Vignesh Shivan: ನಯನತಾರಾ ಪತಿ ವಿಘ್ನೇಶ್​ ಶಿವನ್​ ಟಿ-ಶರ್ಟ್​ ಮೇಲೆ ಧೋನಿ ಆಟೋಗ್ರಾಫ್​; ವಿಡಿಯೋ ವೈರಲ್​

ಕ್ರಿಕೆಟರ್​ ಎಂ.ಎಸ್​. ಧೋನಿ (MS Dhoni) ಅವರಿಗೆ ಚಿತ್ರರಂಗದಲ್ಲಿ ಆಸಕ್ತಿ ಇದೆ. ತಮ್ಮದೇ ನಿರ್ಮಾಣ ಸಂಸ್ಥೆ ಆರಂಭ ಮಾಡಿರುವ ಅವರು ತಮಿಳು ಚಿತ್ರಕ್ಕೆ ಬಂಡವಾಳ ಹೂಡುತ್ತಿದ್ದಾರೆ. ಅವರ ನಿರ್ಮಾಣದ ಮೊದಲ ಚಿತ್ರಕ್ಕೆ ‘ಎಲ್​ಜಿಎಂ’ (LGM Movie) ಎಂದು ಶೀರ್ಷಿಕೆ ಇಡಲಾಗಿದೆ. ‘ಲೆಟ್ಸ್​ ಗೆಟ್​ ಮ್ಯಾರೀಡ್​’ ಎಂಬುದು ಈ ಶೀರ್ಷಿಕೆಯ ಫುಲ್​ಫಾರ್ಮ್​. ಇತ್ತೀಚೆಗೆ ಚೆನ್ನೈನಲ್ಲಿ ‘ಎಲ್​ಜಿಎಂ’ ಸಿನಿಮಾದ ಆಡಿಯೋ ಮತ್ತು ಟ್ರೇಲರ್​ ಲಾಂಚ್​ ಕಾರ್ಯಕ್ರಮ ನಡೆಯಿತು. ಅದರಲ್ಲಿ ಭಾಗಿಯಾಗಿದ್ದ ಧೋನಿ ಅವರನ್ನು ನೋಡಲು ಅನೇಕ ಅಭಿಮಾನಿಗಳು ಬಂದಿದ್ದರು. ಆ ಪೈಕಿ ನಯನತಾರಾ ಅವರ ಪತಿ ವಿಘ್ನೇಶ್​ ಶಿವನ್​ (Vignesh Shivan) ಕೂಡ ಇದ್ದರು. ತಮ್ಮ ಟಿ-ಶರ್ಟ್​ ಮೇಲೆ ಧೋನಿಯವರಿಂದ ಆಟೋಗ್ರಾಫ್​ ಹಾಕಿಸಿಕೊಂಡು ವಿಘ್ನೇಶ್​ ಶಿವನ್​ ಖುಷಿಪಟ್ಟಿದ್ದಾರೆ. ಆ ಸಂದರ್ಭದ ವಿಡಿಯೋ ವೈರಲ್​ ಆಗಿದೆ.

ಕಾಲಿವುಡ್​ನಲ್ಲಿ ವಿಘ್ನೇಶ್​ ಶಿವನ್​ ಅವರು ನಿರ್ದೇಶಕನಾಗಿ ಗುರುತಿಸಿಕೊಂಡಿದ್ದಾರೆ. ನಯನತಾರಾ, ವಿಜಯ್​ ಸೇತುಪತಿ, ಸಮಂತಾ ನಟನೆಯ ‘ಕಾದು ವಾಕುಲ ರೆಂಡು ಕಾದಲ್​​’ ಸೇರಿದಂತೆ ಅನೇಕ ಸಿನಿಮಾಗಳಿಗೆ ಅವರು ನಿರ್ದೇಶನ ಮಾಡಿದ್ದಾರೆ. ನಯನತಾರಾ ಮತ್ತು ವಿಘ್ನೇಶ್​ ಶಿವನ್​ ಅವರು ಹಲವು ವರ್ಷಗಳ ಕಾಲ ಪ್ರೀತಿಸುತ್ತಿದ್ದರು. ಈಗ ಅವರಿಗೆ ಇಬ್ಬರು ಮಕ್ಕಳು ಇದ್ದಾರೆ. ವಿಘ್ನೇಶ್​ ಶಿವನ್​ ಅವರಿಗೆ ಎಂ.ಎಸ್​. ಧೋನಿ ಎಂದರೆ ಸಖತ್​ ಇಷ್ಟ. ಅದಕ್ಕೆ ಈ ವಿಡಿಯೋ ಸಾಕ್ಷಿ ಆಗಿದೆ.

