ವಿವಾಹಿತ ಕಿರುತೆರೆ ನಟಿಗೆ ‘ಆರ್ ಯೂ ಎ ವರ್ಜಿನ್?’ ಎಂದು ಕೇಳಿದ ಫ್ಯಾನ್; ಎಲ್ಲರ ಎದುರು ಮಾನ ಕಳೆದ ಹೀರೋಯಿನ್

ಮಲಯಾಳಂ ಕಿರುತೆರೆ ನಟಿ ಅಥಿರಾ ಮಾಧವ್ ಅವರು ಇತ್ತೀಚೆಗೆ ರಾಜೀವ್ ಎಂಬುವವರನ್ನು ಮದುವೆ ಆಗಿದ್ದರು. ಈ ಫೋಟೋಗಳನ್ನು ಅವರು ಸೋಶಿಯಲ್ ಮೀಡಿಯಾದಲ್ಲಿಯೂ ಹಂಚಿಕೊಂಡಿದ್ದಾರೆ.

ಪತಿ ರಾಜೀವ್ ಜತೆ ಅಥಿರಾ ಮಾಧವ್

TV9 Web | Edited By: ರಾಜೇಶ್ ದುಗ್ಗುಮನೆ|
Updated on:Sep 30, 2021 | 8:15 PM

ನಟನಾ ಲೋಕಕ್ಕೆ ಕಾಲಿಟ್ಟ ನಂತರದಲ್ಲಿ ಸೆಲೆಬ್ರಿಟಿಗಳಿಗೆ ಖಾಸಗಿತನ ಸಿಗುವುದಿಲ್ಲ. ಪಬ್ಲಿಕ್ನಲ್ಲಿ ಕಾಣಿಸಿಕೊಂಡರೆ ಜನ ಅವರನ್ನು ಮುತ್ತಿಕೊಳ್ಳುತ್ತಾರೆ. ಸೋಶಿಯಲ್ ಮೀಡಿಯಾದಲ್ಲಿ ಹಿಂಬಾಲಕರ ಸಂಖ್ಯೆ ಹೆಚ್ಚಾಗುತ್ತದೆ. ಇದರ ಜತೆಗೆ ಅವರಿಗೆ ಎದುರಾಗುವ ಪ್ರಶ್ನೆಗಳು ಕೂಡ ಚಿತ್ರ ವಿಚಿತ್ರವಾಗಿರುತ್ತದೆ. ಕೆಲವೊಮ್ಮೆ ಮುಜುಗರಕ್ಕೆ ಒಳಗಾಗುವಂತ ಪ್ರಶ್ನೆಗಳು ಕೂಡ ಅಭಿಮಾನಿಗಳಿಂದ ತೂರಿ ಬರುತ್ತದೆ. ಬಹುತೇಕ ಸಂದರ್ಭದಲ್ಲಿ ಇದನ್ನು ಸೆಲೆಬ್ರಿಟಿಗಳು ನಿರ್ಲಕ್ಷ್ಯ ಮಾಡುತ್ತಾರೆ. ಆದರೆ, ಮಲಯಾಳಂನ ಕಿರುತೆರೆ ನಟಿ ಈ ರೀತಿ ಮಾಡಿಲ್ಲ. ಆರ್ ಯೂ ಎ ವರ್ಜಿನ್ ಎಂದು ಕೇಳಿದ ಅಭಿಮಾನಿಗೆ ನೀರಿಳಿಸಿದ್ದಾರೆ.

ಮಲಯಾಳಂ ಕಿರುತೆರೆ ನಟಿ ಅಥಿರಾ ಮಾಧವ್ ಅವರು ಇತ್ತೀಚೆಗೆ ರಾಜೀವ್ ಎಂಬುವವರನ್ನು ಮದುವೆ ಆಗಿದ್ದರು. ಈ ಫೋಟೋಗಳನ್ನು ಅವರು ಸೋಶಿಯಲ್ ಮೀಡಿಯಾದಲ್ಲಿಯೂ ಹಂಚಿಕೊಂಡಿದ್ದಾರೆ. ಇದಾದ ನಂತರ ಅವರು ಇನ್ಸ್ಟ್ರಾಗ್ರಾಮ್ನಲ್ಲಿ ಅಭಿಮಾನಿಗಳ ಪ್ರಶ್ನೆಗೆ ಉತ್ತರ ನೀಡೋಕೆ ಮುಂದಾಗಿದ್ದರು. ಈ ಕಾರಣಕ್ಕೆ ಆಸ್ಕ್ ಮಿ ಎನಿಥಿಂಗ್ ಸೆಶನ್ ಪ್ರಾರಂಭಿಸಿದ್ದರು. ಅವರ ಮದುವೆ ಜೀವನ ಹೇಗಿದೆ? ಅವರ ಪತಿ ಹೇಗಿದ್ದಾರೆ? ಸದ್ಯ ಏನು ಮಾಡುತ್ತಿದ್ದೀರಿ? ಮುಂದಿನ ಪ್ರಾಜೆಕ್ಟ್ಗಳು ಏನು ಎಂಬಿತ್ಯಾದಿ ಪ್ರಶ್ನೆಗಳು ಅವರಿಗೆ ಕೇಳಲಾಗಿತ್ತು. ಇದಕ್ಕೆ ಅವರು ಉತ್ತರಿಸಿದ್ದರು.

ಇದೇ ವೇಳೆ ‘ಆರ್ ಯೂ ಎ ವರ್ಜಿನ್’ ಎನ್ನುವ ಪ್ರಶ್ನೆಯನ್ನು ಅಥಿರಾಗೆ ಅಭಿಮಾನಿ ಕೇಳಿದ್ದ. ಇದಕ್ಕೆ ಅವರ ಕಡೆಯಿಂದ ಖಡಕ್ ಉತ್ತರ ಬಂದಿದೆ. ‘ಈ ರೀತಿಯ ಪ್ರಶ್ನೆ ಕೇಳುವುದರಿಂದ ನಿಮಗೆ ಯಾವ ರೀತಿಯ ಸಂತಸ ಸಿಗುತ್ತದೆ? ಈ ಬಗ್ಗೆ ನಿಮ್ಮ ಕುಟುಂಬವನ್ನು ಕೇಳಿ. ಈ ರೀತಿಯ ಪ್ರಶ್ನೆಗಳನ್ನು ತಡೆಯೋಕೆ ನಾನೇನು ಮಾಡಬೇಕು’ ಎಂದು ಅವರು ಪ್ರಶ್ನೆ ಮಾಡಿದ್ದಾರೆ. ಇಷ್ಟಕ್ಕೇ ನಿಂತಿಲ್ಲ. ಪ್ರಶ್ನೆ ಮಾಡಿದ ವ್ಯಕ್ತಿಯನ್ನು ಕೂಡ ಅವರು ಟ್ಯಾಗ್ ಮಾಡಿದ್ದಾರೆ. ಈ ಮೂಲಕ ಸಾರ್ವಜನಿಕವಾಗಿ ಮಾನ ಹರಾಜು ಹಾಕಿದ್ದಾರೆ.