ರವಿಚಂದ್ರನ್ ‘ದೃಶ್ಯ 2’ ತೆರೆಗೆ ಬರುವುದಕ್ಕೂ ಮೊದಲು ಮತ್ತೊಮ್ಮೆ ರಿಲೀಸ್ ಆಗ್ತಿದೆ ‘ದೃಶ್ಯ’; ಎಲ್ಲೆಲ್ಲಿ ಶೋ?
‘ದೃಶ್ಯ’ ಸಿನಿಮಾ ತೆರೆಗೆ ಬಂದು 7 ವರ್ಷ ಕಳೆದಿದೆ. ಎರಡನೇ ಪಾರ್ಟ್ ನೋಡುವುದಕ್ಕೂ ಮುನ್ನ ಮೊದಲ ಪಾರ್ಟ್ ನೋಡಬೇಕು ಎಂದು ಸಿನಿಪ್ರಿಯರು ಬಯಸೋದು ಸಾಮಾನ್ಯ. ಈ ಕಾರಣಕ್ಕೆ ಚಿತ್ರತಂಡ ‘ದೃಶ್ಯ 2’ಗೂ ಮೊದಲು ‘ದೃಶ್ಯ’ ಸಿನಿಮಾವನ್ನು ಪ್ರದರ್ಶನ ಮಾಡುತ್ತಿದೆ.
Updated on: Dec 04, 2021 | 9:45 PM
ರವಿಚಂದ್ರನ್ ಅಭಿನಯದ ‘ದೃಶ್ಯ’ ಸಿನಿಮಾ 2014ರಲ್ಲಿ ತೆರೆಗೆ ಬಂದು ದೊಡ್ಡ ಮಟ್ಟದಲ್ಲಿ ಹಿಟ್ ಆಗಿತ್ತು. ರಾಜೇಂದ್ರ ಪೊನ್ನಪ್ಪ ಆಗಿ ರವಿಚಂದ್ರನ್ ಕಾಣಿಸಿಕೊಂಡಿದ್ದರು. ಈ ಸಿನಿಮಾದ ಸೀಕ್ವೆಲ್ ಈಗ ಸಿದ್ಧಗೊಂಡಿದ್ದು, ಡಿಸೆಂಬರ್ 10ಕ್ಕೆ ರಿಲೀಸ್ ಆಗುತ್ತಿದೆ. ವಿಶೇಷ ಎಂದರೆ ಈ ಚಿತ್ರ ರಿಲೀಸ್ ಆಗುವುದಕ್ಕೂ ಮೊದಲು ‘ದೃಶ್ಯ’ ಸಿನಿಮಾ ಬೆಂಗಳೂರಿನ ಕೆಲ ಮಲ್ಟಿಪ್ಲೆಕ್ಸ್ನಲ್ಲಿ ಪ್ರದರ್ಶನ ಕಾಣುತ್ತಿದೆ. ಈ ವಿಚಾರ ಕೇಳಿ ಅಭಿಮಾನಿಗಳು ಖುಷಿ ಪಟ್ಟಿದ್ದಾರೆ.
‘ದೃಶ್ಯ’ ಸಿನಿಮಾ ತೆರೆಗೆ ಬಂದು 7 ವರ್ಷ ಕಳೆದಿದೆ. ಎರಡನೇ ಪಾರ್ಟ್ ನೋಡುವುದಕ್ಕೂ ಮುನ್ನ ಮೊದಲ ಪಾರ್ಟ್ ನೋಡಬೇಕು ಎಂದು ಸಿನಿಪ್ರಿಯರು ಬಯಸೋದು ಸಾಮಾನ್ಯ. ಈ ಕಾರಣಕ್ಕೆ ಚಿತ್ರತಂಡ ‘ದೃಶ್ಯ 2’ಗೂ ಮೊದಲು ‘ದೃಶ್ಯ’ ಸಿನಿಮಾವನ್ನು ಪ್ರದರ್ಶನ ಮಾಡುತ್ತಿದೆ. ‘ದೃಶ್ಯ’ ಮತ್ತು ‘ದೃಶ್ಯ 2’ ಚಿತ್ರದ ಕಥೆಗೆ ಲಿಂಕ್ ಇದೆ. ಈ ಕಾರಣಕ್ಕೆ ಸಿನಿ ಪ್ರಿಯರಿಗೆ ಕಥೆ ನೆನಪು ಮಾಡಿಕೊಳ್ಳೋಕೆ ಒಂದೊಳ್ಳೆಯ ಅವಕಾಶ ಇದು ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ.
