Miley Cyrus: ಬೆತ್ತಲೆಯಾಗಿ ಬಾತ್​ ರೂಂ ವಿಡಿಯೋ ಹಂಚಿಕೊಂಡ ನಟಿ ಮೈಲಿ ಸೈರಸ್​; ನೆಟ್ಟಿಗರಿಂದ ಕಟು ಟೀಕೆ

ಹಾಲಿವುಡ್​ ನಟಿ, ಗಾಯಕಿ ಮೈಲಿ ಸೈರಸ್​ (Miley Cyrus) ಅವರು ಹೊಸ ಸೆನ್ಸೇಷನ್​ ಸೃಷ್ಟಿ ಮಾಡಿದ್ದಾರೆ. ಅವರಿಗೆ ವಿಶ್ವಾದ್ಯಂತ ಅಭಿಮಾನಿಗಳು ಇದ್ದಾರೆ. ಅವರ ಅನೇಕ ಹಾಡುಗಳು ಸೂಪರ್​ ಹಿಟ್​ ಆಗಿವೆ. ಹಲವು ಪ್ರಕಾರದ ಸಂಗೀತದಲ್ಲಿ ಮೈಲಿ ಸೈರಸ್​ ಅವರು ಗುರುತಿಸಿಕೊಂಡಿದ್ದಾರೆ. ಈಗ ಅವರ ಒಂದು ವಿಡಿಯೋ (Miley Cyrus Viral Video) ವೈರಲ್​ ಆಗಿದೆ. ಬೆತ್ತಲಾಗಿ ಸ್ನಾನ ಮಾಡುತ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಹಾಗಂತ ಇದು ಯಾವುದೋ ಕಿಡಿಗೇಡಿಗಳಿಂದ ಲೀಕ್​ ಆದ ವಿಡಿಯೋ ಅಲ್ಲ. ಬದಲಿಗೆ, ಸ್ವತಃ ಮೈಲಿ ಸೈರಸ್​ ಅವರೇ ತಮ್ಮ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ಈ ಖಾಸಗಿ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಅವರು ಈ ರೀತಿ ಮಾಡಿರುವುದನ್ನು ನೆಟ್ಟಿಗರು ಖಂಡಿಸುತ್ತಿದ್ದಾರೆ.

ಮೈಲಿ ಸೈರಸ್​ ಅವರನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಬರೋಬ್ಬರಿ 192 ಮಿಲಿಯನ್​ ಜನರು ಫಾಲೋ ಮಾಡುತ್ತಿದ್ದಾರೆ. ಅವರು ಹಾಕುವ ಪ್ರತಿ ಪೋಸ್ಟ್​ಗೆ ಲಕ್ಷಾಂತರ ಲೈಕ್ಸ್​ ಬರುತ್ತವೆ. ಈಗ ಮೈಲಿ ಸೈರಸ್​ ಹಂಚಿಕೊಂಡಿರುವ ಸ್ನಾನದ ವಿಡಿಯೋವನ್ನು 16 ಲಕ್ಷಕ್ಕೂ ಅಧಿಕ ಮಂದಿ ಲೈಕ್​ ಮಾಡಿದ್ದಾರೆ. 15 ಸಾವಿರಕ್ಕೂ ಹೆಚ್ಚು ಕಮೆಂಟ್​ಗಳು ಬಂದಿವೆ. ಅವರ ಅಪ್ಪಟ ಅಭಿಮಾನಿಗಳು ಭೇಷ್​ ಎಂದಿದ್ದಾರೆ. ಆದರೆ ಒಂದು ವರ್ಗದ ನೆಟ್ಟಿಗರು ಕಟು ಟೀಕೆ ಮಾಡಿದ್ದಾರೆ.

ಇದನ್ನೂ ಓದಿ

ಖಾಸಗಿ ವಿಡಿಯೋ ವೈರಲ್ ಆದಾಗ ಮನೆಯವರ ರಿಯಾಕ್ಷನ್ ಹೇಗಿತ್ತು? ಟಿವಿ9ಗೆ ಸೋನು ಶ್ರೀನಿವಾಸ್ ಗೌಡ ಹೇಳಿದ್ದಿಷ್ಟು

Sanya Iyer: ಅಪ್ಪನೇ ಮಗಳ ಖಾಸಗಿ ವಿಡಿಯೋ ರೆಕಾರ್ಡ್​ ಮಾಡಿದ್ದ; ಸಾನ್ಯಾ ಅಯ್ಯರ್​ ತಾಯಿ ಹೇಳಿದ ಕರಾಳ ಸತ್ಯಗಳು

ಖಾಸಗಿ ವಿಡಿಯೋ ತೋರಿಸಿ ಕಿರುಕುಳ ಪ್ರಕರಣ: ಪೊಲೀಸ್ ವಿಚಾರಣೆಗೆ ಹಾಜರಾದ ಕಾಂಗ್ರೆಸ್​ ನಾಯಕಿ ನವ್ಯಶ್ರೀ

