ಆಗಸ್ಟ್ 2ರಂದು ಬಾಕ್ಸ್​ ಆಫೀಸ್​ನಲ್ಲಿ ಈ ಸೆಲೆಬ್ರಿಟಿಗಳ ಮುಖಾಮುಖಿ; ಇಲ್ಲಿದೆ ರಿಲೀಸ್​ ವಿವರ

ಸಿನಿಮಾ ಮಂದಿಗೆ ಪ್ರತಿ ಶುಕ್ರವಾರ ಕೂಡ ಸ್ಪೆಷಲ್​. ಯಾಕೆಂದ್ರೆ, ಹೊಸ ಸಿನಿಮಾಗಳ ಬಿಡುಗಡೆಗೆ ಈ ದಿನವೇ ಬೆಸ್ಟ್​. ಪ್ರತಿ ವಾರ ಬಾಕ್ಸ್​ ಆಫೀಸ್​ನಲ್ಲಿ ಪೈಪೋಟಿ ಶುರುವಾಗುವುದು ಶುಕ್ರವಾರದ ಮೊದಲ ಶೋನಿಂದ. ಚಿತ್ರಮಂದಿರಕ್ಕೆ ಪ್ರೇಕ್ಷಕರು ಬಂದೇ ಬರುತ್ತಾರೆ ಎಂಬ ಹೊಸ ಭರವಸೆ, ಹೊಸ ಆಶಾಭಾವದೊಂದಿಗೆ ಸಿನಿಮಂದಿ ತಮ್ಮ ಸಿನಿಮಾಗಳನ್ನು ರಿಲೀಸ್​ ಮಾಡುತ್ತಾರೆ. ಈ ಶುಕ್ರವಾರ (ಆಗಸ್ಟ್​ 2) ಕೂಡ ಒಂದಷ್ಟು ಸಿನಿಮಾಗಳು ಚಿತ್ರಮಂದಿರಕ್ಕೆ ಕಾಲಿಡುತ್ತಿವೆ. ಕನ್ನಡ, ಹಿಂದಿ, ತೆಲುಗು ಮುಂತಾದ ಭಾಷೆಗಳಲ್ಲಿ ಈ ವಾರ ರಿಲೀಸ್​ ಆಗಲಿರುವ ಸಿನಿಮಾಗಳ ಬಗ್ಗೆ ಇಲ್ಲಿದೆ ಮಾಹಿತಿ..

ಈ ವಾರ (ಆ.2) ಕನ್ನಡದಲ್ಲಿ ಸ್ಟಾರ್​ ಸಿನಿಮಾಗಳು ಬಿಡುಗಡೆ ಆಗುತ್ತಿಲ್ಲ. ಬದಲಿಗೆ, ಹೊಸಬರು ಎಂಟ್ರಿ ನೀಡುತ್ತಿದ್ದಾರೆ. ಸಸ್ಪೆನ್ಸ್​ ಥ್ರಿಲ್ಲರ್​ ಕಥಾಹಂದರ ಇರುವ ‘ಅಡವಿಕಟ್ಟೆ’ ಸಿನಿಮಾ ತೆರೆಗೆ ಬರುತ್ತಿದೆ. ಅಭಿಜಿತ್​, ಅನು ಪ್ರೇಮಾ, ನಾಗರಾಜ್​ ಎನ್​, ಶಂಕರ್​, ಮಂಜುಳಾ ರೆಡ್ಡಿ, ಶಾಂತಿ ಮುಂತಾದವರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಯೂತ್​ಫುಲ್​ ಕಾಮಿಡಿ ಕಥಾವಸ್ತು ಇರುವ ‘ಇಶ್ಕ್​’ ಸಿನಿಮಾ ಕೂಡ ಈ ವಾರವೇ ಬಿಡುಗಡೆ ಆಗುತ್ತಿದೆ. ರಾಜು, ಶ್ವೇತಾ ಭಟ್​, ಚೇತನ್​ ದುರ್ಗಾ ಮುಂತಾದವರು ಈ ಚಿತ್ರದಲ್ಲಿ ಅಭಿನಯಿಸಿದ್ದಾರೆ.

