ಬಹುಭಾಷಾ ನಟಿ ಪ್ರಿಯಾಂಕಾ ಚೋಪ್ರಾ (Priyanka Chopra) ಸದ್ಯ ಹಾಲಿವುಡ್ ಚಿತ್ರರಂಗದಲ್ಲಿ ಬ್ಯುಸಿಯಾಗಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಆಕ್ಟಿವ್ ಇರುವ ನಟಿ ಆಗಾಗ ಹೊಸ ಚಿತ್ರಗಳನ್ನು ಹಂಚಿಕೊಳ್ಳುತ್ತಾರೆ. ಚಿತ್ರೀಕರಣದಲ್ಲಿ ಭಾಗಿಯಾದ ಸಂದರ್ಭದ ಫೋಟೋ ಹಾಗೂ ವಿಡಿಯೋಗಳನ್ನು ಶೇರ್ ಮಾಡುವ ಮೂಲಕವೂ ಸುದ್ದಿಯಲ್ಲಿರುತ್ತಾರೆ ಪ್ರಿಯಾಂಕಾ. ಆದರೆ ಇದೀಗ ಅವರು ಹಂಚಿಕೊಂಡಿರುವ ಪೋಟೋವೊಂದು ಅಭಿಮಾನಿಗಳ ಆತಂಕಕ್ಕೆ ಕಾರಣವಾಗಿದೆ. ಪ್ರಸ್ತುತ ‘ಸಿಟಾಡೆಲ್’ನ (Citadel Series) ಚಿತ್ರೀಕರಣದಲ್ಲಿರುವ ಪ್ರಿಯಾಂಕಾ ಚೋಪ್ರಾ, ಶೂಟಿಂಗ್ ಸೆಟ್ನ ಫೋಟೋ ಹಂಚಿಕೊಂಡಿದ್ದಾರೆ. ಅದರಲ್ಲಿ ಪ್ರಿಯಾಂಕಾ ಮುಖಕ್ಕೆ ಏಟು ಬಿದ್ದಂತಿದ್ದು, ರಕ್ತಸಿಕ್ತವಾಗಿದೆ. ‘ನಿಮಗೂ ಇಂದು ಕಠಿಣ ದಿನವಾಗಿದೆಯೇ?’ ಎಂದು ಕ್ಯಾಪ್ಶನ್ ನೀಡಿದ್ದಾರೆ ನಟಿ. ಹ್ಯಾಶ್ಟ್ಯಾಗ್ನಲ್ಲಿ ‘ಕಲಾವಿದರ ಜೀವನ’, ‘ಸಿಟಾಡೆಲ್’ ಎಂದು ಬರೆದಿದ್ದಾರೆ ಪ್ರಿಯಾಂಕಾ. ಚಿತ್ರ ನೋಡಿದ ಅಭಿಮಾನಿಗಳು ಕ್ಯಾಪ್ಶನ್ ಗಮನಿಸಿ ಆತಂಕಗೊಂಡಿದ್ದು, ನಟಿಗೆ ನಿಜವಾಗಿಯೂ ಗಾಯಗಾಳಗಿವೆಯೇ? ಈಗ ಆರೋಗ್ಯ ಹೇಗಿದೆ ಎಂದೆಲ್ಲಾ ಕಳಕಳಿಯಿಂದ ಪ್ರಶ್ನಿಸಿದ್ದಾರೆ. ಮತ್ತೆ ಹಲವರು ನಟಿ ಹಂಚಿಕೊಂಡಿರುವ ಚಿತ್ರ ಮೇಕಪ್ ಆಗಿರಬಹುದು ಎಂದು ಊಹಿಸಿದ್ದಾರೆ. ಹಲವರು ಚಿತ್ರ ನೋಡಿ ಶಾಕ್ ಆಯಿತು ಎಂದು ಕಾಮೆಂಟ್ ಮಾಡಿದ್ದಾರೆ. ಪ್ರಸ್ತುತ ಪ್ರಿಯಾಂಕಾ ಹಂಚಿಕೊಂಡ ಫೋಟೋ ವೈರಲ್ ಆಗಿದೆ.
ಇದನ್ನೂ ಓದಿ
Kichcha Sudeep: ಧನಂಜಯ್ ನಟನೆಯ ‘ಟ್ವೆಂಟಿ ಒನ್ ಅವರ್ಸ್’ ವೀಕ್ಷಿಸಿ, ಚಿತ್ರತಂಡಕ್ಕೆ ಆತಿಥ್ಯ ನೀಡಿದ ಕಿಚ್ಚ ಸುದೀಪ್; ಸಿನಿಮಾ ನೋಡಿ ಹೇಳಿದ್ದೇನು?
