲೇಯರ್​ನಲ್ಲಿ ಈ ವೆಬ್​ ಸಿರೀಸ್​ ಪ್ರಸಾರ ಆಗಲಿದೆ. ಮೇ 6ರಿಂದ ಎಲ್ಲ ಎಪಿಸೋಡ್​ಗಳು ವೀಕ್ಷಣೆಗೆ ಲಭ್ಯವಾಗಲಿವೆ.

ಕನ್ನಡದ ನಟ ದಿಗಂತ್​ ಅವರು ಹಿಂದಿಯಲ್ಲಿ ನಟಿಸಿರುವುದು ಇದೇ ಮೊದಲೇನಲ್ಲ. ಈ ಹಿಂದೆ ಅವರು ವೆಡ್ಡಿಂಗ್​ ಪುಲಾವ್​ ಚಿತ್ರದಲ್ಲಿ ಹೀರೋ ಆಗಿದ್ದರು. ಈಗ ರಾಮ್​ ಯುಗ್​ ವೆಬ್​ ಸರಣಿ ಮೂಲಕ ರಾಮನ ಅವತಾರದಲ್ಲಿ ಹಿಂದಿ ಪ್ರೇಕ್ಷಕರನ್ನು ಅವರು ರಂಜಿಸಲಿದ್ದಾರೆ. ರಾಮಾಯಣದ ಕಥೆಗೆ ದೇಶಾದ್ಯಂತ ಜನರು ಮನಸೋಲುವುದರಿಂದ ಕನ್ನಡದ ಪ್ರೇಕ್ಷಕರಿಂದ ಈ ವೆಬ್​ ಸರಣಿಗೆ ಉತ್ತಮ ಪ್ರತಿಕ್ರಿಯೆ ಸಿಗುವ ಸಾಧ್ಯತೆ ಇದೆ. ದಿಗಂತ್​ ಅಭಿಮಾನಿಗಳಿಗೆ ಈ ಬಗ್ಗೆ ಹೆಚ್ಚು ನಿರೀಕ್ಷೆ ಇದೆ.

ಹೊಸ ತಲೆಮಾರಿನ ಪ್ರೇಕ್ಷಕರಿಗೆ ಮತ್ತೆ ರಾಮಾಯಣವನ್ನು ತೋರಿಸುವ ಉದ್ದೇಶದಿಂದ ರಾಮ್​ ಯುಗ್​ ವೆಬ್​ ಸಿರೀಸ್​ ಮಾಡಲಾಗಿದೆ. ಈ ಜನರೇಷನ್​ಗೆ ತಕ್ಕಂತೆ ಅತ್ಯಾಧುನಿಕ ತಂತ್ರಜ್ಞಾನವನ್ನು ಬಳಸಿಕೊಂಡು ರಾಮಾಯಣದ ಕಾಲವನ್ನು ಚಿತ್ರಿಸಲಾಗಿದೆ. ಟ್ರೇಲರ್​ನಲ್ಲಿ ಆ ಎಲ್ಲ ಅಂಶಗಳು ಗಮನ ಸೆಳೆಯುತ್ತಿವೆ. ರಾಮನ ಪಟ್ಟಾಭಿಷೇಕದಿಂದ ಆರಂಭಗೊಂಡು ರಾವಣನ ಅಂತ್ಯವಾಗುವವರೆಗೆ ಟ್ರೇಲರ್​ನಲ್ಲಿ ಝಲಕ್​ ತೋರಿಸಲಾಗಿದೆ.

ಇದನ್ನೂ ಓದಿ: ಬೀದಿಗೆ ಬಂತು ಶ್ರೀಕೃಷ್ಣ ಧಾರಾವಾಹಿ ನಟನ ಬದುಕು; ಕಣ್ಣೀರಿಟ್ಟ ಸುನಿಲ್​ ನಗರ್​

ರಾಮಾಯಣ ಧಾರಾವಾಹಿಯಲ್ಲಿ ರಾಮನ ಪಾತ್ರ ನಿರ್ವಹಿಸಿದ್ದ ನಟ ಅರುಣ್ ಗೋವಿಲ್ ಬಿಜೆಪಿಗೆ ಸೇರ್ಪಡೆ

 

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada