Sugar: ಆರೋಗ್ಯಕ್ಕೆ ಯಾವುದು ಒಳ್ಳೆಯದು? ಬ್ರೌನ್ ಶುಗರ್ ಅಥವಾ ವೈಟ್ ಶುಗರ್?

Sugar: ಆರೋಗ್ಯಕ್ಕೆ ಯಾವುದು ಒಳ್ಳೆಯದು? ಬ್ರೌನ್ ಶುಗರ್ ಅಥವಾ ವೈಟ್ ಶುಗರ್?
White And Brown Sugar

ಸಿಹಿ ಎಂದರೆ ಇಷ್ಟಪಡದವರಿಲ್ಲ, ಆದರೆ ಕೆಲವು ಆರೋಗ್ಯ ಸಮಸ್ಯೆಗಳಿಂದಾಗಿ ಸಿಹಿಯಿಂದ ದೂರ ಉಳಿಯುತ್ತಿದ್ದಾರೆ. ನಾವು ಕೂಡ ನಮ್ಮ ಆರೋಗ್ಯಕ್ಕೆ ಉತ್ತಮವಾದದನ್ನು ಆರಿಸಿಕೊಳ್ಳಲು ಬಯಸುತ್ತೇವೆ.

TV9kannada Web Team

| Edited By: Nayana Rajeev

May 28, 2022 | 12:14 PM

ಸಿಹಿ ಎಂದರೆ ಇಷ್ಟಪಡದವರಿಲ್ಲ, ಆದರೆ ಕೆಲವು ಆರೋಗ್ಯ ಸಮಸ್ಯೆಗಳಿಂದಾಗಿ ಸಿಹಿಯಿಂದ ದೂರ ಉಳಿಯುತ್ತಿದ್ದಾರೆ. ನಾವು ಕೂಡ ನಮ್ಮ ಆರೋಗ್ಯಕ್ಕೆ ಉತ್ತಮವಾದದನ್ನು ಆರಿಸಿಕೊಳ್ಳಲು ಬಯಸುತ್ತೇವೆ. ನಿಮ್ಮ ಆರೋಗ್ಯವೂ ಉತ್ತಮವಾಗಿರಲೆಂದು ಭಾವಿಸಿ ನೀವು ಸಹ ಬಿಳಿ ಸಕ್ಕರೆಯಿಂದ ಕಂದು ಸಕ್ಕರೆಗೆ ಬದಲಾಯಿಸಿದ್ದೀರಾ ಹಾಗಾದರೆ ಈ ಲೇಖನದಿಂದ ನಿಮಗೆ ಸಹಾಯವಾಗಬಹುದು.

ಕಂದು ಸಕ್ಕರೆ ಬಿಳಿ ಬಣ್ಣಕ್ಕಿಂತ ಉತ್ತಮವಾಗಿದೆ ಎಂಬುದು ಸುಳ್ಳು. ಸಂಸ್ಕರಿಸಿದ ಸಕ್ಕರೆ ಹರಳುಗಳನ್ನು ಕಬ್ಬಿನ ಮೊಲಾಸ್ಗಳೊಂದಿಗೆ ಬೆರೆಸಿ ಬ್ರೌನ್ ಸಕ್ಕರೆಯನ್ನು ತಯಾರಿಸಲಾಗುತ್ತದೆ. ಶೇಕಡಾ 95ರಷ್ಟು ಸಂಸ್ಕರಿಸಿದ ಸಕ್ಕರೆಯನ್ನು 5ರಷ್ಟು ಮೊಲಾಸ್ಗಳೊಂದಿಗೆ ಬೆರೆಸಲಾಗುತ್ತದೆ.

ಕಂದು ಸಕ್ಕರೆ ಜೀರ್ಣಕ್ರಿಯೆಗೆ ಸಹಕಾರಿ ಕಂದು ಸಕ್ಕರೆ ಜೀರ್ಣಕಾರಿ ಸಮಸ್ಯೆಗಳಿಗೆ ಸಹಾಯ ಮಾಡುತ್ತದೆ. ಉದಾಹರಣೆಗೆ, ನೀವು ಮಲಬದ್ಧತೆಯಿಂದ ಬಳಲುತ್ತಿದ್ದರೆ, ಒಂದು ಲೋಟ ಬೆಚ್ಚಗಿನ ನೀರು ಶುಂಠಿ ಮತ್ತು ಒಂದು ಟೀ ಚಮಚ ಕಂದು ಸಕ್ಕರೆಯೊಂದಿಗೆ ಬೆರೆಸಿ ಕುಡಿಯುವುದರಿಂದ ಆರೋಗ್ಯ ಸಮಸ್ಯೆ ನಿವಾರಣೆಯಾಗುವುದು.

ಕ್ಯಾಲೊರಿ ಎಷ್ಟಿರುತ್ತದೆ? ಯುಎಸ್​ಡಿಎ ಡಾಟಾ ಪ್ರಕಾರ, ಕಂದು ಸಕ್ಕರೆಯಲ್ಲಿ 100 ಗ್ರಾಂ ಕ್ಯಾಲೊರಿ ಇರುತ್ತದೆ, ಬಿಳಿ ಸಕ್ಕರೆಯಲ್ಲಿ 380 ರಿಂದ 385 ಗ್ರಾಂನಷ್ಟಿರುತ್ತದೆ. ಹಾಗೆಯೇ ಬ್ರೌನ್ ಶುಗರ್​ ಅಲ್ಲಿ ಕ್ಯಾಲ್ಶಿಯಂ ಪ್ರಮಾಣ 83 ಗ್ರಾಂನಷ್ಟಿರುತ್ತದೆ. ಬಿಳಿ ಸಕ್ಕರೆಯಲ್ಲಿ 1 ಗ್ರಾಂನಷ್ಟಿರುತ್ತದೆ.

