Yash: ಅಬ್ಬಬ್ಬಾ.. ರಾಕಿಂಗ್ ಸ್ಟಾರ್ ಯಶ್ ತೊಟ್ಟ ಈ ಕ್ಯಾಪ್ ಇಷ್ಟೊಂದು ದುಬಾರಿಯಾ?
‘ಕೆಜಿಎಫ್ 2’ ಸಿನಿಮಾದಿಂದ ಯಶ್ ಬೇಡಿಕೆ ಹೆಚ್ಚಿದೆ. ಅವರು ಮುಂದಿನ ಸಿನಿಮಾ ಒಪ್ಪಿಕೊಳ್ಳುವುದಕ್ಕೂ ಮೊದಲು ಒಂದು ಬ್ರೇಕ್ ತೆಗೆದುಕೊಂಡು ಕುಟುಂಬದ ಜತೆ ಸುತ್ತಾಟ ನಡೆಸುತ್ತಿದ್ದಾರೆ.
Updated on: Jun 11, 2022 | 7:00 AM
‘ಕೆಜಿಎಫ್ 2’ (KGF Chapter 2) ಗೆದ್ದ ನಂತರದಲ್ಲಿ ಯಶ್ ಅವರಿಗೆ (Yash) ಇದ್ದ ಬೇಡಿಕೆ ದುಪ್ಪಟ್ಟಾಗಿದೆ. ಅವರ ಕಾಲ್ಶೀಟ್ಗಾಗಿ ಪರಭಾಷೆಯ ನಿರ್ಮಾಪಕರು ಸರತಿ ಸಾಲಿನಲ್ಲಿ ನಿಂತಿದ್ದಾರೆ. ಆದರೆ, ಯಶ್ ಕನ್ನಡ ಚಿತ್ರಗಳನ್ನು ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ರಿಲೀಸ್ ಮಾಡುವ ಬಗ್ಗೆ ಹೆಚ್ಚು ಆಸಕ್ತಿ ತೋರುತ್ತಿದ್ದಾರೆ. ಇನ್ನು, ‘ಕೆಜಿಎಫ್ 2’ನಿಂದ ಯಶ್ ಅವರಿಗೆ ದೊಡ್ಡ ಮಟ್ಟದಲ್ಲಿ ಹಣ ಹರಿದು ಬಂದಿದೆ. ಅವರು ಈ ಚಿತ್ರಕ್ಕಾಗಿ ದೊಡ್ಡ ಸಂಭಾವನೆ ಪಡೆದಿದ್ದಾರೆ ಎನ್ನಲಾಗುತ್ತಿದೆ. ಈ ಮಧ್ಯೆ, ಯಶ್ ಅವರು ಧರಿಸಿದ ಕ್ಯಾಪ್ ಫೋಟೋ ಎಲ್ಲರ ಗಮನ ಸೆಳೆದಿದೆ. ಇದರ ಬೆಲೆ ಕೇಳಿ ಫ್ಯಾನ್ಸ್ ಅಚ್ಚರಿ ಹೊರ ಹಾಕಿದ್ದಾರೆ. ಅವರು ಧರಿಸಿದ ಟೋಪಿಯ ಬೆಲೆ ಇಷ್ಟೊಂದಾ ಎಂದು ಮೂಗಿನ ಮೇಲೆ ಬೆರಳು ಇರಿಸಿದ್ದಾರೆ.
‘ಕೆಜಿಎಫ್ 2’ ಸಿನಿಮಾ ತೆರೆಗೆ ಬಂದು 2 ತಿಂಗಳು ಪೂರ್ಣಗೊಳ್ಳುತ್ತಾ ಬಂದಿದೆ. ಈ ಚಿತ್ರ ಒಟಿಟಿಯಲ್ಲಿ ರಿಲೀಸ್ ಆದ ಹೊರತಾಗಿಯೂ ಹಲವು ಚಿತ್ರಮಂದಿರಗಳಲ್ಲಿ ‘ಕೆಜಿಎಫ್ 2’ ಪ್ರದರ್ಶನ ಕಾಣುತ್ತಿರುವುದು ಸಿನಿಮಾದ ಹೆಚ್ಚುಗಾರಿಕೆ. ಈ ಸಿನಿಮಾದಿಂದ ಯಶ್ ಬೇಡಿಕೆ ಹೆಚ್ಚಿದೆ. ಅವರು ಮುಂದಿನ ಸಿನಿಮಾ ಒಪ್ಪಿಕೊಳ್ಳುವುದಕ್ಕೂ ಮೊದಲು ಒಂದು ಬ್ರೇಕ್ ತೆಗೆದುಕೊಂಡು ಕುಟುಂಬದ ಜತೆ ಸುತ್ತಾಟ ನಡೆಸುತ್ತಿದ್ದಾರೆ.
ಪತ್ನಿ ರಾಧಿಕಾ ಪಂಡಿತ್ ಮಕ್ಕಳಾದ ಆಯ್ರಾ ಹಾಗೂ ಯಥರ್ವ್ ಜತೆ ಯಶ್ ಅವರು ಪಿಕ್ನಿಕ್ ತೆರಳಿದ್ದರು. ಗಿಳಿಯ ಜತೆ ಸಮಯ ಕಳೆದಿದ್ದರು. ಈ ವೇಳೆ ಯಶ್ ಧರಿಸಿರುವ ಹ್ಯಾಟ್ ಎಲ್ಲರ ಗಮನ ಸೆಳೆದಿದೆ. ಈ ಹ್ಯಾಟ್ನ ಬೆಲೆ ಅಚ್ಚರಿ ಮೂಡಿಸುವಂತಿದೆ.
ಇದನ್ನೂ ಓದಿ: ಸಂಡೇ ಸ್ಪೆಷಲ್; ಯಶ್ ಜತೆಗಿನ ವಿಶೇಷ ಫೋಟೋ ಹಂಚಿಕೊಂಡ ರಾಧಿಕಾ ಪಂಡಿತ್
ಯಶ್ ಧರಿಸಿರುವುದು Balmain ಕ್ಯಾಪ್. ಈ ಕ್ಯಾಪ್ಗೆ ಆನ್ಲೈನ್ನಲ್ಲಿ 25-32 ಸಾವಿರ ರೂಪಾಯಿ ಇದೆ. ಯಶ್ ಅವರು ಧರಿಸಿರುವ ಕ್ಯಾಪ್ನ ಬೆಲೆ ಕೇಳಿ ಎಲ್ಲರೂ ನಿಜಕ್ಕೂ ಅಚ್ಚರಿ ಹೊರ ಹಾಕಿದ್ದಾರೆ. ಇತ್ತೀಚೆಗೆ ಯಶ್ ಅವರು ಫ್ಯಾಮಿಲಿ ಜತೆಗಿನ ವಿಡಿಯೋ ಹಂಚಿಕೊಂಡಿದ್ದರು. ಈ ವೇಳೆ ಅವರ ಶೂ ಕಲೆಕ್ಷನ್ ಎಲ್ಲರ ಗಮನ ಸೆಳೆದಿತ್ತು.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
