Diwali 2022: ಅಮೂಲ್ಯ ಅವಳಿ ಮಕ್ಕಳಿಗೆ ಮೊದಲ ವರ್ಷದ ದೀಪಾವಳಿ ಸಂಭ್ರಮ; ಖುಷಿ ಹಂಚಿಕೊಂಡ ನಟಿ
Amulya Kids: ಅವಳಿ ಪುತ್ರರ ಜೊತೆ ಅಮೂಲ್ಯ ಪೋಸ್ ನೀಡಿದ್ದಾರೆ. ಅವರು ಹಂಚಿಕೊಂಡಿರುವ ಈ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.
Updated on: Oct 25, 2022 | 2:39 PM
ನಟಿ ಅಮೂಲ್ಯ (Amulya) ಅವರು ಮಕ್ಕಳ ಆರೈಕೆಯಲ್ಲಿ ತೊಡಗಿಕೊಂಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚು ಆಕ್ಟೀವ್ ಆಗಿರುವ ಅವರು ಮಕ್ಕಳ ಫೋಟೋಗಳನ್ನು ಆಗಾಗ ಹಂಚಿಕೊಳ್ಳುತ್ತಾರೆ. ಈಗ ಅವರು ತಮ್ಮ ಮನೆಯ ದೀಪಾವಳಿ ಸಂಭ್ರಮದ (Deepavali 2022) ಬಗ್ಗೆ ಅಪ್ಡೇಟ್ ನೀಡಿದ್ದಾರೆ. ಅವರ ಪಾಲಿಗೆ ಈ ವರ್ಷದ ಬೆಳಕಿನ ಹಬ್ಬ ಸಖತ್ ಸ್ಪೆಷಲ್. ಯಾಕೆಂದರೆ, ಅವರ ಇಬ್ಬರು ಗಂಡು ಮಕ್ಕಳಿಗೆ ಮೊದಲನೇ ವರ್ಷದ ದೀಪಾವಳಿ. ಆ ಸಂಭ್ರಮಕ್ಕಾಗಿ ಅವರು ವಿಶೇಷವಾಗಿ ಫೋಟೋಶೂಟ್ ಮಾಡಿಸಿದ್ದಾರೆ. ಆ ಫೋಟೋಗಳನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡು ಸಂತಸ ವ್ಯಕ್ತಪಡಿಸಿದ್ದಾರೆ. ಅಮೂಲ್ಯ-ಜಗದೀಶ್ ದಂಪತಿಯ ಮುದ್ದಾದ ಮಕ್ಕಳ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.
ದೀಪಾವಳಿ ಹಬ್ಬದಲ್ಲಿ ಹತ್ತು ಹಲವು ವಿಶೇಷಗಳಿರುತ್ತವೆ. ಹಾಗಾಗಿ ಹಿಂದೂಗಳ ಪಾಲಿಗೆ ಈ ಹಬ್ಬ ಎಂದರೆ ಸಡಗರ ಜೋರಾಗಿಯೇ ಇರುತ್ತದೆ. ತಮ್ಮ ಮಕ್ಕಳು ಮೊದಲ ವರ್ಷದ ದೀಪಾವಳಿ ಹಬ್ಬಕ್ಕೆ ಸಾಕ್ಷಿ ಆಗುತ್ತಿರುವ ಕ್ಷಣವನ್ನು ಅಮೂಲ್ಯ ಅವರು ಫೋಟೋಗಳಲ್ಲಿ ಸೆರೆಯಾಗಿಸಿದ್ದಾರೆ. ಕ್ಯೂಟ್ ಆದಂತಹ ಅವಳಿ ಪುತ್ರರ ಜೊತೆ ಅವರು ಫೋಟೋಗೆ ಪೋಸ್ ನೀಡಿದ್ದಾರೆ.
