ರಾಜಮೌಳಿ ಹೊಸ ಡಾಕ್ಯುಮೆಂಟರಿ ನಾಲ್ಕು ದಿನಕ್ಕೆ ಗಳಿಸಿದ್ದು ಕೇವಲ 6 ಲಕ್ಷ ರೂಪಾಯಿ

ರಾಜಮೌಳಿ ಅವರು ಯಾವುದೇ ಸಿನಿಮ ಮಾಡಿದರೂ ಮೊದಲ ದಿನ ಬಾಕ್ಸ್ ಆಫೀಸ್​ನಲ್ಲಿ ನೂರಾರು ಕೋಟಿ ರೂಪಾಯಿ ಗಳಿಕೆ ಫಿಕ್ಸ್. ಇದು ಮೊದಲಿನಿಂದಲೂ ನಡೆದುಕೊಂಡು ಬಂದಿದೆ. ಆದರೆ, ‘ಆರ್​ಆರ್​ಆರ್​: ಬಿಹೈಂದ್ ಆ್ಯಂಡ್ ಬಿಯಾಂಡ್’ ಡಾಕ್ಯುಮೆಂಟರಿ ಈಗ ಥಿಯೇಟರ್​​​ನಲ್ಲಿ ರಿಲೀಸ್ ಆಗಿ ಮುಗ್ಗರಿಸಿದೆ. ಈ ಡಾಕ್ಯುಮೆಂಟರಿ ಅವಧಿ 1 ಗಂಟೆ 40 ನಿಮಿಷ ಇದೆ. ಇದಕ್ಕೆ 200 ರೂಪಾಯಿ ಕೊಟ್ಟು ವೀಕ್ಷಿಸಲು ಜನರು ನಿರಾಸಕ್ತಿ ತೋರಿದ್ದಾರೆ.

‘ಆರ್​ಆರ್​ಆರ್​’ ಡಾಕ್ಯುಮೆಂಟರಿ ಒಟಿಟಿಗೆ ಹೊಂದಾಣಿಕೆ ಆಗುವಂಥದ್ದು. ಆದರೆ, ರಾಜಮೌಳಿ ಓವರ್ ಕಾನ್ಫಿಡೆನ್ಸ್​ನಿಂದ ಈ ಚಿತ್ರವನ್ನು ಥಿಯೇಟರ್​ನಲ್ಲಿ ರಿಲೀಸ್ ಮಾಡಿದ್ದಾರೆ. ‘ಆರ್​ಆರ್​ಆರ್’ ಚಿತ್ರದ ಮೇಕಿಂಗ್ ಹೇಗಿತ್ತು ಎಂಬುದನ್ನು ಈ ಡಾಕ್ಯುಮೆಂಟರಿ ವರ್ಣಿಸುತ್ತದೆ. ಇದರ ಜೊತೆಗೆ ಸೆಟ್ ಯಾವ ರೀತಿ ಇತ್ತು, ಸಿಬ್ಬಂದಿ ಸಂದರ್ಶನವೂ ಇದರಲ್ಲಿ ಇದೆ.

ರಾಮ್ ಚರಣ್ ಅವರ ಪೊಲೀಸ್ ಸ್ಟೇಷನ್ ಫೈಟ್, ಜೂನಿಯರ್ ಎಂಟಿಆರ್ ಅವರ ಟೈಗರ್ ಜೊತೆಗಿನ ಫೈಟ್, ಮಧ್ಯಂತರದಲ್ಲಿ ಪ್ರಾಣಿಗಳು ಟ್ರಕ್​ನಿಂದ ಜಿಗಿದು ಬರೋದು, ನಾಟು ನಾಟು ಹಾಡಿನ ಮೇಕಿಂಗ್ ಸೇರಿದಂತೆ ಅನೇಕ ದೃಶ್ಯಗಳ ವಿವರಣೆ ಈ ಡಾಕ್ಯುಮೆಂಟರಿಯಲ್ಲಿ ಇದೆ.

‘ಆರ್​ಆರ್​ಆರ್’ ಚಿತ್ರ ಬಾಕ್ಸ್ ಆಫೀಸ್​ನಲ್ಲಿ 1300 ಕೋಟಿ ರೂಪಾಯಿ ಗಳಿಕೆ ಮಾಡಿತ್ತು. ಆದರೆ, ಈ ಡಾಕ್ಯುಮೆಂಟರಿ ಕೇವಲ ಆರು ಲಕ್ಷ ರೂಪಾಯಿ ಕಲೆಕ್ಷನ್ ಮಾಡಿದೆ. ಅನೇಕರಿಗೆ ಈ ಡಾಕ್ಯುಮೆಂಟರಿ ಥಿಯೇಟರ್​ನಲ್ಲಿ ರಿಲೀಸ್ ಆದ ವಿಚಾರ ಗೊತ್ತೇ ಇಲ್ಲ. ಇನ್ನೂ ಕೆಲವರಿಗೆ ಈ ಬಗ್ಗೆ ಆಸಕ್ತಿ ಉಳಿದುಕೊಂಡಿಲ್ಲ.

‘ಆರ್​ಆರ್​ಆರ್’ ರಿಲೀಸ್ ಆಗಿ 3 ವರ್ಷ ಕಳೆಯುತ್ತಾ ಬಂದಿದೆ. ಈ ಅವಧಿಯಲ್ಲಿ ಸಾಕಷ್ಟು ಸಿನಿಮಾ ಬಂದು ಹೋಗಿದೆ. ಹೀಗಾಗಿ, ಚಿತ್ರದ ಬಗ್ಗೆ ಅಷ್ಟಾಗಿ ಕ್ರೇಜ್ ಉಳಿದುಕೊಂಡಿಲ್ಲ. ಈ ಕಾರಣಕ್ಕೆ ಡಾಕ್ಯುಮೆಂಟರಿ ಹಿಟ್ ಆಗಿಲ್ಲ. ಒಂದೊಮ್ಮೆ ಇದು ಒಟಿಟಿ ರಿಲೀಸ್ ಕಂಡರೆ ಭರ್ಜರಿ ಮೆಚ್ಷುಗೆ ಪಡೆಯುವ ನಿರೀಕ್ಷೆ ಇದೆ.

ಇದನ್ನೂ ಓದಿ: ರಾಜಮೌಳಿಯ ಮುಂದಿನ ಸಿನಿಮಾ ಬರಲು ಇನ್ನೂ ಎರಡು ವರ್ಷ ಬೇಕು

ಈ ಡಾಕ್ಯುಮೆಂಟರಿ ಥಿಯೇಟರ್​ನಲ್ಲಿ ರಿಲೀಸ್ ಆದ ಒಂದೇ ವಾರಕ್ಕೆ ಅಂದರೆ 27ರಂದು ನೆಟ್​ಫ್ಲಿಕ್ಸ್ ಒಟಿಟಿ ಮೂಲಕ ರಿಲೀಸ್ ಆಗಲಿದೆ. ಒಟಿಟಿಯಲ್ಲಿ ಜನರು ಇದನ್ನು ಹೇಗೆ ಸ್ವೀಕರಿಸುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 3:06 pm, Tue, 24 December 24