ಒಂದು ದಿನ ಹಲ್ಲುಜ್ಜದಿದ್ದರೆ ಏನಾಗುತ್ತೆ ಎಂದು ಅಸಡ್ಡೆ ಮಾಡಿದ್ರೆ ಬರುತ್ತೆ ಅಪಾಯಕಾರಿ ಕಾಯಿಲೆ!
ಹಲ್ಲುಜ್ಜದೇ ಇರುವುದು ಅಪಾಯಕಾರಿ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು ಎಂದರೆ ನಂಬುತ್ತೀರಾ? ಹೌದು, ಬಾಯಿಯಲ್ಲಿರುವ ಬ್ಯಾಕ್ಟೀರಿಯಾಗಳು ಹೃದಯ ಸಂಬಂಧಿ ಕಾಯಿಲೆ, ಶ್ವಾಸಕೋಶದ ಸೋಂಕು ಮತ್ತು ಬಾಯಿಯ ಕ್ಯಾನ್ಸರ್ನಂತಹ ಗಂಭೀರ ಆರೋಗ್ಯ ಸಮಸ್ಯೆಗಳನ್ನು ಉಂಟುಮಾಡಬಹುದು. ಈ ವಿಷಯ ಕೆಲವರಿಗೆ ಆಶ್ಚರ್ಯ ಹುಟ್ಟಿಸಬಹುದು. ಆದರೆ ಇದು ನಿಜ. ದಿನಕ್ಕೆ ಒಮ್ಮೆ ಹಲ್ಲುಜ್ಜದೇ ಇರುವುದು ಕೂಡ ಅಪಾಯಕಾರಿ. ಹಾಗಾದರೆ ಹಲ್ಲುಜ್ಜದಿದ್ದಾಗ ಬಾಯಲ್ಲಿ ಏನೆಲ್ಲಾ ಆಗುತ್ತೆ, ಇದೆಷ್ಟು ಅಪಾಯಕಾರಿ ಎಂಬುದನ್ನು ತಿಳಿದುಕೊಳ್ಳಿ.
Updated on: Dec 03, 2025 | 7:47 PM
ಚಳಿಗಾಲದಲ್ಲಿ ಕೆಲವರು ಹಲ್ಲುಜ್ಜುವುದನ್ನೇ (Tooth brushing) ತಪ್ಪಿಸುತ್ತಾರೆ. ಒಂದು ದಿನ ಹಲ್ಲುಜ್ಜದಿದ್ದರೆ ಏನಾಗುತ್ತದೆ ಎಂದು ಅಂದುಕೊಳ್ಳುತ್ತಾರೆ. ಆದರೆ ಆರೋಗ್ಯ ತಜ್ಞರು ಮತ್ತು ಅಧ್ಯಯನಗಳು ಈ ಸಣ್ಣ ಅಭ್ಯಾಸ ಜೀವಕ್ಕೆ ಅಪಾಯಕಾರಿ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು ಎಂದು ಎಚ್ಚರಿಸುತ್ತಾರೆ. ಹೌದು ದಿನಕ್ಕೆ ಒಮ್ಮೆ ಹಲ್ಲುಜ್ಜದೇ ಇರುವುದು ಕೂಡ ಅಪಾಯಕಾರಿ. ಒಟ್ಟಾರೆ ದೇಹದ ಆರೋಗ್ಯಕ್ಕಾಗಿ, ದಿನಕ್ಕೆ ಎರಡು ಬಾರಿ ಹಲ್ಲುಜ್ಜುವುದು ಅತ್ಯಗತ್ಯ. ತಜ್ಞರು ಹೇಳುವ ಪ್ರಕಾರ, ತಿಂದ ಕೇವಲ 20 ನಿಮಿಷಗಳಲ್ಲಿ, ಬಾಯಿಯಲ್ಲಿರುವ ಬ್ಯಾಕ್ಟೀರಿಯಾಗಳು ಸಕ್ಕರೆ ಮತ್ತು ಪಿಷ್ಟವನ್ನು ಆಮ್ಲವಾಗಿ ಪರಿವರ್ತಿಸುತ್ತವೆ. ಈ ಆಮ್ಲವು ಹಲ್ಲಿನ ಹೊರ ಪದರವಾದ ಹಲ್ಲನ್ನು ಹಾನಿಗೊಳಿಸಲು ಪ್ರಾರಂಭಿಸುತ್ತದೆ. ಹಾಗಾದರೆ ಹಲ್ಲುಜ್ಜದಿದ್ದಾಗ ಬಾಯಲ್ಲಿ ಏನೆಲ್ಲಾ ಆಗುತ್ತೆ, ಇದೆಷ್ಟು ಅಪಾಯಕಾರಿ ಎಂಬುದನ್ನು ಈ ಸ್ಟೋರಿ ಮೂಲಕ ತಿಳಿದುಕೊಳ್ಳಿ.
