KGF Chapter 2: ಕೆಜಿಎಫ್ 2 ಬಗ್ಗೆ ಹೊರಬಂತು ರೋಚಕ ಸುದ್ದಿ; ಅಂಡರ್​ ವಾಟರ್​ ಶೂಟಿಂಗ್, ಫೈಟಿಂಗ್​ ಸೀನ್​ ಇತ್ಯಾದಿ, ಇತ್ಯಾದಿ

ಈಗಾಗಲೇ ಟ್ರೇಲರ್​ ಮೂಲಕ ಇಡೀ ಭಾರತೀಯ ಚಿತ್ರರಂಗವೇ ತಿರುಗಿ ನೋಡುವಂತೆ ಸದ್ದು ಮಾಡಿರುವ ಕೆಜಿಎಫ್​ 2 (KGF Chapter 2) ಸಿನಿಮಾ ಬಿಡುಗಡೆಗೆ ದೇಶ, ಭಾಷೆಯ ಗಡಿ ಮೀರಿ ಅಭಿಮಾನಿಗಳು ಕಾತರರಾಗಿ ಕಾಯುತ್ತಿದ್ದಾರೆ. ಕೆಜಿಎಫ್​ 1 ಹುಟ್ಟುಹಾಕಿದ ಸಂಚಲನದ ಅಲೆಯಲ್ಲಿಯೇ ಇನ್ನೂ ತೇಲುತ್ತಿರುವ ಅಭಿಮಾನಿಗಳಿಗೆ ಎರಡನೇ ಭಾಗ ಅಕ್ಷರಶಃ ಹಬ್ಬದ ಸಂಭ್ರಮವನ್ನು ಹುಟ್ಟುಹಾಕಲಿದೆ.

ಕೆಜಿಎಫ್​ನಲ್ಲಿ ಗರುಡನನ್ನು ಸಂಹಾರ ಮಾಡಿದ ರಾಕಿ, ಮುಂದೆ ನರಾಚಿಯನ್ನ ವಶಪಡಿಸಿಕೊಂಡು ರಾಕಿಭಾಯ್ ಆಗ್ತಾರಾ? ಈ ನಿಟ್ಟಿನಲ್ಲಿ ಕೆಜಿಎಫ್ ಸುಲ್ತಾನ್ ಯಾರನ್ನೆಲ್ಲಾ ಎದುರಿಸಬೇಕು? ಎಂತೆಂತಹ ಸವಾಲುಗಳು ರಾಕಿ ಮುಂದೆ ಬರಲಿದೆ ಎನ್ನುವುದೇ ಕೆಜಿಎಫ್ 2 ಸಿನಿಮಾದ ತಿರುಳು ಎನ್ನಲಾಗುತ್ತಿದೆ. ಇದೆಲ್ಲವನ್ನೂ ನಿರ್ದೇಶಕ ಪ್ರಶಾಂತ್ ನೀಲ್ ಎಷ್ಟು ರಸವತ್ತಾಗಿ ಕಟ್ಟಿಕೊಡಲಿದ್ದಾರೆ ಎಂಬುವುದನ್ನು ನೋಡಲಿಕ್ಕಾಗಿ ಈಗ ಸಂಪೂರ್ಣ ಭಾರತೀಯ ಚಿತ್ರರಂಗ ಹಾಗೂ ಚಿತ್ರಾಭಿಮಾನಿಗಳು ತುದಿಗಾಲಲ್ಲಿ ನಿಂತಿದ್ದಾರೆ.

