Rakshit Shetty: ಇವತ್ತಿನ ಕಾಲದ ಹುಡುಗರು ಬೆಳಗ್ಗೆನೇ ಕುಡೀತಾರೆ ಎಂದ ರಕ್ಷಿತ್​ ಶೆಟ್ಟಿ ಸ್ವತಃ ಸಾಕ್ಷಿ ಸಮೇತ ಸಿಕ್ಕಿ ಬಿದ್ರು!

Hostel Hudugaru Bekagiddare | ಹಾಸ್ಟೆಲ್​ ಹುಡುಗರ ಬಗ್ಗೆ ಸಿಂಪಲ್​ ಸ್ಟಾರ್​ ರಕ್ಷಿತ್​ ಶೆಟ್ಟಿ ಮಾತನಾಡುತ್ತಾರೆ. ಆದರೆ ಮರುಕ್ಷಣ ಅವರೇ ಸಿಕ್ಕಿಬೀಳುತ್ತಾರೆ. ಈ ವಿಡಿಯೋ ಸದ್ಯ ವೈರಲ್​ ಆಗುತ್ತಿದೆ.

Rakshit Shetty: ಇವತ್ತಿನ ಕಾಲದ ಹುಡುಗರು ಬೆಳಗ್ಗೆನೇ ಕುಡೀತಾರೆ ಎಂದ ರಕ್ಷಿತ್​ ಶೆಟ್ಟಿ ಸ್ವತಃ ಸಾಕ್ಷಿ ಸಮೇತ ಸಿಕ್ಕಿ ಬಿದ್ರು!
ರಕ್ಷಿತ್​ ಶೆಟ್ಟಿ

ಮನೆಯ ಟೆರಸ್​ ಮೇಲೆ ರಕ್ಷಿತ್​ ಶೆಟ್ಟಿ ಯೋಗಾಸನ ಮಾಡುತ್ತಿರುತ್ತಾರೆ. ಪಕ್ಕದಲ್ಲೇ ಇರುವ ಬಾಯ್ಸ್​ ಹಾಸ್ಟೆಲ್​ ಕಡೆಗೆ ಕಣ್ಣು ಹಾಯಿಸುತ್ತಾರೆ. ಅಲ್ಲಿ ಹುಡುಗರು ಮದ್ಯಪಾನ ಮಾಡುತ್ತಿರುವುದು ರಕ್ಷಿತ್​ ಕಣ್ಣಿಗೆ ಕಾಣುತ್ತದೆ! ‘ಛೇ ಛೇ.. ಎಂಥ ಕಾಲ ಬಂತಪ್ಪ. ಇವತ್ತಿನ ಕಾಲದ ಹುಡುಗರಿಗೆ ಲೈಫ್​ನಲ್ಲಿ ಸೀರಿಯಸ್​ನೆಸ್​ ಅನ್ನೋದೇ ಇಲ್ಲ. ನಮ್ಮ ಕಾಲದಲ್ಲಿ ಹೀಗೆ ಇರಲಿಲ್ಲಪ್ಪ. ಬೆಳಗ್ಗೆ ಬೆಳಗ್ಗೆನೇ ಕುಡೀತಾರೆ’ ಎಂದು ಬೇಸರ ವ್ಯಕ್ತಪಡಿಸುತ್ತಾರೆ. ಆದರೆ ಮರುಕ್ಷಣವೇ ಸೀನ್​ ಬದಲಾಗಿಬಿಡುತ್ತದೆ.

ರಕ್ಷಿತ್​ ನಿಂತುಕೊಂಡು ಹಾಸ್ಟೆಲ್​ ಹುಡುಗರಿಗೆ ಬಯ್ಯುತ್ತಿರುವಾಗಲೇ ಅವರ ಫ್ರೆಂಡ್ಸ್​ ಆಗಮಿಸುತ್ತಾರೆ. ಅವರನ್ನು ಕಂಡು ಕೊಂಚ ಗಾಬರಿಯಾದ ರಕ್ಷಿತ್​ ಶೆಟ್ಟಿ, ‘ನೀವೆಲ್ಲ ಇಲ್ಲಿ ಏನು ಮಾಡ್ತಿದ್ದೀರೋ’ ಅಂತ ಕೇಳ್ತಾರೆ. ‘ಬೆಳಗ್ಗೆ ಬೆಳಗ್ಗನೇ ಎಣ್ಣೆ ತಗೊಂಡು ಬನ್ನಿ. ಹೊಸ ಬೈನಾಕ್ಯುಲರ್​ ತಗೊಂಡೀದೀನಿ. ಲೇಡೀಸ್​ ಹಾಸ್ಟೆಲ್​ನಲ್ಲಿ ಒಳ್ಳೊಳ್ಳೆಯ ಹಕ್ಕಿ ನೋಡೋಣ ಅಂತ ನೀನೇ ತಾನೆ ಹೇಳಿದ್ದು’ ಎಂದು ರಕ್ಷಿತ್​ ಶೆಟ್ಟಿ ಫ್ರೆಂಡ್ಸ್​ ತಿರುಗೇಟು ಕೊಡುತ್ತಾರೆ. ಅಲ್ಲಿಗೆ ರಕ್ಷಿತ್​ ಶೆಟ್ಟಿ ಸಾಕ್ಷಿ ಸಮೇತ ಸಿಕ್ಕಿಬೀಳುತ್ತಾರೆ!

