ಬಿಗ್​ ಬಾಸ್​ ಮನೆಯಲ್ಲಿ ಕೊನೇ ದಿನದ ವೇಕ್​ಅಪ್​ ಸಾಂಗ್​ ಯಾವುದು? ವೀಕ್ಷಕರಿಂದ ಬಗೆಬಗೆಯ ಕಮೆಂಟ್​

ಬಿಗ್​ ಬಾಸ್ (Bigg Boss Kannada)​ ಎಂದರೆ ವೀಕ್ಷಕರಿಗೆ ಮನರಂಜನೆಯ ಹಬ್ಬ. ಆದರೆ ಸ್ಪರ್ಧಿಗಳಿಗೆ ಹೊರಲೋಕದ ಯಾವ ಮನರಂಜನೆಯೂ ಅಲ್ಲಿರುವುದಿಲ್ಲ. ಟಿವಿ, ಫೋನ್​, ಇಂಟರ್​ನೆಟ್​ ಎಲ್ಲವೂ ಕಟ್​. ಆದರೂ ನಿಯಂತ್ರಿತ ವಾತಾವರಣದಲ್ಲಿ ನೂರಕ್ಕೂ ಹೆಚ್ಚು ದಿನ ವಾಸಿಸುವ ಬಿಗ್​ ಬಾಸ್​ ಸ್ಪರ್ಧಿಗಳಿಗೆ ಪ್ರತಿದಿನ ಒಂದೊಂದು ಹಾಡು ಕೇಳಿಸುತ್ತದೆ. ಪ್ರತಿ ಮುಂಜಾನೆ ಸ್ಪರ್ಧಿಗಳನ್ನು ನಿದ್ದೆಯಿಂದ ಎಚ್ಚರಗೊಳಿಸಲು ಯಾವುದಾದರೊಂದು ಸಿನಿಮಾದ ಹಾಡು ಹಾಕಲಾಗುತ್ತದೆ. ಇದು ಮೊದಲಿನಿಂದಲೂ ನಡೆದುಕೊಂಡು ಬಂದ ವಾಡಿಕೆ. ಇಂದು (ಆ.8) ಬಿಗ್ ಬಾಸ್​ ಕನ್ನಡ ಸೀಸನ್​ 8ಕ್ಕೆ ಕೊನೇ ದಿನ. ಇವತ್ತು ಮುಂಜಾನೆ ಈ ಸೀಸನ್​ನ ಕೊನೇ ಹಾಡು ಪ್ಲೇ ಆಗಿದೆ. ಆ ಹಾಡು ಯಾವುದು ಎಂಬ ಕೌತುಕ ವೀಕ್ಷಕರಲ್ಲಿ ಮೂಡಿದೆ.

ಈ ಕುತೂಹಲ ಮೂಡಲು ಕಾರಣ ಕಲರ್ಸ್​ ಕನ್ನಡ ವಾಹಿನಿಯ ಸೋಶಿಯಲ್​ ಮೀಡಿಯಾ ಪೋಸ್ಟ್​. ಆ.8ರ ಬೆಳಗ್ಗೆ ಒಂದು ಪೋಸ್ಟ್​ ಹಂಚಿಕೊಂಡಿರುವ ವಾಹಿನಿಯು, ‘ಕೊನೆಯ ದಿನದ ವೇಕ್​ಅಪ್​ ಸಾಂಗ್​ ಯಾವುದಾಗಿರಬಹುದು’ ಎಂದು ಪ್ರಶ್ನೆ ಕೇಳುವ ಮೂಲಕ ವೀಕ್ಷಕರ ತಲೆಗೆ ಹುಳಬಿಟ್ಟಿದೆ. ಅದಕ್ಕೆ ಜನರು ಹಲವು ಬಗೆಯಲ್ಲಿ ಕಮೆಂಟ್​ ಮಾಡಿದ್ದಾರೆ.