ಈಗಾಗ್ಲೆ ಕೆಜಿಎಫ್ 2 ಹವಾ ಶುರುವಾಗಿದ್ದು, ತೆಲುಗಿನಲ್ಲಿ ಚಿತ್ರದ ರೈಟ್ಸ್ ಬರೋಬ್ಬರಿ ₹65ಕೋಟಿಗೆ ಸೇಲ್ ಆಗಿದೆ. ಜುಲೈ 16ಕ್ಕೆ ತೆರೆಗೆ ಬರೋದಕ್ಕೆ ರೆಡಿ ಆಗಿರೋ ಕೆಜಿಎಫ್ 2 ಸಿನಿಮಾದ ಬಗ್ಗೆ ಇದೀಗ ಇನ್ನೊಂದು ಅಚ್ಚರಿಯ ವಿಷಯ ಹೊರಬಿದ್ದಿದೆ. ಕೆಜಿಎಫ್ 2 ಸಿನಿಮಾವನ್ನು ಮೊದಲ ಭಾಗಕ್ಕಿಂತ ಯಾವುದೇ ರೀತಿಯಲ್ಲಿ ಕಡಿಮೆಯಿಲ್ಲದ ರೀತಿಯಲ್ಲಿ ಚಿತ್ರೀಕರಿಸಲಾಗಿದೆಯಂತೆ. ಅದ್ದೂರಿಯಾಗಿ ಮೂಡಿಬಂದಿರೋ ಕೆಜಿಎಫ್​ 2 ದೃಶ್ಯಗಳನ್ನು ವಿಶೇಷ ಕ್ಯಾಮರಾಗಳನ್ನ ಬಳಸಿ ಅತ್ಯದ್ಭುತವಾಗಿ ಶೂಟ್​ ಮಾಡಲಾಗಿದೆಯಂತೆ. ಸಿನಿಪ್ರಿಯರು ಬಯಸುವುದಕ್ಕಿಂತ ಒಂದು ಪಟ್ಟು ಹೆಚ್ಚು ಅದ್ಭುತವಾಗಿಯೇ ಕೆಜಿಎಫ್2 ನಲ್ಲಿ ರೋಚಕ ದೃಶ್ಯಗಳು ಇರಲಿವೆಯಂತೆ.

ಕೆಜಿಎಫ್ 2 ಸಿನಿಮಾದಲ್ಲಿರಲಿದೆ ಅಂಡರ್‌ವಾಟರ್ ಸೀನ್ ಕೆಜಿಎಫ್‌ 2ನಲ್ಲಿ ಅಂಡರ್ ವಾಟರ್ ಸೀನ್ ಕೂಡ ಇರಲಿದೆ ಅನ್ನೋದು ಇದೀಗ ಸಿನಿಮಾ ಅಡ್ಡಾದಿಂದ ಬಂದಿರೋ ಹೊಚ್ಚಹೊಸ ಮಾಹಿತಿ. ಈ ಚಿತ್ರದಲ್ಲಿ ಅಂಡರ್ ವಾಟರ್ ಸೀನ್ ಚಿತ್ರೀಕರಿಸಲಾಗಿದ್ದು, ಫೈಟ್ ಸೀಕ್ವೆನ್ಸ್ ಸಹ ಇರಲಿದೆಯಂತೆ. ಈ ಬಗ್ಗೆ ಸ್ವತಃ ಅಂಡರ್‌ವಾಟರ್ ಫಿಲ್ಮ್ ಸರ್ವಿಸ್ ಟ್ವೀಟ್​ ಮಾಡಿದೆ. ಆದ್ರೆ, ಈ ದೃಶ್ಯ ಯಾರ ಯಾರ ನಡುವೆ ಬರುತ್ತೆ ಅನ್ನೋದು ಮಾತ್ರ ಬಹಿರಂಗವಾಗಿಲ್ಲ. ಆದ್ರೆ, ಈ ಸುದ್ದಿ ಹೊರಬಿದ್ದ ನಂತರ ಕೆಜಿಎಫ್​ 2 ಮೇಲಿರುವ ಕುತೂಹಲ ಇನ್ನಷ್ಟು ಹೆಚ್ಚಾಗಿದ್ದು, ಅಭಿಮಾನಿಗಳಂತೂ ಉತ್ಸಾಹದ ಕಡಲಲ್ಲಿ ತೇಲುತ್ತಿರುವುದಂತೂ ಸತ್ಯ.

ಇದನ್ನೂ ಓದಿ:

KGF Chapter 2: ಭಾರಿ ಹಲ್ ಚಲ್ ಸೃಷ್ಟಿಸಿದ KGF 2-ಟ್ರೇಲರ್​ನಿಂದಲೇ ಹವಾ ಕ್ರಿಯೇಟ್ ಮಾಡಿದ ರಾಕಿಭಾಯ್, ಟಾಲಿವುಡ್​ಗೆ ಅತಿಹೆಚ್ಚು ಮೊತ್ತಕ್ಕೆ ರೈಟ್ಸ್ ಸೇಲ್

ಜುಲೈ 16 ಅನ್ನು ನ್ಯಾಷನಲ್ ಹಾಲಿಡೇ ಆಗಿ ಘೋಷಿಸಿ -ಪ್ರಧಾನಿ ಮೋದಿಗೆ ಯಶ್ ಅಭಿಮಾನಿಗಳ​ ಮನವಿ