ಮಣಿರತ್ನಂ ನಿರ್ದೇಶನದ ಪೊನ್ನಿಯಿನ್​ ಸೆಲ್ವನ್​ ಚಿತ್ರದಿಂದ ಹೊರ ನಡೆದ ಕೀರ್ತಿ ಸುರೇಶ್

ನಟಿ ಕೀರ್ತಿ ಸುರೇಶ್​ ಸದ್ಯ ಸೌತ್​ ಸಿನಿಮಾರಂಗದ ಸ್ಟಾರ್ ನಟಿ. ಸ್ಟಾರ್​ ನಿರ್ದೇಶಕರು ಕೂಡ ಈಕೆಯ ಡೇಟ್​ಗಾಗಿ ಕಾಯುವಂತಾಗಿದೆ. ಹೀಗಿರುವಾಗ ಒಪ್ಪಿಕೊಂಡ ಸ್ಟಾರ್​ ನಿರ್ದೇಶಕನ ಸಿನಿಮಾದಿಂದ ಕೀರ್ತಿ ಹೊರ ನಡೆದಿದ್ದಾರೆ. ದೊಡ್ಡ ಅವಕಾಶಯೊಂದನ್ನ ಕೀರ್ತಿ ಕೈ ಬಿಟ್ಟಿದ್ದಾರೆ ಅಂತಿದೆ ಚಿತ್ರರಂಗ.

ಕೀರ್ತಿ ಸುರೇಶ್… ಮಹಾನಟಿ ಸಿನಿಮಾದ ನಂತ್ರ ಯಶಸ್ಸಿನ ಉತ್ತುಂಗದಲ್ಲಿದ್ದಾರೆ. ಎಷ್ಟೇ ಸಿನಿಮಾ ಅವಕಾಶಗಳು ಬಂದ್ರೂ, ಕೀರ್ತಿ ಮಾತ್ರ ಸಿನಿಮಾ ಆಯ್ಕೆಯಲ್ಲಿ ತುಂಬಾ ಚ್ಯೂಸಿಯಾಗಿದ್ದಾರೆ. ಅಳೆದು-ತೂಗಿ ಸಿನಿಮಾಗಳನ್ನ ಆಯ್ಕೆ ಮಾಡಿಕೊಳ್ತಿದ್ದಾರೆ.

ಆದ್ರೆ, ಸ್ಟಾರ್ ನಿರ್ದೇಶಕ ಮಣಿರತ್ನಂರ ಚಿತ್ರದಲ್ಲಿ ನಟಿಸದೇ ಕೀರ್ತಿ ಹೊರ ನಡೆದಿದ್ದಾರೆ. ಮಣಿರತ್ನಂ ಚಿತ್ರದಲ್ಲಿ ನಟಿಸಲು ಅವಕಾಶಕ್ಕಾಗಿ ಕಾದು ಕುಳಿತಿರ್ತಾರೆ. ಆದ್ರೆ, ಕೀರ್ತಿ ಸುರೇಶ್ ಮಾತ್ರ ಸಿಕ್ಕ ಚಾನ್ಸ್​ನ್ನೂ ಕೈ ಚೆಲ್ಲಿದ್ದಾರೆ. ಮಣಿರತ್ನಂ ನಿರ್ದೇಶಿಸಲಿರೋ ಹೆಸರಾಂತ ಕಾದಂಬರಿ ಆಧಾರಿತ “ಪೊನ್ನಿಯಿನ್ ಸೆಲ್ವನ್” ಸಿನಿಮಾದಲ್ಲಿ ಕೀರ್ತಿ ಸುರೇಶ್ ಮುಖ್ಯಪಾತ್ರದಲ್ಲಿ ಕಾಣಿಸಿಕೊಳ್ಳ ಬೇಕಿತ್ತು. ಮೊದಲಿಗೆ ಸಿನಿಮಾವನ್ನ ಒಪ್ಪಿಕೊಂಡು ನಂತ್ರ ಸಿನಿಮಾದಿಂದ ಹೊರ ನಡೆದಿದ್ದಾರಂತೆ.

ಈ ಕಲಾತ್ಮಕ ಸಿನಿಮಾದಿಂದ ನಟಿ ಕೀರ್ತಿ ಹೊರ ನಡೆಯಲು ಕಾರಣ ಸೂಪರ್​ ಸ್ಟಾರ್​ ರಜನಿಕಾಂತ್. ತಲೈವಾ ರಜನಿಕಾಂತ್ ಜೊತೆಗೆ ಅಭಿನಯಿಸ ಬೇಕು ಅನ್ನೋದು ಕೀರ್ತಿ ಸುರೇಶ್ ಕನಸು. ಹೀಗಾಗಿ, ತಲೈವಾ 168 ಸಿನಿಮಾದಲ್ಲಿ ರಜನಿಕಾಂತ್​ ಜೊತೆಗೆ ಕೀರ್ತಿ ಅಭಿನಯಿಸುತ್ತಿದ್ದಾರೆ.

ತಲೈವಾ 168 ಸಿನಿಮಾ ಅದಾಗ್ಲೇ ಸೆಟ್ಟೇರಿದ್ದರಿಂದ, ಎರಡು ಸಿನಿಮಾಗಳಿಗೂ ಡೇಟ್​ ಹೊಂದಾಣಿಕೆ ಆಗಿರಲಿಲ್ಲವಂತೆ. ಇದೇ ಕಾರಣ ಕೀರ್ತಿ ರಜನಿ ಸಿನಿಮಾಕ್ಕೆ ಓಟ್​ ಹಾಕಿ ಮಣಿರತ್ನಂ ಸಿನಿಮಾಕ್ಕೆ ನೋ ಎಂದಿದ್ದಾರೆ.

ಮೂಲಗಳ ಪ್ರಕಾರ ಪೊನ್ನಿಯಿನ್​ ಸೆಲ್ವನ್​ ಸಿನಿಮಾದಲ್ಲಿ ಕೀರ್ತಿ ಸುರೇಶ್​ ಪಾತ್ರ ತುಂಬಾನೇ ಚೆನ್ನಾಗಿತ್ತಂತೆ. ಇದ್ರಿಂದ ಕೀರ್ತಿ ಒಂದೊಳ್ಳೆ ಅವಕಾಶ ಕಳೆದುಕೊಂಡಿದ್ದಾರೆ ಎನ್ನಲಾಗ್ತಿದೆ.

Published On - 8:54 am, Sat, 14 December 19