Liger Twitter Review: ‘ಲೈಗರ್​’ ಮೊದಲ ಶೋ ನೋಡಿ ಬಂದ ಪ್ರೇಕ್ಷಕರಿಗೆ ಸಿನಿಮಾ ಇಷ್ಟ ಆಯ್ತಾ?

ಬಹುನಿರೀಕ್ಷಿತ ‘ಲೈಗರ್​’ ಸಿನಿಮಾ (Liger Movie) ದೇಶಾದ್ಯಂತ ಬಿಡುಗಡೆ ಆಗಿದೆ. ದಕ್ಷಿಣ ಭಾರತದ ಚಿತ್ರಗಳು ಎಲ್ಲೆಡೆ ಸದ್ದು ಮಾಡುತ್ತಿವೆ. ಇಲ್ಲಿನ ಬಿಗ್​ ಬಜೆಟ್​ ಚಿತ್ರಗಳನ್ನು ನೋಡಲು ಉತ್ತರ ಭಾರತದ ಮಂದಿ ಕೂಡ ಇಷ್ಟಪಡುತ್ತಾರೆ ಎಂಬುದಕ್ಕೆ ಈಗಾಗಲೇ ಹಲವು ಉದಾಹರಣೆಗಳು ಸಿಕ್ಕಿವೆ. ಅದೇ ರೀತಿ ಭರವಸೆಯನ್ನು ‘ಲೈಗರ್​’ ಸಿನಿಮಾ ಮೇಲೆ ಇಟ್ಟುಕೊಳ್ಳಲಾಗಿತ್ತು. ಈ ಸಿನಿಮಾದಲ್ಲಿ ವಿಜಯ್​ ದೇವರಕೊಂಡ (Vijay Deverakonda) ಮುಖ್ಯ ಪಾತ್ರ ಮಾಡಿದ್ದಾರೆ. ಬಾಕ್ಸರ್​ ಆಗಿ ಅವರು ಅಬ್ಬರಿಸಿದ್ದಾರೆ. ಅವರ ಜೊತೆ ವಿಶ್ವ ವಿಖ್ಯಾತ ಬಾಕ್ಸರ್​ ಮೈಕ್ ಟೈಸನ್​ ಕೂಡ ನಟಿಸಿದ್ದಾರೆ. ನಾಯಕಿಯಾಗಿ ಅನನ್ಯಾ ಪಾಂಡೆ ಅಭಿನಯಿಸಿದ್ದಾರೆ. ಪುರಿ ಜಗನ್ನಾಥ್​ ನಿರ್ದೇಶನ ಮಾಡಿದ್ದು, ಪಕ್ಕಾ ಮಾಸ್​ ಶೈಲಿಯಲ್ಲಿ ಈ ಚಿತ್ರ ಮೂಡಿಬಂದಿದೆ.​ ಮೊದಲ ಶೋ ನೋಡಿ ಬಂದ ಪ್ರೇಕ್ಷಕರು ಟ್ವಿಟರ್​ ವಿಮರ್ಶೆ (Liger Movie Twitter Review) ಹಂಚಿಕೊಂಡಿದ್ದಾರೆ. ವಿಜಯ್​ ದೇವರಕೊಂಡ ಅಭಿಮಾನಿಗಳಿಗೆ ಈ ಸಿನಿಮಾ ಸಖತ್ ಇಷ್ಟ ಆಗಿದೆ.

‘ಫೈಟರ್​ ಬದುಕಿನ ಪಯಣದ ಬಗ್ಗೆ ಮೂಡಿಬಂದ ಬೆಸ್ಟ್​ ಸಿನಿಮಾ ಇದು. ಸಾಹಸ ದೃಶ್ಯಗಳು ತುಂಬ ಚೆನ್ನಾಗಿವೆ. ಎಂದಿನಂತೆ ವಿಜಯ್​ ದೇವರಕೊಂಡ ಅವರು ತಮ್ಮ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಮೈಕ್​ ಟೈಸನ್​ ಅವರ ಪಾತ್ರ ಕೂಡ ಚೆನ್ನಾಗಿದೆ. ಅನನ್ಯಾ ಪಾಂಡೆ ಅವರು ತುಂಬ ಸುಂದರವಾಗಿ ಕಾಣುತ್ತಾರೆ’ ಎಂದು ಅಭಿಮಾನಿಯೊಬ್ಬರು ವಿಮರ್ಶೆ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ

‘ಲೈಗರ್’ ಸಿನಿಮಾದ ಖಳನಟ ವಿಶ್​ ಬಗ್ಗೆ ನಿಮಗೆಷ್ಟು ಗೊತ್ತು? ಇಲ್ಲಿದೆ ಇಂಟರೆಸ್ಟಿಂಗ್​ ಮಾಹಿತಿ

Liger Movie: ಪುನೀತ್​ ಸಮಾಧಿಗೆ ವಿಜಯ್​ ದೇವರಕೊಂಡ ಭೇಟಿ; ‘ಲೈಗರ್​’ ಪ್ರಚಾರಕ್ಕೆ ಬೆಂಗಳೂರಿಗೆ ಬಂದ ನಟ

