ಹೇಗಿದೆ ಕಿಚ್ಚ ಸುದೀಪ್​ ನಟನೆಯ ‘ಕೋಟಿಗೊಬ್ಬ 3’ ಮೊದಲಾರ್ಧ? ಇಲ್ಲಿದೆ ಫುಲ್​ ರಿಪೋರ್ಟ್​

ಕಿಚ್ಚ ಸುದೀಪ್​ ನಟನೆಯ ‘ಕೋಟಿಗೊಬ್ಬ 3’ ಸಿನಿಮಾ ಇಂದು (ಅಕ್ಟೋಬರ್​ 15) ರಿಲೀಸ್​ ಆಗಿದೆ. 2019ರಲ್ಲಿ ತೆರೆಗೆ ಬಂದ ‘ಪೈಲ್ವಾನ್​’ ಚಿತ್ರದ ಬಳಿಕ ಸುದೀಪ್ ಅವರು ಬಿಗ್​ ಸ್ಕ್ರೀನ್​ ಮೇಲೆ ಕಾಣಿಸಿಕೊಳ್ಳಲು ಬರೋಬ್ಬರಿ ಎರಡು ವರ್ಷಗಳ ಗ್ಯಾಪ್​ ಆಯಿತು. ಈಗ ‘ಕೋಟಿಗೊಬ್ಬ 3’ ತೆರೆಗೆ ಬರುತ್ತಿರುವುದರಿಂದ ಅಭಿಮಾನಿಗಳು ಹಬ್ಬ ಮಾಡುತ್ತಿದ್ದಾರೆ. ಚಿತ್ರಮಂದಿರಗಳ ಎದುರು ದೊಡ್ಡ ಕಟೌಟ್​ ನಿಲ್ಲಿಸಿ ಹೂವಿನ ಹಾರ ಹಾಕಲಾಗಿದೆ. ಕೆಲವೆಡೆ ಹಾಲಿನ ಅಭಿಷೇಕ ಕೂಡ ಮಾಡಲಾಗಿದೆ.

‘ಕೋಟಿಗೊಬ್ಬ 2’ ಸಿನಿಮಾ ಹಿಟ್​ ಆಗಿತ್ತು. ಈ ಕಾರಣಕ್ಕೆ ಈ ಸಿನಿಮಾ ಬಗ್ಗೆ ದೊಡ್ಡ ನಿರೀಕ್ಷೆ ಇತ್ತು. ಕೊವಿಡ್​ ಎರಡನೇ ಅಲೆ ನಂತರದಲ್ಲಿ ತೆರೆಗೆ ಬರುತ್ತಿರುವ ದೊಡ್ಡ ಬಜೆಟ್​ನ ಎರಡನೇ ಸಿನಿಮಾ ಇದಾಗಿದೆ. ಈ ಕಾರಣಕ್ಕೂ ಸಿನಿಮಾ ಬಗ್ಗೆ ಅಭಿಮಾನಿಗಳು ಕಾತುರ ಇಟ್ಟುಕೊಂಡಿದ್ದಾರೆ. ಹಾಗಾದರೆ, ಸಿನಿಮಾದ ಮೊದಲಾರ್ಧದಲ್ಲಿ ಏನೆಲ್ಲ ಇದೆ? ಆ ಬಗ್ಗೆ ಇಲ್ಲಿದೆ ಡಿಟೇಲ್ಸ್​.

