ಶೀತ ಬಾರದಂತೆ ತಡೆಗಟ್ಟುವ 5 ಮುನ್ನೆಚ್ಚರಿಕಾ ಕ್ರಮಗಳಿವು

ಶೀತವೆಂಬುದು ನೋಡಲು ಸಣ್ಣ ರೋಗ. ಆದರೆ, ಅದರಿಂದ ಆಗುವ ಕಿರಿಕಿರಿ ಅಷ್ಟಿಷ್ಟಲ್ಲ. ಶೀತದಿಂದ ಬಳಲುವುದು ಸಾಕಷ್ಟು ಅಹಿತಕರವಾಗಿರುತ್ತದೆ. ಉಸಿರಾಡಲು ಕಷ್ಟವಾಗುತ್ತದೆ, ಗಂಟಲು ನೋವು, ಕಣ್ಣು ಉರಿ, ಕೆಮ್ಮು, ನೆಗಡಿ ಹೀಗೆ ನಾನಾ ಆರೋಗ್ಯ ಸಮಸ್ಯೆಗಳು ಎದುರಾಗುತ್ತವೆ. ವೈರಸ್​ನಿಂದಲೂ ಶೀತ ಹರಡುತ್ತದೆ. ಯಾರಾದರೂ ಕೆಮ್ಮಿದಾಗ ಅಥವಾ ಸೀನಿದಾಗ ಸಣ್ಣ ಹನಿಗಳ ಮೂಲಕ ಶೀತ ಹರಡುತ್ತವೆ.

ಅನಾರೋಗ್ಯವಿರುವ ಜನರ ಸುತ್ತಲೂ ಇರುವ ಮೂಲಕ ಅಥವಾ ಕಲುಷಿತ ವಸ್ತುಗಳನ್ನು ಸ್ಪರ್ಶಿಸಿ, ಅದರಿಂದ ನಮ್ಮ ಮುಖವನ್ನು ಮುಟ್ಟಿಕೊಳ್ಳುವ ಮೂಲಕ ಶೀತ ಹರಡುತ್ತದೆ. ಋತುವಿನ ಬದಲಾವಣೆಯು ಶೀತದ ಅತಿರೇಕದ ಹರಡುವಿಕೆಯ ಮೇಲೆ ಪರಿಣಾಮ ಬೀರುತ್ತದೆ.

ಇದನ್ನೂ ಓದಿ: ಚಹಾವನ್ನು ಮತ್ತೆ ಮತ್ತೆ ಕುದಿಸಿ ಕುಡಿಯುವುದು ಒಳ್ಳೆಯದಲ್ಲ; ಯಾಕೆ ಗೊತ್ತಾ?

ಶೀತವನ್ನು ತಡೆಗಟ್ಟುವುದು ತುಂಬಾ ಕಷ್ಟಕರವೇನಲ್ಲ. ನಿಮ್ಮನ್ನು ಆರೋಗ್ಯವಾಗಿಡಲು ಸಹಾಯ ಮಾಡುವ ಕೆಲವು ತಂತ್ರಗಳು ಇಲ್ಲಿವೆ.

ನಿಮ್ಮ ಕೈಗಳನ್ನು ತೊಳೆಯಿರಿ:

ನಿಯಮಿತವಾಗಿ ಕೈ ತೊಳೆಯುವುದು ಬಹಳ ಮುಖ್ಯ. ವೈರಸ್‌ಗಳು ಯಾವುದಾದರೂ ವಸ್ತುವಿನ ಮೇಲೆ ಸ್ವಲ್ಪ ಸಮಯದವರೆಗೆ ಇರುತ್ತದೆ. ಹೀಗಾಗಿ, 20 ಸೆಕೆಂಡುಗಳ ಕಾಲ ಸೋಪ್ ಮತ್ತು ನೀರಿನಿಂದ ನಿಮ್ಮ ಕೈಗಳನ್ನು ತೊಳೆಯುವುದರಿಂದ ಸೋಂಕು ಹರಡುವುದನ್ನು ತಡೆಯಬಹುದಾಗಿದೆ.

