ಬಾಲಿವುಡ್ನ ಖ್ಯಾತ ಗಾಯಕ ಯೋಯೋ ಹನಿ ಸಿಂಗ್ ಬಗ್ಗೆ ಹೊಸದಾಗಿ ಹೇಳುವುದು ಏನೂ ಉಳಿದಿಲ್ಲ. ಅವರು ಸದಾ ಪಾರ್ಟಿಮೂಡ್ನಲ್ಲಿ ಇರುತ್ತಾರೆ. ಅವರು ಪಾರ್ಟಿ ಮಾಡೋದನ್ನು ಯಾವಾಗಲೂ ನಿಲ್ಲಿಸಿದವರಲ್ಲ. ಆದರೆ, ಇತ್ತೀಚೆಗೆ ಅವರು ಕೊಂಚ ಬದಲಾಗಿದ್ದಾರೆ. ಪಾರ್ಟಿ ಮಾಡೋದನ್ನು ಸ್ವಲ್ಪ ಕಡಿಮೆ ಮಾಡಿದ್ದಾರೆ. ಮತ್ತೆ ಮರಳಿ ಕೆಲಸದತ್ತ ಗಮನ ಹರಿಸುತ್ತಿದ್ದಾರೆ. ಅವರು ಒಂದು ಅಚ್ಚರಿಯ ವಿಚಾರ ರಿವೀಲ್ ಮಾಡಿದ್ದರು. ಈ ಮೊದಲು ಹೇಗಿದ್ದೆ ಎಂಬುದನ್ನು ಅವರು ಹೇಳಿದ್ದಾರೆ.
ಹನಿ ಸಿಂಗ್ ಅವರು ಸಾಕಷ್ಟು ಹಾಡುಗಳು ಮೂಲಕ ಹೆಸರು ಮಾಡಿದವರು. ಅವರ ಜನಪ್ರಿಯತೆ ಹೆಚ್ಚಿದೆ. ಅವರಿಗೆ ಹಣದ ಬಗ್ಗೆ ಯಾವುದೇ ಕೇರ್ ಇರಲಿಲ್ಲ. ಹಣಕ್ಕೆ ನಾನಾ ಮೂಲಗಳು ಸಿಕ್ಕಿದ್ದವು. ಅವರು ಈಗ ಒಂದು ಶಾಕಿಂಗ್ ವಿಚಾರ ರಿವೀಲ್ ಮಾಡಿದ್ದರು. ಅವರು ಹೇಳುವ ಪ್ರಕಾರ ಒಂದು ರಾತ್ರಿಗೆ ಅವರು ಖರ್ಚು ಮಾಡಿದ್ದು ಬರೋಬ್ಬರಿ 38 ಲಕ್ಷ ರೂಪಾಯಿ. ಈ ವಿಚಾರ ಶಾಕಿಂಗ್ ಎನಿಸಿದೆ.
‘ಪಾರ್ಟಿ ಮೇಲೆ ಸಾಕಷ್ಟು ಹಣ ಖರ್ಚು ಮಾಡಿದ್ದೇನೆ. ಕೈ ಖಾಲಿ ಆಗಿ ಬಿಡುತ್ತಿತ್ತು. ನಾವು 8 ಜನರು ಪಾರ್ಟಿ ಮಾಡಲು ದುಬೈ ಹೋದೆವು. ಬಾಟಲಿಗಳು ಬಂತು. ಅದೇ ರೀತಿ ಯಾವುದೋ ಹುಡುಗಿಯರು ನಮ್ಮ ಜೊತೆ ಸೇರಿದರು. ಒಟ್ಟು 38 ಲಕ್ಷ ರೂಪಾಯಿ ಬಿಲ್ ಆಯಿತು. ಮೂರು ಕ್ರೆಡಿಟ್ ಕಾರ್ಡ್ ಮೂಲಕ ಹಣ ಪಾವತಿಸಿದೆವು. ಆದರೆ, ರಾತ್ರಿ ನಾನು ಒಬ್ಬಂಟಿಯಾಗಿ ಮಲಗಿದ್ದೆ’ ಎಂದು ಅವರು ಹೇಳಿದ್ದರು.
ಇದನ್ನೂ ಓದಿ: ‘ಚಾರ್ ಬೋಟಲ್ ವೋಡ್ಕಾ‘ ಹಾಡು ಬರೆದಾಗ ಹನಿ ಸಿಂಗ್ಗೆ ಎಚ್ಚರಿಕೆ ನೀಡಿದ್ದ ಶಾರುಖ್ ಖಾನ್
ಹನಿ ಸಿಂಗ್ ಅವರಿಗೆ ಸಣ್ಣ ವಯಸ್ಸಲ್ಲಿ ಜನಪ್ರಿಯತೆ ಸಿಕ್ಕಿತ್ತು. ಯಶಸ್ಸು ಅವರ ನೆತ್ತಿಗೆ ಏರಿತ್ತು. ಈ ಕಾರಣಕ್ಕೆ ಅವರು ಸಾಕಷ್ಟು ತೊಂದರೆ ಅನುಭವಿಸಿದರು. ಅವರು ಕುಟುಂಬಕ್ಕೆ ಸಮಯ ನೀಡಲಿಲ್ಲ. ಹೀಗಾಗಿ, ಅವರ ಪತ್ನಿ ತೊರೆದು ಹೋದರು. ಆ ಬಳಿಕ ಅವರು ಡ್ರಗ್ಸ್ಗೆ ಅಡಿಕ್ಟ್ ಆದರು. ಇದರಿಂದ ಹೊರಬರಲು ಸಾಧ್ಯವೇ ಆಗಿರಲಿಲ್ಲ. ಹಲವು ವರ್ಷಗಳ ಕಾಲ ಅವರು ಇಂಡಸ್ಟ್ರಿಯಿಂದ ದೂರವೇ ಉಳಿದರು. ಈಗ ಅವರು ಮತ್ತೆ ಇಂಡಸ್ಟ್ರಿಗೆ ಮರಳಿದ್ದಾರೆ. ‘ಮಿಲಿಯನೇರ್..’ ಹೆಸರಿನ ಹಾಡನ್ನು ರಿಲೀಸ್ ಮಾಡಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
Published On - 7:59 am, Tue, 15 October 24