ರಕುಲ್​ ಪ್ರೀತ್​ಗೆ ರಾಜಕಾರಣಿ ಜೊತೆ ನಂಟು? ನಟಿಯ ಸ್ಪಷ್ಟನೆ

ನಟಿ ರಕುಲ್ ಪ್ರೀತ್ ಸಿಂಗ್ (Rakul Preet Singh) ಅವರು ಬಾಲಿವುಡ್​ನಲ್ಲಿ ಸದ್ಯ ಬ್ಯುಸಿ ಇದ್ದಾರೆ. ಅವರು ದಕ್ಷಿಣದ ಹೀರೋಯಿನ್. ಅವರು ಮೊದಲ ಸಿನಿಮಾ ಮಾಡಿದ್ದು ಕನ್ನಡದಲ್ಲೇ. ಆದರೆ, ಈಗ ಬಾಲಿವುಡ್​ನಲ್ಲಿ ಬ್ಯುಸಿ ಇದ್ದಾರೆ. ಅವರ ಬಗ್ಗೆ ಒಂದು ದೊಡ್ಡ ವದಂತಿ ಹುಟ್ಟಿಕೊಂಡಿತ್ತು. ತೆಲಂಗಾಣ ಮಾಜಿ ಸಚಿವ ಕೆಟಿಆರ್ ಅವರು ರಕುಲ್​ಗೆ ಮನೆ ನೀಡಿದ್ದರು ಎಂದು ಹೇಳಲಾಗಿತ್ತು. ಈ ಬಗ್ಗೆ ರಕುಲ್ ಅವರೇ ಪ್ರತಿಕ್ರಿಯಿಸಿದ್ದಾರೆ.

ಕೆಲವು ನಟಿಯರಿಗೆ ರಾಜಕೀಯ ನಾಯಕರ ಜೊತೆ ಒಳ್ಳೆಯ ಒಡನಾಟ ಇರುತ್ತದೆ. ಆದರೆ, ಕೆಲವು ಸಂದರ್ಭದಗಳಲ್ಲಿ ನಟಿಯರ ಕ್ಯಾರೆಕ್ಟರ್​ಗೆ ಹಾನಿ ಆಗುವಂಥ ವದಂತಿಗಳು ಹುಟ್ಟಿಕೊಳ್ಳುತ್ತವೆ. ರಕುಲ್ ಅವರಿಗೂ ಇದೇ ರೀತಿ ಆಗಿತ್ತು. ಅವರಿಗೆ ತೆಲಂಗಾಣದಲ್ಲಿ ಮನೆ ಕೊಟ್ಟಿದ್ದು ಓರ್ವ ರಾಜಕಾರಣಿ ಎಂದು ಹೇಳಲಾಗಿತ್ತು. ಇಷ್ಟು ದಿನ ಅವರು ಈ ವಿಚಾರದಲ್ಲಿ ಮೌನ ವಹಿಸಿದ್ದರು.  ಈಗ ಅವರು ರಾಜಕಾರಣಿ ಹೆಸರು ಹಾಗೂ ವದಂತಿ ಬಗ್ಗೆ ನೇರವಾಗಿ ಹೇಳದೇ ಈ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ.

‘ಉಡುಗೊರೆಯಾಗಿ ಸಿಕ್ಕ  ನನ್ನ ಮನೆಯ ಬಗ್ಗೆ ಒಂದು ವಿಚಿತ್ರ ಗಾಳಿ ಸುದ್ದಿ ಹರಿದಾಡಿತ್ತು. ನಿಜ ಹೇಳಬೇಕು ಎಂದರೆ ನನ್ನ ತಂದೆಯೇ ಇದರ ಪೇಪರ್ ಕೆಲಸ ಮಾಡಿದ್ದಾರೆ. ಕಷ್ಟಪಟ್ಟು ದುಡಿದ ಹಣದಿಂದ ಮನೆ ಪಡೆದು, ಈ ರೀತಿಯ ವದಂತಿ ಹುಟ್ಟಿಕೊಂಡಾಗ ನನ್ನ ತಂದೆ ಸಾಕಷ್ಟು ಬೇಸರಗೊಂಡರು. ನನಗೆ ಅವರು ಉತ್ತರಿಸುವಂತೆ ಹೇಳಿದರು. ಆದರೆ, ನಾನು ಎಲ್ಲ ಸಮಯದಲ್ಲೂ ಉತ್ತರ ಕೊಡುತ್ತಾ ಕೂರೋಕೆ ಆಗಲ್ಲ ಎಂದೆ’ ಎಂಬುದು ರಕುಲ್ ಉತ್ತರ ಆಗಿತ್ತು.

ಇದನ್ನೂ ಓದಿ: ಸೊಂಟ ನೋವು ಮಾಡಿಕೊಂಡ ರಕುಲ್ ಪ್ರೀತ್ ಸಿಂಗ್; ಪರಿಸ್ಥಿತಿ ಗಂಭೀರ: ಕಾರಣ ಏನು?

ರಕುಲ್ ಪ್ರೀತ್ ಸಿಂಗ್ ಮೊಟ್ಟ ಮೊದಲ ಬಾರಿಗೆ ನಟಿಸಿದ್ದು ಕನ್ನಡದ ‘ಗಿಲ್ಲಿ’ ಚಿತ್ರದ ಮೂಲಕ. ಆ ಬಳಿಕ ಅವರು ದಕ್ಷಿಣ ಭಾರತದಲ್ಲಿ ಹೆಚ್ಚು ಬ್ಯುಸಿ ಆದರು. ತೆಲುಗಿನಲ್ಲಿ ಸಾಕಷ್ಟು ಆಫರ್​ಗಳು ಬಂತು. ಈಗ ಅವರು ಬಾಲಿವುಡ್ ನಿರ್ಮಾಪಕ ಜಾಕಿ ಭಗ್ನಾನಿ ಅವರನ್ನು ವಿವಾಹ ಆಗಿ ಹಾಯಾಗಿ ಸಂಸಾರ ನಡೆಸುತ್ತಿದ್ದಾರೆ. ಆಗಾಗ ಅವರು ಟ್ರಿಪ್ ಮಾಡುತ್ತಾರೆ. ದೇಶ-ವಿದೇಶ ಸುತ್ತುತ್ತಾರೆ. ಸಿನಿಮಾ ವಿಚಾರಕ್ಕೆ ಬರೋದಾದರೆ ಅವರು  ‘ದೇ ದೇ ಪ್ಯಾರ್ ದೇ 2’ ಹಾಗೂ ‘ಇಂಡಿಯನ್ 3’ ಸಿನಿಮಾದಲ್ಲಿ ನಟಿಸಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.