Jr NTR: ರಾಮ್ ಚರಣ್ ಬರ್ತ್ಡೇ ಪಾರ್ಟಿಗೆ ಜೂನಿಯರ್ ಎನ್ಟಿಆರ್ ಯಾಕೆ ಬರಲಿಲ್ಲ? ಇಲ್ಲಿದೆ ಕಾರಣ..
Ram Charan Birthday: ‘ಆರ್ಆರ್ಆರ್’ ಚಿತ್ರತಂಡದವರಲ್ಲಿ ಕಿರಿಕ್ ಆಗಿದ್ದು, ಆ ಕಾರಣದಿಂದಲೇ ಜೂನಿಯರ್ ಎನ್ಟಿಆರ್ ಅವರು ರಾಮ್ ಚರಣ್ ಜನ್ಮದಿನದ ಪಾರ್ಟಿಗೆ ಬಂದಿರಲಿಲ್ಲ ಎಂದು ಗಾಸಿಪ್ ಹಬ್ಬಿಸಲಾಗಿದೆ.
Updated on:Mar 29, 2023 | 10:43 AM
ನಟ ರಾಮ್ ಚರಣ್ (Ram Charan) ಅವರು ಇತ್ತೀಚೆಗೆ ಅದ್ದೂರಿಯಾಗಿ ಬರ್ತ್ಡೇ ಪಾರ್ಟಿ ಮಾಡಿಕೊಂಡರು. ತೆಲುಗು ಚಿತ್ರರಂಗದ ಅನೇಕರನ್ನು ಕರೆದು ಅವರು ಔತಣ ನೀಡಿದರು. ಮಾರ್ಚ್ 27ರ ರಾತ್ರಿ ನಡೆದ ಈ ಪಾರ್ಟಿಯಲ್ಲಿ ಟಾಲಿವುಡ್ನ ಅನೇಕ ಗಣ್ಯರು ಭಾಗಿ ಆಗಿದ್ದರು. ಆದರೆ ರಾಮ್ ಚರಣ್ ಅವರ ಸ್ನೇಹಿತ ಜೂನಿಯರ್ ಎನ್ಟಿಆರ್ ಹಾಜರಿ ಹಾಕಿರಲಿಲ್ಲ. ‘ಆರ್ಆರ್ಆರ್’ ಸಿನಿಮಾದಲ್ಲಿ ಈ ಸ್ಟಾರ್ ಕಲಾವಿದರು ಒಟ್ಟಿಗೆ ನಟಿಸಿದ್ದಾರೆ. ಇಬ್ಬರ ನಡುವೆ ಉತ್ತಮ ಬಾಂಧವ್ಯ ಇದೆ. ಹಾಗಿದ್ದರೂ ಕೂಡ ಸ್ನೇಹಿತನ ಜನ್ಮದಿನದ ಪಾರ್ಟಿಗೆ ಜೂನಿಯರ್ ಎನ್ಟಿಆರ್ (Jr NTR) ಬಂದಿಲ್ಲ ಎಂಬುದು ಚರ್ಚೆಯ ವಿಷಯ ಆಗಿದೆ. ಇವರಿಬ್ಬರ ನಡುವೆ ಏನಾದರೂ ಮನಸ್ತಾಪ ಉಂಟಾಗಿದೆಯೇ ಎಂಬ ಪ್ರಶ್ನೆ ಮೂಡಿದೆ. ಆದರೆ ಜೂನಿಯರ್ ಎನ್ಟಿಆರ್ ಅವರು ಗೈರಾಗಿದ್ದಕ್ಕೆ ಅಸಲಿ ಕಾರಣ ಇಲ್ಲಿದೆ…
ಸಣ್ಣ ವಿಚಾರ ಸಿಕ್ಕರೂ ಸಾಕು, ಅದನ್ನೇ ದೊಡ್ಡದು ಮಾಡುತ್ತಾರೆ ಗಾಸಿಪ್ ಮಂದಿ. ಆಸ್ಕರ್ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ಮುಗಿಸಿ ಬಂದ ‘ಆರ್ಆರ್ಆರ್’ ಚಿತ್ರತಂಡದವರಲ್ಲಿ ಏನೋ ಕಿರಿಕ್ ಆಗಿದೆ ಎಂದು ಅನೇಕರು ಮಾತಾಡಿಕೊಂಡಿದ್ದಾರೆ. ಅದೇ ಕಾರಣದಿಂದಲೇ ಜೂನಿಯರ್ ಎನ್ಟಿಆರ್ ಅವರು ರಾಮ್ ಚರಣ್ ಜನ್ಮದಿನದ ಪಾರ್ಟಿಗೆ ಬಂದಿರಲಿಲ್ಲ ಎಂದು ಗಾಸಿಪ್ ಹಬ್ಬಿಸಲಾಗಿದೆ. ಆದರೆ ಅಸಲಿ ವಿಷಯ ಅದು ಅಲ್ಲವೇ ಅಲ್ಲ.