ಮಂಜು ಪಾವಗಡ, ದಿವ್ಯಾ ಸುರೇಶ್​ ಹಾಗೂ ಅರವಿಂದ್​ ಕೆ.ಪಿ. ಈಗ ಫಿನಾಲೆ ಕಣದಲ್ಲಿ ಇದ್ದಾರೆ. ಒಬ್ಬರಿಗೆ ಮಾತ್ರ ಗೆಲುವು. ಇನ್ನಿಬ್ಬರು ಸಮಾಧಾನಪಟ್ಟುಕೊಳ್ಳಲೇಬೇಕು. ಹಾಗಾಗಿ ಈ ಸಂದರ್ಭಕ್ಕೆ ಅನುಗುಣವಾಗಿ, ‘ಏನಾಗಲಿ ಮುಂದೆ ಸಾಗಿ ನೀ.. ಬಯಸಿದ್ದೆಲ್ಲ ಸಿಗದು ಬಾಳಲಿ..’ ಸಾಂಗ್​ ಪ್ಲೇ ಆಗಿರಬಹುದು ಎಂದು ಕೆಲವರು ಅಭಿಪ್ರಾಯ ಪಟ್ಟಿದ್ದಾರೆ. ‘ನಾವು ಮನೇಗ್​ ಹೋಗೋದಿಲ್ಲ..’ ಹಾಡು ಪ್ಲೇ ಆಗಿರಬಹುದು ಎಂದು ಕೆಲವರು ತಮಾಷೆ ಮಾಡಿದ್ದಾರೆ. ದರ್ಶನ್​ ಅಭಿನಯದ ಯಾವುದಾದರೂ ಸಿನಿಮಾಗಳ ಹಾಡುನ್ನು ಪ್ಲೇ ಮಾಡಿ ಎಂದು ಅನೇಕರು ಬೇಡಿಕೆ ಇಟ್ಟಿದ್ದಾರೆ. ಕಡೆಗೂ ಯಾವ ಸಾಂಗ್​ ಮೊಳಗಿದೆ ಎಂಬುದಕ್ಕೆ ಇಂದು ಸಂಜೆಯ ಎಪಿಸೋಡ್​ನಲ್ಲಿ ಉತ್ತರ ಸಿಗಬೇಕಿದೆ.

View this post on Instagram

A post shared by Colors Kannada Official (@colorskannadaofficial)

​ಬಿಗ್ ಬಾಸ್​ ಮನೆಯೊಳಗೆ ಎಲ್ಲ ಬಗೆಯ ಸ್ಪರ್ಧಿಗಳೂ ಎಂಟ್ರಿ ನೀಡಿರುತ್ತಾರೆ. ಸಿನಿಮಾ ಮತ್ತು ಕಿರುತೆರೆ ಲೋಕದ ಸೆಲೆಬ್ರಿಟಿಗಳು ಹೆಚ್ಚಿರುತ್ತಾರೆ. ಪ್ರತಿ ಮುಂಜಾನೆ ತಮ್ಮಿಷ್ಟದ ಹಾಡು ಅಥವಾ ತಾವೇ ನಟಿಸಿದ ಸಿನಿಮಾದ ಹಾಡು ಪ್ಲೇ ಆದರೆ ಅಂತಹ ಸ್ಪರ್ಧಿಗಳ ಸಂಭ್ರಮ ಹೇಳತೀರದು. ಈ ಸೀಸನ್​ನಲ್ಲಿ ಒಂದು ದಿನವಾದರೂ ತಮ್ಮ ಹಾಡು ಪ್ಲೇ ಮಾಡಿ ಎಂದು ಬಿಗ್​ ಬಾಸ್​ ಬಳಿ ಶಮಂತ್​ ಬ್ರೋ ಗೌಡ ಮನವಿ ಮಾಡಿಕೊಂಡಿದ್ದರು. ಅದನ್ನು ಬಿಗ್​ ಬಾಸ್​ ಈಡೇರಿಸಿದ್ದರು ಕೂಡ.

ಇದನ್ನೂ ಓದಿ:

ಬಿಗ್​ ಬಾಸ್​ ಮನೆಯಿಂದ ಹೊರಗಿದ್ದಾಗ ಮಂಜು ಪಾವಗಡಗೆ ಬಂದಿತ್ತು ಒಂದು ವಿಚಿತ್ರ ಕರೆ

ಬಿಗ್​ ಬಾಸ್​ ಮನೆಯಲ್ಲಿ ನಾಲ್ಕೇ ದಿನಕ್ಕೆ ಎರಡು ಲಕ್ಷ ಸಂಪಾದಿಸಿದ ಅರವಿಂದ್​ ಕೆಪಿ