ಸಲ್ಮಾನ್ ಖಾನ್ ಮಾಡಿದ 30 ಸೆಕೆಂಡ್ ಕೆಲಸಕ್ಕೆ 50 ಲಕ್ಷ ರೂ. ಸಂಬಳ; ಸಲ್ಲು ಬರೆದಿದ್ದು ಒಂದೇ ವಾಕ್ಯ
ಸಲ್ಮಾನ್ ಖಾನ್ ಹಂಚಿಕೊಂಡಿರುವ ಒಂದು ಜಾಹೀರಾತಿನಿಂದ ಅವರಿಗೆ ಬರೋಬ್ಬರಿ 50 ಲಕ್ಷ ರೂ. ಸಂಭಾವನೆ ಸಿಕ್ಕಿದೆ ಎನ್ನಲಾಗಿದೆ. ಅದು ಶಾರುಖ್ ಖಾನ್ಗೆ ಸಂಬಂಧಿಸಿದ ಜಾಹೀರಾತು ಎಂಬುದು ವಿಶೇಷ.
Updated on: Sep 18, 2021 | 9:34 AM
ನಟ ಸಲ್ಮಾನ್ ಖಾನ್ಗೆ ಯಾವ ಪರಿ ಡಿಮ್ಯಾಂಡ್ ಇದೆ ಎಂಬುದನ್ನು ಬಿಡಿಸಿ ಹೇಳಬೇಕಾಗಿಲ್ಲ. ಸಿನಿಮಾಗಳು ಸೋತರೂ ಅವರ ಸ್ಟಾರ್ ಗಿರಿ ಕಿಂಚಿತ್ತೂ ಕಮ್ಮಿ ಆಗುತ್ತಿಲ್ಲ. ಹಾಗಾಗಿ ಅವರಿಗೆ ನೂರಾರು ಕೋಟಿ ರೂ. ಸಂಭಾವನೆ ಸಿಗುತ್ತದೆ. ಸಿನಿಮಾಗಳು ಮಾತ್ರವಲ್ಲದೇ ಬಿಗ್ ಬಾಸ್ ರಿಯಾಲಿಟಿ ಶೋ ನಿರೂಪಣೆಯಿಂದಲೂ ಅವರು ಭರ್ಜರಿ ಸಂಬಳ ಪಡೆಯುತ್ತಾರೆ. ಅದೆಲ್ಲವನ್ನೂ ಮೀರಿಸುವಂತಹ ಸುದ್ದಿಯೊಂದು ಈಗ ಕೇಳಿಬಂದಿದೆ. ಸಣ್ಣದೊಂದು ಕೆಲಸ ಮಾಡಿದ್ದಕ್ಕೆ ಸಲ್ಮಾನ್ ಖಾನ್ಗೆ ಬರೋಬ್ಬರಿ 50 ಲಕ್ಷ ರೂ. ಸಂಭಾವನೆ ನೀಡಲಾಗಿದೆ ಎಂಬ ಮಾಹಿತಿ ಬಿ-ಟೌನ್ ಅಂಗಳದಲ್ಲಿ ಹರಿದಾಡುತ್ತಿದೆ. ಏನದು ಕೆಲಸ? ಒಂದು ಒಂದೇ ಒಂದು ಜಾಹೀರಾತನ್ನು ಶೇರ್ ಮಾಡಿದ್ದು! ಈ ಕೆಲಸಕ್ಕೆ 30 ಸೆಕೆಂಡ್ ಸಮಯ ಸಾಕು.
