Ramesh Arvind: ಹೊಸ ಐಶಾರಾಮಿ ಕಾರು ಖರೀದಿಸಿದ ರಮೇಶ್ ಅರವಿಂದ್, ಬೆಲೆ ಎಷ್ಟು? ವಿಶೇಷತೆಗಳೇನು?
ವೀಕೆಂಡ್ ವಿತ್ ರಮೇಶ್ ಐದನೇ ಸೀಸನ್ಗೆ ಜನರಿಂದ ಸಿಗುತ್ತಿರುವ ಉತ್ತಮ ಪ್ರತಿಕ್ರಿಯೆಗಳಿಂದ ಪುಳಕಗೊಂಡಿರುವ ನಟ ರಮೇಶ್ ಅರವಿಂದ್, ಇದೀಗ ಹೊಸದೊಂದು ಐಶಾರಾಮಿ ಕಾರು ಖರೀದಿಸಿದ್ದಾರೆ. ಕಾರಿನ ಬೆಲೆ ಎಷ್ಟು? ವಿಶೇಷತೆಗಳೇನು? ಇಲ್ಲಿ ತಿಳಿಯಿರಿ.
Updated on: Apr 07, 2023 | 3:22 PM
ವೀಕೆಂಡ್ ವಿತ್ ರಮೇಶ್ (Weekend With Ramesh) ಐದನೇ ಸೀಸನ್ ಆರಂಭಿಸಿರುವ ರಮೇಶ್ ಅರವಿಂದ್ (Ramesh Arvind) ಪ್ರೇಕ್ಷಕರಿಂದ ಸಿಗುತ್ತಿರುವ ಉತ್ತಮ ಪ್ರತಿಕ್ರಿಯೆಗಳಿಂದ ಪುಳಗೊಂಡಿದ್ದಾರೆ. ಇದರ ಜೊತೆಗೆ ತಮ್ಮ ಹೊಸ ಸಿನಿಮಾ ಶಿವಾಜಿ ಸೂರತ್ಕಲ್ 2 (Shivaji Surathkal) ಸಿನಿಮಾದ ಬಿಡುಗಡೆ ಖುಷಿಯೂ ಸೇರಿಕೊಂಡಿದೆ. ಇದೆಲ್ಲದರ ನಡುವೆ ರಮೇಶ್ ಅರವಿಂದ್ ತಮಗಾಗಿ ಹೊಸದೊಂದು ಐಶಾರಾಮಿ ಕಾರು ಖರೀದಿಸಿದ್ದಾರೆ.
ಸರಳ ವ್ಯಕ್ತಿತ್ವದ ಆದರೆ ಕ್ಲಾಸ್ ಜೀವನ ಶೈಲಿಯ ರಮೇಶ್ ಅರವಿಂದ್ ತಮ್ಮ ವ್ಯಕ್ತಿತ್ವಕ್ಕೆ ಹೊಂದುವ ಮರ್ಸಿಡೀಜ್ ಬೆಂಜ್ ಇ-ಕ್ಲಾಸ್ ಸೆಡಾನ್ ಕಾರನ್ನು ಖರೀದಿಸಿದ್ದಾರೆ. ರಮೇಶ್ ಅರವಿಂದ್ ತಮ್ಮ ಖಾಸಗಿ ಜೀವನವನ್ನು ಸಾಮಾಜಿಕ ಜಾಲತಾಣದಿಂದ ದೂರವೇ ಇಟ್ಟಿರುತ್ತಾರೆ ಹಾಗಾಗಿ ತಾವು ಕಾರು ಕೊಂಡ ವಿಷಯವನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿಲ್ಲ, ಆದರೆ ಮರ್ಸಿಡೀಜ್ ಬೆಂಜ್ ಸುಂದರಂ ಮೋಟರ್ಸ್ನವರು ತಾವು ರಮೇಶ್ ಅರವಿಂದ್ಗೆ ಕಾರು ನೀಡಿದ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ.
ರಮೇಶ್ ಅರವಿಂದ್ ಅವರು ತಮ್ಮ ಪತ್ನಿಯೊಟ್ಟಿಗೆ ಆಗಮಿಸಿ ಪೇಪರ್ ಮುಗಿಸಿ ಕಾರನ್ನು ಕೊಂಡೊಯ್ದಿದ್ದಾರೆ. ಈ ಸಮಯದಲ್ಲಿ ಮರ್ಸಿಡೀಜ್ ಬೆಂಜ್ ಸುಂದರಂ ಮೋಟರ್ಸ್ನವರು ರಮೇಶ್ ಅರವಿಂದ್ಗೆ ಸನ್ಮಾನ ಸಹ ಮಾಡಿದ್ದಾರೆ. ರಮೇಶ್ ಸಹ ಕೇಕು ಕತ್ತರಿಸಿ ಎಲ್ಲರಿಗೂ ತಿನಿಸಿದ್ದಾರೆ. ಶೋರಂನಲ್ಲಿ ಕಾರನ್ನು ಡೆಲಿವರಿ ಪಡೆಯುವ ಮೊದಲು ಅಲ್ಲಿಯೇ ಪೂಜೆ ಸಹ ಮಾಡಿಸಿದ್ದಾರೆ.