ಇದನ್ನೂ ಓದಿ: ರಾಮ್ ಚರಣ್ ಜನ್ಮದಿನ; ಸ್ಟಾರ್ ನಟನ ಈ ಸಿನಿಮಾಗಳನ್ನು ನೀವು ಮಿಸ್ ಮಾಡಲೇಬಾರದು
ರಾಮ್ ಚರಣ್ ಜನ್ಮದಿನ ಮಾರ್ಚ್ 27ರಂದು. ಅದಕ್ಕೂ ಒಂದು ದಿನ ಮುಂಚೆ, ಅಂದರೆ ಮಾರ್ಚ್ 26ರಂದು ಜೂನಿಯರ್ ಎನ್ಟಿಆರ್ ಪತ್ನಿ ಲಕ್ಷ್ಮಿ ಪ್ರಣತಿ ಅವರ ಬರ್ತ್ಡೇ. ಆ ಪ್ರಯುಕ್ತ ಮಾರ್ಚ್ 26 ಸಂಜೆ ಜೂನಿಯರ್ ಎನ್ಟಿಆರ್ ಮನೆಯಲ್ಲಿ ಪಾರ್ಟಿ ಆಯೋಜಿಸಲಾಗಿತ್ತು. ಪತ್ನಿಯ ಹುಟ್ಟುಹಬ್ಬದ ಆಚರಣೆಯಲ್ಲಿ ತೊಡಗಿಕೊಂಡಿದ್ದ ಜೂನಿಯರ್ ಎನ್ಟಿಆರ್ ಅವರು ರಾಮ್ ಚರಣ್ ಬರ್ತ್ಡೇ ಪಾರ್ಟಿಗೆ ಬರಲು ಸಾಧ್ಯವಾಗಲಿಲ್ಲ.
ಇದನ್ನೂ ಓದಿ: ರಾಮ್ ಚರಣ್ಗೆ ‘ಗ್ಲೋಬಲ್ ಸ್ಟಾರ್’ ಪಟ್ಟ ನೀಡಿದ ಆನಂದ್ ಮಹಿಂದ್ರಾ; ಅಭಿಮಾನಿಗಳು ಒಪ್ಪಿದ್ರಾ?
‘ಆರ್ಆರ್ಆರ್’ ಸಿನಿಮಾ ಬ್ಲಾಕ್ ಬಸ್ಟರ್ ಆಗಿರುವುದರಿಂದ ಜೂನಿಯರ್ ಎನ್ಟಿಆರ್ ಅವರ ಮುಂದಿನ ಸಿನಿಮಾ ಮೇಲೆ ಭಾರಿ ನಿರೀಕ್ಷೆ ಇದೆ. ಅವರ 30ನೇ ಸಿನಿಮಾ ಇತ್ತೀಚೆಗೆ ಸೆಟ್ಟೇರಿದೆ. ಆ ಚಿತ್ರದ ಕೆಲಸಗಳಲ್ಲಿ ಜೂನಿಯರ್ ಎನ್ಟಿಆರ್ ಬ್ಯುಸಿ ಆಗಿದ್ದಾರೆ. ‘ಎನ್ಟಿಆರ್ 30’ ಎಂದು ಕರೆಯಲಾಗುತ್ತಿರುವ ಈ ಸಿನಿಮಾದಲ್ಲಿ ನಾಯಕಿಯಾಗಿ ಜಾನ್ವಿ ಕಪೂರ್ ನಟಿಸುತ್ತಿದ್ದಾರೆ. ಕೊರಟಾಲ ಶಿವ ನಿರ್ದೇಶನ ಮಾಡುತ್ತಿದ್ದಾರೆ. ಅತ್ತ ರಾಮ್ ಚರಣ್ ಅವರು ‘ಗೇಮ್ ಚೇಂಜರ್’ ಸಿನಿಮಾದ ಕೆಲಸಗಳಲ್ಲಿ ತೊಡಗಿಕೊಂಡಿದ್ದಾರೆ. ಅವರಿಗೆ ಜೋಡಿಯಾಗಿ ಕಿಯಾರಾ ಅಡ್ವಾಣಿ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕೆ ಶಂಕರ್ ನಿರ್ದೇಶನ ಮಾಡುತ್ತಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 10:43 am, Wed, 29 March 23