ಮೊಲಾಸಸ್​ನಿಂದ ಕಂದು ಬಣ್ಣ ಕಬ್ಬಿನ ಮೊಲಾಸಸ್ ಸಕ್ಕರೆಗೆ ವಿಶಿಷ್ಟ ಕಂದು ಬಣ್ಣ ಮತ್ತು ಮೃದುತ್ವವನ್ನು ನೀಡುತ್ತದೆ. ಕಂದು ಸಕ್ಕರೆ ಮತ್ತು ಬಿಳಿ ಸಕ್ಕರೆ ಎರಡರಲ್ಲೂ ಕ್ಯಾಲೋರಿ ಹೋಲಿಕೆ ಬಂದಾಗ, ಕಂದು ಸಕ್ಕರೆಯು ಬಿಳಿ ಸಕ್ಕರೆಗಿಂತ ಶೇಕಡಾ 0.25 ಕಡಿಮೆ ಕ್ಯಾಲೊರಿಗಳನ್ನು ಹೊಂದಿರುತ್ತದೆ. ಸರಳವಾಗಿ ಹೇಳುವುದಾದರೆ, ಕಂದು ಸಕ್ಕರೆ ಮೊಲಾಸಸ್ ಸಿರಪ್‌ನಿಂದ ಲೇಪಿತವಾದ ಬಿಳಿ ಸಕ್ಕರೆಯಾಗಿದೆ. ಕಂದು ಸಕ್ಕರೆಯು ಬಿಳಿ ಸಕ್ಕರೆಗಿಂತ ಹೆಚ್ಚಿನ ಖನಿಜಗಳನ್ನು ಹೊಂದಿದ್ದರೂ, ಈ ಖನಿಜಗಳ ಪ್ರಮಾಣವು ತುಂಬಾ ಕಡಿಮೆಯಾಗಿದ್ದು, ಇದರಿಂದ ನೀವು ಯಾವುದೇ ಆರೋಗ್ಯ ಪ್ರಯೋಜನಗಳನ್ನು ಪಡೆಯುವುದಿಲ್ಲ.

ಕಂದು ಸಕ್ಕರೆಯಲ್ಲಿ ಮೊಲಾಸಸ್ ಇರುವುದರಿಂದ, ಇದು ಸ್ವಲ್ಪ ತೇವಾಂಶವನ್ನು ಉಳಿಸಿಕೊಳ್ಳುತ್ತದೆ ಮತ್ತು ಮೃದುವಾದ ವಿನ್ಯಾಸವನ್ನು ಹೊಂದಿರುತ್ತದೆ ಮತ್ತು ಬೇಯಿಸಿದ ಸಿಹಿತಿಂಡಿಗಳಿಗೆ ಇದು ಸೂಕ್ತವಾಗಿರುತ್ತದೆ.

ಆರೋಗ್ಯಕರ ಸಿಹಿಕಾರಕಗಳು ನಿಮ್ಮ ಆಹಾರ ಪದ್ಧತಿಯಿಂದ ಸಕ್ಕರೆಯನ್ನು ಬಿಡುವ ಅಥವಾ ತಿನ್ನದೇ ಇರುವ ಬಗ್ಗೆ ಯೋಜಿಸುತ್ತಿದ್ದರೆ ಇದು ಉತ್ತಮ ಅಭ್ಯಾಸ. ಸಕ್ಕರೆಯ ಬದಲಿಗೆ ಮಾರುಕಟ್ಟೆಯಲ್ಲಿ ಹಲವಾರು ಆರೋಗ್ಯಕರ ಪದಾರ್ಥಗಳಿವೆ. ನೀವು ಸ್ಟೀವಿಯಾ ಅಥವಾ ತೆಂಗಿನಕಾಯಿ ಸಕ್ಕರೆಯನ್ನು ಆರಿಸಿಕೊಳ್ಳಬಹುದು.

ಇದು ರುಚಿಕರ ಮತ್ತು ನೋಡಲು ಸಹ ಸಕ್ಕರೆಯಂತೆ ಕಾಣುತ್ತದೆ. ಅಲ್ಲದೇ, ಮ್ಯಾಪಲ್ ಸಿರಪ್, ಜೇನುತುಪ್ಪ ಮತ್ತು ಭೂತಾಳೆ ಮಕರಂದ ನಿಮ್ಮ ಆಹಾರದಲ್ಲಿ ಸಕ್ಕರೆಯನ್ನು ಬದಲಿಸುವ ಕೆಲವು ಆಯ್ಕೆಗಳಾಗಿವೆ.

ಚಹಾದೊಂದಿಗೆ ಸೇವಿಸಬಹುದು: ಸಂಪೂರ್ಣ ಕೆಮಿಕಲ್ ಫ್ರೀ ಆಗಿದ್ದು, ಇದನ್ನು ಚಹಾ, ಕಾಫಿ ಜೊತೆ ಸೇವಿಸಬಹುದು. ಪಿರಿಯಡ್ಸ್ ಸಮಯದಲ್ಲಿ ಉಂಟಾಗುವ ಸೆಳೆತವು ವಿಪರೀತ ನೋವನ್ನುಂಟು ಮಾಡುತ್ತದೆ. ಬ್ರೌನ್ ಶುಗರ್ ನ್ನು ಸೇವಿಸುವುದು ಈ ಸೆಳೆತದ ವಿರುದ್ಧ ಚೆನ್ನಾಗಿ ಹೋರಾಡಲು ಸಹಾಯ ಮಾಡುತ್ತದೆ.

ಆರೋಗ್ಯಕ್ಕೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Follow us on

Related Stories

Most Read Stories

Click on your DTH Provider to Add TV9 Kannada