ಟ್ರೋಲಿಗರಿಗೆ ರಶ್ಮಿಕಾ ಟಾರ್ಗೆಟ್​ ಆಗೋದು ಯಾಕೆ? ಕಿರಿಕ್​ ಬೆಡಗಿಯ ರೀಸೆಂಟ್​ ಟ್ರೋಲ್​ ಇತಿಹಾಸ ಇಲ್ಲಿದೆ..

ನಟಿ ರಶ್ಮಿಕಾ ಮಂದಣ್ಣ (Rashmika Mandanna) ಅವರು ರಾಷ್ಟ್ರ ಮಟ್ಟದಲ್ಲಿ ಪ್ರಸಿದ್ಧಿ ಪಡೆದುಕೊಂಡಿದ್ದಾರೆ. ಕನ್ನಡದಿಂದ ಸಿನಿಮಾ ಜರ್ನಿ ಆರಂಭಿಸಿದ ಅವರು ಇಂದು ಬಾಲಿವುಡ್​ನಲ್ಲೂ ಬಹುಬೇಡಿಕೆಯ ನಟಿಯಾಗಿ ಬೆಳೆದು ನಿಂತಿದ್ದಾರೆ. ಸಿನಿಮಾ ಕೆಲಸಗಳ ಸಲುವಾಗಿ ಅವರು ಹೈದರಾಬಾದ್​, ಚೆನ್ನೈ, ಮುಂಬೈ ಮುಂತಾದ ನಗರಗಳ ನಡುವೆ ಓಡಾಟ ನಡೆಸುತ್ತಿದ್ದಾರೆ. ಸದ್ಯ ರಶ್ಮಿಕಾ ಕೈಯಲ್ಲಿ ಹಲವು ಸಿನಿಮಾಗಳು ಇವೆ. ರಶ್ಮಿಕಾ ಮಂದಣ್ಣ ಎಲ್ಲೇ ಹೋದರೂ ಅವರನ್ನು ಪಾಪರಾಜಿ ಕ್ಯಾಮೆರಾಗಳು ಫಾಲೋ ಮಾಡುತ್ತವೆ. ಅವರ ಅನೇಕ ಫೋಟೋ (Rashmika Mandanna Photos) ಮತ್ತು ವಿಡಿಯೋಗಳು ವೈರಲ್​ ಆಗುತ್ತವೆ. ಆ ಫೋಟೋಗಳಲ್ಲಿ ನೆಟ್ಟಿಗರು ಏನಾದರೊಂದು ಲೋಪವನ್ನು ಕಂಡು ಹಿಡಿಯುತ್ತಾರೆ. ಅದನ್ನೇ ಇಟ್ಟುಕೊಂಡು ಟ್ರೋಲ್​ ಮಾಡುತ್ತಾರೆ. ಈ ಕಾರಣದಿಂದ ಆಗಾಗ ರಶ್ಮಿಕಾ ಟ್ರೋಲ್​ (Rashmika Mandanna Troll) ಕಾಟಕ್ಕೆ ಒಳಗಾಗುತ್ತಾರೆ. ಅವರ ಸೋಶಿಯಲ್​ ಮೀಡಿಯಾ ಪೋಸ್ಟ್​ಗಳಿಗೆ ಕೆಲವರು ನೆಗೆಟಿವ್​ ಕಮೆಂಟ್​ ಮಾಡುತ್ತಾರೆ. ಹಾಗಂತ ಆ ನೆಗೆಟಿವಿಟಿ ಬಗ್ಗೆ ರಶ್ಮಿಕಾ ಹೆಚ್ಚು ಗಮನ ಹರಿಸುವುದಿಲ್ಲ. ನೆಟ್ಟಿಗರು ಟ್ರೋಲ್​ ಮಾಡುವುದನ್ನೂ ನಿಲ್ಲಿಸುವುದಿಲ್ಲ. ಇತ್ತೀಚಿನ ದಿನಗಳಲ್ಲಿ ರಶ್ಮಿಕಾ ಹಲವು ಬಾರಿ ಟ್ರೋಲ್​ ಆಗಿದ್ದುಂಟು. ಆ ಸಂಗತಿಗಳ ಬಗ್ಗೆ ಇಲ್ಲಿದೆ ಮಾಹಿತಿ..

