ಬೆಂಗಳೂರು ಅಂತಾರಾಷ್ಟ್ರೀಯ ಕಿರುಚಿತ್ರೋತ್ಸವ; ಈ ಬಾರಿಯ ವಿಶೇಷತೆಗಳು ಏನು?

ಬೆಂಗಳೂರು ಅಂತಾರಾಷ್ಟ್ರೀಯ ಕಿರುಚಿತ್ರೋತ್ಸವ (BISFF) ಆಗಸ್ಟ್ 8ರಿಂದ 18ರವರೆಗೆ ಬೆಂಗಳೂರಿನಲ್ಲಿ ನಡೆಯಲಿದೆ. 94 ದೇಶಗಳಿಂದ 3,213 ಜನರು ಸಬ್​ಮಿಷನ್​ಗಳು ಬಂದಿವೆ. ಈ ಪೈಕಿ 266 ಕಿರು ಸಿನಿಮಾಗಳನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ. ವಿವಿಧ ವಿಭಾಗಗಳಲ್ಲಿ ಕಿರುಚಿತ್ರಗಳನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ. ಫಿಲ್ಮ್​ಫೆಸ್ಟಿವಲ್ ಕಿರುಚಿತ್ರಗಳು ಆನ್​ಲೈನ್​ನಲ್ಲಿ ಪ್ರಸಾರ ಕಾಣಲಿವೆ.

ಕಳೆದ ವರ್ಷದಂತೆ ಈ ಬಾರಿಯೂ ಚಿತ್ರೋತ್ಸವ ಹೈಬ್ರಿಡ್‌ ಮಾದರಿಯಲ್ಲಿ ನಡೆಯುತ್ತಿದೆ. ಆಸಕ್ತರು www.bisff.in ತಾಣಕ್ಕೆ ಲಾಗಿನ್‌ ಆಗಿ ನಾಮನಿರ್ದೇಶನಗೊಂಡ ಕಿರುಚಿತ್ರಗಳನ್ನು ನೋಡಬಹುದಾಗಿದೆ. ಆ.15ರಿಂದ 18ವರೆಗೆ ಸುಚಿತ್ರ ಫಿಲ್ಮ್‌ ಸೊಸೈಟಿ ಹಾಗೂ ಗೋತೆ ಇನ್‌ಸ್ಟಿಟ್ಯೂಟ್‌ ಮ್ಯಾಕ್ಸ್‌ ಮುಲ್ಲರ್‌ ಭವನದಲ್ಲಿ, ಇಂಡಿಯನ್ ಇನ್​ಸ್ಟಿಟ್ಯೂಟ್ ಆಫ್ ವರ್ಲ್ಡ್ ಕಲ್ಚರ್, ಶ್ರೀಹರಿ ಖೋಡೆ ಆಡಿಟೋರಿಯಂನಲ್ಲಿ ಸ್ಪರ್ಧಾ ವಿಭಾಗದಲ್ಲಿನ ಕಿರುಚಿತ್ರಗಳ ಪ್ರದರ್ಶನ ನಡೆಯಲಿದೆ.

ಈ ಬಾರಿ ಹೊಸ ವಿಭಾಗವನ್ನು ಸೇರ್ಪಡೆ ಮಾಡಲಾಗಿದೆ. ಅದುವೇ ‘Queer Qorner’. LGBTQIA ಸಮುಯಾದವರ ವಿಚಾರವನ್ನು ಇಲ್ಲಿ ಪ್ರಮುಖವಾಗಿ ಫೋಕಸ್ ಮಾಡಲಾಗುತ್ತಿದೆ. ಇದರ ಜೊತೆಗೆ ‘ಲೆಟ್ಸ್ ಇನ್​ಕ್ಲ್ಯೂಡ್’ ಕ್ಯಾಟಗರಿ ಕೂಡ ಇದ್ದು ಇದರ ಅಡಿಯಲ್ಲಿ ಮಾನಸಿಕವಾಗಿ, ಹಾಗೂ ದೈಹಿಕವಾಗಿ ವೈವಿಧ್ಯತೆ ಹೊಂದಿರುವವರ ಬಗ್ಗೆ ಕಿರುಚಿತ್ರ ಮಾಡಲು ಅವಕಾಶ ಇದೆ. ಅಂತಾರಾಷ್ಟ್ರೀಯ, ಭಾರತ, ಕರ್ನಾಟಕ ಸೇರಿ ಅನೇಕ ವಿಭಾಗಗಳು ಇರಲಿವೆ.

ಇದನ್ನೂ ಓದಿ: ಎಲ್ಲ ರೀತಿಯ ಚಲನಚಿತ್ರಗಳಿಗೆ ಪ್ರೋತ್ಸಾಹ ನೀಡಲು ಸರ್ಕಾರದ ಚಿಂತನೆ: ಪ್ರಕಾಶ್ ಜಾವಡೇಕರ್

ಸಿನಿಮೋತ್ಸವದಲ್ಲಿ ರಾಮಕೃಷ್ಣ ಕಣ್ಣರ್ಪಾಡಿ ಅವರ ಮೇಕಪ್​ ವರ್ಕ್​ಶಾಪ್ ಇರಲಿದೆ. ಅನೇಕರು ಮೇಕಪ್​ನ ಕಡೆಗಣಿಸುತ್ತಾರೆ. ಆ ರೀತಿ ಆಗಬಾರದು ಅನ್ನೋದು ಈ ಸಿನಿಮೋತ್ಸವದ ಉದ್ದೇಶ. ಈ ಕಾರಣದಿಂದಲೇ ಮೇಕಪ್ ವರ್ಕ್​ಶಾಪ್ ಇರಲಿದೆ.  ಎಡಿಟಿಂಗ್ ವರ್ಕ್​ಶಾಪ್ ಕೂಡ ಇರಲಿದೆ. ಈ ಬಾರಿ ಶಶಾಂಕ್ ಸೋಗಲ್ (ಡೇರ್​ಡೆವಿಲ್ ಮುಸ್ತಫಾ ನಿರ್ದೇಶಕ), ಅದ್ವೈಥ ಗುರುಮೂರ್ತಿ (ಛಾಯಾಗ್ರಾಹಕ), ‘ಕೆಂಪ ರಾಜು (ಎಡಿಟರ್), ಸನಾ ರವಿ ಕುಮಾರ್ (ಛಾಯಾಗ್ರಾಹಕ), ಸಂಯುಕ್ತ ಹೊರನಾಡು (ನಟಿ), ಗೌರಿ ನಾಯರ್ (ನಟಿ), ಪಲ್ಲವಿ ರಾವ್ (ಚಿತ್ರಕಥೆ ಬರಹಗಾರ್ತಿ) ಮೊದಲಾದವರು ಜೂರಿ ವಿಭಾಗದಲ್ಲಿ ಇದಾರೆ. ಪಾಸ್​ನ ಬೆಲೆ 399 ರೂಪಾಯಿ ಇದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.