‘ನಿನ್ನಿಂದ ಬೇಸತ್ತು ಹೋಗಿದ್ದೀನಿ’; ಫಹಾದ್ ಫಾಸಿಲ್ ವಿರುದ್ಧ ನಜ್ರಿಯಾ ಸಿಟ್ಟಾಗಿದ್ದೇಕೆ?
ಐಸ್ಕ್ರೀಮ್ ಒಂದರ ಜಾಹೀರಾತಿನಲ್ಲಿ ಫಹಾದ್ ಹಾಗೂ ನಜ್ರಿಯಾ ಕಾಣಿಸಿಕೊಂಡಿದ್ದಾರೆ. ಸೆಲೆಬ್ರಿಟಿ ದಂಪತಿಗಳು ಜಾಹೀರಾತಿನಲ್ಲಿ ಕಾಣಿಸಿಕೊಂಡರೆ ಹೆಚ್ಚು ಜನರಿಗೆ ರೀಚ್ ಆಗುತ್ತದೆ ಎಂಬುದು ಬ್ರ್ಯಾಂಡ್ಗಳ ಆಲೋಚನೆ.
Updated on: Sep 22, 2022 | 6:30 AM
ನಜ್ರಿಯಾ ನಜೀಮ್ (Nazriya Nazim) ಅವರು ಮಲಯಾಳಂನ ಬೇಡಿಕೆಯ ನಟಿ. ಅವರ ನಟನೆಗೆ, ಕ್ಯೂಟ್ನೆಸ್ಗೆ ಮನ ಸೋಲದವರೇ ಇಲ್ಲ. ‘ಬೆಂಗಳೂರು ಡೇಸ್’ ಸಿನಿಮಾ (Bangalore Days Movie) ಮೂಲಕ ಅವರು ಕರ್ನಾಟಕಕ್ಕೂ ಹತ್ತಿರವಾದರು. ಸಹ ನಟ ಫಹಾದ್ ಫಾಸಿಲ್ ಅವರನ್ನೇ ಮದುವೆ ಆಗಿ ನಜ್ರಿಯಾ ಹಾಯಾಗಿ ಸಂಸಾರ ನಡೆಸುತ್ತಿದ್ದಾರೆ. ಈ ಮಧ್ಯೆ ಇಬ್ಬರ ನಡುವೆ ಕಿತ್ತಾಟ ಆರಂಭ ಆಗಿದೆ! ‘ನನಗೆ ಹೇಳೋಕೆ ಏನೂ ಉಳಿದಿಲ್ಲ’ ಎಂದು ಫಹಾದ್ ಹೇಳಿದರೆ, ‘ನಿನ್ನಿಂದ ನಾನು ಬೇಸತ್ತು ಹೋಗಿದ್ದೇನೆ’ ಎಂದು ನಜ್ರಿಯಾ ಹೇಳಿದ್ದಾರೆ. ಇದೆಲ್ಲವೂ ಜಾಹೀರಾತಿಗಾಗಿ ಮಾಡಿದ ಡ್ರಾಮಾ ಅಷ್ಟೇ!
ಐಸ್ಕ್ರೀಮ್ ಒಂದರ ಜಾಹೀರಾತಿನಲ್ಲಿ ಫಹಾದ್ ಹಾಗೂ ನಜ್ರಿಯಾ ಕಾಣಿಸಿಕೊಂಡಿದ್ದಾರೆ. ಸೆಲೆಬ್ರಿಟಿ ದಂಪತಿಗಳು ಜಾಹೀರಾತಿನಲ್ಲಿ ಕಾಣಿಸಿಕೊಂಡರೆ ಹೆಚ್ಚು ಜನರಿಗೆ ರೀಚ್ ಆಗುತ್ತದೆ ಎಂಬುದು ಬ್ರ್ಯಾಂಡ್ಗಳ ಆಲೋಚನೆ. ಈ ಕಾರಣಕ್ಕೆ ಸೆಲೆಬ್ರಿಟಿ ದಂಪತಿಗಳು ಜಾಹೀರಾತಿನಲ್ಲಿ ನಟಿದರೆ ದೊಡ್ಡ ಮೊತ್ತ ನೀಡಲಾಗುತ್ತದೆ. ಅದೇ ರೀತಿ ಫಹಾದ್ ಹಾಗೂ ನಜ್ರಿಯಾ ಕಾಣಿಸಿಕೊಂಡ ಅಡ್ವಟೈಸ್ಮೆಂಟ್ ಎಲ್ಲರ ಗಮನ ಸೆಳೆದಿದೆ.
