ಈ ವಾರ ಬಿಗ್​ಬಾಸ್ ಮನೆಯಲ್ಲಿ ಅತಿ ಹೆಚ್ಚು ಮತ ಗಳಿಸಿರುವುದು ಯಾರು? ಡ್ರೋನ್ ಪ್ರತಾಪ್​ಗೆ ಎಷ್ಟನೆ ಸ್ಥಾನ?

ಬಿಗ್​ಬಾಸ್ ಕನ್ನಡ ಸೀಸನ್ 10ರಲ್ಲಿ (Bigg Boss) ಮತ್ತೊಂದು ವಾರಾಂತ್ಯ ಬಂದಿದೆ. ಕಿಚ್ಚನ ವೀಕೆಂಡ್ ಪಂಚಾಯ್ತಿ ಶುರುವಾಗಿದೆ. ಶನಿವಾರದ ಎಪಿಸೋಡ್​ಗೆ ಆಗಮಿಸಿದ್ದ ಕಿಚ್ಚ ಸುದೀಪ್ ಮನೆಯ ಸದಸ್ಯರು ವಾರಪೂರ್ತಿ ಮಾಡಿದ ಆಡಿದ ಆಟ, ಆಡಿದ ರೀತಿ ಇನ್ನಿತರೆ ವಿಚಾರಗಳನ್ನು ಇಟ್ಟುಕೊಂಡು ಚರ್ಚಿಸಿದರು. ಡ್ರೋನ್ ಪ್ರತಾಪ್​ ಕಳೆದ ವಾರ ತಂಡದ ಲೀಡರ್ ಆಗಿದ್ದಾಗ ತೆಗೆದುಕೊಂಡ ನಿರ್ಣಯಗಳನ್ನು ವಿಮರ್ಶಿಸಿದ ಕಿಚ್ಚು ಸುದೀಪ್, ಚೆನ್ನಾಗಿ ಆಡಿದ ನಮ್ರತಾ ಗೌಡ ಅವರಿಗೆ ಚಪ್ಪಾಳೆ ನೀಡಿದರು.

ಪ್ರತಿ ವಾರಾಂತ್ಯದಲ್ಲಿಯೂ ಭಾನುವಾರದಂದು ಎಲಿಮಿನೇಷನ್ ಪ್ರಕ್ರಿಯೆ ಪೂರ್ಣವಾಗುತ್ತದೆಯಾದರೂ ಆ ಪ್ರಕ್ರಿಯೆ ಶನಿವಾರವೇ ಪ್ರಾರಂಭವಾಗುತ್ತದೆ. ಪ್ರತಿಬಾರಿ ನಿರ್ದಿಷ್ಟ ಕ್ರಮಾಂಕವಿಲ್ಲದೆ ಎಲಿಮಿನೇಷನ್​ನಿಂದ ಪಾರಾದವರ ಹೆಸರುಗಳನ್ನು ಸುದೀಪ್ ಹೇಳುತ್ತಿದ್ದರು. ಆದರೆ ಕಳೆದ ವಾರದಿಂದ ಪಡೆದ ಮತಗಳ ಆಧಾರದಲ್ಲಿ ಎಲಿಮಿನೇಷನ್​ನಿಂದ ಪಾರಾದವರ ಹೆಸರುಗಳನ್ನು ಸುದೀಪ್ ಹೇಳುತ್ತಿದ್ದಾರೆ. ಕಳೆದ ವಾರ ಡ್ರೋನ್ ಪ್ರತಾಪ್ ಅತಿ ಹೆಚ್ಚು ಮತ ಪಡೆದು ಮೊದಲು ಸೇವ್ ಆಗಿದ್ದರು. ಆದರೆ ಈ ವಾರ ಮತಗಳ ಸಂಖ್ಯೆಯಲ್ಲಿ ವ್ಯತ್ಯಾಸವಾಗಿದೆ.

