ಕಲ್ಯಾಣಿ ಜತೆ ಇಲ್ಲ ಮೋಹನ್ಲಾಲ್ ಪುತ್ರನ ಲವ್; ಪ್ರಣವ್ ಜೀವನಕ್ಕೆ ವಿದೇಶಿ ಮಹಿಳೆ ಎಂಟ್ರಿ
ನಟ ಪ್ರಣವ್ ಮೋಹನ್ ಲಾಲ್ ಮತ್ತು ನಟಿ ಕಲ್ಯಾಣಿ ಪ್ರಿಯದರ್ಶನ್ ನಡುವೆ ಪ್ರೀತಿ ಚಿಗುರಿಲ್ಲ ಎಂದು ಕುಟುಂಬದ ಆಪ್ತರು ಹೇಳಿದ್ದಾರೆ. ಆದರೆ ಪ್ರಣವ್ ಸಿಂಗಲ್ ಆಗಿಲ್ಲ. ಅವರು ಜರ್ಮನಿ ಮಹಿಳೆಯ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನಲಾಗಿದೆ. ‘ಹೃದಯಂ’ ಸಿನಿಮಾದ ಹೀರೋ ಬಾಳಿನಲ್ಲಿ ಪ್ರಿಯತಮೆಯ ಎಂಟ್ರಿ ಆಗಿದೆ. ಹೆಚ್ಚಿನ ಮಾಹಿತಿ ತಿಳಿಯಲು ಫ್ಯಾನ್ಸ್ ಕಾದಿದ್ದಾರೆ.
Updated on: Apr 18, 2025 | 9:32 PM
ಮಲಯಾಳಂ ಚಿತ್ರರಂಗದ ಸ್ಟಾರ್ ನಟ ಮೋಹನ್ಲಾಲ್ (Mohanlal) ಅವರ ಪುತ್ರ ಪ್ರಣವ್ ಜೀವನ ತುಂಬ ಡಿಫರೆಂಟ್ ಆಗಿದೆ. ಬೇರೆ ಸ್ಟಾರ್ ನಟರ ಮಕ್ಕಳು ಚಿತ್ರರಂಗದಲ್ಲಿ ಭದ್ರವಾಗಿ ನೆಲೆಯೂರಬೇಕು ಎಂದು ಬಯಸುತ್ತಾರೆ. ಹಾಗಾಗಿ ಸಿಕ್ಕ ಅವಕಾಶಗಳನ್ನೆಲ್ಲ ಬಾಚಿಕೊಳ್ಳುತ್ತಾರೆ. ಆದರೆ ಪ್ರಣವ್ ಮೋಹನ್ಲಾಲ್ (Pranav Mohanlal) ಹಾಗಲ್ಲ. ಚಿತ್ರರಂಗದಲ್ಲಿ ಅವರಿಗೆ ಸಿಕ್ಕಾಪಟ್ಟೆ ಆಫರ್ಗಳಿವೆ. ಹಾಗಿದ್ದರೂ ಕೂಡ ಅವರು ಎಲ್ಲವನ್ನೂ ಪಕ್ಕಕ್ಕೆ ಇಟ್ಟು ದೇಶ-ವಿದೇಶ ಸುತ್ತುತ್ತಿದ್ದಾರೆ. ಈ ನಡುವೆ ಅವರ ವೈಯಕ್ತಿಕ ಜೀವನದ ಬಗ್ಗೆ ಹೆಚ್ಚು ಸುದ್ದಿ ಆಗುತ್ತಿದೆ. ಅವರೀಗ ವಿದೇಶದ ಮಹಿಳೆಯ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ. ಪ್ರಣವ್ ಮೋಹನ್ಲಾಲ್ ಅವರ ಪ್ರೇಯಸಿ (Pranav Mohanlal Girlfriend) ಯಾರು ಎಂಬುದನ್ನು ತಿಳಿದುಕೊಳ್ಳಲು ಅಭಿಮಾನಿಗಳಲ್ಲಿ ಕುತೂಹಲ ಮೂಡಿದೆ.