‘ನಯನತಾರಾ ಮೊದಲಿನಂತಿಲ್ಲ’; ವಿಘ್ನೇಶ್​ ಶಿವನ್​ಗೆ ವಾರ್ನಿಂಗ್ ಕೊಟ್ಟ ಶಾರುಖ್ ಖಾನ್

ಭಾರತೀಯ ಕ್ರಿಕೆಟ್​ ತಂಡದ ಕ್ಯಾಪ್ಟನ್​ ಆಗಿ ಎಂ.ಎಸ್​. ಧೋನಿ ಮಾಡಿದ ಸಾಧನೆ ದೊಡ್ಡದು. ಅಲ್ಲದೇ ಐಪಿಎಲ್​ನಲ್ಲಿ ಅವರು ತಮ್ಮ ಛಾಪು ಮೂಡಿಸಿದ್ದಾರೆ. ಚೆನೈ ಸೂಪರ್​ ಕಿಂಗ್ಸ್​ ತಂಡವನ್ನು ಮುನ್ನಡೆಸಿದ ಅವರನ್ನು ಕಂಡರೆ ತಮಿಳುನಾಡು ಮಂದಿಗೆ ಬಹಳ ಪ್ರೀತಿ. ಅಂಥ ಅಪಾರ ಸಂಖ್ಯೆಯ ಅಭಿಮಾನಿಗಳಲ್ಲಿ ವಿಘ್ನೇಶ್​ ಶಿವನ್​ ಕೂಡ ಇದ್ದಾರೆ. ತಮ್ಮ ನೆಚ್ಚಿನ ಕ್ರಿಕೆಟರ್​ನ ಭೇಟಿಯಾಗುವ ಅವಕಾಶ ಸಿಕ್ಕಿದ್ದಕ್ಕೆ ವಿಘ್ನೇಶ್​ ಶಿವನ್​ ಖುಷಿಪಟ್ಟಿದ್ದಾರೆ. ಧೋನಿ ಕೂಡ ಬಹಳ ಆತ್ಮೀಯವಾಗಿ ಅವರೊಂದಿಗೆ ನಡೆದುಕೊಂಡಿದ್ದಾರೆ.

View this post on Instagram

A post shared by Vignesh Shivan (@wikkiofficial)

‘ಧೋನಿ ಎಂಟರ್​ಟೇನ್ಮೆಂಟ್​’ ಸಂಸ್ಥೆಯ ಮೂಲಕ ತಮಿಳಿನ ‘ಎಲ್​ಜಿಎಂ​’ ಸಿನಿಮಾ ಮೂಡಿಬರುತ್ತಿದೆ. ಈ ಚಿತ್ರಕ್ಕೆ ರಮೇಶ್ ತಮಿಳ್ಮಣಿ ಆ್ಯಕ್ಷನ್​-ಕಟ್​ ಹೇಳಿದ್ದಾರೆ. ಯೋಗಿ ಬಾಬು, ಹರೀಶ್ ಕಲ್ಯಾಣ್, ಇವಾನಾ, ನದಿಯಾ, ಮಿರ್ಚಿ ವಿಜಯ್ ಸೇರಿದಂತೆ ಹಲವರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಕಾಲಿವುಡ್​​ನಲ್ಲಿ ಧೋನಿ ಅವರು ಇನ್ನೂ ಅನೇಕ ಸಿನಿಮಾಗಳನ್ನು ನಿರ್ಮಾಣ ಮಾಡುವ ಪ್ಲ್ಯಾನ್​ ಹಾಕಿಕೊಂಡಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.