ತ್ರಿಷಾ ನಂತರ ಮತ್ತೋರ್ವ ಹೀರೋಯಿನ್ ಖಾಸಗಿ ವಿಡಿಯೋ ಲೀಕ್​​; ನರಕದಲ್ಲಿ ನಿಮಗೆ ವಿಶೇಷ ವ್ಯವಸ್ಥೆ ಇದೆ ಎಂದ ​ನಟಿ

ಇದನ್ನೂ ಓದಿ: ಖಾಸಗಿ ವಿಡಿಯೋ ವೈರಲ್ ಆದಾಗ ಮನೆಯವರ ರಿಯಾಕ್ಷನ್ ಹೇಗಿತ್ತು? ಟಿವಿ9ಗೆ ಸೋನು ಶ್ರೀನಿವಾಸ್ ಗೌಡ ಹೇಳಿದ್ದಿಷ್ಟು

ಶೀಘ್ರದಲ್ಲೇ ಮೈಲಿ ಸೈರಸ್ ಅವರ ಹೊಸ ಮ್ಯೂಸಿಕ್​ ವಿಡಿಯೋ ರಿಲೀಸ್​ ಆಗಲಿದೆ. ‘ಫ್ಲಾವರ್ಸ್​’ ಎಂಬ ಈ ಹಾಡಿಗೆ ಪ್ರಚಾರ ನೀಡುವ ಸಲುವಾಗಿ ಅವರು ಈ ರೀತಿ ಬೆತ್ತಲೆ ಪ್ರಯೋಗ ಮಾಡಿದ್ದಾರೆ. ಇಂಥ ಚೀಪ್​ ಗಿಮಿಕ್​ಗಳ ಮೂಲಕ ಪ್ರಚಾರ ಪಡೆಯಲು ಪ್ರಯತ್ನಿಸಿರುವುದು ಸರಿಯಲ್ಲ ಎಂದು ಅನೇಕರು ಕ್ಲಾಸ್​ ತೆಗೆದುಕೊಂಡಿದ್ದಾರೆ.

ಇದನ್ನೂ ಓದಿ: ಖಾಸಗಿ ವಿಡಿಯೋ ತೋರಿಸಿ ಕಿರುಕುಳ ಪ್ರಕರಣ: ಪೊಲೀಸ್ ವಿಚಾರಣೆಗೆ ಹಾಜರಾದ ಕಾಂಗ್ರೆಸ್​ ನಾಯಕಿ ನವ್ಯಶ್ರೀ

ಬಾತ್​ ರೂಮ್​ನಲ್ಲಿ ಬೆತ್ತಲಾಗಿ ಸ್ನಾನ ಮಾಡುತ್ತಿರುವ ಮೈಲಿ ಸೈರಸ್​ ಅವರು ಹಾಡಿನ ಒಂದೆರಡು ಸಾಲುಗಳನ್ನು ಗುನುಗಿದ್ದಾರೆ. ಅದನ್ನು ಹಿಂಬದಿಯಿಂದ ಚಿತ್ರಿಸಿಕೊಳ್ಳಲಾಗಿದೆ. ಪ್ರಚಾರಕ್ಕಾಗಿ ಈ ರೀತಿ ಮಾಡಿದ್ದು ಸೂಕ್ತವಲ್ಲ ಎಂಬ ಅಭಿಪ್ರಾಯ ಅನೇಕರಿಂದ ವ್ಯಕ್ತವಾಗಿದೆ. ಅದಕ್ಕೆಲ್ಲ ಮೈಲಿ ಸೈರಸ್​ ಅವರು ತಲೆ ಕೆಡಿಸಿಕೊಂಡಿಲ್ಲ. ಹೊಸ ಹಾಡು ರಿಲೀಸ್​ ಆಗುವ ನಗರ ಮತ್ತು ಸಮಯದ ಮಾಹಿತಿಯನ್ನು ಕೂಡ ಅವರು ಈ ಪೋಸ್ಟ್​ ಜೊತೆ ಹಂಚಿಕೊಂಡಿದ್ದಾರೆ.

View this post on Instagram

A post shared by Miley Cyrus (@mileycyrus)

‘ಪಾರ್ಟಿ ಇನ್​ ದಿ ಯುಎಸ್​’, ‘ಕಾಂಟ್​ ಬಿ ಟೇಮ್ಡ್’, ‘7 ಥಿಂಗ್ಸ್​’ ಸೇರಿದಂತೆ ಅನೇಕ ಹಾಡುಗಳ ಮೂಲಕ ಮೈಲಿ ಸೈರಸ್​ ಫೇಮಸ್​ ಆಗಿದ್ದಾರೆ. ವೈಯಕ್ತಿಕ ಕಾರಣಗಳಿಂದಲೂ ಅವರು ಆಗಾಗ ಸುದ್ದಿ ಆಗೋದುಂಟು. ಈ ಹಿಂದೆ ಗಾಯಕ ನಿಕ್​ ಜೋನಸ್​ ಜೊತೆಗೆ ಅವರ ಹೆಸರು ತಳುಕು ಹಾಕಿಕೊಂಡಿತ್ತು.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 4:37 pm, Tue, 10 January 23