ಸಾಮಾನ್ಯವಾಗಿ ಆಹಾರ ಸೇವನೆ ಮಾಡಿದ ನಂತರ, 4 -6 ಗಂಟೆಗಳಲ್ಲಿ, ಹಲ್ಲುಗಳ ಮೇಲೆ ಪ್ಲೇಕ್ ಎಂಬ ಜಿಗುಟಾದ ಪದರವು ರೂಪುಗೊಳ್ಳಲು ಪ್ರಾರಂಭಿಸುತ್ತದೆ. 12 ಗಂಟೆಗಳ ನಂತರ, ಈ ಪ್ಲೇಕ್ ಗಟ್ಟಿಯಾಗುತ್ತದೆ ಮತ್ತು ಟಾರ್ಟರ್ ಆಗಿ ಬದಲಾಗುತ್ತದೆ. 24 ಗಂಟೆಗಳ ನಂತರ, ಒಸಡುಗಳಲ್ಲಿ ಊತ ಉಂಟಾಗುತ್ತದೆ, ಇದು ರಕ್ತಸ್ರಾವ ಮತ್ತು ದುರ್ವಾಸನೆಗೆ ಕಾರಣವಾಗಬಹುದು. ಏಮ್ಸ್ ದಂತವೈದ್ಯರ ಪ್ರಕಾರ, ನೀವು ಒಂದು ದಿನ ಹಲ್ಲುಜ್ಜುವುದನ್ನು ಬಿಟ್ಟುಬಿಟ್ಟರೆ, ನಿಮ್ಮ ಬಾಯಿಯಲ್ಲಿ ಒಂದು ಮಿಲಿಯನ್ ಬ್ಯಾಕ್ಟೀರಿಯಾಗಳು ಬೆಳೆಯಬಹುದು. ಜೊತೆಗೆ ಕೆಲವು ಸಮಸ್ಯೆಗಳಿಗೆ ಕಾರಣವಾಗಬಹುದು.
ಸಾವಿನ ಅಪಾಯ ಹೆಚ್ಚಳ: ದಿ ಲ್ಯಾನ್ಸೆಟ್ ಜರ್ನಲ್ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಪ್ರತಿದಿನ ಹಲ್ಲುಜ್ಜದ ಜನರಿಗೆ ಸಾವಿನ ಅಪಾಯ 25% ಹೆಚ್ಚಾಗಿರುತ್ತದೆ.
ಹೃದ್ರೋಗದ ಅಪಾಯ: ನೀವು ಒಂದು ವರ್ಷ ಹಲ್ಲುಜ್ಜದಿದ್ದರೆ, ನಿಮ್ಮ ಹೃದ್ರೋಗದ ಅಪಾಯವು ಮೂರು ಪಟ್ಟು ಹೆಚ್ಚಾಗುತ್ತದೆ. ಬಾಯಿಯಲ್ಲಿರುವ ಬ್ಯಾಕ್ಟೀರಿಯಾಗಳು ರಕ್ತಪ್ರವಾಹಕ್ಕೆ ಪ್ರವೇಶಿಸಿ ಅಪಧಮನಿಗಳಲ್ಲಿ ಉರಿಯೂತವನ್ನು ಉಂಟುಮಾಡುತ್ತವೆ. ಇದು ಹೃದಯ ಸಮಸ್ಯೆಗಳಿಗೆ ಕಾರಣವಾಗಬಹುದು.
ಇದನ್ನೂ ಓದಿ: ರಾತ್ರಿ ಹಲ್ಲುಜ್ಜದೇ ಮಲಗ್ತೀರಾ? ಇದು ನಿಮ್ಮ ಹೃದಯದ ಮೇಲೆ ಯಾವ ರೀತಿ ಪರಿಣಾಮ ಬೀರುತ್ತೆ ಗೊತ್ತಾ?
ಉಸಿರಾಟದ ಸೋಂಕುಗಳು: ಬಾಯಿಯಲ್ಲಿರುವ ಬ್ಯಾಕ್ಟೀರಿಯಾಗಳು ಉಸಿರಾಟದ ಸೋಂಕುಗಳು ಮತ್ತು ನ್ಯುಮೋನಿಯಾವನ್ನು ಸಹ ಉಂಟುಮಾಡಬಹುದು.
ಬಾಯಿಯ ಕ್ಯಾನ್ಸರ್: ತಂಬಾಕು ಬಳಸದಿದ್ದರೂ, ಹಲ್ಲುಜ್ಜದವರಿಗೆ ಬಾಯಿಯ ಕ್ಯಾನ್ಸರ್ ಬರುವ ಅಪಾಯ ಹೆಚ್ಚಾಗಿರುತ್ತದೆ.
ಹಲ್ಲು ಕೊಳೆಯುವುದು: ಒಂದು ವರ್ಷದವರೆಗೆ ಹಲ್ಲುಜ್ಜದಿದ್ದರೆ, ಸಂಪೂರ್ಣವಾಗಿ ಕೊಳೆಯಬಹುದು, ಇದು ಹಲ್ಲುಕುಳಿ, ಹುಳು ಮತ್ತು ತೀವ್ರ ಒಸಡು ನೋವಿಗೆ ಕಾರಣವಾಗಬಹುದು ಮತ್ತು ಹಲ್ಲುಗಳು ಸಡಿಲಗೊಂಡು ಬಿದ್ದುಹೋಗಬಹುದು.
ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