ಯಾವಾಗಲೂ ಮುಟ್ಟುವ ವಸ್ತುಗಳನ್ನು ಸ್ವಚ್ಛವಾಗಿಡಿ:

ಡೋರ್‌ನ ಹಿಡಿಕೆ, ಮೊಬೈಲ್ ಫೋನ್‌ಗಳು ಮತ್ತು ಲೈಟ್ ಸ್ವಿಚ್‌ಗಳಂತಹ ಸಾಮಾನ್ಯವಾಗಿ ಯಾವಾಗಲೂ ಸ್ಪರ್ಶಿಸುವ ಪ್ರದೇಶಗಳನ್ನು ಸ್ವಚ್ಛವಾಗಿಡಿ. ಅನಾರೋಗ್ಯದಿಂದ ಬಳಲುತ್ತಿರುವವರು ಅದನ್ನು ಸ್ಪರ್ಶಿಸಿದರೆ ಅದರಿಂದ ಶೀತದ ವೈರಸ್‌ಗಳು ಮತ್ತೊಬ್ಬರಿಗೆ ಹರಡಬಹುದು.

ಇದನ್ನೂ ಓದಿ: Mulberry Benefits: ಹಿಪ್ಪುನೇರಳೆ ಸೇವನೆಯಿಂದ ಏನು ಪ್ರಯೋಜನ? ಈ ಹಣ್ಣಿನ ಬಗ್ಗೆ ನಿಮಗೆ ಗೊತ್ತಾ?

ಆರೋಗ್ಯಕರ ಅಭ್ಯಾಸಗಳನ್ನು ಬೆಳೆಸಿಕೊಳ್ಳಿ:

ನೀವು ಸಾಕಷ್ಟು ನಿದ್ರೆ ಮಾಡಲು ಮರೆಯಬೇಡಿ. ಸಮತೋಲಿತ ಆಹಾರವನ್ನು ಸೇವಿಸಿ. ದೀರ್ಘಕಾಲದ ಆರೋಗ್ಯ ಸಮಸ್ಯೆ ಎದುರಾಗದಂತೆ ಎಚ್ಚರ ವಹಿಸಿ. ಈ ಅಭ್ಯಾಸಗಳು ನಿಮ್ಮ ರೋಗನಿರೋಧಕ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಹಾಗೇ, ಶೀತದ ಹರಡುವಿಕೆಯನ್ನು ಕಡಿಮೆ ಮಾಡುತ್ತದೆ.

ಮಾಸ್ಕ್ ಧರಿಸಲು ಮರೆಯಬೇಡಿ:

N95 ಅಥವಾ KN95ನಂತಹ ಮಾಸ್ಕ್​ಗಳು ಕೊವಿಡ್ -19 ನಂತಹ ವೈರಸ್‌ಗಳ ಹರಡುವಿಕೆಯನ್ನು ತಡೆಯುವಲ್ಲಿ ಪರಿಣಾಮಕಾರಿಯಾಗಿದೆ. ಅವು ಸಾಮಾನ್ಯ ಶೀತದ ವಿರುದ್ಧ ರಕ್ಷಣೆ ನೀಡುತ್ತವೆ.

ಕಿಕ್ಕಿರಿದ ಸ್ಥಳಗಳಲ್ಲಿ ಓಡಾಡಬೇಡಿ:

ವಿಶೇಷ ಕಾರ್ಯಕ್ರಮ ಅಥವಾ ಪ್ರವಾಸಕ್ಕೂ ಮೊದಲು ಕಿಕ್ಕಿರಿದ ಒಳಾಂಗಣ ಪ್ರದೇಶಗಳಲ್ಲಿ ಓಡಾಡಬೇಡಿ. ಅನೇಕ ಜನರೊಂದಿಗೆ ನಿಕಟ ಸ್ಥಳಗಳಲ್ಲಿರುವುದರಿಂದ ನಿಮಗೆ ಶೀತ ಹರಡುವ ಅಪಾಯ ಹೆಚ್ಚಾಗಿರುತ್ತದೆ.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