ಧ್ಯಾನ ಮೆದುಳಿನ ವಯಸ್ಸನ್ನು ಕಡಿಮೆ ಮಾಡುತ್ತಂತೆ; ಹಾರ್ವರ್ಡ್ ಸಂಶೋಧನೆ

ಬೆಂಗಳೂರು, ಮೇ 21: ಬಿಡುವಿಲ್ಲದ ಒತ್ತಡದ ಬದುಕಿನಲ್ಲಿ ಈಗೀಗ ಯುವಜನರು ಕೂಡ ಯೋಗ, ಧ್ಯಾನದ ಮೊರೆ ಹೋಗುತ್ತಿದ್ದಾರೆ. ಮಾನಸಿಕ ನೆಮ್ಮದಿಗಾಗಿ ಧ್ಯಾನ ಶಿಬಿರಗಳಿಗೆ ಸೇರುವವರೂ ಇದ್ದಾರೆ. ಇದೆಲ್ಲದರ ನಡುವೆ ಹಾರ್ವರ್ಡ್ ಸಂಶೋಧನೆಯೊಂದು ಧ್ಯಾನದ ಬಗ್ಗೆ ಅಚ್ಚರಿಯ ಮಾಹಿತಿ ಬಯಲು ಮಾಡಿದೆ. ಮ್ಯಾಸಚೂಸೆಟ್ಸ್ ಜನರಲ್ ಆಸ್ಪತ್ರೆ ಮತ್ತು ಬೆತ್ ಇಸ್ರೇಲ್ ಡೀಕನೆಸ್ ವೈದ್ಯಕೀಯ ಶಾಲೆಯ ಸಂಶೋಧಕರು ಒಂದು ಹೊಸ ಅಧ್ಯಯನದಲ್ಲಿ ಸದ್ಗುರು (Sadhguru) ಪರಿಚಯಿಸಿದ ಸಂಯಮ ಸಾಧನ ಎಂಬ ಮುಂದುವರಿದ ಧ್ಯಾನ ಅಭ್ಯಾಸಗಳು ಮೆದುಳಿನ ಜೈವಿಕ ಯುಗವನ್ನು ಹಿಮ್ಮೆಟ್ಟಿಸುವ ಸಾಮರ್ಥ್ಯವನ್ನು ಹೊಂದಿವೆ ಎಂದು ದೃಢಪಡಿಸಿದ್ದಾರೆ. ಈ ಎರಡೂ ಶಾಲೆಗಳು ಹಾರ್ವರ್ಡ್ ವಿಶ್ವವಿದ್ಯಾಲಯದೊಂದಿಗೆ ಸಂಯೋಜಿತವಾಗಿವೆ. ಸದ್ಗುರು ಜಗ್ಗಿ ವಾಸುದೇವ್ ಪರಿಚಯಿಸಿದ “ಸಂಯಮ ಸಾಧನ” ಎಂಬ 8 ದಿನಗಳ ಧ್ಯಾನ ಕಾರ್ಯಕ್ರಮದ ಬಗ್ಗೆ ಈ ಸಂಶೋಧನೆ ಮಾಡಲಾಗಿದೆ.

“ಆಧುನಿಕ ವಿಜ್ಞಾನವು ಮಾನವ ಕಾರ್ಯವಿಧಾನದ ಮೇಲೆ ವ್ಯಕ್ತಿನಿಷ್ಠ ವಿಜ್ಞಾನಗಳ ಪ್ರಭಾವವನ್ನು ಗುರುತಿಸಲು ಮತ್ತು ಅಳೆಯಲು ಸಾಧ್ಯವಾಗುತ್ತಿರುವುದು ಅದ್ಭುತ ಸಂಗತಿಯಾಗಿದೆ. ಪ್ರತಿಯೊಬ್ಬ ಮನುಷ್ಯನು ತನ್ನದೇ ಆದ ಮಾನಸಿಕ ಮತ್ತು ದೈಹಿಕ ಯೋಗಕ್ಷೇಮದಲ್ಲಿ ಹೂಡಿಕೆ ಮಾಡಬೇಕು. “ನಾವು ಇದನ್ನು ನಮಗೆ, ನಮ್ಮ ಸುತ್ತಮುತ್ತಲಿನ ಜನರಿಗೆ ಮತ್ತು ಮುಂಬರುವ ಪೀಳಿಗೆಗೆ ತಿಳಿಸಬೇಕಿದೆ” ಎಂದು ಸದ್ಗುರು ಹೇಳಿದ್ದಾರೆ.

