KBC 14: ‘ನಿಮ್ಮದು ಕೆಟ್ಟ ಸಿನಿಮಾವಂತೆ’: ಅಭಿಮಾನಿ​ಯ ನೇರ ಮಾತಿಗೆ ಅಮಿತಾಭ್​​ ನೀಡಿದ ಪ್ರತಿಕ್ರಿಯೆ ಏನು?

ಲೆಜೆಂಡರಿ ನಟ ಅಮಿತಾಭ್​ ಬಚ್ಚನ್​ (Amitabh Bachchan) ಅವರು ನಿರೂಪಕನಾಗಿಯೂ ತಮ್ಮ ಛಾಪು ಮೂಡಿಸಿದ್ದಾರೆ. ಅವರು ನಡೆಸಿಕೊಡುವ ‘ಕೌನ್​ ಬನೇಗಾ ಕರೋಡ್​ಪತಿ’ (Kaun Banega Crorepati) ಕಾರ್ಯಕ್ರಮವನ್ನು ಕೋಟ್ಯಂತರ ಮಂದಿ ನೋಡುತ್ತಾರೆ. ಅಮಿತಾಭ್​ ಬಚ್ಚನ್​ ಅವರು ಕಾರ್ಯಕ್ರಮ ನಡೆಸಿಕೊಡುವ ರೀತಿಗೆ ಎಲ್ಲರೂ ಫಿದಾ ಆಗಿದ್ದಾರೆ. ಸದ್ಯ ಈ ಕಾರ್ಯಕ್ರಮದ 14ನೇ ಸೀಸನ್​ (KBC 14) ನಡೆಯುತ್ತಿದೆ. ಇದರಲ್ಲಿ ಭಾಗವಹಿಸುವ ಸ್ಪರ್ಧಿಗಳ ಜೊತೆ ಬಿಗ್​ ಬಿ​ ಅವರು ತುಂಬ ಸ್ನೇಹಪೂರ್ವಕವಾಗಿ ನಡೆದುಕೊಳ್ಳುತ್ತಾರೆ. ಈಗ ಅಮಿತಾಭ್​ ಬಚ್ಚನ್​ ಅವರ ಅಭಿಮಾನಿಯೊಬ್ಬರು ‘ಕೌನ್​ ಬನೇಗಾ ಕರೋಡ್​ಪತಿ’ ಕಾರ್ಯಕ್ರಮದ ಹಾಟ್​ ಸೀಟ್​ನಲ್ಲಿ ಕುಳಿತು ‘ನಿಮ್ಮದು ಕೆಟ್ಟ ಸಿನಿಮಾವಂತೆ’ ಎಂದು ನೇರವಾಗಿ ಹೇಳಿದ್ದಾರೆ. ಅದಕ್ಕೆ ಅಮಿತಾಭ್​ ಬಚ್ಚನ್​ ಅವರು ತಮ್ಮದೇ ರೀತಿಯಲ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ.

‘ಕೌನ್​ ಬನೇಗಾ ಕರೋಡ್​ಪತಿ’ ಕಾರ್ಯಕ್ರಮಕ್ಕೆ ದೇಶದ ಮೂಲೆಮೂಲೆಯಿಂದ ಹಲವು ವ್ಯಕ್ತಿಗಳು ಬರುತ್ತಾರೆ. ಈ ವಾರ ಕೃಷ್ಣ ದಾಸ್​ ಎಂಬುವವರು ಬಂದಿದ್ದಾರೆ. ಅವರ ಜೊತೆ ಅಮಿತಾಭ್​ ನಡೆಸಿದ ಮಾತುಕಥೆ ಸಖತ್​ ಫನ್ನಿ ಆಗಿದೆ. ಅದರ ಪ್ರೋಮೋವನ್ನು ಸೋನಿ ವಾಹಿನಿ ಹಂಚಿಕೊಂಡಿದ್ದು, ಸಿಕ್ಕಾಪಟ್ಟೆ ವೈರಲ್​ ಆಗಿದೆ.

ಇದನ್ನೂ ಓದಿ

ಸಿದ್ದಗಂಗಾ ಶ್ರೀಗಳ ಪಾತ್ರದಲ್ಲಿ ಅಮಿತಾಭ್ ಬಚ್ಚನ್​?; ಸಿದ್ಧವಾಗುತ್ತಿದೆ ಮಿನಿ ಸಿನಿ ಸೀರಿಸ್​

ಅಮಿತಾಭ್​ ಬಚ್ಚನ್​ ಸಿನಿಮಾಗೆ ತಡೆಕೋರಿ ಅರ್ಜಿ ಸಲ್ಲಿಸಿದ ವ್ಯಕ್ತಿಗೆ 10 ಲಕ್ಷ ರೂಪಾಯಿ ದಂಡ ವಿಧಿಸಿದ ಕೋರ್ಟ್​

