ರಾನಾ ಜೊತೆ ಪೋಸ್ ಕೊಟ್ಟ ರಿಷಬ್; ‘ಕಾಂತಾರ’ ಚಿತ್ರಕ್ಕಾ?

ರಿಷಬ್ ಶೆಟ್ಟಿ ಅವರು ಈಗ ಯಾರ ಜೊತೆ ಕಾಣಿಸಿಕೊಂಡರೂ ಹೊಸ ಹೊಸ ಸುದ್ದಿ ಹರಿದಾಡುತ್ತದೆ. ರಿಷಬ್ ನಟಿಸಿ, ನಿರ್ದೇಶಿಸುತ್ತಿರುವ ‘ಕಾಂತಾರ: ಚಾಪ್ಟರ್ 1’ ಸಿನಿಮಾದಲ್ಲಿ ಆ ಕಲಾವಿದರು ನಟಿಸುತ್ತಾರೆ ಎಂದು ಎಲ್ಲರೂ ಊಹಿಸುತ್ತಾರೆ. ಈಗ ವೈರಲ್ ಆಗಿರುವ ಫೋಟೋ ಬಗ್ಗೆಯೂ ಅದೇ ರೀತಿಯ ಚರ್ಚೆ ಹುಟ್ಟಿದೆ. ರಾನಾ ದಗ್ಗುಬಾಟಿ ಜೊತೆ ರಿಷಬ್ ಅವರು ಪೋಸ್ ಕೊಟ್ಟಿದ್ದಾರೆ. ಇದರಿಂದ ಹೊಸ ಚರ್ಚೆ ಆರಂಭ ಆಗಿದೆ.

ರಿಷಬ್ ಶೆಟ್ಟಿ ಅಂದರೆ ಈಗ ಭಾರತದ ಎಲ್ಲಾ ಹೀರೋಗಳಿಗೆ ಗೊತ್ತು. ‘ಕಾಂತಾರ’ ಸಿನಿಮಾ ಅವರಿಗೆ ಅಷ್ಟು ಜನಪ್ರೀಯತೆ ನೀಡಿದೆ. ಅದೇ ರೀತಿ ಟಾಲಿವುಡ್​ನ ಹೀರೋಗಳಿಗೂ ರಿಷಬ್ ಪರಿಚಯ ಇದೆ. ರಾನಾ ದಗ್ಗುಬಾಟಿ ಜೊತೆಗೆ ರಿಷಬ್ ಅವರು ಪೋಸ್ ಕೊಟ್ಟಿದ್ದಾರೆ. ಇವರ ಜೊತೆ ತೇಜ್ ಸಜ್ಜಾ ಕೂಡ ಇದ್ದಾರೆ. ಹೀಗಾಗಿ, ಇದು ‘ಕಾಂತಾರ: ಚಾಪ್ಟರ್ 1’ ಸಿನಿಮಾಗೆ ಒಟ್ಟಾಗಿರುವುದು ಅಲ್ಲ.

ರಿಷಬ್ ಅವರು ‘ಜೈ ಹನುಮಾನ್’ ಹೆಸರಿನ ತೆಲುಗು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇದರ ಶೂಟಿಂಗ್ನಲ್ಲೂ ಅವರು ಭಾಗಿ ಆಗಿದ್ದಾರೆ. ಆಂಧ್ರ ಪ್ರದೇಶಕ್ಕೆ ಹೋದಾಗ ಅವರು ರಾನಾ ದಗ್ಗುಬಾಟಿಯನ್ನು ಭೇಟಿ ಮಾಡಿದ್ದಾರೆ. ಈ ಭೇಟಿ ವೇಳೆ ರಿಷಬ್ ಹಾಗೂ ರಾನಾ ಭೇಟಿ ಆಗಿದ್ದು ಒಟ್ಟಾಗಿ ಪೋಸ್ ಕೊಟ್ಟಿದ್ದಾರೆ. ಆ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಮಾಡಲಾಗುತ್ತಿದೆ.

ಇದನ್ನೂ ಓದಿ:ತಾಯಿಯ ಆಶೀರ್ವಾದ ಪಡೆದು ಆಸ್ಟ್ರೇಲಿಯಾಕ್ಕೆ ಹಾರಿದ ರಿಷಬ್ ಪಂತ್; ವಿಡಿಯೋ

ರಿಷಬ್ ಶೆಟ್ಟಿ ಅವರು ಸದ್ಯ ‘ಕಾಂತಾರ: ಚಾಪ್ಟರ್ 1’ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಇದ್ದಾರೆ. ಈ ಚಿತ್ರ ಭರ್ಜರಿ ನಿರೀಕ್ಷೆ ಸೃಷ್ಟಿ ಮಾಡಿದೆ. ಈ ಚಿತ್ರದಲ್ಲಿ ಸದ್ಯ ರಿಷಬ್ ಮಾತ್ರ ನಟಿಸುತ್ತಿರುವುದು ಅಧಿಕೃತ ಆಗಿದೆ. ಈ ಸಿನಿಮಾದಲ್ಲಿ ಯಾರೆಲ್ಲ ನಟಿಸುತ್ತಾರೆ ಎನ್ನುವ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಹೊರ ಬಿದ್ದಿಲ್ಲ.

ಈ ಮೊದಲು ರಿಷಬ್ ಹಾಗೂ ಮಲಯಾಳಂ ನಟ ಮೋಹನ್​ ಲಾಲ್ ಭೇಟಿ ಆಗಿದ್ದರು. ಈ ಭೇಟಿ ವೇಳೆಯೂ ಹಲವು ಸುದ್ದಿಗಳು ಹರಿದಾಡಿದ್ದವು. ರಿಷಬ್ ಅವರ ತಂದೆಯ ಪಾತ್ರದಲ್ಲಿ ಮೋಹನ್ ಲಾಲ್ ನಟಿಸುತ್ತಾರೆ ಎಂದು ವರದಿ ಆಗಿತ್ತು. ಆದರೆ, ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತ ಹೊರಬಿದ್ದಿಲ್ಲ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 3:59 pm, Sat, 9 November 24