ಇದನ್ನೂ ಓದಿ: ಈಶಾ ಫೌಂಡೇಶನ್​ನಿಂದಲೇ ರೈತ ಉತ್ಪಾದಕ ಕಂಪನಿಗಳ ಆರಂಭ: ಸದ್ಗುರು

ಹಾರ್ವರ್ಡ್ ವೈದ್ಯಕೀಯ ಶಾಲೆಯ ಅರಿವಳಿಕೆ ಶಾಸ್ತ್ರದ ಬಿಐಡಿಎಂಸಿಯಲ್ಲಿರುವ ಸದ್ಗುರು ಸೆಂಟರ್ ಫಾರ್ ಎ ಕಾನ್ಷಿಯಸ್ ಪ್ಲಾನೆಟ್‌ನ ನಿರ್ದೇಶಕ ಡಾ. ಬಾಲ ಸುಬ್ರಮಣಿಯಂ ಅವರು ಪೋಸ್ಟ್ ಮಾಡಿದ ಮೂಲ ಪ್ರಬಂಧವನ್ನು ಸದ್ಗುರು ಜಗ್ಗಿ ವಾಸುದೇವ್ ಮತ್ತೆ ಶೇರ್ ಮಾಡಿಕೊಂಡಿದ್ದಾರೆ. “ಮೈಂಡ್‌ಫುಲ್‌ನೆಸ್ (https://rdcu.be/emo2O) ಕುರಿತ ನಮ್ಮ ಹೊಸ ಅಧ್ಯಯನವು ಧ್ಯಾನಸ್ಥರಿಗೆ ಮಾಮೂಲಿ ಜನರಿಗಿಂತ 5.9 ವರ್ಷ ಕಿರಿಯ ಮೆದುಳಿನ ವಯಸ್ಸು ಇದೆ ಎಂದು ತೋರಿಸುತ್ತದೆ! ಧ್ಯಾನವು ಮೆದುಳಿನ ವಯಸ್ಸನ್ನು ಹಿಮ್ಮೆಟ್ಟಿಸುವ ಕೀಲಿಯನ್ನು ಹೊಂದಿರಬಹುದು. ಈ ಅದ್ಭುತ ಸಂಶೋಧನೆಯ ಭಾಗವಾಗಿರಲು ಹೆಮ್ಮೆಪಡುತ್ತೇನೆ.” ಎಂದು ಡಾ. ಸುಬ್ರಮಣಿಯಂ ಬರೆದಿದ್ದಾರೆ.

It is wonderful that modern science is able to identify and measure the impact of the subjective sciences on the human mechanism. Enhancing the exuberance & vibrancy of the human mechanism will naturally slow the aging process & cognitive decline. Every human being must invest in… https://t.co/lEDlPMImcc pic.twitter.com/8ynup9ZGuJ

— Sadhguru (@SadhguruJV) May 18, 2025

ಈ ಸಂಶೋಧನೆಗೆ ಎರಡು ಆರೋಗ್ಯಕರ ಹೋಲಿಕೆ ಗುಂಪುಗಳು ಮತ್ತು ವಯಸ್ಸಿಗೆ ಸಂಬಂಧಿಸಿದ ಮೆದುಳಿನ ರೋಗಶಾಸ್ತ್ರದ ವಿವಿಧ ಹಂತಗಳನ್ನು ಹೊಂದಿರುವ ನಾಲ್ಕು ಹೋಲಿಕೆ ಗುಂಪುಗಳನ್ನು ಸೇರಿಸಲಾಗಿದೆ. “ರಾತ್ರಿಯ ಎಲೆಕ್ಟ್ರೋಎನ್ಸೆಫಾಲೋಗ್ರಫಿಯನ್ನು ಬಳಸಿಕೊಂಡು, ಮೆದುಳಿನ ವಯಸ್ಸಿನ ಶಾರೀರಿಕ ಅಳತೆಗಳನ್ನು ಕಾಲಾನುಕ್ರಮದ ವಯಸ್ಸಿನ ಆಧಾರದ ಮೇಲೆ ಈ ಸಂಶೋಧನೆ ನಡೆಸಲಾಗಿದೆ. ಈ ಸಂಶೋಧನೆಗಳು ಮೆದುಳಿನ ಆರೋಗ್ಯದ ಬಗ್ಗೆ ತೀವ್ರ ಚರ್ಚೆಗಳು ನಡೆಯುತ್ತಿರುವ ಸಮಯದಲ್ಲೇ ಪ್ರಕಟವಾಗಿದೆ.

ಇದನ್ನೂ ಓದಿ: ಧರ್ಮ, ಜಾತಿಯ ಆಧಾರಕ್ಕಿಂತ ರಾಷ್ಟ್ರೀಯ ಏಕತೆ ಅಗತ್ಯ : ಭಯೋತ್ಪಾದಕ ದಾಳಿಯನ್ನು ಖಂಡಿಸಿದ ಸದ್ಗುರು

ವಿಶೇಷವಾಗಿ ನರ ಕ್ಷೀಣಗೊಳ್ಳುವ ಕಾಯಿಲೆಗಳು ಮತ್ತು ವಯಸ್ಸಿಗೆ ಸಂಬಂಧಿಸಿದ ಅರಿವಿನ ಕುಸಿತವು ಜಾಗತಿಕವಾಗಿ ಹೆಚ್ಚುತ್ತಿದೆ. ಈ ಹಿಂದಿನ ಸಂಶೋಧನೆಗಳು ಒತ್ತಡ ಮತ್ತು ಯೋಗಕ್ಷೇಮದ ಮೇಲೆ ಧ್ಯಾನದ ಪ್ರಯೋಜನಗಳನ್ನು ತೋರಿಸಿವೆ. ಆದರೆ ಈ ಅಧ್ಯಯನವು ನರಗಳ ವಯಸ್ಸಾದ ಸಂಭವನೀಯ ನಿಧಾನಗತಿ ಅಥವಾ ಹಿಮ್ಮುಖವನ್ನು ತೋರಿಸಲು ಜೈವಿಕ ಮಾರ್ಕರ್ – ಮೆದುಳಿನ ವಯಸ್ಸನ್ನು ಬಳಸಿದ ಮೊದಲನೆಯ ಸಂಶೋಧನೆಯಾಗಿದೆ.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ 

Published On - 9:18 pm, Wed, 21 May 25