ಹಿಂದಿ ಪ್ರೇಕ್ಷಕರು ಗರಂ ಆದ್ರು: ನಟಿ ರಶ್ಮಿಕಾ ಮಂದಣ್ಣ ಅವರು ‘ಪುಷ್ಪ’ ಸಿನಿಮಾದಲ್ಲಿ ಅಲ್ಲು ಅರ್ಜುನ್​ ಜೊತೆ ನಟಿಸುವ ಮೂಲಕ ದೊಡ್ಡ ಮಟ್ಟದ ಗೆಲುವು ಪಡೆದುಕೊಂಡರು. ಆ ಸಿನಿಮಾ ಪ್ಯಾನ್​ ಇಂಡಿಯಾ ಲೆವೆಲ್​ನಲ್ಲಿ ರಿಲೀಸ್​ ಆಯಿತು. ‘ಪುಷ್ಪ’ ಹಿಂದಿ ಅವತರಣಿಕೆಯನ್ನು ಪ್ರಚಾರ ಮಾಡುವಾಗ ರಶ್ಮಿಕಾ ಅವರು ಸುದ್ದಿಗೋಷ್ಠಿಯಲ್ಲಿ ಭಾಗವಹಿಸಿದ್ದರು. ಆಗ ಅವರು ಹಿಂದಿಯಲ್ಲಿ ಮಾತನಾಡುವ ಪ್ರಯತ್ನ ಮಾಡಿದ್ದರು. ಅವರ ಹಿಂದಿ ಉಚ್ಛಾರಣೆ ಸರಿಯಿಲ್ಲ ಎಂಬ ಕಾರಣಕ್ಕೆ ಜನರು ಟ್ರೋಲ್ ಮಾಡಿದ್ದರು.

‘ನ್ಯಾಷನಲ್​ ಕ್ರಶ್​’ ಬಿರುದಿಗೆ ತಕರಾರು:

ರಶ್ಮಿಕಾ ಮಂದಣ್ಣ ಅವರನ್ನು ಅಭಿಮಾನಿಗಳು ಪ್ರೀತಿಯಿಂದ ನ್ಯಾಷನಲ್​ ಕ್ರಶ್​ ಎಂದು ಕರೆಯುತ್ತಾರೆ. ಆದರೆ ಅದನ್ನು ಎಲ್ಲರೂ ಒಪ್ಪಿಕೊಂಡಿಲ್ಲ. ಇದೇ ವಿಚಾರವಾಗಿ ಸೋಶಿಯಲ್​ ಮೀಡಿಯಾದಲ್ಲಿ ಆಗಾಗ ಚರ್ಚೆ ನಡೆಯುತ್ತದೆ. ‘ಪುಷ್ಪ’ ಚಿತ್ರದ ಪ್ರಚಾರಕ್ಕಾಗಿ ರಶ್ಮಿಕಾ ಅವರು ಮುಂಬೈಗೆ ತೆರಳಿದ್ದಾಗಿನ ಸಂದರ್ಭದ ಕೆಲವು ವಿಡಿಯೋಗಳು ವೈರಲ್​ ಆಗಿದ್ದವು. ಅವುಗಳಿಗೆ ಕಮೆಂಟ್​ ಮಾಡಿದ ಉತ್ತರ ಭಾರತದ ಸಿನಿಪ್ರಿಯರು ‘ನ್ಯಾಷನಲ್​ ಕ್ರಶ್​’ ಎಂಬ ಬಿರುದಿನ ಬಗ್ಗೆ ಅಪಸ್ವರ ಎತ್ತಿದ್ದರು.

