ರವಿಚಂದ್ರನ್​ ಜತೆ ತೆರೆಹಂಚಿಕೊಂಡ ಈ ನಟಿ ಯಾರೆಂದು ಗುರುತಿಸ್ತೀರಾ?

ನಟ ರವಿಚಂದ್ರನ್​​ ಅವರು ಸಾಕಷ್ಟು ಸಿನಿಮಾಗಳಲ್ಲಿ ಬಣ್ಣ ಹಚ್ಚಿದ್ದಾರೆ. ಸಾಕಷ್ಟು ಹಿಟ್​ ಚಿತ್ರಗಳಲ್ಲಿ ನಟಿಸಿದ ಖ್ಯಾತಿ ಅವರಿಗಿದೆ. ರವಿಚಂದ್ರನ್​ ಅವರ ಜತೆ ತೆರೆಹಂಚಿಕೊಂಡ ನಂತರದಲ್ಲಿ ಹಲವು ಹೀರೋಯಿನ್​ಗಳ ವೃತ್ತಿ ಜೀವನಕ್ಕೆ ಮೈಲೇಜ್​ ಸಿಕ್ಕಿದೆ. ಈಗ ರವಿಚಂದ್ರನ್​ ಜತೆ ತೆರೆಹಂಚಿಕೊಂಡ ನಟಿಯೊಬ್ಬರು ತಮ್ಮ 17 ವಯಸ್ಸಿನ ಫೋಟೋ ಹಂಚಿಕೊಂಡಿದ್ದಾರೆ. ಈ ಫೋಟೋ ನೋಡಿದ ಅಭಿಮಾನಿಗಳು ಅಚ್ಚರಿ ಹೊರ ಹಾಕಿದ್ದಾರೆ. ಅಷ್ಟಕ್ಕೂ ಯಾರು ಆ ನಟಿ ಎಂಬ ಪ್ರಶ್ನೆಗೆ ಉತ್ತರ ನಮಿತಾ.

ಮೂಲತಃ ಗುಜರಾತ್​ನವರಾದ ನಮಿತಾ, 2002ರಲ್ಲಿ ತೆಲುಗು ಚಿತ್ರರಂಗದ ಮೂಲಕ ಬಣ್ಣದ ಬದುಕು ಆರಂಭಿಸಿದರು. ನಂತರ ತಮಿಳು, ಹಿಂದಿ ಚಿತ್ರರಂಗದಲ್ಲೂ ಕಾಣಿಸಿಕೊಂಡರು. 2006ರಲ್ಲಿ ತೆರೆಗೆ ಬಂದ ರವಿಚಂದ್ರನ್​ ನಟನೆಯ ‘ನೀಲಕಂಠ’ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟರು ಅವರು. ರವಿಚಂದ್ರನ್​ ನಿರ್ದೇಶಿಸಿ ನಟಿಸಿದ್ದ ‘ಹೂ’ ಸಿನಿಮಾದಲ್ಲಿ ನಮಿತಾ. ನಟಿಸಿದ್ದರು.  2016ರ ಬಳಿಕ ಅವರು ಅಷ್ಟಾಗಿ ಚಿತ್ರರಂಗದಲ್ಲಿ ಆ್ಯಕ್ಟೀವ್​ ಆಗಿಲ್ಲ.

ಈಗ ನಮಿತಾ ಇನ್​​ಸ್ಟಾಗ್ರಾಮ್​ನಲ್ಲಿ ಫೋಟೋ​ ಒಂದನ್ನು ಹಂಚಿಕೊಂಡಿದ್ದಾರೆ. 17ನೇ ವಯಸ್ಸಿನ ಫೋಟೋ ಇದಾಗಿದ್ದು, ಅದಕ್ಕೆ ಅವರು ಕ್ಯಾಪ್ಶನ್​ ಕೂಡ ನೀಡಿದ್ದಾರೆ. ‘ಇದು 17ನೇ ವಯಸ್ಸಿನ ಫೋಟೋ. ಮುಂಬೈ ಎಂಬ ಮಹಾ ನಗರದಲ್ಲಿ ದೊಡ್ಡ ಕನಸು ಹೊತ್ತು ಬಂದಿದ್ದೆ. ಇದು ನನ್ನ ಮೊದಲ ಫೋಟೋಶೂಟ್​. 2000ರಲ್ಲಿ ಬೋಮನ್​ ಇರಾನಿ ಈ ಫೋಟೋಶೂಟ್​ ನಡೆಸಿದ್ದರು. ಈ ವೇಳೆ ನನ್ನ ಪಾಲಕರೂ ಇದ್ದರು. ಸಂಜೆ ಬೋಮನ್​ ಇರಾನಿ ಪಿಜ್ಜಾ ಆರ್ಡರ್​ ಮಾಡಿದ್ದರು’ ಎಂದಿದ್ದಾರೆ ಅವರು.

View this post on Instagram

A post shared by Namita Vankawala Chowdhary (@namita.official)

ಚಿತ್ರರಂಗದಲ್ಲಿ ನಮಿತಾ ಅಷ್ಟಾಗಿ ಆ್ಯಕ್ಟೀವ್​ ಇಲ್ಲ. ಅವರು ಕಿರುತೆರೆಯ ಕೆಲ ಶೋಗಳಿಗೆ ಜಡ್ಜ್​ ಆಗಿದ್ದರು. ತಮಿಳುನಾಡು ರಾಜಕೀಯದಲ್ಲೂ ಅವರು ತೊಡಗಿಕೊಂಡಿದ್ದಾರೆ. ಭಾರತೀಯ ಜನತಾ ಪಾರ್ಟಿಗೆ ನಮಿತಾ 2019ರಲ್ಲಿ ಸೇರ್ಪಡೆ ಆಗಿದ್ದರು. 2017ರಲ್ಲಿ ಅವರ ವಿವಾಹ ಏರ್ಪಟ್ಟಿತ್ತು.

ಇದನ್ನೂ ಓದಿ: ಚಿತ್ರಮಂದಿರ ಸಂಸ್ಕೃತಿಯನ್ನು ನಾವು ನಾಶ ಮಾಡಬಾರದು; ರವಿಚಂದ್ರನ್​

Published On - 8:27 pm, Fri, 3 September 21