ಸೆಲೆಬ್ರಿಟಿಗಳು ತಮ್ಮ ಸೋಶಿಯಲ್ ಮೀಡಿಯಾ ಪೋಸ್ಟ್ ಮೂಲಕವೂ ಹಣ ಗಳಿಸುತ್ತಾರೆ. ಕಮರ್ಷಿಯಲ್ ಜಾಹೀರಾತುಗಳನ್ನು ತಮ್ಮ ಖಾತೆಗಳಲ್ಲಿ ಶೇರ್ ಮಾಡಿಕೊಂಡರೆ ಅವರಿಗೆ ಹಣ ಸಿಗುತ್ತದೆ. ಈಗ ಸಲ್ಮಾನ್ ಖಾನ್ ಹಂಚಿಕೊಂಡಿರುವ ಒಂದು ಜಾಹೀರಾತಿನಿಂದ ಅವರಿಗೆ ಬರೋಬ್ಬರಿ 50 ಲಕ್ಷ ರೂ. ಸಿಕ್ಕಿದೆ ಎನ್ನಲಾಗಿದೆ. ಯಾವುದು ಆ ಜಾಹೀರಾತು? ಶಾರುಖ್ ಖಾನ್ ಓಟಿಟಿ ಎಂಟ್ರಿಗೆ ಸಕಲ ಸಿದ್ಧತೆ ನಡೆಯುತ್ತಿದೆ. ಅದಕ್ಕಾಗಿ ಒಂದು ಜಾಹೀರಾತು ತಯಾರಿಸಲಾಗಿದ್ದು, ಅದನ್ನು ಸಲ್ಮಾನ್ ಖಾನ್ ಶೇರ್ ಮಾಡಿಕೊಂಡಿದ್ದಾರೆ. ಅದಕ್ಕೆ ಅವರಿಗೆ 50 ಲಕ್ಷ ರೂ. ಹಣ ನೀಡಲಾಗಿದೆ ಎಂಬ ಮಾತು ಕೇಳಿಬರುತ್ತಿದೆ.
Hmmm Swagat nahi karoge @iamsrk ka?#SiwaySRK pic.twitter.com/fywtZ6UnYI
— Salman Khan (@BeingSalmanKhan) September 16, 2021
ಈವರೆಗೂ ಶಾರುಖ್ ಖಾನ್ ಓಟಿಟಿ ಪ್ರವೇಶಿಸಿಲ್ಲ. ಇತ್ತ ಅವರ ಸಿನಿಮಾಗಳು ಕೂಡ ಬಾಕ್ಸ್ಆಫೀಸ್ನಲ್ಲಿ ಗೆಲ್ಲುತ್ತಿಲ್ಲ. ಹಾಗಾಗಿ ಅವರನ್ನು ಓಟಿಟಿಗೆ ಕರೆದುಕೊಂಡು ಬರಲು ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ ಸಂಸ್ಥೆ ಪ್ಲ್ಯಾನ್ ಮಾಡಿದೆ. ಅದಕ್ಕೆ ಶಾರುಖ್ ಕೂಡ ಒಪ್ಪಿದ್ದು, ಜಾಹೀರಾತುಗಳ ಮೂಲಕ ಭರ್ಜರಿ ಪ್ರಚಾರ ಮಾಡಲಾಗುತ್ತಿದೆ. ಅದಕ್ಕೆ ಸಲ್ಮಾನ್ ಖಾನ್ ಕೂಡ ಕೈ ಜೋಡಿಸಿದ್ದಾರೆ. ಜಾಹೀರಾತನ್ನು ಶೇರ್ ಮಾಡಿಕೊಂಡಿರುವ ಅವರು, ‘ಶಾರುಖ್ ಖಾನ್ಗೆ ಸ್ವಾಗತ ಮಾಡುವುದಿಲ್ಲವೇ?’ ಎಂದು ಒಂದೇ ಒಂದು ವಾಕ್ಯ ಕ್ಯಾಪ್ಷನ್ ನೀಡಿದ್ದಾರೆ. ಇಷ್ಟು ಮಾಡಿದ್ದಕ್ಕೆ ಭಾರಿ ಮೊತ್ತದ ಸಂಭಾವನೆಯನ್ನು ಜೇಬಿಗೆ ಇಳಿಸಿಕೊಂಡಿದ್ದಾರೆ.
ಇದನ್ನೂ ಓದಿ:
ಸಿದ್ದಾರ್ಥ್ ಶುಕ್ಲಾ ಸಾವಿನ ಬಗ್ಗೆ ನಗುತ್ತಾ ಮಾತನಾಡಿದ್ದ ಸಲ್ಮಾನ್ ಖಾನ್: ಶಾಕಿಂಗ್ ವಿಡಿಯೋ ವೈರಲ್
ಟ್ವಿಟರ್ನಲ್ಲಿ ಟ್ರೆಂಡ್ ಆಯ್ತು ಶಾರುಖ್ ಖಾನ್ ‘ಪಠಾಣ್’; ಸಿನಿಮಾ ತಂಡ ಕೊಟ್ಟ ಹೊಸ ಅಪ್ಡೇಟ್ ಏನು?
