ಕ್ಯಾನ್ಸರ್ ಗೆದ್ದು ಬಂದ ‘ಗೂಳಿ’ ನಟಿ ಈಗೇನು ಮಾಡುತ್ತಿದ್ದಾರೆ?

ಮಮತಾ ಮೋಹನ್ ದಾಸ್ ದಕ್ಷಿಣದ ಪ್ರೇಕ್ಷಕರಿಗೆ ಗೊತ್ತು. ‘ಗೂಳಿ’ ಸಿನಿಮಾದಲ್ಲಿ ಅವರು ನಟಿಸಿದ್ದರು. ಅವರು ಈ ಚಿತ್ರದಲ್ಲಿ ಸುದೀಪ್ಗೆ ಜೊತೆಯಾಗಿದ್ದರು. ಅವರು ತೆಲುಗು ಹಾಗೂ ಮಲಯಾಳಂ ಸಿನಿಮಾಗಳಲ್ಲಿ ಹೆಚ್ಚು ನಟಿಸಿದ್ದಾರೆ. ಮಮತಾ ಮೋಹನ್ ದಾಸ್ ನಟಿ ಮಾತ್ರವಲ್ಲ ಗಾಯಕಿಯೂ ಹೌದು. ಆದರೆ ನಟಿಯಾಗಿ ಬ್ಯುಸಿಯಾಗಿದ್ದಾಗ ಅವರಿಗೆ ಕ್ಯಾನ್ಸರ್ ಬಂದಿತ್ತು. ಆ ಮಹಾಮಾರಿಯನ್ನು ಎದುರಿಸಿ ಮತ್ತೊಮ್ಮೆ ಬೆಳ್ಳಿತೆರೆಯಲ್ಲಿ ಸದ್ದು ಮಾಡಿದ್ದರು. ಇತ್ತೀಚೆಗೆ ಮಮತಾ 40ನೇ ವರ್ಷದ ಹುಟ್ಟುಹಬ್ಬ ಆಚರಿಸಿಕೊಂಡರು. ಈಗ ಅವರೇನು ಮಾಡುತ್ತಿದ್ದಾರೆ ಎಂಬ ಬಗ್ಗೆ ಇಲ್ಲಿದೆ ವಿವರ.

ಮಮತಾ ಮೋಹನದಾಸ್ ಅವರು 1984ರಂದು ಬಹ್ರೇನ್‌ನಲ್ಲಿ ಅಂಬಲಪಟ್ ಮೋಹನ್‌ದಾಸ್ ಮತ್ತು ಗಂಗಾ ದಂಪತಿಗೆ ಜನಿಸಿದರು. ಮಮತಾ ತನ್ನ ಬಾಲ್ಯವನ್ನು ಬಹ್ರೇನ್‌ನಲ್ಲಿ ಕಳೆದರು. ಅಲ್ಲಿ ಅವರು ಭಾರತೀಯ ಶಾಲೆಯಲ್ಲಿ 12ನೇ ತರಗತಿಯನ್ನು ಪೂರ್ಣಗೊಳಿಸಿದರು ಮತ್ತು ನಂತರ ಬೆಂಗಳೂರಿನ ಮೌಂಟ್ ಕಾರ್ಮೆಲ್ ಕಾಲೇಜಿನಲ್ಲಿ ಪದವಿ ಪಡೆದರು. ಆ ನಂತರ ಐಬಿಎಂ ಮತ್ತು ಕಲ್ಯಾಣ್ ಕೇಂದ್ರದಂತಹ ಕಂಪನಿಗಳ ಜಾಹೀರಾತುಗಳಿಗೆ ಮಾಡೆಲ್ ಆಗಿ ಕೆಲಸ ಮಾಡಿದರು. ಅದೇ ಸಮಯದಲ್ಲಿ, ಅವರು ಮಲಯಾಳಂ ಚಿತ್ರರಂಗಕ್ಕೆ ಪ್ರವೇಶಿಸಿದರು. ಮಮತಾ ಈಗ ಸಿನಿಮಾದಲ್ಲಿ ಇದ್ದುಕೊಂಡು ಸಾಕಷ್ಟು ಹಣ ಮಾಡಿದ್ದಾರೆ.

ಇದನ್ನೂ ಓದಿ:ಹನುಮಂತು-ಧನರಾಜ್ ಒಟ್ಟಿಗೆ ಸ್ನಾನ, ಸಲಹೆ ಕೊಟ್ಟ ಸುದೀಪ್

ಕೊಚ್ಚಿ ಮತ್ತು ದುಬೈನಲ್ಲಿ ಮಮತಾ ಫ್ಲಾಟ್ ಹೊಂದಿದ್ದು, ಕೋಟಿಗಟ್ಟಲೆ ಆಸ್ತಿ ಹೊಂದಿದ್ದಾರೆ ಎಂದು ವರದಿಯಾಗಿದೆ. ತಂದೆ-ತಾಯಿಯರಿಬ್ಬರೂ ಸಾಕಷ್ಟು ಆಸ್ತಿ ಸಂಪಾದಿಸಿದ್ದರೂ ಮಮತಾ ಸ್ವಂತ ಆಸ್ತಿಯನ್ನು ಕೂಡಿಟ್ಟಿದ್ದಾರೆ. ಕ್ಯಾನ್ಸರ್ ನಿಂದಾಗಿ ವರ್ಷಗಳ ಕಾಲ ನಟನೆಯಿಂದ ದೂರ ಉಳಿದಿದ್ದ ಮಮತಾ ಈಗ ರೀ ಎಂಟ್ರಿ ಕೊಟ್ಟಿದ್ದಾರೆ. ಅವರು ಇತ್ತೀಚೆಗೆ ಜಗಪತಿ ಬಾಬು ಅಭಿನಯದ ರುದ್ರಂಗಿ ಚಿತ್ರದಲ್ಲಿ ಕಾಣಿಸಿಕೊಂಡರು. ಅವರ ಅತ್ಯುತ್ತಮ ಅಭಿನಯಕ್ಕಾಗಿ ಅವರು ನಟಿಯಾಗಿ ಪ್ರಶಂಸೆಯನ್ನು ಪಡೆದರು. ‘ಮಹರಾಜ’ ಸಿನಿಮಾದಲ್ಲೂ ಅವರು ಬಣ್ಣ ಹಚ್ಚಿದ್ದರು.

ಸದ್ಯ ನಿವಿನ್ ಪೋಳಿ ನಟನೆಯ ‘ಐಡೆಂಟಿಟಿ’ ಹೆಸರಿನ ಸಿನಿಮಾದಲ್ಲಿ ಅವರು ನಟಿಸುತ್ತಿದ್ದಾರೆ. ಈ ಚಿತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆ ಇದೆ. ಈ ಸಿನಿಮಾಗಾಗಿ ಫ್ಯಾನ್ಸ್ ಕಾದಿದ್ದಾರೆ. ಈ ಚಿತ್ರದ ಶೂಟಿಂಗ್ ಸದ್ಯ ಚಾಲ್ತಿಯಲ್ಲಿ ಇದೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