79ರ ಪ್ರಾಯದ ಅಮಿತಾಭ್​ ಆರೋಗ್ಯದ ಬಗ್ಗೆ ಮೂಡಿದೆ ಆತಂಕ; ಒಂದೇ ಟ್ವೀಟ್​ನಿಂದ ಗಾಬರಿಗೊಳಿಸಿದ ಬಿಗ್​ ಬಿ

ಅಮಿತಾಭ್​ ಬಚ್ಚನ್​ ವ್ಯಕ್ತಿತ್ವ ಎಂಥದ್ದು? ಇಂಚಿಂಚು ವಿವರಿಸಿದ ರಶ್ಮಿಕಾ ಮಂದಣ್ಣ

‘ನನ್ನ ಪತ್ನಿ ನನ್ನನ್ನು ಪ್ರೀತಿ ಮಾಡುವುದಿಲ್ಲ ಎನಿಸುತ್ತದೆ’ ಎಂದು ಕೃಷ್ಣ ದಾಸ್​ ಹೇಳಿದರು. ‘ಹಾಗೆ ಯಾಕೆ ಅಂದುಕೊಳ್ಳುತ್ತೀರಿ’ ಅಂತ ಅಮಿತಾಭ್​ ಪ್ರಶ್ನೆ ಮಾಡಿದರು. ‘ಯಾಕೆಂದರೆ, ನಾನು ನಿಮ್ಮ ಸಿನಿಮಾಗಳನ್ನು ನೋಡುವಾಗಲೆಲ್ಲ ನನ್ನ ಹೆಂಡತಿ ಬಂದು ಅಂದೆಂಥ ಕೆಟ್ಟ ಸಿನಿಮಾ ನೋಡ್ತಿದ್ದೀರಿ ಅಂತ ಕೇಳ್ತಾಳೆ’ ಎಂದು ಕೃಷ್ಣ ದಾಸ್​ ಹೇಳಿದರು. ಈ ಮಾತು ಕೇಳಿ ಅಮಿತಾಭ್​ ಬಚ್ಚನ್​ ಅವರಿಗೆ ಶಾಕ್​ ಆಗಿದೆ.

‘ಮೊದಲು ನನಗೆ ಈ ನಿಮ್ಮ ಮಾತನ್ನು ಅರಗಿಸಿಕೊಳ್ಳಲು ಬಿಡಿ. ನಾನು ಕೆಟ್ಟ ಸಿನಿಮಾ ಮಾಡ್ತೇನಾ’ ಎಂದು ತಮಗೆ ತಾವೇ ಪ್ರಶ್ನೆ ಮಾಡಿಕೊಂಡ ಅಮಿತಾಭ್​ ಬಚ್ಚನ್​ ಅವರು ಹಣೆ ಚಚ್ಚಿಕೊಂಡರು. ಇವರಿಬ್ಬರ ನಡುವಿನ ಸಂಭಾಷಣೆ ಕೇಳಿ ವೀಕ್ಷಕರೆಲ್ಲರೂ ಬಿದ್ದು ಬಿದ್ದು ನಕ್ಕರು. ಸದ್ಯ ಸೋಶಿಯಲ್​ ಮೀಡಿಯಾದಲ್ಲಿ ಈ ವಿಡಿಯೋ ಸಖತ್​ ವೈರಲ್​ ಆಗಿದೆ.

View this post on Instagram

A post shared by Sony Entertainment Television (@sonytvofficial)

ಅಮಿತಾಭ್​ ಬಚ್ಚನ್​ ಅವರಿಗೆ ಈಗ 79 ವರ್ಷ ವಯಸ್ಸು. ಅಕ್ಟೋಬರ್​ 11ರಂದು ಅವರು 80ನೇ ವಯಸ್ಸಿಗೆ ಕಾಲಿಡಲಿದ್ದಾರೆ. ಈ ಪ್ರಾಯದಲ್ಲೂ ಅವರು ದಣಿವರಿಯದ ಯುವಕನಂತೆ ಕೆಲಸ ಮಾಡುತ್ತಿದ್ದಾರೆ. ಅನೇಕ ಸಿನಿಮಾಗಳು ಅವರ ಕೈಯಲ್ಲಿವೆ. ಅವರು ನಟಿಸಿರುವ ‘ಬ್ರಹ್ಮಾಸ್ತ್ರ’, ‘ಗುಡ್​ಬೈ’ ಮುಂತಾದ ಸಿನಿಮಾಗಳು ಬಿಡುಗಡೆಗೆ ಸಜ್ಜಾಗಿವೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 8:26 am, Wed, 7 September 22