ಅಮೂಲ್ಯ ಹಂಚಿಕೊಂಡಿರುವ ಈ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ. ಅಭಿಮಾನಿಗಳು ಬಗೆಬಗೆಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ. ಫೋಟೋ ಮೂಲಕ ಅಭಿಮಾನಿಗಳಿಗೆ ಅಮೂಲ್ಯ ಅವರು ಹಬ್ಬದ ಶುಭಾಶಯ ತಿಳಿಸಿದ್ದಾರೆ. ಸದ್ಯ ಮಕ್ಕಳ ಆರೈಕೆಯ ಕಡೆಗೆ ಅವರು ಹೆಚ್ಚು ಕಾಳಜಿ ವಹಿಸುತ್ತಿದ್ದಾರೆ. ಆ ಕಾರಣದಿಂದ ನಟನೆಯಿಂದ ದೂರ ಉಳಿದುಕೊಂಡಿದ್ದಾರೆ.
ಬಾಲನಟಿಯಾಗಿ ಚಿತ್ರರಂಗಕ್ಕೆ ಕಾಲಿಟ್ಟ ಅಮೂಲ್ಯ ಅವರು ಬಣ್ಣದ ಲೋಕದಲ್ಲಿ ಸಾಕಷ್ಟು ವರ್ಷಗಳ ಅನುಭವ ಹೊಂದಿದ್ದಾರೆ. ‘ಚೆಲುವಿನ ಚಿತ್ತಾರ’ ಸಿನಿಮಾ ಮೂಲಕ ಅವರು ಹೀರೋಯಿನ್ ಆಗಿ ಬಡ್ತಿ ಪಡೆದರು. ಆ ಚಿತ್ರದಿಂದ ಅವರಿಗೆ ದೊಡ್ಡ ಮಟ್ಟದ ಜನಪ್ರಿಯತೆ ಸಿಕ್ಕಿತು. ಬಳಿಕ ಯಶ್, ‘ನೆನಪಿರಲಿ’ ಪ್ರೇಮ್, ಕೃಷ್ಣ ಅಜಯ್ ರಾವ್, ದುನಿಯಾ ವಿಜಯ್ ಮುಂತಾದ ಸ್ಟಾರ್ ಹೀರೋಗಳ ಜೊತೆ ನಟಿಸಿ ಅವರು ಸೈ ಎನಿಸಿಕೊಂಡರು. ಪ್ರಕಾಶ್ ರೈ ಜತೆ ನಟಿಸಿದ ‘ನಾನು ನನ್ನ ಕನಸು’ ಸಿನಿಮಾ ಕೂಡ ಗಮನ ಸೆಳೆಯಿತು.
View this post on Instagram
2017ರ ಬಳಿಕ ಅಮೂಲ್ಯ ಯಾವುದೇ ಹೊಸ ಸಿನಿಮಾ ಒಪ್ಪಿಕೊಂಡಿಲ್ಲ. ಅವರು ಪೂರ್ಣ ಪ್ರಮಾಣದಲ್ಲಿ ಹೀರೋಯಿನ್ ಆಗಿ ನಟಿಸಿದ ಕೊನೇ ಸಿನಿಮಾ ‘ಮಾಸ್ತಿಗುಡಿ’. 2017ರಲ್ಲಿ ತೆರೆಕಂಡ ‘ಮುಗುಳು ನಗೆ’ ಚಿತ್ರದಲ್ಲಿ ಅತಿಥಿ ಪಾತ್ರ ಮಾಡಿದ್ದರು. ಆನಂತರ ಅವರು ದೊಡ್ಡ ಪರದೆ ಮೇಲೆ ಕಾಣಿಸಿಕೊಂಡಿಲ್ಲ. ಅವರು ಆದಷ್ಟು ಬೇಗ ಅವರು ಕಮ್ಬ್ಯಾಕ್ ಮಾಡಲಿ ಎಂಬುದು ಅಭಿಮಾನಿಗಳ ಆಸೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