ರಮೇಶ್ ಅರವಿಂದ್ ಖರೀದಿಸಿರುವ ಮರ್ಸಿಡೀಜ್ ಬೆಂಜ್ ಇ-ಕ್ಲಾಸ್ ಕಾರಿನ ಆನ್ರೋಡ್ ಬೆಲೆ ಬೆಂಗಳೂರಿನಲ್ಲಿ ಒಂದು ಕೋಟಿಗೂ ಹೆಚ್ಚಾಗುತ್ತದೆ. ಈ ಮಾದರಿಯ ಕಾರಿನ ಬೇಸಿಕ್ ಮಾಡೆಲ್ ಬೆಲೆ ಬೆಂಗಳೂರಿನಲ್ಲಿ 92 ಲಕ್ಷಕ್ಕೂ ಹೆಚ್ಚಿದೆ. ಟಾಪ್ ಮಾಡೆಲ್ ಬೆಲೆ 1.09 ಕೋಟಿ ರುಪಾಯಿಗಳಿವೆ.
ಕಪ್ಪು ಬಣ್ಣದ ಕಾರನ್ನು ರಮೇಶ್ ಅರವಿಂದ್ ಖರೀದಿಸಿದ್ದು, ಈ ಸೆಡಾನ್ ಕಾರು ಹಲವು ಐಶಾರಾಮಿ ಸೌಲಭ್ಯಗಳನ್ನು ಹೊಂದಿದೆ. ಹಿಂದಿನ ಸೀಟಿನ ಸ್ಕ್ರೀನ್ ಸೇರಿ ಒಟ್ಟು ಮೂರು ಸ್ಕ್ರೀನ್ಗಳು, 360 ಡಿಗ್ರಿ ಕ್ಯಾಮೆರಾ, ಮೊದಲೆರಡು ಸೀಟುಗಳಿಗೆ ವೆಂಟಿಲೇಶನ್, ಹಿಂದಿನ ಸೀಟುಗಳಿಗೆ ರಿಕ್ಲೈನ್ ಆಪ್ಷನ್, ವಿಂಡೋಗಳಿಗೆ ಸನ್ ಪ್ರೊಟೆಕ್ಷನ್, ಪ್ಯಾನರಾಮಿಕ್ ಸನ್ ರೂಫ್, ಹಿಂದಿನ ಸೀಟಿನಲ್ಲಿ ಕೂತು ಮುಂದಿನ ಸೀಟು, ಡಿಸ್ಪ್ಲೆಗಳನ್ನು ನಿಯಂತ್ರಿಸುವ ಆಯ್ಕೆ, ಅತ್ಯುತ್ತಮ ಗುಣಮಟ್ಟದ ಸ್ಪೀಕರ್ಗಳು, ಆಟೊಮೆಟಿಕ್ ಪಾರ್ಕಿಂಗ್ ಅಸಿಸ್ಟೆಂಟ್, ಇನ್ನೂ ಹತ್ತು ಹಲವು ಸೌಲಭ್ಯಗಳನ್ನು ಈ ಕಾರು ಹೊಂದಿರುವ ಜೊತೆಗೆ ಅತ್ಯುತ್ತಮ ಗುಣಮಟ್ಟದ ತಂತ್ರಜ್ಞಾನವನ್ನು ಸಹ ಈ ಕಾರು ಹೊಂದಿದೆ. ಜೊತೆಗೆ ಶಕ್ತಿಯುತ ಎಂಜಿನ್ ಹಾಗೂ ಸುರಕ್ಷತೆಯನ್ನು ಸಹ ಒಳಗೊಂಡಿದೆ.
ಇದನ್ನೂ ಓದಿ: ವೀಕೆಂಡ್ ವಿತ್ ರಮೇಶ್ಗೆ ಬರ್ತಾರಾ ಡಾ ಬ್ರೋ? ರಮೇಶ್ ಅರವಿಂದ್ ಹೇಳಿದ್ದು ಹೀಗೆ…
ರಮೇಶ್ ಅರವಿಂದ್ ಪ್ರಸ್ತುತ ವೀಕೆಂಡ್ ವಿತ್ ರಮೇಶ್ ಐದನೇ ಸೀಸನ್ ಶೋ ಅನ್ನು ನಿರೂಪಣೆ ಮಾಡುತ್ತಿದ್ದಾರೆ. ಜೊತೆಗೆ ಅವರ ನಟನೆಯ ಶಿವಾಜಿ ಸೂರತ್ಕಲ್ ಸಿನಿಮಾದ ಎರಡನೇ ಭಾಗ ಇದೇ ತಿಂಗಳು ಬಿಡುಗಡೆ ಆಗಲಿದೆ. ಇದರ ನಡುವೆ ಹೊಸದೊಂದು ಸಿನಿಮಾದಲ್ಲಿ ನಟಿಸಲು ಒಪ್ಪಿಕೊಂಡಿದ್ದು, ಒಂದು ಸಿನಿಮಾದ ನಿರ್ದೇಶನದಲ್ಲಿಯೂ ತೊಡಗಿಕೊಂಡಿದ್ದಾರೆ. ತಮ್ಮ ನಿರ್ದೇಶನದ ಸಿನಿಮಾದಲ್ಲಿ ತಾವೇ ನಟಿಸಲಿದ್ದಾರೆ ರಮೇಶ್ ಅರವಿಂದ್.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