ಪಾರ್ಟಿ ಮುಗಿಸಿ ಇಬ್ಬರೂ ಕಾರಿನಲ್ಲಿ ಬಂದಿರುತ್ತಾರೆ. ‘ನಿನ್ನಲ್ಲಿ ಮಾತನಾಡೋಕೆ ಏನೂ ಉಳಿದಿಲ್ಲ’ ಎಂದು ಫಹಾದ್ ಹೇಳುತ್ತಾರೆ. ಇದಕ್ಕೆ ಸಿಟ್ಟಾಗುವ ನಜ್ರಿಯಾ ‘ಯಾವಾಗಲೂ ಮಾತನಾಡಬೇಡ’ ಎಂದು ಕೂಗಾಡುತ್ತಾರೆ. ಮನೆ ಒಳಗೆ ಎಂಟ್ರಿ ಕೊಡುತ್ತಿದ್ದಂತೆ ಫಹಾದ್ ಐಸ್ಕ್ರೀಂ ಕೈಗೆತ್ತಿಕೊಳ್ಳುತ್ತಾರೆ. ಇಬ್ಬರ ನಡುವೆ ಜಗಳ ಮುಂದುವರಿದೇ ಇರುತ್ತದೆ. ಆದರೆ, ಫಹಾದ್ ಐಸ್ಕ್ರೀಮ್ ಎಂಜಾಯ್ ಮಾಡುತ್ತಾ ಕೂರುತ್ತಾರೆ.
ಈ ಅಡ್ವಟೈಸ್ಮೆಂಟ್ ನೋಡಿದ ಅನೇಕರು ‘ಇದು ಬೆಂಗಳೂರೂ ಡೇಸ್ ಸೀಕ್ವೆಲ್ಗೆ ಸಿದ್ಧತೆಯೇ’ ಎಂದು ಪ್ರಶ್ನೆ ಮಾಡಿದ್ದಾರೆ. ‘ಬೆಂಗಳೂರು ಡೇಸ್’ ಸಿನಿಮಾದಲ್ಲೂ ಇದೇ ರೀತಿಯ ಕಥೆ ಇದೆ. ಫಹಾದ್ ಹಾಗೂ ನಜ್ರಿಯಾ ಮದುವೆ ಆಗಿರುತ್ತಾರೆ. ಆದರೆ, ಇಬ್ಬರೂ ಹೆಚ್ಚು ಮಾತನಾಡುವುದೇ ಇಲ್ಲ. ಇಬ್ಬರ ಮಧ್ಯೆ ಯಾವಾಗಲೂ ಜಗಳ ಮಾತ್ರ ಇರುತ್ತದೆ. ಈ ಕಾರಣಕ್ಕೆ ಫ್ಯಾನ್ಸ್ಗೆ ಜಾಹೀರಾತು ‘ಬೆಂಗಳೂರು ಡೇಸ್’ ಸಿನಿಮಾವನ್ನು ನೆನಪಿಸಿದೆ. ಸದ್ಯ ಈ ಜಾಹೀರಾತು ಸಾಕಷ್ಟು ಗಮನ ಸೆಳೆದಿದೆ.
ಇದನ್ನೂ ಓದಿ: ಫಹಾದ್ ಫಾಸಿಲ್ಗೆ ಬರ್ತ್ಡೇ ವಿಶ್ ಮಾಡಿದ ಹೊಂಬಾಳೆ ಫಿಲ್ಮ್ಸ್; ಪವನ್ ಕುಮಾರ್ ನಿರ್ದೇಶನ?
ಫಹಾದ್ ಫಾಸಿಲ್ಗೆ ಸಾಕಷ್ಟು ಆಫರ್ಗಳು ಸಿಗುತ್ತಿವೆ. ‘ಪುಷ್ಪ 2’ ಚಿತ್ರದಲ್ಲಿ ಅವರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ‘ವಿಕ್ರಮ್’ ಚಿತ್ರದಿಂದ ಅವರ ಜನಪ್ರಿಯತೆ ಹೆಚ್ಚಿದೆ. ಕನ್ನಡದ ಹೊಂಬಾಳೆ ಫಿಲ್ಮ್ಸ್ ಜತೆ ಅವರು ಸಿನಿಮಾ ಒಂದರಲ್ಲಿ ನಟಿಸುತ್ತಿದ್ದಾರೆ ಎನ್ನಲಾಗಿದೆ.