• ಸಾಮಾನ್ಯವಾಗಿ ಸುದೀಪ್​ ಅವರ ಎಂಟ್ರಿ ಸೀನ್​ ತುಂಬ ಮಾಸ್​ ಆಗಿರುತ್ತದೆ. ಆದರೆ ‘ಕೋಟಿಗೊಬ್ಬ 3’ ಚಿತ್ರದಲ್ಲಿ ಅವರು ಭಿನ್ನವಾಗಿ ಎಂಟ್ರಿ ನೀಡಿದ್ದಾರೆ. ಅದು ಅಭಿಮಾನಿಗಳಿಗೆ ಸಖತ್​ ಮಜಾ ನೀಡಲಿದೆ.
• ಆಶಿಕಾ ರಂಗನಾಥ್​ ಮತ್ತು ಸುದೀಪ್​ ಡ್ಯಾನ್ಸ್​ ಮಾಡಿರುವ ‘ಪಟಾಕಿ ಪೋರಿಯೋ’ ಹಾಡು ಈ ಚಿತ್ರದ ಶುರುವಿನಲ್ಲೇ ಬರುತ್ತದೆ. ಆ ಮೂಲಕ ಆರಂಭದಲ್ಲೇ ಭರ್ಜರಿ ಮನರಂಜನೆ ಸಿಗಲಿದೆ. ಆ ಬಳಿಕ ಒಂದು ರೊಮ್ಯಾಂಟಿಕ್​ ಸಾಂಗ್​ ಬರಲಿದೆ.
• ‘ಕೋಟಿಗೊಬ್ಬ 3’ ಫಸ್ಟ್​ ಹಾಫ್​ನಲ್ಲಿ ಸೆಂಟಿಮೆಂಟ್​ ದೃಶ್ಯಗಳಿಗೆ ಹೆಚ್ಚು ಮಹತ್ವ ನೀಡಲಾಗಿದೆ. ಫೈಟಿಂಗ್​, ರೊಮ್ಯಾಂಟಿಕ್​ ದೃಶ್ಯಗಳು ಮಾತ್ರವಲ್ಲದೇ ಈ ಭಾವುಕ ಸನ್ನಿವೇಶಗಳು ಕೂಡ ನೋಡುಗರನ್ನು ಆಕರ್ಷಿಸುತ್ತವೆ.
• ವಿಲನ್​ ಆಗಿ ಕಾಣಿಸಿಕೊಂಡಿರುವ ನವಾಬ್​ ಶಾ ಅವರು ಮೊದಲಾರ್ಧದಲ್ಲೇ ಎಂಟ್ರಿ ನೀಡುತ್ತಾರೆ. ಅವರ ರಗಡ್​ ಲುಕ್​ ಎಲ್ಲರಿಗೂ ಇಷ್ಟ ಆಗುತ್ತದೆ. ಅವರ ಪಾತ್ರ ಈ ಸಿನಿಮಾದ ಮುಖ್ಯ ಹೈಲೈಟ್​ ಆಗಿದೆ.
• ಮಧ್ಯಂತರದವರೆಗೂ ಈ ಸಿನಿಮಾದ ನಿರೂಪಣೆ ಸರಾಗವಾಗಿ ಸಾಗುತ್ತದೆ. ಇಂಟರ್​ವಲ್​ಗೂ ಮುನ್ನ ಒಂದು ದೊಡ್ಡ ಟ್ವಿಸ್ಟ್​ ಎದುರಾಗುತ್ತದೆ. ಆ ಮೂಲಕ ದ್ವಿತೀಯಾರ್ಧದ ಬಗ್ಗೆ ಸಖತ್​ ಕುತೂಹಲ ಮೂಡುವಂತೆ ಮಾಡುತ್ತದೆ.
• ಚಿತ್ರದ ಫಸ್ಟ್​ ಹಾಫ್​ನಲ್ಲಿ ಹೆಚ್ಚು ಸಾಹಸ ದೃಶ್ಯಗಳಿಲ್ಲ. ಭರ್ಜರಿ ಫೈಟಿಂಗ್​ ಸೀನ್​ ನೋಡಬೇಕೆಂದರೆ ದ್ವಿತೀಯಾರ್ಧಕ್ಕೆ ಕಾಯುವುದು ಅನಿವಾರ್ಯ.

ಇದನ್ನೂ ಓದಿ:  ವಯಸ್ಸಿನ ಬಗ್ಗೆ ರಮ್ಯಾ ಆಡಿದ ಮಾತಿಗೆ ಕಿಚ್ಚನ ಪ್ರತಿಕ್ರಿಯೆ; ‘ಕೋಟಿಗೊಬ್ಬ 3’ ಸುದ್ದಿಗೋಷ್ಠಿಯಲ್ಲಿ ಸುದೀಪ್​ ಹೇಳಿದ್ದೇನು?

‘ಕೋಟಿಗೊಬ್ಬ 3’ ರಿಲೀಸ್​ ಸಂದರ್ಭದಲ್ಲೇ ಕಿಚ್ಚನ ಪುತ್ಥಳಿ; ಉದ್ಘಾಟನೆಗೆ ಆಗಮಿಸಲಿದ್ದಾರೆ ಸುದೀಪ್​