Shyam Singha Roy: ನಾನಿ, ಸಾಯಿ ಪಲ್ಲವಿ ನಟನೆಯ ‘ಶ್ಯಾಮ್ ಸಿಂಗಾ ರಾಯ್’ ಬಾಕ್ಸಾಫೀಸ್ನಲ್ಲಿ ಗಳಿಸಿದ್ದೆಷ್ಟು?
Sai Pallavi | Nani: ಓಟಿಟಿಯಲ್ಲಿ ತೆರೆಕಂಡಿದ್ದರೂ ‘ಶ್ಯಾಮ್ ಸಿಂಗಾ ರಾಯ್’ ಚಿತ್ರಮಂದಿರಗಳಲ್ಲಿ ಉತ್ತಮ ಗಳಿಕೆ ಮಾಡುತ್ತಿದೆ. ಇನ್ನೊಂದು ಮೆಟ್ಟಿಲು ಏರಿದರೆ ನಾನಿ ವೃತ್ತಿಜೀವನದಲ್ಲೇ ದೊಡ್ಡ ಮೈಲಿಗಲ್ಲು ತಲುಪಿದ ಚಿತ್ರ ಇದಾಗಲಿದೆ.
Updated on:Jan 23, 2022 | 11:48 AM
ಟಾಲಿವುಡ್ ನಟ ನಾನಿ (Nani) ನಟನೆಯ ‘ಶ್ಯಾಮ್ ಸಿಂಗಾ ರಾಯ್’ (Shyam Singha Roy) ಇತ್ತೀಚೆಗೆ ನೆಟ್ಫ್ಲಿಕ್ಸ್ನಲ್ಲಿ ತೆರೆಕಂಡಿದ್ದರೂ ಕೂಡ ಚಿತ್ರಮಂದಿರಗಳಲ್ಲಿ ಒಳ್ಳೆಯ ಗಳಿಕೆ ಮಾಡುತ್ತಿದೆ. ಅನಿವಾರ್ಯ ಕಾರಣಗಳಿಂದ ಹಲವು ಬಾರಿ ಮುಂದೂಡಲ್ಪಟ್ಟು ಅಂತಿಮವಾಗಿ 2021ರ ಡಿಸೆಂಬರ್ 24ರಂದು ಚಿತ್ರ ತೆರೆಕಂಡಿತ್ತು. ಸಾಯಿ ಪಲ್ಲವಿ (Sai Pallavi), ಕೃತಿ ಶೆಟ್ಟಿ ಮೊದಲಾದವರು ಮುಖ್ಯ ಪಾತ್ರವನ್ನು ನಿರ್ವಹಿಸಿದ್ದ ಈ ಚಿತ್ರ ವೀಕ್ಷಕರಿಂದ ಅಪಾರ ಮೆಚ್ಚುಗೆ ಪಡೆದಿತ್ತು. ವಿಮರ್ಶಕರೂ ಚಿತ್ರಕ್ಕೆ ಹಾಗೂ ನಾನಿ ನಟನೆಗೆ ಶಹಬ್ಬಾಸ್ ಎಂದಿದ್ದರು. ಇದಕ್ಕೆ ತಕ್ಕಂತೆ ಜನರೂ ಚಿತ್ರವನ್ನು ಇಷ್ಟಪಟ್ಟಿದ್ದು, ಕೊವಿಡ್ ಸಂಕಷ್ಟದ ಸಮಯದಲ್ಲೂ ಚಿತ್ರಮಂದಿರಕ್ಕೆ ಆಗಮಿಸಿ, ವೀಕ್ಷಿಸುತ್ತಿದ್ದಾರೆ. ಚಿತ್ರದ ಗಳಿಕೆ ನಿಧಾನವಾಗಿ ಏರುತ್ತಿದ್ದು, ನಾನಿ ವೃತ್ತಿ ಜೀವನದ ಮಹೋನ್ನತ ಮೈಲಿಗಲ್ಲುಗಿಂತ ಒಂದು ಹೆಜ್ಜೆ ಹಿಂದಿದೆ. ಸದ್ಯದಲ್ಲೇ ‘ಶ್ಯಾಮ್ ಸಿಂಗಾ ರಾಯ್’ ಆ ಮೈಲಿಗಲ್ಲನ್ನೂ ದಾಟಿ ಮುನ್ನಡೆಯಲಿದ್ದಾನೆ ಎನ್ನುತ್ತಿದ್ದಾರೆ ಬಾಕ್ಸಾಫೀಸ್ ಪಂಡಿತರು.