ಶಾರ್ಟ್​ ಡ್ರೆಸ್​ ಧರಿಸಿದ್ದಕ್ಕೆ ಟ್ರೋಲ್​:

ಕೆಲವು ದಿನಗಳ ಹಿಂದೆ ರಶ್ಮಿಕಾ ಮಂದಣ್ಣ ಅವರು ಮುಂಬೈ ಏರ್​ಪೋರ್ಟ್​ನಲ್ಲಿ ಕಾಣಿಸಿಕೊಂಡರು. ಅಂದು ಅವರು ಓವರ್​ ಸೈಜ್​ ಆದ ಶರ್ಟ್​ ಧರಿಸಿದ್ದರು. ಅದಕ್ಕೆ ಕಮೆಂಟ್​ ಮಾಡಿದ ಅನೇಕರು ಟ್ರೋಲ್​ ಮಾಡಿದರು. ರಶ್ಮಿಕಾ ಪ್ಯಾಂಟ್​ ಧರಿಸುವುದನ್ನು ಮರೆತಿದ್ದಾರೆ ಎಂದು ನೆಟ್ಟಿಗರು ಅಪಹಾಸ್ಯ ಮಾಡಿದರು.

ಮಕ್ಕಳು ಬೇಡಿಕೊಂಡ್ರೂ ರಶ್ಮಿಕಾ ಸಹಾಯ ಮಾಡಲಿಲ್ಲ:

2022ರ ಆರಂಭದಲ್ಲಿ ಒಂದು ವಿಡಿಯೋ ವೈರಲ್​ ಆಗಿತ್ತು. ರಶ್ಮಿಕಾ ಮಂದಣ್ಣ ಅವರ ಬಳಿ ಸಹಾಯ ಕೇಳಿಕೊಂಡು ಇಬ್ಬರು ಮಕ್ಕಳು ಬಂದಿದ್ದರು. ದಯವಿಟ್ಟು ಏನಾದರೂ ಕೊಡಿ, ಊಟ ಮಾಡಬೇಕು ಎಂದು ಆ ಹೆಣ್ಣು ಮಕ್ಕಳು ಬೇಡಿಕೊಂಡರು. ಆದರೆ ಕೊಡಲು ತಮ್ಮ ಬಳಿ ಏನೂ ಇಲ್ಲ ಎಂದು ರಶ್ಮಿಕಾ ಕೈ ಚೆಲ್ಲಿದರು. ಮಕ್ಕಳನ್ನು ನಿರ್ಲಕ್ಷಿಸಿ ಕಾರಿನಲ್ಲಿ ಕುಳಿತು ಹೊರಟು ಹೋದರು. ಈ ವಿಡಿಯೋ ಕಂಡು ಜನರು ಆಕ್ರೋಶ ವ್ಯಕ್ತಪಡಿಸಿದರು.

ಓವರ್​ ಆ್ಯಕ್ಟಿಂಗ್​ ಅಂತಾರೆ ಟ್ರೋಲಿಗರು:

ಮುಂಬೈನಲ್ಲಿ ರಶ್ಮಿಕಾ ಅವರು ಕಾಣಿಸಿಕೊಂಡಾಗ ಪಾಪರಾಜಿಗಳು ಅವರನ್ನು ಮುತ್ತಿಕೊಳ್ಳುತ್ತಾರೆ. ಫೋಟೋ ತೆಗೆಯಲು ಮುಗಿ ಬೀಳುತ್ತಾರೆ. ಈ ಸಂದರ್ಭದಲ್ಲಿ ರಶ್ಮಿಕಾ ಅವರು ತುಂಬ ಕಾನ್ಫಿಡೆಂಟ್​ ಆಗಿ ಪೋಸ್​ ನೀಡುತ್ತಾರೆ. ಆದರೆ ಅದನ್ನು ನೋಡಿದ ನೆಟ್ಟಿಗರು ನೆಗೆಟಿವ್​ ಕಮೆಂಟ್​ ಮಾಡಿದ್ದಕ್ಕೆ ಹಲವು ಉದಾಹರಣೆ ಇದೆ. ರಶ್ಮಿಕಾ ಓವರ್​ ಆ್ಯಕ್ಟಿಂಗ್​ ಮಾಡುತ್ತಾರೆ ಎಂಬುದು ಬಹುತೇಕ ಮಂದಿಯ ತಕರಾರು.