ಬಾಲಿವುಡ್​ನ ಅನುಭವಿ ಕಲಾವಿದರಾದ ಅಜಯ್​ ದೇವಗನ್​, ಟಬು ಅವರು ನಟಿಸಿದ ‘ಔರೋ ಮೇ ಕಹಾ ಧಮ್ ತಾ’ ಸಿನಿಮಾ ಆಗಸ್ಟ್​ 2ರಂದು ಬಿಡುಗಡೆ ಆಗುತ್ತಿದೆ. ಒಂದು ಭಿನ್ನವಾದ ಪ್ರೇಮ್​ ಕಹಾನಿ ಈ ಸಿನಿಮಾದಲ್ಲಿ ಇದೆ. ಟ್ರೇಲರ್​ ಮೂಲಕ ಈ ಚಿತ್ರ ಗಮನ ಸೆಳೆದಿದೆ. ಈ ಸಿನಿಮಾದ ಜೊತೆ ಹಿಂದಿಯ ‘ಉಲಜ್’ ಸಿನಿಮಾ ಕೂಡ ರಿಲೀಸ್​ ಆಗುತ್ತಿದೆ. ‘ಉಲಜ್’ ಚಿತ್ರದಲ್ಲಿ ಜಾನ್ವಿ ಕಪೂರ್​, ರೋಷನ್​ ಮ್ಯಾಥೀವ್, ಗುಲ್ಶನ್​ ದೇವಯ್ಯ, ಆದಿಲ್ ಹುಸೇನ್​ ಮುಂತಾದವರು ನಟಿಸಿದ್ದಾರೆ. ಸಸ್ಪೆನ್ಸ್​, ಥ್ರಿಲ್ಲರ್​ ಶೈಲಿಯಲ್ಲಿ ಮೂಡಿಬಂದ ಈ ಸಿನಿಮಾದಲ್ಲಿ ದೇಶಭಕ್ತಿ ಕಥಾಹಂದರ ಇದೆ. ಇದರೊಂದಿಗೆ ಹಾರರ್​ ಕಹಾನಿ ಇರುವ ‘ಬಾರ್ಡೋವಿ’ ಸಿನಿಮಾ ಕೂಡ ತೆರೆಕಾಣುತ್ತಿದೆ. ಅದರಲ್ಲಿ ಛಾಯಾ ಕದಂ, ಚಿತ್ತರಂಜನ್ ಗಿರಿ, ವಿರಾಟ್​ ಮಡ್ಕೆ ಮುಂತಾದವರು ಅಭಿನಯಿಸಿದ್ದಾರೆ.

ಇದನ್ನೂ ಓದಿ: ರಾಜ್ಯ ಸರ್ಕಾರ ಶೇ.2 ಸೆಸ್​ ವಿಧಿಸಿದ್ದಕ್ಕೆ ಚಿತ್ರರಂಗದ ವಿರೋಧ; ಮಂಡಳಿ ಅಧ್ಯಕ್ಷರು ಹೇಳಿದ್ದೇನು?

ತೆಲುಗಿನಲ್ಲಿ ಈ ವಾರ ಸಾಲು ಸಾಲು ಸಿನಿಮಾಗಳು ಬಿಡುಗಡೆ ಆಗುತ್ತಿವೆ. ಕೃಷ್ಣ ವಂಶಿ ನಟನೆಯ ‘ಅಲನಾಟಿ ರಾಮಚಂದ್ರುಡು’, ಪವನ್​ ಕುಮಾರ್​ ಕೆ. ಅಭಿನಯದ ‘ಅರ್ವೇಜ್​ ಸ್ಟುಡೆಂಟ್​ ನಾನಿ’, ಅಲ್ಲಿ ಸಿರೀಶ್​ ಮುಖ್ಯ ಪಾತ್ರ ಮಾಡಿರುವ ‘ಬಡ್ಡಿ’, ಅಶ್ವಿನ್​ ಬಾಬು ನಟಸಿರುವ ‘ಶಿವಂ ಭಜೆ’, ರಾಜ್​ ತರುಣ್​ ನಟನೆಯ ‘ತಿರಗಬದರಸಾಮಿ’, ಶ್ರೀ ಕಮಲ್ ಅಭಿನಯಿಸಿದ ‘ಉಷಾ ಪರಿಣಯಂ’, ವರುಣ್​ ಸಂದೇಶ್​ ನಟನೆಯ ‘ವಿರಾಜ್​’ ಚಿತ್ರಗಳು ತೆರೆಕಾಣುತ್ತಿವೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.