Liger: ‘ಲೈಗರ್ ಸಿನಿಮಾ ಬ್ಲಾಕ್​ ಬಸ್ಟರ್​’: ರಿಲೀಸ್​ಗೂ ಮುನ್ನ ಘೋಷಿಸಿದ ವಿಜಯ್​ ದೇವರಕೊಂಡ

Vijay Devarakonda: ಒಂದೇ ದಿನದಲ್ಲಿ 5 ಕೋಟಿ​ಗಿಂತ ಹೆಚ್ಚು ಬಾರಿ ವೀಕ್ಷಣೆ ಕಂಡ ‘ಲೈಗರ್​’ ಟ್ರೇಲರ್​

One word review:- Excellent

One of the best movies related to journey of a wrestler and fight scenes were so classic. #VijayDevarakonda as usual nailed his role in movie.#MikeTyson played an excellent role.#AnanyaPanday was so hot and pretty.#Liger #LigerReview pic.twitter.com/fNzJaH728X

— ???? (@catzproud) August 25, 2022

ಅನುಭವಿ ನಟಿ ರಮ್ಯಾ ಕೃಷ್ಣ ಹಾಗೂ ವಿಜಯ್​ ದೇವರಕೊಂಡ ಅವರು ತಾಯಿ-ಮಗನ ಪಾತ್ರದಲ್ಲಿ ನಟಿಸಿದ್ದಾರೆ. ‘ಅಮ್ಮ-ಮಗನ ದೃಶ್ಯಗಳು ಸಖತ್​ ಆಗಿವೆ. ಆ ಪಾತ್ರಗಳಿಗೆ ರಮ್ಯಾ ಕೃಷ್ಣ ಮತ್ತು ವಿಜಯ್​ ದೇವರಕೊಂಡ ಆಯ್ಕೆ ಸೂಕ್ತವಾಗಿದೆ. ಹೀರೋ ಪಾತ್ರವನ್ನು ಚೆನ್ನಾಗಿ ತೋರಿಸುವಲ್ಲಿ ಪುರಿ ಜಗನ್ನಾಥ್​ ಯಾಕೆ ಬೆಸ್ಟ್​ ಎಂಬುದು ಲೈಗರ್​ ಸಿನಿಮಾದಲ್ಲಿ ಮತ್ತೊಮ್ಮೆ ಸಾಬೀತಾಗಿದೆ’ ಎಂದು ಪ್ರೇಕ್ಷಕರೊಬ್ಬರು ಟ್ವೀಟ್​ ಮಾಡಿದ್ದಾರೆ.

#Liger Review:

The mother – son scenes have been extracted well ?#RamyaKrishnan & #VijayDeverakonda are the best choices ?#PuriJagannadh proves why he is the best for hero characterisation ?

BGM ?

If 2nd half is atleast decent, it’s a blockbuster ?#LigerReview

— Kumar Swayam (@KumarSwayam3) August 24, 2022

ಸಿನಿಮಾ ಎಂದಮೇಲೆ ಮಿಶ್ರ ಪ್ರತಿಕ್ರಿಯೆ ಬರುವುದು ಸಹಜ. ಆದರೆ ಕೆಲವರು ಸಿನಿಮಾವನ್ನೇ ನೋಡದೇ ನೆಗೆಟಿವ್​ ಮಾತುಗಳನ್ನು ಹಬ್ಬಿಸುತ್ತಿದ್ದಾರೆ ಎಂಬುದು ವಿಜಯ್ ದೇವರಕೊಂಡ ಅಭಿಮಾನಿಗಳ ಆರೋಪ. ‘ಕೆಲವು ವಿರೋಧಿಗಳು ಸಿನಿಮಾ ನೋಡದೆಯೂ ನಕಲಿ ವಿಮರ್ಶೆ ತಿಳಿಸುತ್ತಿದ್ದಾರೆ. ವಿಜಯ್​ ದೇವರಕೊಂಡ ಅವರನ್ನು ಕಂಡರೆ ಅವರೆಲ್ಲ ಹೆದರಿಕೊಳ್ಳುತ್ತಿರುವುದನ್ನು ನೋಡಲು ಖುಷಿ ಆಗುತ್ತದೆ. ಖಾಲಿ ಪಾತ್ರೆ ಸದಾ ಸದ್ದು ಮಾಡುತ್ತದೆ. ವಿಜಯ್​ ದೇವರಕೊಂಡ ಅವರ ಗೆಲುವಿನಿಂದ ಇಂಥವರಿಗೆ ಭಯ ಆಗಿದೆ’ ಎಂದು ಅಭಿಮಾನಿಯೊಬ್ಬರು ಟ್ವೀಟ್​ ಮಾಡಿದ್ದಾರೆ.

I can see many Haters started spreading Fake reviews for Movie Even without Watching it .. Nice to see you guys have big fear on VD.?

Empty Vessels Make More Noise ?

U People Scared Of @TheDeverakonda Growth ??#Liger #LigerSaalaCrossbreed pic.twitter.com/WrZWOB6XT0

— anytime updates ?? (@Sohail10984192) August 25, 2022

ಆಗಸ್ಟ್​ 25ರ ರಾತ್ರಿಯಿಂದ ಹಿಂದಿ ವರ್ಷನ್​ ಶೋಗಳು ಆರಂಭ ಆಗಲಿವೆ. ಉತ್ತರ ಭಾರತದ ಪ್ರೇಕ್ಷಕರು ಯಾರ ರೀತಿ ಪ್ರತಿಕ್ರಿಯೆ ನೀಡುತ್ತಾರೆ ಎಂಬುದನ್ನು ಕಾದು ನೋಡಬೇಕು.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.