ಕನ್ನಡದಲ್ಲಿ ಡಬ್​ ಮಾಡಲು ಟೈಮ್​ ಇಲ್ಲ ಅಂದಿದ್ರು:

‘ಪುಷ್ಪ’ ಸಿನಿಮಾ ಹಲವು ಭಾಷೆಗೆ ಡಬ್​ ಆಗಿತ್ತು. ರಶ್ಮಿಕಾ ಮಂದಣ್ಣ ಕನ್ನಡದವರು. ಆದರೆ ‘ಪುಷ್ಪ’ ಸಿನಿಮಾದ ಕನ್ನಡ ವರ್ಷನ್​ಗೆ ಅವರು ಡಬ್​ ಮಾಡಿರಲಿಲ್ಲ. ಯಾಕೆ ಎಂದು ಕೇಳಿದ್ದಕ್ಕೆ ‘ಅಷ್ಟು ಟೈಮ್​ ಇಲ್ಲ’ ಎಂದು ಅವರು ಉತ್ತರ ನೀಡಿದ್ದರು. ಆ ವಿಚಾರವನ್ನು ಇಟ್ಟುಕೊಂಡು ಅವರನ್ನು ನೆಟ್ಟಿಗರು ಟ್ರೋಲ್​ ಮಾಡಿದ್ದರು.

ವಿಕ್ಕಿ ಕೌಶಲ್​ ಜೊತೆ ನಟಿಸಿದ ಜಾಹೀರಾತಿನಲ್ಲೂ ಕಿರಿಕ್​:

ನಟ ವಿಕ್ಕಿ ಕೌಶಲ್​ ಮತ್ತು ರಶ್ಮಿಕಾ ಮಂದಣ್ಣ ಅವರು ಒಳ ಉಡುಪಿನ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದರು. ಗಂಡಸರ ಒಳ ಉಡುಪು ನೋಡಿ ಮೈ ಮರೆಯುವ ಯೋಗ ಟೀಚರ್​ ಪಾತ್ರದಲ್ಲಿ ರಶ್ಮಿಕಾ ನಟಿಸಿದ್ದರು. ಆ ಜಾಹೀರಾತಿನ ಕಾನ್ಸೆಪ್ಟ್​ಗೆ ತೀವ್ರ ವಿರೋಧ ವ್ಯಕ್ತವಾಗಿತ್ತು. ಜನರು ಹಿಗ್ಗಾಮುಗ್ಗಾ ಟ್ರೋಲ್​ ಮಾಡಿದರು.

ಟ್ರೋಲ್​ ಬಗ್ಗೆ ರಶ್ಮಿಕಾ ಪ್ರತಿಕ್ರಿಯೆ:

