ಇದು ಜೋಕ್ ಅಲ್ಲ ತಾನೇ; ಆಸ್ಕರ್ ರೇಸ್​ನಲ್ಲಿ ‘ಕಂಗುವ’ ಹಾಗೂ ‘ಆಡುಜೀವಿತಂ’

ಬಾಕ್ಸ್ ಆಫೀಸ್​ನಲ್ಲಿ ಹೀನಾಯವಾಗಿ ಸೋತಿರುವ ‘ಕಂಗುವ’ ಸಿನಿಮಾ ಈಗ ಆಸ್ಕರ್​ ರೇಸ್​ನಲ್ಲಿದೆ. ಈ ಸಿನಿಮಾ ಮಾತ್ರವಲ್ಲ ಎಲ್ಲ ಕಡೆಗಳಿಂದ ಮೆಚ್ಚುಗೆ ಪಡೆದ ‘ಆಡು ಜೀವಿತಂ’ ಕೂಡ ಆಸ್ಕರ್ ಲಿಸ್ಟ್​​​ನಲ್ಲಿ ಸ್ಥಾನ ಪಡೆದಿದೆ. ಈ ವಿಚಾರ ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆ ಆಗುತ್ತಿದೆ. ಅಷ್ಟಕ್ಕೂ ಯಾವ ಸಿನಿಮಾಗಳು ಸ್ಥಾನ ಪಡೆದಿವೆ? ಇವುಗಳು ಸ್ಥಾನ ಪಡೆದಿರೋದು ಯಾವ ಕ್ಯಾಟೆಗೆರಿಯಲ್ಲಿ? ಆ ಬಗ್ಗೆ ಈ ಸ್ಟೋರಿಯಲ್ಲಿ ವಿವರ ಇದೆ.

ಭಾರತದಿಂದ ಪ್ರತಿ ವರ್ಷ ಒಂದು ಚಿತ್ರವನ್ನು ಆಸ್ಕರ್​ ಲಿಸ್ಟ್​ಗೆ ಕಳುಹಿಸಲಾಗುತ್ತದೆ. ಈ ವರ್ಷ ಭಾರತದಿಂದ ‘ಲಾಪತಾ ಲೇಡೀಸ್’ ಚಿತ್ರವನ್ನು ಕಳುಹಿಸಲಾಗಿತ್ತು. ಆದರೆ, ಈಗಾಗಲೇ ಸಿನಿಮಾ ರೇಸ್​ನಿಂದ ಹೊರ ಬಿದ್ದಿದೆ. ಈಗ ಭಾರತದ ಇನ್ನೂ ಕೆಲವು ಸಿನಿಮಾಗಳು ರೇಸ್​ನಲ್ಲಿ ಇವೆ. ‘ಬೆಸ್ಟ್ ಪಿಕ್ಚರ್’ ವಿಭಾಗದಲ್ಲಿ ‘ಆಡುಜೀವಿತಂ’ ಸಿನಿಮಾ ಇದೆ.

ಉಳಿದಂತೆ ಭಾರತದ ಸಿನಿಮಾಗಳಾದ ‘ಸಂತೋಷ್’ (ಹಿಂದಿ), ‘ಸ್ವತಂತ್ರ್ಯ ವೀರ ಸಾವರ್ಕರ್’, ‘ಆಲ್ ವಿ ಇಮ್ಯಾಜಿನ್ ಆ್ಯಸ್ ಲೈಟ್’ (ಮಲಯಾಳಂ-ಹಿಂದಿ), ‘ಗರ್ಲ್ಸ್​ ವಿಲ್ ಬಿ ಗರ್ಲ್ಸ್’ (ಹಿಂದಿ-ಇಂಗ್ಲಿಷ್) ಸಿನಿಮಾಗಳು ಈ ಸಾಲಿನಲ್ಲಿ ಇವೆ. ಸೂರ್ಯ ನಟನೆಯ ‘ಕಂಗುವ’ ಚಿತ್ರ ಬಾಕ್ಸ್ ಆಫೀಸ್​ನಲ್ಲಿ ಹೀನಾಯ ಸೋಲು ಕಂಡಿತ್ತು. ಈ ಚಿತ್ರವೂ ಆಸ್ಕರ್​ ಓಟದಲ್ಲಿ ಇರೋದು ಅನೇಕರಿಗೆ ಅಚ್ಚರಿ ತಂದಿದೆ. ‘ಇದು ಜೋಕ್ ಅಲ್ಲ ತಾನೇ’ ಎಂದು ಕೆಲವರು ಕಮೆಂಟ್ ಮಾಡಿದ್ದಾರೆ.

BREAKING: Kanguva ENTERS oscars 2025🏆 pic.twitter.com/VoclfVtLBL

— Manobala Vijayabalan (@ManobalaV) January 7, 2025

ಈ ರೇಸ್​ನಲ್ಲಿ 217 ಸಿನಿಮಾಗಳು ಇವೆ. ವೋಟಿಂಗ್ ಮೂಲಕ ಮುಂದಿನ ಹಂತಕ್ಕೆ ಸಿನಿಮಾನ ಕೊಂಡೊಯ್ಯಲಾಗುತ್ತದೆ. ಜನವರಿ 8ರಿಂದ 12ರವರೆಗೆ ವೋಟ್ ಮಾಡಲು ಅವಕಾಶ ಇದ್ದು, ಅಕಾಡೆಮಿಯ ಸದಸ್ಯರಿಗೆ ವೋಟ್ ಮಾಡಲು ಅವಕಾಶ ಇದೆ. ಈ ಮೊದಲು ಮಲಯಾಳಂನ ‘2018’ ಸಿನಿಮಾ ಆಸ್ಕರ್ ರೇಸ್​ನಲ್ಲಿ ಇತ್ತು. ಆದರೆ, ಚಿತ್ರ ಆಸ್ಕರ್ ಗೆಲ್ಲಲು ಸಾಧ್ಯವಾಗಿಲ್ಲ.

ಇದನ್ನೂ ಓದಿ: ‘ಲಾಪತಾ ಲೇಡೀಸ್’ ಹೊರಗೆ, ಆಸ್ಕರ್ ರೇಸ್​ನಲ್ಲಿ ಉಳಿದ ಭಾರತೀಯ ಸಿನಿಮಾಗಳು ಯಾವುವು? 

ಜನವರಿ 17ರಂದು ಆಸ್ಕರ್​ನ ಅಂತಿಮ ಪಟ್ಟಿ ಹೊರ ಬೀಳಲಿದೆ. ಈ ವರ್ಷ ಮಾರ್ಚ್ 2ರಂದು ‘ಆಸ್ಕರ್ ಅವಾರ್ಡ್’ ಕಾರ್ಯಕ್ರಮ ನಡೆಯಲಿದೆ. ಅಮೆರಿಕದ ಹಾಲಿವುಡ್​ನ ಡಾಲ್ಬಿ ಥಿಯೇಟರ್​ನಲ್ಲಿ ಆಸ್ಕರ್ ಅವಾರ್ಡ್ ಕಾರ್ಯಕ್ರಮ ಜರುಗಲಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.