Raayan Raj Sarja: ಚಿರು ಪುತ್ರ ರಾಯನ್​ ರಾಜ್​ ಸರ್ಜಾ ಜನ್ಮದಿನ: ಮೇಘನಾ ರಾಜ್​ ಮನೆಯಲ್ಲಿ ಸಂಭ್ರಮವೋ ಸಂಭ್ರಮ

Happy Birthday Raayan Raj Sarja: ರಾಯನ್​ ರಾಜ್​ ಸರ್ಜಾ ಜನ್ಮದಿನವನ್ನು ಮೇಘನಾ ರಾಜ್​ ಸಖತ್​ ಖುಷಿಯಿಂದ ಆಚರಿಸುತ್ತಿದ್ದಾರೆ. ಮಗನ ಜೊತೆಗಿರುವ ಕೆಲವು ಫೋಟೋಗಳನ್ನು ಹಂಚಿಕೊಂಡು ಅವರು ವಿಶ್​ ಮಾಡಿದ್ದಾರೆ. ಅಭಿಮಾನಿಗಳಿಂದಲೂ ಶುಭಾಶಯಗಳ ಮಳೆ ಸುರಿಸಲಾಗುತ್ತಿದೆ.

Raayan Raj Sarja: ಚಿರು ಪುತ್ರ ರಾಯನ್​ ರಾಜ್​ ಸರ್ಜಾ ಜನ್ಮದಿನ: ಮೇಘನಾ ರಾಜ್​ ಮನೆಯಲ್ಲಿ ಸಂಭ್ರಮವೋ ಸಂಭ್ರಮ
ರಾಯನ್ ರಾಜ್ ಸರ್ಜಾ, ಮೇಘನಾ ರಾಜ್

ನಟಿ ಮೇಘನಾ ರಾಜ್​ ಅವರ ಖುಷಿಗೆ ಪಾರವೇ ಇಲ್ಲ. ಈ ಅಪರಿಮಿತ ಖುಷಿಗೆ ಕಾರಣ ಅವರ ಪುತ್ರ ರಾಯನ್​ ರಾಜ್​ ಸರ್ಜಾ ಹುಟ್ಟುಹಬ್ಬ. ಚಿರಂಜೀವಿ ಸರ್ಜಾ-ಮೇಘನಾ ರಾಜ್​ ಮಗ ರಾಯನ್​ಗೆ ಇಂದು (ಅ.22) ಮೊದಲ ವರ್ಷದ ಜನ್ಮದಿನ. ಈ ಸಂಭ್ರಮದಲ್ಲಿ ಅವರ ಇಡೀ ಕುಟುಂಬ ಮುಳುಗೇಳುತ್ತಿದೆ. ಒಂದು ವರ್ಷ ತುಂಬಿರುವ ಕಂದನಿಗೆ ಎಲ್ಲರಿಂದಲೂ ಶುಭಾಶಯಗಳು, ಉಡುಗೊರೆಗಳು ಹರಿದುಬರುತ್ತಿವೆ. ಚಿರಂಜೀವಿ ಸರ್ಜಾ ಅಭಿಮಾನಿಗಳು ರಾಯನ್​ ಫೋಟೋವನ್ನು ಶೇರ್​ ಮಾಡಿಕೊಂಡು ಸಂಭ್ರಮಿಸುತ್ತಿದ್ದಾರೆ.

ಅ.22, ಈ ದಿನ ಮೇಘನಾ ರಾಜ್​ ಪಾಲಿಗೆ ಅತ್ಯಮೂಲ್ಯ. ಅವರ ಬಾಳಿನಲ್ಲಿ ಮತ್ತೆ ನಗು ಅರಳಿದ ದಿನವದು. ರಾಯನ್​ ರಾಜ್​ ಸರ್ಜಾ ಆಗಮನದಿಂದ ಅವರ ಬದುಕು ಹೊಸ ಅರ್ಥ ಪಡೆದುಕೊಂಡಿತು. ಪತಿಯನ್ನು ಕಳೆದುಕೊಂಡಿದ್ದ ಮೇಘನಾ ಬದುಕಿನಲ್ಲಿ ಮತ್ತೆ ಭರವಸೆ ಮೂಡಿಸಿದ್ದೇ ರಾಯನ್​ ರಾಜ್​ ಸರ್ಜಾ. ಇಂದು ಆತನ ಜನ್ಮದಿನವನ್ನು ಅವರು ಸಖತ್​ ಖುಷಿಯಿಂದ ಆಚರಿಸುತ್ತಿದ್ದಾರೆ. ಮಗನ ಜೊತೆಗಿರುವ ಕೆಲವು ಫೋಟೋಗಳನ್ನು ಹಂಚಿಕೊಂಡು ಅವರು ವಿಶ್​ ಮಾಡಿದ್ದಾರೆ.