ಕಮಲ್ ಹಾಸನ್ ಮಾಜಿ ಪತ್ನಿ ಸಾರಿಕಾಗೆ ಆರ್ಥಿಕ ಸಂಕಷ್ಟ; 3 ಸಾವಿರ ರೂಪಾಯಿಗಾಗಿ ಕಷ್ಟಪಟ್ಟ ಖ್ಯಾತ ನಟಿ
ಶ್ವೇತವರ್ಣದ ಉಡುಗೆ ಧರಿಸಿ ಅಭಿಮಾನಿಗಳನ್ನು ಸೆಳೆದುಕೊಂಡ ‘ಕೆಜಿಎಫ್ 2’ ನಟಿ ರವೀನಾ ಟಂಡನ್
‘ಸಿಟಾಡೆಲ್’ ಸೈನ್ಸ್ ಫಿಕ್ಷನ್ ಸೀರೀಸ್ ಆಗಿದ್ದು, ಪ್ರಖ್ಯಾತ ರಸ್ಸೋ ಬ್ರದರ್ಸ್ ಅಮೆಜಾನ್ ಪ್ರೈಮ್ಗಾಗಿ ಇದನ್ನು ತಯಾರಿಸುತ್ತಿದ್ದಾರೆ. ಇದರಲ್ಲಿ ರಿಚರ್ಡ್ ಮ್ಯಾಡೆನ್ ಕೂಡ ಕಾಣಿಸಿಕೊಳ್ಳುತ್ತಿದ್ದಾರೆ. ಕಳೆದ ಡಿಸೆಂಬರ್ನಲ್ಲಿ ಲಂಡನ್ನಲ್ಲಿ ಒಂದು ಹಂತದ ಚಿತ್ರೀಕರಣವನ್ನು ಪ್ರಿಯಾಂಕಾ ಪೂರ್ಣಗೊಳಿಸಿದ್ದರು. ಪ್ರಿಯಾಂಕಾ ಬಾಲಿವುಡ್ಗೆ ಕಮ್ಬ್ಯಾಕ್ ಮಾಡುತ್ತಿದ್ದಾರೆ. ಅಡ್ವೆಂಚರ್ ಚಿತ್ರವಾದ ‘ಜೀ ಲೇ ಜರಾ’ದಲ್ಲಿ ಆಲಿಯಾ ಭಟ್ ಹಾಗೂ ಕತ್ರಿನಾ ಕೈಫ್ ಜತೆ ನಟಿ ಬಣ್ಣಹಚ್ಚುತ್ತಿದ್ದಾರೆ. ಫರ್ಹಾನ್ ಅಖ್ತರ್ ಚಿತ್ರದ ನಿರ್ದೇಶನದ ಜವಾಬ್ದಾರಿ ಹೊತ್ತಿದ್ದಾರೆ. ಇದಲ್ಲದೇ ಹಾಲಿವುಡ್ನ ‘ಇಟ್ಸ್ ಆಲ್ ಕಮಿಂಗ್ ಬ್ಯಾಕ್ ಟು ಮಿ’ ಹಾಗೂ ‘ಎಂಡಿಂಗ್ ಥಿಂಗ್ಸ್’ನಲ್ಲೂ ಕಾಣಿಸಿಕೊಳ್ಳುತ್ತಿದ್ದಾರೆ ಪ್ರಿಯಾಂಕಾ.
ಜನವರಿಯಲ್ಲಿ ಪುತ್ರಿ ಮಾಲ್ತಿ ಮೇರಿ ಚೋಪ್ರಾ ಜನನದ ಕಾರಣದಿಂದ ನಟಿ ಚಿತ್ರೀಕರಣದಿಂದ ಬ್ರೇಕ್ ತೆಗೆದುಕೊಂಡಿದ್ದರು. ಇತ್ತೀಚೆಗೆ ಪುತ್ರಿಯ ಹೆಸರನ್ನು ರಿವೀಲ್ ಮಾಡಿದ್ದ ನಿಕ್- ಪ್ರಿಯಾಂಕಾ ದಂಪತಿ ಮಗುವಿನ ಜನನದ ಸಂದರ್ಭದ ಕಷ್ಟದ ದಿನಗಳ ಬಗ್ಗೆ ಮೊದಲ ಬಾರಿಗೆ ಮೌನ ಮುರಿದಿದ್ದರು.
ಸರೋಗೆಸಿ ಮೂಲಕ ನಿಕ್ ಹಾಗೂ ಪ್ರಿಯಾಂಕಾ ಪಡೆದ ಮೊದಲ ಮಗು, ಅವಧಿಗೂ ಮುನ್ನವೇ (ಆರೂವರೆ ತಿಂಗಳಿಗೆ) ಜನಿಸಿತ್ತು. ‘ವಿಶ್ವ ಅಮ್ಮಂದಿರ ದಿನ’ದಂದು ಈ ಬಗ್ಗೆ ಪೋಸ್ಟ್ ಹಂಚಿಕೊಂಡಿದ್ದ ನಟಿ, 100ಕ್ಕೂ ಹೆಚ್ಚು ದಿನಗಳ ಕಾಲ ಮಗು ಐಸಿಯುನಲ್ಲಿ ಇತ್ತು ಎಂಬದನ್ನು ತಿಳಿಸಿದ್ದರು. ಇದೀಗ ಮಗುವನ್ನು ಮನೆಗೆ ಕರೆತರಲಾಗಿದ್ದು, ಪ್ರಿಯಾಂಕಾ ದಂಪತಿಗಳ ಆರೈಕೆಯಲ್ಲಿ ಬೆಳೆಯುತ್ತಿದೆ.
