ಓಟಿಟಿಯಲ್ಲಿರೋ ಈ ಹಾರರ್​ ಸಿನಿಮಾನ ಮಿಸ್ ಮಾಡಬೇಡಿ; ನೈಜ ಘಟನೆ ಆಧಾರಿತ ಚಿತ್ರ

ಸಸ್ಪೆನ್ಸ್ ಹಾರರ್ ಥ್ರಿಲ್ಲರ್ ಸಿನಿಮಾಗಳು ಈಗ ಒಟಿಟಿಯಲ್ಲಿ (OTT) ಜನಪ್ರಿಯವಾಗುತ್ತಿವೆ. ಈ ಪ್ರಕಾರದ ಸಿನಿಮಾಗಳು ಪ್ರೇಕ್ಷಕರನ್ನು ಚೆನ್ನಾಗಿ ರಂಜಿಸುತ್ತಿವೆ. ಚಿತ್ರಮಂದಿರಗಳಲ್ಲಿ ಉತ್ತಮ ಪ್ರದರ್ಶನ ನೀಡದ ಸಿನಿಮಾಗಳು ಸಹ ಡಿಜಿಟಲ್ ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಸಂಚಲನ ಸೃಷ್ಟಿಸುತ್ತಿವೆ. ನಾವು ಈಗ ಮಾತನಾಡಲಿರುವ ಸಿನಿಮಾ ಕೂಡ ಈ ವರ್ಗಕ್ಕೆ ಸೇರುತ್ತದೆ. ಕಳೆದ ತಿಂಗಳು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಈ ಸಿನಿಮಾ ಸಾಧಾರಣ ಪ್ರದರ್ಶನ ನೀಡಿತು. ಪ್ರಸಿದ್ಧ ನಟರ ಕೊರತೆ ಮತ್ತು ದೊಡ್ಡ ಪ್ರಚಾರಗಳ ಕೊರತೆಯಿಂದಾಗಿ, ಈ ಹಾರರ್ ಸಿನಿಮಾ ಕೆಲವೇ ಜನರನ್ನು ತಲುಪಿತು. ಈ ಸಿನಿಮಾ ಇತ್ತೀಚೆಗೆ ಒಟಿಟಿಗೆ ಬಂದಿದೆ.

ನಿಜ ಜೀವನದ ಘಟನೆಗಳನ್ನು ಆಧರಿಸಿ, ಹಾರರ್ ಮತ್ತು ಸೈಕಲಾಜಿಕಲ್ ಥ್ರಿಲ್ಲರ್ ಅಂಶಗಳನ್ನು ಹೊಂದಿರುವ ಈ ಸಿನಿಮಾ ಈಗ ಒಟಿಟಿ ಪ್ರೇಕ್ಷಕರನ್ನು ಆಕರ್ಷಿಸುತ್ತಿದೆ. ಈ ಹಾರರ್ ಥ್ರಿಲ್ಲರ್ ಚಿತ್ರದ ಹೆಸರು ‘ಘಟಿಕಾಚಲಂ’. ‘ಬಾಹುಬಲಿ’ ಮುಂತಾದ ಚಿತ್ರಗಳಲ್ಲಿ ಬಾಲ ಕಲಾವಿದನಾಗಿ ಕೆಲಸ ಮಾಡಿದ್ದ ನಿಖಿಲ್ ದೇವದಾಳು ಈ ಚಿತ್ರದಲ್ಲಿ ನಾಯಕನಾಗಿ ನಟಿಸಿದ್ದಾರೆ. ಅಮರ್ ಕಾಮೆಪಲ್ಲಿ ಇದನ್ನು ನಿರ್ದೇಶಿಸಿದ್ದಾರೆ. ಸಮ್ಯು ರೆಡ್ಡಿ, ಅರ್ವಿಕಾ ಗುಪ್ತಾ, ತನ್ಮಯಿ ಖುಷಿ, ಅರ್ಜುನ್ ವಿಹಾನ್, ಪ್ರಭಾಕರ್ ಮತ್ತು ಇತರರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಹಾರರ್ ಥ್ರಿಲ್ಲರ್ ಈಗ ಅಮೆಜಾನ್ ಪ್ರೈಮ್ ವಿಡಿಯೋ ಜೊತೆಗೆ ಆಹಾದಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ.

ಈ ಸಿನಿಮಾದ ಕಥೆಗೆ ಬರುವುದಾದರೆ ಕೌಶಿಕ್ ಎಂಬ ಹುಡುಗ ಎಂಬಿಬಿಎಸ್ ಓದುವ ಹುಡುಗ. ಕಾಲೇಜಿನಲ್ಲಿ ಹುಡುಗಿ ಮೇಲೆ ಪ್ರೀತಿ ಆಗುತ್ತದೆ. ಆ ಹುಡುಗಿಗಾಗಿ ಕಾಲೇಜಿಗೆ ಹೋಗುತ್ತಾನೆ. ಕೌಶಿಕ್ ತನ್ನ ಹೆಚ್ಚಿನ ಸಮಯವನ್ನು ಒಬ್ಬಂಟಿಯಾಗಿ ಕಳೆಯುತ್ತಾನೆ. ಅದೇ ಸಮಯದಲ್ಲಿ, ಅವನ ನಡವಳಿಕೆ ತೀವ್ರವಾಗಿ ಬದಲಾಗುತ್ತದೆ. ಅವನು ಮನೆಯಲ್ಲಿ ಒಂದು ದಿನ ಹಂದಿ ಮಾಂಸ ಕೇಳುತ್ತಾನೆ. ಅವನ ಹೆತ್ತವರು ಕೌಶಿಕ್​ನ ವರ್ತನೆಯಿಂದ ಗಾಬರಿಗೊಳ್ಳುತ್ತಾರೆ. ಮನೋವೈದ್ಯರಿಗೆ ತೋರಿಸಿದರೂ ಅವನಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ.

ಇದನ್ನೂ ಓದಿ: ‘ಹೌಸ್​ಫುಲ್ 5’ ಚಿತ್ರದ ಒಟಿಟಿ ರಿಲೀಸ್ ಬಗ್ಗೆ ಕೇಳಿ ಬರ್ತಿದೆ ಹೊಸ ಅಪ್​ಡೇಟ್

ಕೊನೆಗೆ ಕೌಶಿಕ್ ಒಬ್ಬ ಮಾಟಗಾತಿಯ ಬಳಿಗೆ ಕರೆದೊಯ್ಯಲಾಗುತ್ತದೆ. ಕೌಶಿಕ್​ಗೆ ದೆವ್ವ ಆವರಿಸಿದೆ ಎಂದು ಅವರು ಹೇಳುತ್ತಾನೆ. ಆ ದುಷ್ಟ ಶಕ್ತಿ  ಕೌಶಿಕ್​ಗೆಏಕೆ ಹೀಗೆ ಮಾಡುತ್ತಿದೆ ಎಂದು ಅವನು ಹೇಳುತ್ತಾನೆ. ಆ ದೆವ್ವ ಯಾರು? ಅದು ಕೌಶಿಕ್​ಗೆ ಏಕೆ ಅಂಟಿಕೊಂಡಿತು? ಆತ ಇದರಿಂದ ಹೇಗೆ ಹೊರಬರುತ್ತಾನೆ ಎಂಬುದು ಚಿತ್ರದ ಕಥೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.