‘ನಮ್ಮ ಮಗು, ನಮ್ಮ ಪ್ರಪಂಚ, ನಮ್ಮ ಜಗತ್ತು, ನಮ್ಮ ಸರ್ವಸ್ವ! ಚಿರು.. ನಮ್ಮ ಪುಟಾಣಿ ರಾಜಕುಮಾರನಿಗೆ ಈಗ ಒಂದು ವರ್ಷ’ ಎಂಬ ಕ್ಯಾಪ್ಷನ್​ನೊಂದಿಗೆ ಮಗನ ಹುಟ್ಟುಹಬ್ಬದ ಸಂದೇಶವನ್ನು ಚಿರು ಜೊತೆ ಮೇಘನಾ ಹಂಚಿಕೊಂಡಿದ್ದಾರೆ. ಪನ್ನಗ ಭರಣ, ಕೃಷಿ ತಾಪಂಡ, ಅದ್ವಿತಿ ಶೆಟ್ಟಿ, ಸೋನು ಗೌಡ, ಆಶಿತಾ ಚಂದ್ರಪ್ಪ ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ಈ ಪೋಸ್ಟ್​ಗೆ ಕಮೆಂಟ್​ ಮಾಡುವ ಮೂಲಕ ಚಿರು ಪುತ್ರನಿಗೆ ಹುಟ್ಟುಹಬ್ಬದ ಶುಭಾಶಯ ತಿಳಿಸಿದ್ದಾರೆ.

 

View this post on Instagram

 

A post shared by Meghana Raj Sarja (@megsraj)

ಅಕ್ಟೋಬರ್​ ತಿಂಗಳು ಎಂದರೆ ಮೇಘನಾ ರಾಜ್​ ಫ್ಯಾಮಿಲಿಗೆ ತುಂಬ ವಿಶೇಷ. ಯಾಕೆಂದರೆ, ಅ.17ರಂದು ಚಿರಂಜೀವಿ ಸರ್ಜಾ ಬರ್ತ್​ಡೇ. ಆ ಪ್ರಯುಕ್ತ ಅವರು ವಿಶೇಷ ಫೋಟೋಶೂಟ್​ ಮೂಲಕ ಚಿರು ನೆನಪು ಮಾಡಿಕೊಂಡಿದ್ದರು. ಇನ್ನು, ಅದೇ ದಿನ ಅವರ ಹೊಸ ಸಿನಿಮಾ ಲಾಂಚ್​ ಆಗಿದ್ದು ಕೂಡ ವಿಶೇಷವಾಗಿತ್ತು. ದೊಡ್ಡ ಗ್ಯಾಪ್​ ಬಳಿಕ ಮೇಘನಾ ರಾಜ್​ ಮತ್ತೆ ನಟನೆಗೆ ಮರಳಿದ್ದಾರೆ. ಚಿರು ಸ್ನೇಹಿತ ಪನ್ನಗ ಭರಣ ನಿರ್ಮಾಣ ಮಾಡುತ್ತಿರುವ ಈ ಚಿತ್ರದಲ್ಲಿ ಮೇಘನಾ ಮುಖ್ಯಭೂಮಿಕೆ ನಿಭಾಯಿಸುತ್ತಿದ್ದಾರೆ.

ಇದನ್ನೂ ಓದಿ:

Chiranjeevi Sarja: ಚಿರು ಹುಟ್ಟುಹಬ್ಬಕ್ಕೆ ಮೇಘನಾ ರಾಜ್​ ವಿಶೇಷ ಫೋಟೋಶೂಟ್​; ಇಲ್ಲಿದೆ ರಾಣಿ ಗೆಟಪ್​ನ ಫೋಟೋ ಆಲ್ಬಂ

Meghana Raj: 45 ವರ್ಷ ಹಳೇ ಗೊಂಬೆಗಳ ಜತೆ ರಾಯನ್​ ರಾಜ್​ ಸರ್ಜಾ; ಮೇಘನಾ ರಾಜ್-ಚಿರು ಪುತ್ರನಿಗೆ ಮೊದಲ ದಸರಾ

Click on your DTH Provider to Add TV9 Kannada