ಈ ನಟಿಯ ತಿಂಗಳ ಖರ್ಚು ಕೇವಲ 2 ಸಾವಿರ ರೂಪಾಯಿ; ಇದು ಹೇಗೆ ಸಾಧ್ಯ?

ಯಾವುದೇ ಇಂಡಸ್ಟ್ರಿ ಆದರೂ ಎಲ್ಲಾ ಕಲಾವಿದರು ತಮ್ಮ ಗ್ಲಾಮರ್ ಅನ್ನು ಕಾಪಾಡಿಕೊಳ್ಳಲು ಶ್ರಮಿಸಬೇಕಾಗುತ್ತದೆ. ಅವರು ದೇಹವನ್ನು ಸಹ ಅಷ್ಟೇ ಆಕರ್ಷಕವಾಗಿ ಇಟ್ಟುಕೊಳ್ಳಬೇಕು. ಮತ್ತು ಸಹಜವಾಗಿ, ವೆಚ್ಚಗಳು ಅಪಾರವಾಗಿವೆ. ಏಕೆಂದರೆ ನಟರು ತಮ್ಮ ಬಟ್ಟೆಯಿಂದ ಹಿಡಿದು ಆಹಾರದವರೆಗೆ ಎಲ್ಲದರ ಬಗ್ಗೆಯೂ ಗಮನ ಹರಿಸಬೇಕಾಗುತ್ತದೆ. ಇದಕ್ಕೆ ಲಕ್ಷ ರೂಪಾಯಿ ವೆಚ್ಚವಾಗುತ್ತದೆ. ಆದರೆ, ಒಬ್ಬ ಪ್ರಸಿದ್ಧ ನಟಿಯ ತಿಂಗಳ ವೆಚ್ಚ ಕೇವಲ 2000 ರೂಪಾಯಿ ಮತ್ತು ವಾರ್ಷಿಕ ವೆಚ್ಚ 20,000 ರೂಪಾಯಿ. ಅವರು ಬೇರಾರೂ ಅಲ್ಲ ಹಿಂದಿ ನಟಿ ಮೃಣ್ಮಯಿ ದೇಶಪಾಂಡೆ.

ಮೃಣ್ಮಯಿ ದೇಶಪಾಂಡೆ ಅನೇಕ ಧಾರಾವಾಹಿಗಳು ಮತ್ತು ಸಿನಿಮಾಗಳನ್ನು ಮಾಡಿದ್ದಾರೆ. ಮೃಣ್ಮಯಿ ದೇಶಪಾಂಡೆ ಕೇವಲ ತಮ್ಮ ಸಿನಿಮಾಗಳಿಗೆ ಮಾತ್ರವಲ್ಲ, ಖಾಸಗಿ ಜೀವನಕ್ಕೂ ಹೆಸರುವಾಸಿಯಾಗಿದ್ದಾರೆ. ಏಕೆಂದರೆ ಮೃಣ್ಮಯಿ ದೇಶಪಾಂಡೆ ಕಳೆದ ಐದು ವರ್ಷಗಳಿಂದ ತಮ್ಮ ಪತಿಯೊಂದಿಗೆ ಮಹಾಬಲೇಶ್ವರದಲ್ಲಿ ವಾಸಿಸುತ್ತಿದ್ದಾರೆಂದು ಹಲವರಿಗೆ ತಿಳಿದಿಲ್ಲದಿರಬಹುದು.

ನಗರದಿಂದ ಹಳ್ಳಿಗೆ ಸ್ಥಳಾಂತರಗೊಳ್ಳುವ ನಿರ್ಧಾರ

ನಗರದಿಂದ ಹಳ್ಳಿಗೆ ಸ್ಥಳಾಂತರಗೊಳ್ಳುವ ನಿರ್ಧಾರ ಅವರ ಪತಿ ಸ್ವಪ್ನಿಲ್ ರಾವ್ ಅವರದ್ದಾಗಿತ್ತು. ಮೃಣ್ಮಯಿ ಪತಿಯ ನಿರ್ಧಾರವನ್ನು ಬೆಂಬಲಿಸಿದ್ದಾರೆ ಅಷ್ಟೇ. ಇತ್ತೀಚಿನ ಸಂದರ್ಶನವೊಂದರಲ್ಲಿ, ಮೃಣ್ಮಯಿ ಮತ್ತು ಸ್ವಪ್ನಿಲ್ ತಮ್ಮ ಹಳ್ಳಿಯ ಜೀವನವನ್ನು ನಿರ್ಮಿಸುವುದರಿಂದ ಹಿಡಿದು ಅದನ್ನು ಉಳಿಸಿಕೊಳ್ಳುವವರೆಗೆ ಎಲ್ಲದರ ಬಗ್ಗೆ ತಮ್ಮ ಅನುಭವಗಳನ್ನು ಹಂಚಿಕೊಂಡರು. ದಂಪತಿಗಳು ಅನೇಕ ಹಣ್ಣು ಮತ್ತು ತರಕಾರಿಗಳನ್ನು ನೆಟ್ಟಿದ್ದಾರೆ.

ಈ ದಂಪತಿಗಳು ಸ್ಟ್ರಾಬೆರಿ, ಇತರ ಹಣ್ಣುಗಳು, ತರಕಾರಿಗಳು, ಈರುಳ್ಳಿ, ಚೆಂಡು ಹೂ, ಪುದೀನ, ಬೆಳ್ಳುಳ್ಳಿ ಮತ್ತು ಮೆಣಸಿನಕಾಯಿಗಳು ಸೇರಿದಂತೆ ವಿವಿಧ ತರಕಾರಿ ಬೆಳೆಯುತ್ತಿದ್ದಾರೆ.   ‘ತೋಟಕ್ಕೆ ಬಂದ ನಂತರ ನಮ್ಮ ವಾರದ ವೆಚ್ಚ ಸುಮಾರು 500-600 ರೂ.ಗಳು’ ಎಂದಿದ್ದಾರೆ ಅವರು.

ಇದನ್ನೂ ಓದಿ: ಆಫರ್ ಸಿಗದೇ ಬಾಲಿವುಡ್ ತೊರೆದಿದ್ದ ಪ್ರಿಯಾಂಕಾ ಚೋಪ್ರಾ? ಇದರಲ್ಲಿ ಸತ್ಯ ಎಷ್ಟು?

‘ನಾವು ತಿಂಗಳಿಗೆ 2000 ರೂಪಾಯಿ ಬಂದರೂ ಸಂತೋಷದಿಂದ ಬದುಕುತ್ತಿದ್ದೇವೆ. ಕಳೆದ ಐದು ವರ್ಷಗಳಲ್ಲಿ ನಾನು ಇಷ್ಟೊಂದು ಬಾರಿ ಬಟ್ಟೆಗಳನ್ನು ಖರೀದಿಸಿದ ನೆನಪಿಲ್ಲ. ನನ್ನ ವಾರ್ಷಿಕ ಬಟ್ಟೆ ವೆಚ್ಚ ಸುಮಾರು 20 ಸಾವಿರ ರೂಪಾಯಿಗಳು. ನನ್ನ ವೃತ್ತಿಯನ್ನು ಪರಿಗಣಿಸಿದರೆ ಈ ಖರ್ಚು ನಗಣ್ಯ. ಅದನ್ನು ಬಿಟ್ಟರೆ, ನನಗೆ ಬೇರೇನೂ ಅಗತ್ಯವಿಲ್ಲ’ ಎಂದು ನಟಿ ತನ್ನ ಮಾಸಿಕ ಖರ್ಚುಗಳನ್ನು ಬಹಿರಂಗಪಡಿಸಿದರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.