E4 Entertainment ಸಂಸ್ಥೆ ‘ದೃಶ್ಯ’ ಚಿತ್ರದ ಮೊದಲ ಹಾಗೂ ಎರಡನೇ ಭಾಗ ನಿರ್ಮಾಣ ಮಾಡಿದೆ. ಪಿ.ವಾಸು ಅವರು ಎರಡೂ ಭಾಗಗಳನ್ನು ನಿರ್ದೇಶಿಸಿದ್ದಾರೆ. ಮುಖ್ಯ ಭೂಮಿಕೆಯಲ್ಲಿ ರವಿಚಂದ್ರನ್ ಹಾಗೂ ನವ್ಯ ನಾಯರ್ ನಟಿಸಿದ್ದಾರೆ. ಮೊದಲ ಭಾಗದಲ್ಲಿದ್ದ ಬಹುತೇಕ ಸದಸ್ಯರು ಎರಡನೇ ಭಾಗದಲ್ಲೂ ಮುಂದುವರೆದಿದ್ದಾರೆ. ‘ದೃಶ್ಯ 2’ ಚಿತ್ರದ ವಿಶೇಷ ಪಾತ್ರದಲ್ಲಿ ಹಿರಿಯ ನಟ ಅನಂತನಾಗ್ ಅಭಿನಯಿಸಿದ್ದಾರೆ.
ಭಾನುವಾರ (ಡಿಸೆಂಬರ್ 5) ಕೆಲ ಮಲ್ಟಿಪ್ಲೆಕ್ಸ್ಗಳಲ್ಲಿ ‘ದೃಶ್ಯ 2’ ಪ್ರದರ್ಶನ ಕಾಣುತ್ತಿದೆ. ಬುಕ್ ಮೈ ಶೋನಲ್ಲಿ ಟಿಕೆಟ್ ಬುಕಿಂಗ್ ಆರಂಭವಾಗಿದೆ. ವೀಕೆಂಡ್ ಆಗಿರುವುದರಿಂದ ಈ ಸಿನಿಮಾ ನೋಡೋಕೆ ಪ್ರೇಕ್ಷಕರು ಬರಹುದು ಎನ್ನುವ ನಿರೀಕ್ಷೆ ಇದೆ. ಎಂಎಸ್ಆರ್ ಎಲಿಮೆಂಟ್ಸ್ ಮಾಲ್ನಲ್ಲಿರುವ ಪಿವಿಆರ್ ರೆಗಲಿಯಾದಲ್ಲಿ ಬೆಳಗ್ಗೆ 11.55ಕ್ಕೆ ಶೋ ಇದೆ. ಒರಾಯನ್ ಮಾಲ್ನಲ್ಲಿ ಮಧ್ಯಾಹ್ನ 3:30ಕ್ಕೆ ಶೋ ಇದೆ. ETA ಮಾಲ್ನಲ್ಲಿ 6.30ಕ್ಕೆ ಶೋ ಆಯೋಜಿಸಲಾಗಿದೆ. ಮಲ್ಲೇಶ್ವರದ ಐನಾಕ್ಸ್ನಲ್ಲಿ ರಾತ್ರಿ 9.45ಕ್ಕೆ ‘ದೃಶ್ಯ’ ಶೋ ಇದೆ.
ಇದನ್ನೂ ಓದಿ: ರವಿಚಂದ್ರನ್ ‘ದೃಶ್ಯ 2’ ಶೂಟಿಂಗ್ ಶುರು; ಚಿತ್ರತಂಡಕ್ಕೆ ಹೊಸ ಎಂಟ್ರಿ ಅನಂತ್ ನಾಗ್
Drishya 2 Trailer: ಕುತೂಹಲ ಹೆಚ್ಚಿಸಿದ ‘ದೃಶ್ಯ 2’ ಟ್ರೇಲರ್; ರವಿಚಂದ್ರನ್ ಚಿತ್ರಕ್ಕೆ ಸುದೀಪ್ ಬೆಂಬಲ