ಅಷ್ಟಕ್ಕೂ ಇದೆಲ್ಲವೂ ರಿಯಲ್​ ಅಲ್ಲ. ಅಪ್ಪಟ ರೀಲ್​. ‘ಹಾಸ್ಟೆಲ್​ ಹುಡುಗರು ಬೇಕಾಗಿದ್ದಾರೆ’ ಎಂಬ ಕನ್ನಡ ಸಿನಿಮಾದ ಪ್ರಚಾರದ ಸಲುವಾಗಿ ಇಂಥದ್ದೊಂದು ವಿಡಿಯೋ ಮಾಡಲಾಗಿದೆ. ಅದರಲ್ಲಿ ಈ ಮೇಲಿನ ದೃಶ್ಯ ಗಮನ ಸೆಳೆಯುತ್ತಿದೆ. ಈಗಾಗಲೇ ಕೆಲವು ಟೀಸರ್​ಗಳನ್ನು ಬಿಡುಗಡೆ ಮಾಡಿಕೊಂಡಿರುವ ಈ ಚಿತ್ರತಂಡದ ಕ್ರಿಯೇಟಿವಿಟಿಗೆ ಸ್ಯಾಂಡಲ್​ವುಡ್​ನ ಅನೇಕ ಸ್ಟಾರ್​ಗಳು ಫಿದಾ ಆಗಿದ್ದಾರೆ.

ನಿತಿನ್​ ಕೃಷ್ಣಮೂರ್ತಿ ಅವರು ‘ಹಾಸ್ಟೆಲ್​ ಹುಡುಗರು ಬೇಕಾಗಿದ್ದಾರೆ’ ಚಿತ್ರಕ್ಕೆ ನಿರ್ದೇಶನ ಮಾಡಿದ್ದಾರೆ. ಅವರ ಕೆಲಸವನ್ನು ಮೆಚ್ಚಿಕೊಂಡಿರುವ ಪುನೀತ್​ ರಾಜ್​ಕುಮಾರ್​, ರಿಷಬ್​ ಶೆಟ್ಟಿ, ಕಿಚ್ಚ ಸುದೀಪ್​ ಮುಂತಾದವರು ಈಗಾಗಲೇ ಬೆಂಬಲ ಸೂಚಿಸಿದ್ದಾರೆ. ಅಲ್ಲದೇ ತುಂಬಾ ಕ್ರಿಯೇಟೀವ್​ ಆದಂತಹ ಪ್ರೊಮೋಷನಲ್​ ವಿಡಿಯೋಗಳಲ್ಲಿ ನಟಿಸುವ ಮೂಲಕ ಚಿತ್ರತಂಡದ ಬೆನ್ನು ತಟ್ಟಿದ್ದಾರೆ. ಈಗ ರಕ್ಷಿತ್​ ಶೆಟ್ಟಿ ಕೂಡ ಒಂದು ಹೊಸ ಪ್ರಮೋಷನಲ್​ ವಿಡಿಯೋದಲ್ಲಿ ಕಾಣಿಸಿಕೊಂಡಿದ್ದಾರೆ. ಅದರಲ್ಲಿ ‘ಹಾಸ್ಟೆಲ್​ ಹುಡುಗರು ಬೇಕಾಗಿದ್ದಾರೆ’ ಚಿತ್ರದ ಸ್ನೀಕ್​ ಪೀಕ್​ ದೃಶ್ಯ ಕೂಡ ಇದೆ.

ಸದ್ಯ ಈ ವಿಡಿಯೋವನ್ನು ರಕ್ಷಿತ್​ ಶೆಟ್ಟಿ ಅವರು ತಮ್ಮ ಸೋಶಿಯಲ್​ ಮಿಡಿಯಾ ಖಾತೆಗಳಲ್ಲಿ ಹಂಚಿಕೊಳ್ಳುವ ಮೂಲಕ ಬಿಡುಗಡೆ ಮಾಡಿದ್ದಾರೆ. ಅದನ್ನು ಕಂಡ ಸಿನಿಪ್ರಿಯರು ಮೆಚ್ಚುಗೆ ಸೂಚಿಸುತ್ತಿದ್ದು, ಎಲ್ಲ ಕಡೆ ವೈರಲ್​ ಆಗುತ್ತಿದೆ. ಸಿನಿಮಾ ಹೇಗಿರಬಹುದು ಎಂಬ ಕುತೂಹಲ ಹೆಚ್ಚಿದೆ.

ಇದನ್ನೂ ಓದಿ: Rakshit Shetty: ರಶ್ಮಿಕಾ ಜೊತೆಗಿನ 6 ವರ್ಷದ ಹಳೇ ವಿಡಿಯೋ ಹಂಚಿಕೊಂಡ ರಕ್ಷಿತ್​ ಶೆಟ್ಟಿ! ಸಾನ್ವಿಗೆ ಕರ್ಣನ ಬರ್ತ್​ಡೇ ಗಿಫ್ಟ್​

Click on your DTH Provider to Add TV9 Kannada