ಈ ವಾರ ವಿನಯ್, ಡ್ರೋನ್ ಪ್ರತಾಪ್, ನಮ್ರತಾ ಗೌಡ, ಸ್ನೇಹಿತ್, ತನಿಷಾ, ಸಂಗೀತಾ, ವರ್ತೂರು ಸಂತೋಷ್, ಮೈಖಲ್ ಅವರುಗಳು ನಾಮಿನೇಟ್ ಆಗಿದ್ದರು. ಇವರಲ್ಲಿ ಶನಿವಾರದ ಎಪಿಸೋಡ್​ನಲ್ಲಿ ಮೂವರು ಸೇಫ್ ಆದರು. ಆ ಮೂವರ ಹೆಸರನ್ನು ಅವರು ಪಡೆದುಕೊಂಡ ಮತಗಳ ಆಧಾರದಲ್ಲಿ ನೀಡಲಾಯ್ತು. ಯಾರು ಹೆಚ್ಚು ಮತ ಪಡೆದಿದ್ದಾರೆಯೋ ಅವರ ಹೆಸರನ್ನು ಮೊದಲಿಗೆ ಘೋಷಿಸಲಾಯ್ತು. ಅದರಂತೆ ಮೊದಲು ಸುದೀಪ್ ಅವರು ಹೇಳಿದ ಹೆಸರು ವರ್ತೂರು ಸಂತೋಷ್ ಅವರದ್ದು. ಕಳೆದ ಬಾರಿ ಡ್ರೋನ್ ಅವರಿಗೆ ಹೆಚ್ಚು ಬಂದಿತ್ತು ಈ ವಾರ ವರ್ತೂರು ಸಂತೋಷ್​ಗೆ ಹೆಚ್ಚು ಮತಗಳು ಬಂದು ಅವರು ಮೊದಲಿಗೆ ಸೇಫ್ ಆದರು.

ಇದನ್ನೂ ಓದಿ:ಸುದೀಪ್​ ಮಾತಿಗೂ ಬೆಲೆ ಕೊಡಲಿಲ್ಲ ಬಿಗ್​ ಬಾಸ್​ ಮಂದಿ; ಮಿತಿ ಮೀರಿ ಇಂಗ್ಲಿಷ್​ ಬಳಸಿದ್ದಕ್ಕೆ ಈಗ ಕಠಿಣ ಶಿಕ್ಷೆ

ವರ್ತೂರು ಸಂತೋಷ್ ಬಳಿಕ ಹೆಚ್ಚು ಮತ ಪಡೆದು ಎರಡನೇ ಸ್ಥಾನದಲ್ಲಿರುವುದು ನಮ್ರತಾ ಗೌಡ. ಕಳೆದ ವಾರ ಐದರ ಬಳಿಕದ ಸ್ಥಾನದಲ್ಲಿದ್ದ ನಮ್ರತಾ ಈ ವಾರ ಎರಡನೇ ಸ್ಥಾನಕ್ಕೆ ಏರಿದ್ದಾರೆ. ಈ ವಾರ ಉತ್ತಮ ಪ್ರಶಸ್ತಿ ಸಹ ಪಡೆದು, ಕಿಚ್ಚನ ಚಪ್ಪಾಳೆಯನ್ನೂ ಪಡೆದಿರುವ ನಮ್ರತಾ ಹೆಚ್ವು ಮತಗಳು ಬಂದಿರುವುದನ್ನು ಸಹ ಸಖತ್ ಎಂಜಾಯ್ ಮಾಡಿದರು. ಎಲ್ಲರಿಗೂ ಧನ್ಯವಾದವನ್ನೂ ಸಹ ಹೇಳಿದರು. ಇನ್ನು ಮತಗಳ ಆಧಾರದಲ್ಲಿ ಮೂರನೇ ಸ್ಥಾನದಲ್ಲಿರುವುದು ಡ್ರೋನ್ ಪ್ರತಾಪ್. ಕಳೆದ ವಾರ ನಂಬರ್ 1 ಸ್ಥಾನದಲ್ಲಿದ್ದ ಡ್ರೋನ್ ಪ್ರತಾಪ್ ಈ ವಾರ ಮೂರನೇ ಸ್ಥಾನಕ್ಕೆ ಬಂದಿದ್ದಾರೆ.

ಇನ್ನು ವಿನಯ್ ಗೌಡ, ಸ್ನೇಹಿತ್ ಗೌಡ, ಸಂಗೀತಾ, ಮೈಖಲ್ ಹಾಗೂ ತನಿಷಾ ಅವರುಗಳು ಎಲಿಮಿನೇಷನ್ ಪಟ್ಟಿಯಲ್ಲಿದ್ದಾರೆ. ಇವರಲ್ಲಿ ಒಬ್ಬರು ಈ ವಾರ ಮನೆಗೆ ಹೋಗಲಿದ್ದಾರೆ. ಎಲ್ಲರೂ ಗಟ್ಟಿ ಕಂಟೆಸ್ಟ್​ಗಳೇ ಆಗಿದ್ದಾರೆ. ಇಷ್ಟರಲ್ಲಿ ಯಾರು ಮನೆಗೆ ಹೋಗಲಿದ್ದಾರೆ ಎಂಬುದು ನಾಳೆ ಅಂದರೆ ಭಾನುವಾರದ ಎಪಿಸೋಡ್​ನಲ್ಲಿ ತಿಳಿಯಲಿದೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