ಈ ಮೊದಲು ಪ್ರಣವ್ ಮೋಹನ್ಲಾಲ್ ಮತ್ತು ನಟಿ ಕಲ್ಯಾಣಿ ಪ್ರಿಯದರ್ಶನ್ ಅವರ ನಡುವೆ ಪ್ರೀತಿ ಚಿಗುರಿರಬಹುದು ಎಂದು ಅಭಿಮಾನಿಗಳು ಊಹಿಸಿದ್ದರು. ‘ಹೃದಯಂ’ ಸಿನಿಮಾದಲ್ಲಿ ಅವರಿಬ್ಬರ ನಡುವೆ ಆ ಪರಿ ಕೆಮಿಸ್ಟ್ರಿ ಇತ್ತು. ಅವರಿಬ್ಬರು ರಿಯಲ್ ಲೈಫ್ನಲ್ಲೂ ಜೋಡಿ ಆಗಬೇಕು ಎಂದು ಫ್ಯಾನ್ಸ್ ಬಯಸಿದ್ದರು. ಆದ್ರೆ ಅಂಥದ್ದು ಏನೂ ಆಗಿಲ್ಲ.
ಪ್ರಣವ್ ಮೋಹನ್ಲಾಲ್ ಮತ್ತು ಕಲ್ಯಾಣಿ ಪ್ರಿಯದರ್ಶನ್ ಅವರು ಕೇವಲ ಫ್ರೆಂಡ್ಸ್ ಎಂದು ನಟಿಯ ಕುಟುಂಬದವರು ಹೇಳಿದ್ದಾರೆ. ಇದರ ಬೆನ್ನಲ್ಲೇ ಪ್ರಣವ್ ಅವರು ವಿದೇಶಿ ಮಹಿಳೆಯ ಜೊತೆ ಸುತ್ತಾಡುತ್ತಿದ್ದಾರೆ ಎಂಬ ಮಾಹಿತಿ ಕೇಳಿಬಂದಿದೆ. ಆಕೆ ಜರ್ಮನಿಯವರು ಎಂಬುದು ಗೊತ್ತಾಗಿದೆ. ಆದರೆ ಈ ಬಗ್ಗೆ ಪ್ರಣವ್ ಮೋಹಲ್ಲಾಲ್ ಅವರು ಹೆಚ್ಚಿನ ಮಾಹಿತಿ ಬಿಟ್ಟುಕೊಟ್ಟಿಲ್ಲ.
ಸ್ಟಾರ್ ಹೀರೋ ಪುತ್ರನಾಗಿದ್ದರೂ ಕೂಡ ಪ್ರಣವ್ ಮೋಹನ್ಲಾಲ್ ಅವರು ವಿದೇಶದಲ್ಲಿ ಕೆಲಸ ಮಾಡಿಕೊಂಡು ಜೀವನ ನಡೆಸುತ್ತಿದ್ದಾರೆ. ತಾತ್ಕಾಲಿಕವಾಗಿ ಕೆಲವರ ಫಾರ್ಮ್ಹೌಸ್, ಹೊಲ-ಗದ್ದೆ ಮುಂತಾದ ಕಡೆಗಳಲ್ಲಿ ಅವರು ಕೆಲಸ ಮಾಡುತ್ತಿದ್ದಾರೆ. ಹಣದ ಬದಲಿಗೆ ಕೇವಲ ಊಟ ಮತ್ತು ಆಶ್ರಯ ಪಡೆಯುತ್ತಾರೆ. ಜೀವನದಲ್ಲಿ ಈ ರೀತಿಯ ಅನುಭವ ಬೇಕು ಎಂಬ ಕಾರಣಕ್ಕೆ ಅವರು ವಿದೇಶಕ್ಕೆ ಹೋಗಿದ್ದಾರೆ.
ಇದನ್ನೂ ಓದಿ: ವಿದೇಶದಲ್ಲಿ ಊಟ, ವಸತಿಗಾಗಿ ಕುರಿ ಮೇಯಿಸಿ, ಕೃಷಿ ಮಾಡುತ್ತಿರುವ ಮೋಹನ್ಲಾಲ್ ಪುತ್ರ ಪ್ರಣವ್
ಸದ್ಯ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬುದು ಮಾತ್ರ ಗೊತ್ತಾಗಿದೆ. ಮದುವೆ ಬಗ್ಗೆ ಅವರು ಯಾವ ನಿರ್ಧಾರ ತೆಗೆದುಕೊಂಡಿದ್ದಾರೆ ಎಂಬುದು ಇನ್ನಷ್ಟೇ ತಿಳಿಯಬೇಕಿದೆ. ಆದಷ್ಟು ಹೆಚ್ಚು ಸಿನಿಮಾಗಳಲ್ಲಿ ಅವರು ನಟಿಸಲಿ ಎಂಬುದು ಅಭಿಮಾನಿಗಳ ಆಸೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