ಏನಿದು ಮೈಲಿಗಲ್ಲು? ಚಿತ್ರದ ಕಲೆಕ್ಷನ್ ಎಷ್ಟು? ಸದ್ಯ ಹಲವೆಡೆ ಕೊರೊನಾ ಕಾರಣದಿಂದ 50:50 ಮಾದರಿಯಲ್ಲಿ ಚಿತ್ರಮಂದಿರಗಳು ಕಾರ್ಯನಿರ್ವಹಿಸುತ್ತಿವೆ. ಅದಾಗ್ಯೂ ‘ಶ್ಯಾಮ್ ಸಿಂಗಾ ರಾಯ್’ ಉತ್ತಮ ಗಳಿಕೆ ಮಾಡುತ್ತಿದೆ. ಚಿತ್ರ ಇದುವರೆಗೆ ಬಾಕ್ಸಾಫೀಸ್ನಲ್ಲಿ ವಿಶ್ವಾದ್ಯಂತ ಗಳಿಸಿರುವುದು ಒಟ್ಟು ₹ 46 ಕೋಟಿ. ಈ ಮೂಲಕ ಚಿತ್ರ ₹ 50 ಕೋಟಿ ಮೈಲಿಗಲ್ಲಿನ ಸಮೀಪ ಬಂದುನಿಂತಿದೆ. ಬಾಕ್ಸಾಫೀಸ್ ತಜ್ಞರ ಪ್ರಕಾರ ಚಿತ್ರ ನಿಧಾನವಾಗಿಯಾದರೂ ಆ ಮೈಲಿಗಲ್ಲನ್ನು ತಲುಪಲಿದೆ. ಒಂದು ವೇಳೆ ಹಾಗಾದಲ್ಲಿ ವಿಶ್ವಾದ್ಯಂತದ ಗಳಿಕೆಯಲ್ಲಿ ₹ 50 ಕೋಟಿ ಕ್ಲಬ್ ಸೇರಿದ ನಾನಿ ನಟನೆಯ ಮೊದಲ ಚಿತ್ರ ‘ಶ್ಯಾಮ್ ಸಿಂಗಾ ರಾಯ್’ ಆಗಲಿದೆ. ಒಟ್ಟಿನಲ್ಲಿ ಈ ಚಿತ್ರ ನಾನಿ ವೃತ್ತಿ ಜೀವನದಲ್ಲಿ ಮಹತ್ವದ ಚಿತ್ರವಾಗಿ ದಾಖಲಾಗಿದೆ.
‘ಶ್ಯಾಮ್ ಸಿಂಗಾ ರಾಯ್’ ನಿರ್ದೇಶಿಸಿದವರು ರಾಹುಲ್ ಸಾಂಕೃತ್ಯಾನ್. ಮಡೋನ್ನಾ ಸೆಬಾಸ್ಟಿಯನ್, ಜಿಶ್ಶು ಸೇಮ್ಗುಪ್ತಾ, ಮುರಳಿ ಶರ್ಮಾ, ರಾಹುಲ್ ರವಿಚಂದ್ರನ್, ಲೀಲಾ ಸ್ಯಾಮ್ಸನ್ ಮೊದಲಾದವರು ಚಿತ್ರದಲ್ಲಿ ನಟಿಸಿದ್ದಾರೆ. ಇದು ನಿರ್ದೇಶಕ ರಾಹುಲ್ ಹಾಗೂ ನಾಯಕ ನಟ ನಾನಿ ಕಾಂಬಿನೇಷನ್ನಲ್ಲಿ ಮೂಡಿಬಂದ ಮೊದಲ ಚಿತ್ರ.
‘ಶ್ಯಾಮ್ ಸಿಂಗಾ ರಾಯ್’ನಲ್ಲಿ ನಾನಿ ಎರಡು ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಜಂಗಾ ಸತ್ಯದೇವ್ ಬರೆದ ಕತೆಗೆ ಸಾನು ಜಾನ್ ವರ್ಗೀಸ್ ಛಾಯಾಗ್ರಹಣ ಮಾಡಿದ್ದಾರೆ. ನಿಹಾರಿಕಾ ಎಂಟರ್ಟೈನ್ಮೆಂಟ್ ಬ್ಯಾನರ್ನಲ್ಲಿ ವೆಂಕಟ್ ಬೋಯನಪಲ್ಲಿ ನಿರ್ಮಾಣ ಮಾಡಿದ್ದಾರೆ.
ನೆಟ್ಫ್ಲಿಕ್ಸ್ನಲ್ಲಿ ಪ್ರಸಾರವಾಗುತ್ತಿದೆ ‘ಶ್ಯಾಮ್ ಸಿಂಗಾ ರಾಯ್’: ಚಿತ್ರ ತೆರೆಗೆ ಬಂದು ತಿಂಗಳ ಒಳಗೇ ಓಟಿಟಿ ವೇದಿಕೆಯಾದ ನೆಟ್ಫ್ಲಿಕ್ಸ್ನಲ್ಲಿ ‘ಶ್ಯಾಮ್ ಸಿಂಗಾ ರಾಯ್’ ರಿಲೀಸ್ ಆಗಿದೆ. ಈ ಮೂಲಕ ಜಗತ್ತಿನ ವೀಕ್ಷಕರನ್ನು ಚಿತ್ರ ತಲುಪುತ್ತಿದೆ. ವೀಕ್ಷಕರು ಚಿತ್ರದ ನಿರೂಪಣೆಗೆ ಹಾಗೂ ಕಲಾವಿದರ ಪಾತ್ರ ಪೋಷಣೆಯನ್ನು ಹೊಗಳಿ, ಅಭಿಪ್ರಾಯವನ್ನು ಹಂಚಿಕೊಳ್ಳುತ್ತಿದ್ದಾರೆ.
ಇತ್ತೀಚೆಗೆ ಚಿತ್ರತಂಡ ರಿಲೀಸ್ ಮಾಡಿದ್ದ ‘ಶ್ಯಾಮ್ ಸಿಂಗಾ ರಾಯ್’ ಚಿತ್ರದ ಡಿಲೀಟೆಡ್ ಸೀನ್ಗಳು:
ಇದನ್ನೂ ಓದಿ:
ನಾನಿ ಜತೆ ಲಿಪ್ ಕಿಸ್ ಮಾಡಿ ಸುದ್ದಿಯಾದ ಕೃತಿ ಶೆಟ್ಟಿ; ಶಾಕ್ ಆದ ಅಭಿಮಾನಿಗಳು
‘ಯಾವ ಉಡುಪು ಧರಿಸಬೇಕು ಎಂಬ ಅರಿವಿರದ ದಡ್ಡಿ ನಾನಲ್ಲ’; ಟ್ರೋಲಿಗರಿಗೆ ಖಾರವಾಗಿ ಪ್ರತಿಕ್ರಿಯಿಸಿದ ಮಲೈಕಾ
Published On - 11:42 am, Sun, 23 January 22