ಸಿನಿಮಾ ವಿಮರ್ಶಕಿ ಅನುಪಮಾ ಚೋಪ್ರಾಗೆ ನೀಡಿದ ಸಂದರ್ಶನದಲ್ಲಿ ರಶ್ಮಿಕಾ ಮಂದಣ್ಣ ಅವರು ಟ್ರೋಲ್​ ಬಗ್ಗೆ ಮಾತನಾಡಿದ್ದರು. ‘ಆರಂಭದಲ್ಲಿ ಟ್ರೋಲ್​ಗಳನ್ನು ಸಹಿಸುವುದು ತುಂಬ ಕಷ್ಟ ಆಗುತ್ತಿತ್ತು. ನಮ್ಮದು ಫಿಲ್ಮೀ ಕುಟುಂಬ ಅಲ್ಲ. ಇಲ್ಲಿ ಎಲ್ಲವೂ ನನಗೆ ಹೊಸದಾಗಿತ್ತು. ಜನರು ನನ್ನನ್ನು ಟ್ರೋಲ್​ ಮಾಡಿದಾಗ ನಾನು ಅದನ್ನು ಗಂಭೀರವಾಗಿ ಪರಿಗಣಿಸುತ್ತಿದ್ದೆ. ಉಸಿರು ಕಟ್ಟಿಸುವಂತಹ ವಾತಾವರಣ ನಿರ್ಮಾಣ ಆಗಿತ್ತು. ಜನರು ಎಲ್ಲದರ ಬಗ್ಗೆ ಮಾತನಾಡಲು ಶುರು ಮಾಡುತ್ತಾರೆ. ನಿಮ್ಮ ದೇಹ, ಬಣ್ಣ, ರಿಲೇಷನ್​​ಶಿಪ್​ ಸೇರಿದಂತೆ ಎಲ್ಲದರ ಬಗ್ಗೆಯೂ ಜನ ಕಮೆಂಟ್​ ಮಾಡುತ್ತಾರೆ. ಚಿಕ್ಕ ಹುಡುಗಿಗೆ ಇದನ್ನೆಲ್ಲ ಸಹಿಸಿಕೊಳ್ಳೋಕೆ ಆಗಲ್ಲ. ತುಂಬ ನೋವಾಗುತ್ತದೆ. ಹಾಗಾಗಿ ನಾನು ಅದರ ಬಗ್ಗೆ ಎಷ್ಟೋ ಬಾರಿ ಮಾತನಾಡಬೇಕಾದ ಅನಿವಾರ್ಯತೆ ಎದುರಾಯಿತು. ಕೆಲಸದ ಬಗ್ಗೆ ಕಮೆಂಟ್​ ಮಾಡಿದರೆ ತೊಂದರೆ ಇಲ್ಲ. ಆದರೆ, ನನ್ನ ಬಾಲ್ಯದ ಫೋಟೋ ಬಗ್ಗೆ ಹಾಗೂ ನನ್ನ ಕುಟುಂಬದ ಬಗ್ಗೆ ಕೆಟ್ಟ ಕಮೆಂಟ್​ ಮಾಡುವುದು ಸರಿಯಲ್ಲ. ನಾನು 19ನೇ ವಯಸ್ಸಿನಲ್ಲಿ ಇದ್ದಾಗಿನಿಂದಲೂ ಈ ಟ್ರೋಲ್​ ಕಾಟ ಶುರುವಾಯಿತು. ಆದರೆ ಈಗ ನಾನು ಈ ವಿಚಾರದಲ್ಲಿ ಕಲ್ಲಾಗಿದ್ದೇನೆ. ಇಂದು ಯಾವುದೇ ಟ್ರೋಲ್​ ಕೂಡ ನನಗೆ ಮುಖ್ಯವಾಗುವುದಿಲ್ಲ. ಅದನ್ನೆಲ್ಲ ನಾನು ತುಂಬ ಹಗುರವಾಗಿ ತೆಗೆದುಕೊಳ್ಳುತ್ತೇನೆ. ಎಲ್ಲ ಸ್ಟಾರ್​ಗಳು ಸಹ ಇದೇ ರೀತಿ ಆಗಿರುತ್ತಾರೆ ಎನಿಸುತ್ತದೆ’ ಎಂದು ರಶ್ಮಿಕಾ ಮಂದಣ್ಣ ಹೇಳಿದ್ದರು.

ಇದನ್ನೂ ಓದಿ:

‘ನಿಮ್ಮಲ್ಲಿ ತುಂಬ ಜನರಿಗೆ ಇದು ಇಷ್ಟ ಆಗಲ್ಲ’ ಎನ್ನುತ್ತಲೇ ಹೊಸ ಫೋಟೋ ಹಂಚಿಕೊಂಡ ರಶ್ಮಿಕಾ; ಏನಿದು ವಿಷಯ?

ರಶ್ಮಿಕಾ ಮಂದಣ್ಣ ಹೊಸ ವಿಡಿಯೋ ವೈರಲ್​; ಎನರ್ಜಿ ಕಂಡು ವಾವ್​ ಎಂದ ಅಭಿಮಾನಿಗಳು

Published On - 7:15 am, Tue, 5 April 22